དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Sunday 12 June 2011
༄༅། །གངས་ལྗོངས་འབུམ་རམས་པ་བློ་བཟང་སེང་གེ་ལ་
ནང་གཏམ་དུ་བྱ་བ་རྒན་པོའི་ཁ་བརྡ། །
ན་མོ་གུ་རུ་བུདྡྷ་པདྨ་ཀ་ར་ཡེ། །
ཆེས་མཐོའི་ནོར་འཛིན་ཁྱད་འཕགས་བོད་ཀྱི་ཡུལ། །
སྲིད་པའི་གངས་ལྗོངས་གཡང་གི་ར་བ་ན། །
བསྟན་པའི་གསལ་བྱེད་མཁན་སློབ་རྗེ་འབངས་ཀྱི། །
བཀའ་དྲིན་དྲན་བཞིན་རྒན་པོས་གཏམ་འདི་བྱ། །
དགའ་བའི་གཏམ་གྱི་ངོ་སོ་ཁྱོད་ལ་བསྟོད། །
སྐྱིད་པའི་ཉི་མ་ལ་ཁའི་མི་ཚེ་ལ། །
བདེ་བའི་གོ་སྐབས་རྨི་ལམ་རེ་བ་འདི། །
དཔྱོད་ལྡན་སྲིད་འཛིན་ཁྱེད་ཉིད་ཡིད་དུ་འོང་། །
ཡིད་བཞིན་ནོར་བུའི་ཕྱག་རྒྱའི་གངས་ཅན་པར། །
བསིལ་ལྡན་ཁ་བའི་དགྱ་དཔུང་འཇོམས་པ་ལ། །
བློ་བཟང་སེངྒེའི་ང་སྐད་མ་སྒྲོག་ན། །
གཅན་གཟན་རྒྱ་སྟག་དཔུང་ཤུགས་འགྲན་ནུས་སམ། །
དབུ་མའི་མཁན་པོ་དབུ་ལོ་ཇེ་དཀར་རེད། །
དབུ་མེད་ཇག་པ་ཁྲེལ་མེད་ཇེ་རྒོད་རེད། །
དབུ་ཅན་དབུ་མེད་ཤེས་མཁན་མ་ཡོད་ན། །
དབུ་མ་ཐལ་རང་རྩོད་པ་དོན་མེད་རེད། །
མིང་ཆེན་ཕལ་ཆེར་དགོན་སྡེའི་ལས་ལ་བྲེལ། །
འབྱོར་ལྡན་ཕལ་ཆེར་བསགས་བསྲུང་ནོར་ལ་གཡེང་། །
གཞི་བྱེས་ཕལ་ཆེར་རང་འདོད་ལས་ལ་རྨོངས། །
ཚེ་སྲོག་བོད་ལ་འབུལ་མཁན་ཁྱེད་ཉིད་ཙམ། །
གནའ་རབས་ཕ་མེས་ཞལ་ཆེམས་ཁྱེད་ལ་ཡོད། །
དེང་རབས་འབུམ་རམས་མཁྱེན་རབ་ཁྱོད་ལ་ལྡན། །
བདེན་དྲང་རྒྱ་མའི་ཐིག་ཚད་འཇལ་མཁས་པས། །
བློ་སྤོབས་དཔལ་འབར་གཟི་བརྗིད་ད་ལྟ་ངོམས། །
ཨ་རིའི་སྲིད་འཛིན་ལས་ལྷག་འབུམ་ཆེན་པོ། །
དབང་ཆེན་ཏང་ཡན་ལས་ལྷག་རྣམ་དཔྱོད་ཅན། །
སྤྱི་འཐུས་བཀའ་བློན་ལས་ལྷག་རིས་མེད་པོ། །
ཞི་བདེའི་དེད་དཔོན་འདྲེན་པའི་ཕོ་ཉ་དངོས། །
རྒྱུ་ནོར་དཔུང་གིས་ཐོབ་ཐང་ཉོས་མིན་པར། །
ཁྲིམས་མཐུན་ཤེས་འཇོན་ཅན་གྱི་མི་བུ་ཁྱེད། །
སྤྱི་མཐུན་བོད་མིའི་སྡུག་བསྔལ་བསལ་ཕྱིར་དུ། །
རྒྱལ་དབང་མཆོག་གི་བཞེད་དོན་སྒྲུབས་ཤིག་ཨང་། །
རྒྱལ་སྤྱིའི་གསར་འགྱུར་ཁག་ཏུ་སྙན་ལྷང་ལྷངས། །
རིག་གནས་གསར་རྗེའི་བརྒྱུད་པ་འདར་ཤིག་ཤིགས། །
དམངས་གཙོ་དགའ་བའི་ཕྱག་དར་དཀར་སང་སངས། །
ཆོལ་གསུམ་རེ་བའི་དཔུང་ཤུགས་གནམ་ལ་སྒྲེངས། །
སྤྱི་ཚོགས་མུན་ནག་བསལ་པའི་སྒྲོན་མེ་སྦོར། །
འཛམ་གླིང་ཞི་བདེ་འབྱུང་བའི་ཐབས་ལམ་སྟོན། །
རྨོངས་ཞེན་གཡམ་རྒྱུག་མཁན་ལ་ངོ་ཚ་རྟོད། །
དཔའ་མཛངས་རྟུལ་ཕོད་བག་ཡོད་ལྡན་པར་མཛོད། །
གལ་ཆེན་དུས་ཚོད་རྟེན་འབྲེལ་མ་རལ་བར།
རྒྱ་བོད་སྐྱིད་སྡུག་མཉམ་པའི་རྒྱལ་ཁབ་དང་། །
གཤིན་གསོན་བྱེ་བའི་རེ་བ་མ་གཏོང་བར།  །
སྲིད་ལས་རྒྱལ་བའི་བསྟན་པའི་རྒྱལ་མཚན་སྒྲེངས། །
ཞེས་པའང་རབ་རྒྱན་ལྕགས་ཡོས་ས་ག་ཟླ་བའི་ཡར་ཚེས་བཅུ་ཉིན་ཐོ་རངས་ལ་རྨི་ལམ་བཟང་པོ་ཞིག་རྨིས་པ་དང་སྔ་ཐུན་རིག་འཛིན་འདུས་པའི་ཚོགས་འཁོར་གྱི་བར་གསེང་གསོལ་སྟོན་གྱི་སྐབས་སུ་བོད་ཀྱི་སྲིད་འཛིན་བློ་བཟང་སེངྒེ་འདི་ནི་ཨ་རིའི་སྲིད་འཛིན་ཨོ་བྷ་མ་ལས་སློབ་རིམ་ཤེས་ཚད་ཁོ་མཐོ་བ་རེད་ཅེས་ཨ་རིའི་འབུམ་རམས་པ་དང་ཡོ་གླིང་གི་སློབ་དཔོན་(Prof.Dean Pielstick)མཁན་པོ་དྲི་མེད་ཟླ་བ་དང་ཡོ་གླིང་གི་སློབ་དཔོན་ཆེན་མོ་དྷྲུ་ས་ན་(Dr.Dusana) སོགས་ཀྱིས་བཤད་པ་ཐོས་མ་ཐག་ཅི་དྲན་དུ་ཨ་ཕ་བཟང་གི་བུ་བློ་བཟང་སེང་གེ་ལ་སྤྲིངས་པ་དགེའོ། །
 ཤྲྰི་སརྦ་ལོ་ཀ་ཀེ་ལ་ཤ་བི་ཛ་ཡནྟུ། །

0 comments:

ཟིན་བྲིས་འཚོལ་ཡུལ