Saturday, 25 February 2012
00:27 | 
Posted by
༄༅།། ཨེ་མ་ཧོའི་རིག་མཛོད་། |
ན་མོ་གུ་རུ་པདྨ་ཀ་ར་ཡེ། །
སྐྱེ་མེད་སྟོང་དང་རྟེན་འབྱུང་། །
འགག་མེད་ཟུང་འཇུག་ཡེ་ཤེས། །
སྟོན་མཆོག་མ་ཧྰ་གུ་རུ། །
སྐྱབས་ཀུན་འདུས་པ་མཁྱེན་ནོ། །
བྱམས་བརྩེའི་སྙིང་རྗེ་ཆེན་པོས། །
རྩོད་ལྡན་སྙིགས་མའི་ཞིང་དུ། །
བཟུང་བའི་སྨོན་ལམ་བཏབ་མཛད། །
བཅོམ་ལྡན་འདས་ཀྱིས་དགོངས་ཤིག །
བདག་གཞན་དུས་གསུམ་དགེ་བ། །
ཀུན་བཟང་མཆོད་སྤྲིན་འབུལ་ན། །
ཐོག་མེད་བསགས་པའི་སྡིག་ལྟུང་། །
སྙིང་ནས་འགྱོད་བཤགས་བགྱིའོ། །
འཕགས་དང་སོ་སྐྱེའི་དགེ་བར། །
ཡི་རང་ཆོས་བསྐུལ་བཞུགས་གསོལ། །
སྙིང་ནས་ཡང་ཡང་སྨོན་ལམ། །
འགྲོ་ཀུན་ཕན་བདེར་མཆོད་དོ། །
མགོན་མེད་འགྲོ་བ་འདི་དག །
ཐུགས་རྗེས་ལྷག་པར་བཟུང་བའི། །
དྲིན་ཆེན་རྩ་བརྒྱུད་བླ་མས། །
ཕྲིན་ལས་མཁའ་ཁྱབ་སྨོན་ནོ། །
ཉན་རང་བྱང་སེམས་ཐེག་པ། །
གསང་ཆེན་རྒྱུད་སྡེ་བཞི་དྲུག །
ལུང་རྟོགས་བཤད་སྒྲུབ་བསྟན་པ། །
ཞིང་འདིར་དར་སྨིན་རྒྱལ་ལོ། །
རྒྱལ་བསྟན་ཡིད་བཞིན་ནོར་བུ། །
རྒྱལ་ཁམས་ཀུན་ལ་ཁྱབ་ནས། །
རྒྱལ་སྲས་འཕགས་བཞིའི་དགེ་འདུན། །
བཞེད་དོན་འགྲུབ་པར་སྨོན་ནོ། །
བརྡ་གླུའི་སྨྲས་པའི་དགེ་བས། །
བདག་བཞག་སེམས་ཅན་མ་ལུས། །
དོན་གཉིས་ལྷུན་གྱིས་གྲུབ་པའི། །
བཀྲ་ཤིས་བདེ་ལེགས་ཞུའོ། །
ཤྲྰི་སྨྱོན་པས་ཅི་དྲན་དུ་གུས་ཕུལ། །
Subscribe to:
Post Comments (Atom)
0 comments:
Post a Comment