Thursday, 3 January 2013
03:39 | 
Posted by
༄༅།། ཨེ་མ་ཧོའི་རིག་མཛོད་། |
༄༅།
།རྗེ་བཙུན་འཕགས་མ་སྒྲོལ་མའི་གསོལ་འདེབས་བར་ཆད་ཀུན་སེལ།
།
ཨོཾ་ན་མོ་ཨརྱ་ཏཱ་ར་ཡེ།
།
ཕྱོགས་དུས་རྒྱལ་བའི་ཐུགས་དམ་རྗེ་བཙུན་མ།
།
མ་ལུས་འགྲོ་བའི་འཇིགས་སྐྱོབ་ཐུགས་རྗེ་ཅན།
།
ཟག་མེད་ཕན་བདེའི་གཏེར་སྦྱིན་ཉེར་གཅིག་ལ།
།
གསོལ་བ་འདེབས་སོ་འགལ་རྐྱེན་བར་ཆད་སོལ།
།
སྣང་སྲིད་དག་མཉམ་རྒྱལ་ཀུན་སྒྱུ་འཕྲུལ་མ།
།
ཕུང་ཁམས་སྐྱེ་མཆེད་རྟེན་འབྲེལ་ཡི་དམ་ལྷ།
།
མཚུངས་མེད་བདེ་ཆེན་སྟེར་བའི་མཛའ་ན་མོར།
།
གསོལ་བ་འདེབས་སོ་བྱང་ཆུབ་སེམས་མཆོག་སྩོལ། །
ཀ་དག་སྟོང་པའི་ངོ་བོ་ཀུན་བཟང་ཡུམ།
།
ལྷུན་གྲུབ་འོད་གསལ་རང་བཞིན་ཡེ་ཤེས་སྒྲོན།
།
དབྱེར་མེད་ཟུང་འཇུག་ཐུགས་རྗེའི་མཁའ་འགྲོ་ལ།
།
གསོལ་བ་འདེབས་སོ་སངས་རྒྱས་མྱུར་ཐོབ་ཤོག
།
ཨོཾ་ཨྰརྱ་ཏ་རེ་ཏྰྃ་སྭྰ་ཧྰ།
ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧྰ།
།
ཞེས་གསོལ་བ་འདེབས་ན་གནས་སྐབས་བར་ཆད་ཞི་བ་དང་མཐར་ཐུག་སངས་རྒྱས་ཐོབ་པའི་དགོས་པའི་གནད་རྒྱ་ཁྱད་པར་ཅན་ཡོད་དོ།
།
ཨེ་ཝྃ་ཆོས་སྨན་ཁང་གི་མཁན་པོ་འོད་གསལ་མཐའ་ཡས་ཀྱིས་དྲན་སྐུལ་ངོར་རབ་རྒྱན་ཆུ་འབྲུག་མགོ་ཟླ་བའི་དབང་ཚེས་བཟང་པོ་འམ།
ཕྱི་ལོ་༢༠༡༣ ༡ ༡
ལ་རིག་འཛིན་དཔལ་དགྱེས་པ་རྡོ་རྗེས་འགྲོ་ཁམས་ཡོངས་ལ་ཕན་བདེའི་ཐབས་སུ་བགྱིས་པར་དགེའོ།
།
Subscribe to:
Post Comments (Atom)
0 comments:
Post a Comment