Thursday, 15 March 2012
14:39 | 
Posted by
༄༅།། ཨེ་མ་ཧོའི་རིག་མཛོད་། |
༄༅། ། ཀུན་མཁྱེན་བླ་མ་ཚུལ་ཁྲིམས་བློ་གྲོས་ཀྱི་ཞབས་བརྟན་གསོལ་འདེབས། །
བྲག་ཕུག་མཱ་ར་ཏི་ཀའི་གནས་མཆོག་ཏུ༔
འཆི་མེད་ཚེ་ཡི་རིག་འཛིན་སྒྲུབ་པའི་ཚེ༔
མགོན་པོ་ཚེ་དཔག་མེད་ཀྱིས་བྱིན་གྱིས་བརླབས༔
སྐྱེ་འཆི་མེད་པ་རྡོ་རྗེའི་ལུས་སུ་གྱུར༔
འཆི་མེད་པདྨ་འབྱུང་གནས་ལ་གསོལ་བ་འདེབས༔
ཕྱོགས་དུས་རྒྱལ་བའི་ཡེ་ཤེས་སྒྱུ་མའི་གར། །
བསམ་ཡས་ལུང་མང་ཚུལ་ཁྲིམས་བློ་གྲོས་ཉིད། །
སླར་ཡང་བྱོན་པའི་སྐྱེས་བུ་ལྷ་ཡི་ཉི། །
གང་གི་ཐུགས་བསྐྱེད་ཕྲིན་ལས་འོད་སྟོང་གིས།།
སྙིགས་ལྔའི་མུན་སྟུག་གཞི་མེད་དབྱིངས་སུ་དེངས། །
ས་ཆེན་འདི་ཉིད་ཤཱཀྱའི་རིང་ལུགས་ཀྱིས། །
དཀར་འབྱམས་ཡུག་གཅིག་བསྒྱུར་བའི་བྱིན་ནུས་དང་། །
སྐུ་ཚེ་བསྐལ་བརྒྱར་བརྟན་པའི་ཤིས་སྨོན་སྩོལ། །
ཞེས་པ་འདི་ཉིད་མིང་རྐྱང་གིས་མཁན་པོ་ཏེ་པ་ཞེས་ཀུན་ནས་འབོད་པ་དེས་རིག་འཛིན་གྱི་རྒྱལ་པོ་པད་འབྱུང་ཡབ་ཡུམ་ནས་འཆི་མེད་ཚེ་ཡི་རིག་འཛིན་གྲུབ་པའི་གནས་མཆོག་བྲག་ཕུག་མཱ་ར་ཏི་ཀའི་ཀེ་ཚང་དུ་ཨོ་རྒྱན་ཡབ་ཡུམ་ལ་གསོལ་བ་རྩེ་གཅིག་ཏུ་འདེབས་བཞིན་ཅི་དྲན་འཕྲལ་དུ་བྲིས་ནས་སྨོན་ལམ་བཏབ་པ་སྟེ་བཀྲ་ཤིས་བདེ་ལེགས་སུ་གྱུར་ཅིག ། བོད་རབ་བྱུང་བཅུ་བདུན་པའི་ས་བྱི་ལོའི་ཟླ༢་པའི་ཚེ༡༡ འདས་ལོ་༢༥༥༢
Subscribe to:
Post Comments (Atom)
0 comments:
Post a Comment