Tuesday, 9 October 2012
07:02 | 
Posted by
༄༅།། ཨེ་མ་ཧོའི་རིག་མཛོད་། |
|
ཨ་ཅེའི་སྙིང་གཏམ། འོས་སྦྱོར།
|
|
[ སྤྲུལ་ཐོབ་ནོར་ཟིན་བྲིས་ལས]
|
 ཁུ་བྱུག་སྔོན་མོའི་གསུང་སྙན་ཐོས་པའི་ཚེ། །སྐྱེ་ཡུལ་ཕ་མ་དྲན་པའི་གསལ་འདེབས་བྱུང་། །ན་ཆུང་མཛེས་མ་རྒྱན་ལྡན་ཡིད་འོང་མ། །མཐོང་བའི་མོད་ལ་རང་ཡུལ་བག་ཆགས་དྲན། །ཨ་ཀྱང་དྲན་པ་མང་པོ་ཀུ་རེ་ཡིན། །དོན་གྱི་དོན་ལ་བསླབ་བྱ་འདི་ལྟར་ཡོད།།ཁྱོད་ནི་ད་ལྟ་སློབ་པ་ལམ་གྱི་དུས། །མི་ཆོས་ལྷ་ཆོས་གཉིས་པོར་མཁས་པ་དགོས།། རིག་གཞུང་ཡོན་ཏན་སྤེལ་བའི་སྦྱིན་པ་དགོས། །ཁྲེལ་དང་ངོ་ཚ་ཤེས་པའི་ཚུལ་ཁྲིམས་དགོས། །བཟང་ངན་འབྲིང་གསུམ་ཁུར་བའི་བཟོད་པ་དགོས། ། འདི་ཕྱིའི་ལས་དོན་གཉེར་བའི་བརྩོན་འགྲུས་དགོས། །དྲང་པོའི་ལམ་ལ་འགྲོ་བའི་བསམ་གཏན་དགོས། །ཆགས་སྡང་མཐའ་ལ་མ་ལྷུང་ཤེས་རབ་དགོས། །སྤྱི་ཁྱབ་འགྲོ་ལ་ཕན་པའི་སྨོན་ལམ་དགོས།། དགོས་པའི་བསླབ་བྱ་ཨ་ཅེའི་སྙིང་གཏམ་ཡིན།།
མཁའ་འགྲོ་བྱང་ཆུབ་ལྷ་མོས་སྐལ་བཟང་སྒྲོལ་མ་ལ་བྲིས་པའི་བསླབ་བྱ་འདི་ཉིད་ངོ་དེབ་ལས་བཤུས་པ་ཡིན།
|
Subscribe to:
Post Comments (Atom)
0 comments:
Post a Comment