Sunday 3 February 2013
23:23 | 
Posted by
༄༅།། ཨེ་མ་ཧོའི་རིག་མཛོད་། |
ཨེ་མ་ཧོ་ལ
ལུང་རིགས་གཉིས་མཛོམས་རི་བོ་དགེ་ལྡན་ནས།།
སྤྱོད་ངན་རྙིང་མའི་མཐའ་ཆད་ཨེ་མ་ཧོ།།
ཐུབ་པའི་རྗེས་འབྲང་གྲུབ་མཐའ་མང་ཡོད་ལས།།
དབུས་ལུགས་སྨྲར་བ་རི་བོ་དགེ་ལྡན་ཡིན།།
ཁྱེད་ཚོའི་ལུགས་ལ་དབུ་མ་ཡིན་འདོད་ཡོད།།
དབུ་མ་ཡིན་མིན་དོན་གྱིས་དཔྱད་དགོས་སོ།།
རྒན་མོ་བུ་ཕྲུག་དུ་མ་ཞིག་བཞག་ནས།།
དམ་ཆོས་མཉམ་སུ་ལེན་པའི་ཨེ་མ་ཧོ།།
སྔ་མོར་ཆོས་པ་ཡིན་ཞེས་ཆེ་མདོག་ཞིག།
དགོང་མོར་བུ་མོ་ཞིག་གི་བླ་བར་ན །།
སྔ་ཕྱི་གཉིས་ཀ་གར་གྱི་བྱེད་པོ་སྟེ།།
རྙིང་མའི་གྲུབ་མཐའ་སྨྲར་བའི་ཨེ་མ་ཧོ།།
སྒོམ་པའི་མཉམ་ལེན་སྐལ་བ་སྟོང་ལ་སྦྱང་།།
མཁོར་བའི་བདེ་སྡུག་མི་ཚེ་གང་བོར་གླེང་།།
ཆུང་མ་བྱིས་པ་སོགས་ཀྱིས་ལྟོས་ནས་ཡོད།།
འགན་ཁུར་ཚར་རྒྱུ་མེད་པའི་ཨེ་མ་ཧོ།།
དུང་རབས་འདི་ནི་གཙང་མ་བྱེད་ལ་དགའ།།
རྙིང་མ་ཞེས་པའི་མིང་གི་ཐ་སྙད་འདི།།
གོ་ན་རྣ་ལ་མི་སྙན་དམན་སྒྲ་ལས།།
གཞན་གྱི་ཡུལ་ལ་མི་འཐད་ཨེ་མ་ཧོ།།
གྲོང་ལ་སོང་ནས་གྲོང་མཆོག་འགྲིམས་དུས་ན།།
ལུག་ཤ་མེད་ན་འདོད་པ་མི་འདོད་གི།
འབུལ་བ་མེད་ན་ཐར་བ་མི་ཐོབ་གི།
དམ་ཆོས་རིན་གོང་མཐོ་བའི་ཨེ་མ་ཧོ།།
མཛེས་མ་མིན་ན་མཛད་པ་སྟོན་རྒྱུ་མེད།།
རྒྱུ་ཆེན་མིན་ན་མཇལ་ཁ་འཇོག་རྒྱུ་མེད།།
གཡག་ཤ་མིན་ན་ར་ཤ་བཞེས་རབས་མེད།།
ཡོད་ཙད་ཆབ་སྲིད་ཅན་གྱི་ཨེ་མ་ཧོ།།
ཞེས་པ་འདི་རི་བོ་དགེ་ལྡན་པའི་གཞུང་ལུགས་པ་དགེ་འདུན་ཟླ་གྲགས་ཀྱིས་ཨེ་མ་ཧོའི་མཛད་པ་ཚིགས་སུ་བཅད་པའོ
Subscribe to:
Post Comments (Atom)
0 comments:
Post a Comment