Sunday 7 July 2013
01:06 | 
Posted by
༄༅།། ཨེ་མ་ཧོའི་རིག་མཛོད་། |
༄༅།། སྐུ་ཚེ་ཁྲི་ནས་ཁྲི་ལོར་ཤོག
ཁྲི་འཛུམ་གྲོལ།
བོད་འབྱོར།—–༧གོང་ས་མཆོག་གི་འཁྲུངས་སྐར་གྱི་སྐྱེས་སུ་བཏེགས།
བརྩེ་ཆེན་སྙིང་རྗེའི་རང་གཟུགས་བཟླུམས་པའི་བདེ་སྟོང་གསང་གསུམ་སྒྱུ་མའི་གར།།
སྲིད་ཞིའི་གདུང་སེལ་རྟེན་འབྱུང་ཟབ་མོའི་ཡེ་ཤེས་འོད་ཀྱི་སྣང་བ་འབར།།
གཞན་ཕན་འཚེ་མེད་སྤྱོད་པའི་རླུང་ཤུགས་ལས་ཉོན་འཁོར་བའི་རི་ལ་བརྫུས།།
སྨིན་གྲོལ་བདེ་ཆེན་གཡུ་ལོའི་ཞིང་མཆོག་འགྲོ་ཀུན་འདྲེན་པའི་སྐྱབས་སུ་མཆོད།།
གངས་རིའི་མགོན་པོ་རྒྱལ་ཀུན་རྣམ་འདྲེན་ལྷ་གཅིག་ཕྱག་ན་པད་དཀར་འཆང་།།
ངུར་སྨྲིག་ཐུགས་སྤྲུལ་གར་གྱི་རྣམ་རོལ་མི་ཡི་ཤ་ཚུགས་ཟོལ་གྱིས་བསྟེན།།
ཙོང་ཁ་སྡེ་བརྒྱད་ས་ཡི་ཡང་སྙིང་མེ་ཏོག་བསྐྱོད་པའི་གཡར་མོའི་ཐང་།།
རིགས་རུས་ཆོ་འབྲང་གཙང་མའི་ཁྱིམ་ལ་མཚན་བཟང་ཁྱེའུ་ཞིག་ལྷ་ལས་བབས།།
སྐུ་ན་ཕྲ་མོའི་ལང་ཚོའི་འདབ་སྟོང་ཤེས་རིག་སྐྱེད་མོས་ཚལ་དུ་བཞད།།
སྦྱོང་བརྩོན་དད་མོས་དྲི་བསུང་རླུང་བུས་སྐྱེ་དགུའི་བུང་བ་མགྲོན་དུ་བཀུགས།།
བཅུ་ཕྲག་རིག་པའི་གེ་སར་སྟོང་གིས་བློ་གསལ་འདབ་གཤོག་འོད་དུ་རྩེན།།
ས་ཆེན་ཡངས་པོའི་སྣོད་བཅུད་ཁམས་ལ་བསུབས་མེད་ཞབས་རྗེས་འོད་སྣང་སྦར།།
རྒྱལ་བསྟན་གསེར་རིའི་ལྷུན་པོའི་སྤོ་ལ་འཇིགས་མེད་རིག་པའི་གད་རྒྱངས་སྒྲོག།
བདེན་ལུགས་ཚད་འབྲས་ཚངས་པར་བརྟོལ་བས་ལུང་རྟོགས་བསྟན་པའི་མངའ་བདག་བརྙེས།།
རིས་མེད་གྲུབ་མཐའི་སྲོལ་བཟང་རབ་སྤེལ་ནང་ཆོས་སྨྲ་བའི་དེད་དཔོན་གྲུབ།།
གང་གི་མཛད་འཕྲིན་འོད་སྣང་དཀར་བོས་ཁམས་གསུམ་གདུང་བའི་སྨག་རུམ་གཞིབས།།
བདེན་ལུགས་དཔྱད་གསུམ་ཚད་ལ་གཞལ་བས་བདེན་དོན་སྨྲ་བའི་ཁྱུ་མཆོག་བརྟས།།
རླབས་ཆེན་དཀའ་སྤྱོད་འཚེ་མེད་ལམ་བཟང་ཉམས་ལེན་སྒྲུབ་པའི་དྲང་སྲོང་མཆོག།
ངེས་དོན་འཛམ་གླིང་ཞི་བདེའི་དེད་དཔོན་བྱང་ཆུབ་རྒྱལ་སྲས་འགྲོ་བའི་མགོན།།
སྙིགས་དུས་འགྲོ་བའི་སྐྱབས་གཅིག་མཆོག་ཉིད་ཚེ་རབས་དུ་མའི་སྐྱབས་སུ་འཛིན།།
སྙིང་རྗེའི་འོད་ཞགས་རིང་ནས་འཁྱུགས་པས་ཤར་ནུབ་འཛམ་གླིང་དབང་དུ་བསྡུས།།
ལས་འབྲས་ཚངས་ཐིག་སྲང་ལ་འཇལ་བས་མི་སྟེགས་དད་པའི་སྤུ་ལོང་གཡོ།།
ཁ་བའི་བདེ་སྡུག་གཙོས་གནང་མཛད་པའི་ཆེར་སྙིགས་འགྲོ་བའི་གདུང་བ་ཀུན།།
ཉིད་ཀྱིས་རིང་ནས་ཐུགས་འཁུར་མཛད་པས་འོ་བརྒྱལ་ཉུང་མིན་ཁྱེད་ལ་བཟོས།།
ཁྱོད་ནི་ཁ་བ་གངས་རིའི་ལྗོངས་ཀྱི་སྣོད་བཅུད་བརྟན་པོའི་སྲོག་ཤིང་ཡིན།།
ཁྱོད་ནི་སྐྲ་དཀར་བགྲེས་བོའི་དབྲལ་གྱི་སྲོག་ལས་གཅེས་པའི་མིག་འབྲས་ཡིན།།
ཁྱོད་ནི་མགོ་ནག་དར་མའི་སྙིང་གི་འཕར་རྩ་ལྡིང་བའི་ཟུངས་ཁྲག་ཡིན།།
ཁྱོད་ནི་བོད་མི་ས་ཡ་དྲུག་གི་འདི་ཕྱིའི་རེ་འདུན་བཅོལ་ས་ཡིན།།
རྨད་བྱུང་ལྷག་བསམ་ལྗོན་པའི་བསིལ་གྲིབ་སྙིགས་དུས་འགྲོ་བའི་དཔྱིད་དུ་འབེབས།།
གཞན་ཕན་སེམས་བསྐྱེད་དྲི་གཞོན་རླུང་གིས་བདེན་མཐའི་དབུ་མའི་ལམ་བཟང་འབྱེད།།
བྱམས་བརྩེ་མེ་ཏོག་གངས་ལྷའི་མཚེར་སྡུག་དུང་མདོག་ཁ་བའི་རི་ལ་བཞད།།
གདོང་དམར་ཚང་གིས་བསགས་པའི་བསོད་ནམས་བྱིན་མཐུའི་ནུས་སྟོབས་བསམ་མི་ཁྱབ།།
ཕུན་ཚོགས་དགེ་ལེགས་འོད་སྣང་འཛུམ་ཟེར་རིས་མེད་གཙུག་གི་རྒྱན་དུ་མཆོད།།
དོན་གཉིས་རླབས་ཆེན་སྤྱོད་པའི་བདུད་རྩི་འགྲོ་ཀུན་སྙིང་གི་གསོས་སུ་སྒྲོན།།
རྒྱལ་བསྟན་ཉིན་མོར་གསལ་བར་བྱེད་པའི་འཛམ་གླིང་ཉི་མ་སེར་བོའི་སྤུན།།
དུས་ཀྱི་འོད་སྣང་གངས་རིའི་དབྱིངས་སུ་རྟག་བརྟན་རི་མོའི་དཔལ་གྲུབ་ཤོག།
བདག་སྙིང་དད་གསུམ་འཛུམ་པའི་མེ་ཏོག་དབང་མེད་བཞད་པའི་ལང་ཚོ་ཡིས།།
གང་གི་མཛད་འཕྲིན་མུ་མེད་རྒྱ་མཚོར་ཆུ་ཐིགས་ཙམ་ཞིག་བླངས་པ་འདིས།།
བདག་ཀྱང་ཚེ་རབས་དུ་མར་རྗེས་འཛིན་རྒྱལ་བའི་བསྟན་ལ་ལེགས་མཇལ་ནས།།
རིང་མིན་རྣམ་འདྲེན་རྒྱལ་བའི་གོ་འཕང་མྱུར་དུ་འཐོབ་པའི་རྒྱུར་གྱུར་ཅིག།
སྤྱི་ལོ2013ལོའི་ཟླ་7པའི་ཚེས་6ཉིན་གྱི་ཞོགས་པར།
བརྩེ་ཆེན་སྙིང་རྗེའི་རང་གཟུགས་བཟླུམས་པའི་བདེ་སྟོང་གསང་གསུམ་སྒྱུ་མའི་གར།།
སྲིད་ཞིའི་གདུང་སེལ་རྟེན་འབྱུང་ཟབ་མོའི་ཡེ་ཤེས་འོད་ཀྱི་སྣང་བ་འབར།།
གཞན་ཕན་འཚེ་མེད་སྤྱོད་པའི་རླུང་ཤུགས་ལས་ཉོན་འཁོར་བའི་རི་ལ་བརྫུས།།
སྨིན་གྲོལ་བདེ་ཆེན་གཡུ་ལོའི་ཞིང་མཆོག་འགྲོ་ཀུན་འདྲེན་པའི་སྐྱབས་སུ་མཆོད།།
གངས་རིའི་མགོན་པོ་རྒྱལ་ཀུན་རྣམ་འདྲེན་ལྷ་གཅིག་ཕྱག་ན་པད་དཀར་འཆང་།།
ངུར་སྨྲིག་ཐུགས་སྤྲུལ་གར་གྱི་རྣམ་རོལ་མི་ཡི་ཤ་ཚུགས་ཟོལ་གྱིས་བསྟེན།།
ཙོང་ཁ་སྡེ་བརྒྱད་ས་ཡི་ཡང་སྙིང་མེ་ཏོག་བསྐྱོད་པའི་གཡར་མོའི་ཐང་།།
རིགས་རུས་ཆོ་འབྲང་གཙང་མའི་ཁྱིམ་ལ་མཚན་བཟང་ཁྱེའུ་ཞིག་ལྷ་ལས་བབས།།
སྐུ་ན་ཕྲ་མོའི་ལང་ཚོའི་འདབ་སྟོང་ཤེས་རིག་སྐྱེད་མོས་ཚལ་དུ་བཞད།།
སྦྱོང་བརྩོན་དད་མོས་དྲི་བསུང་རླུང་བུས་སྐྱེ་དགུའི་བུང་བ་མགྲོན་དུ་བཀུགས།།
བཅུ་ཕྲག་རིག་པའི་གེ་སར་སྟོང་གིས་བློ་གསལ་འདབ་གཤོག་འོད་དུ་རྩེན།།
ས་ཆེན་ཡངས་པོའི་སྣོད་བཅུད་ཁམས་ལ་བསུབས་མེད་ཞབས་རྗེས་འོད་སྣང་སྦར།།
རྒྱལ་བསྟན་གསེར་རིའི་ལྷུན་པོའི་སྤོ་ལ་འཇིགས་མེད་རིག་པའི་གད་རྒྱངས་སྒྲོག།
བདེན་ལུགས་ཚད་འབྲས་ཚངས་པར་བརྟོལ་བས་ལུང་རྟོགས་བསྟན་པའི་མངའ་བདག་བརྙེས།།
རིས་མེད་གྲུབ་མཐའི་སྲོལ་བཟང་རབ་སྤེལ་ནང་ཆོས་སྨྲ་བའི་དེད་དཔོན་གྲུབ།།
གང་གི་མཛད་འཕྲིན་འོད་སྣང་དཀར་བོས་ཁམས་གསུམ་གདུང་བའི་སྨག་རུམ་གཞིབས།།
བདེན་ལུགས་དཔྱད་གསུམ་ཚད་ལ་གཞལ་བས་བདེན་དོན་སྨྲ་བའི་ཁྱུ་མཆོག་བརྟས།།
རླབས་ཆེན་དཀའ་སྤྱོད་འཚེ་མེད་ལམ་བཟང་ཉམས་ལེན་སྒྲུབ་པའི་དྲང་སྲོང་མཆོག།
ངེས་དོན་འཛམ་གླིང་ཞི་བདེའི་དེད་དཔོན་བྱང་ཆུབ་རྒྱལ་སྲས་འགྲོ་བའི་མགོན།།
སྙིགས་དུས་འགྲོ་བའི་སྐྱབས་གཅིག་མཆོག་ཉིད་ཚེ་རབས་དུ་མའི་སྐྱབས་སུ་འཛིན།།
སྙིང་རྗེའི་འོད་ཞགས་རིང་ནས་འཁྱུགས་པས་ཤར་ནུབ་འཛམ་གླིང་དབང་དུ་བསྡུས།།
ལས་འབྲས་ཚངས་ཐིག་སྲང་ལ་འཇལ་བས་མི་སྟེགས་དད་པའི་སྤུ་ལོང་གཡོ།།
ཁ་བའི་བདེ་སྡུག་གཙོས་གནང་མཛད་པའི་ཆེར་སྙིགས་འགྲོ་བའི་གདུང་བ་ཀུན།།
ཉིད་ཀྱིས་རིང་ནས་ཐུགས་འཁུར་མཛད་པས་འོ་བརྒྱལ་ཉུང་མིན་ཁྱེད་ལ་བཟོས།།
ཁྱོད་ནི་ཁ་བ་གངས་རིའི་ལྗོངས་ཀྱི་སྣོད་བཅུད་བརྟན་པོའི་སྲོག་ཤིང་ཡིན།།
ཁྱོད་ནི་སྐྲ་དཀར་བགྲེས་བོའི་དབྲལ་གྱི་སྲོག་ལས་གཅེས་པའི་མིག་འབྲས་ཡིན།།
ཁྱོད་ནི་མགོ་ནག་དར་མའི་སྙིང་གི་འཕར་རྩ་ལྡིང་བའི་ཟུངས་ཁྲག་ཡིན།།
ཁྱོད་ནི་བོད་མི་ས་ཡ་དྲུག་གི་འདི་ཕྱིའི་རེ་འདུན་བཅོལ་ས་ཡིན།།
རྨད་བྱུང་ལྷག་བསམ་ལྗོན་པའི་བསིལ་གྲིབ་སྙིགས་དུས་འགྲོ་བའི་དཔྱིད་དུ་འབེབས།།
གཞན་ཕན་སེམས་བསྐྱེད་དྲི་གཞོན་རླུང་གིས་བདེན་མཐའི་དབུ་མའི་ལམ་བཟང་འབྱེད།།
བྱམས་བརྩེ་མེ་ཏོག་གངས་ལྷའི་མཚེར་སྡུག་དུང་མདོག་ཁ་བའི་རི་ལ་བཞད།།
གདོང་དམར་ཚང་གིས་བསགས་པའི་བསོད་ནམས་བྱིན་མཐུའི་ནུས་སྟོབས་བསམ་མི་ཁྱབ།།
ཕུན་ཚོགས་དགེ་ལེགས་འོད་སྣང་འཛུམ་ཟེར་རིས་མེད་གཙུག་གི་རྒྱན་དུ་མཆོད།།
དོན་གཉིས་རླབས་ཆེན་སྤྱོད་པའི་བདུད་རྩི་འགྲོ་ཀུན་སྙིང་གི་གསོས་སུ་སྒྲོན།།
རྒྱལ་བསྟན་ཉིན་མོར་གསལ་བར་བྱེད་པའི་འཛམ་གླིང་ཉི་མ་སེར་བོའི་སྤུན།།
དུས་ཀྱི་འོད་སྣང་གངས་རིའི་དབྱིངས་སུ་རྟག་བརྟན་རི་མོའི་དཔལ་གྲུབ་ཤོག།
བདག་སྙིང་དད་གསུམ་འཛུམ་པའི་མེ་ཏོག་དབང་མེད་བཞད་པའི་ལང་ཚོ་ཡིས།།
གང་གི་མཛད་འཕྲིན་མུ་མེད་རྒྱ་མཚོར་ཆུ་ཐིགས་ཙམ་ཞིག་བླངས་པ་འདིས།།
བདག་ཀྱང་ཚེ་རབས་དུ་མར་རྗེས་འཛིན་རྒྱལ་བའི་བསྟན་ལ་ལེགས་མཇལ་ནས།།
རིང་མིན་རྣམ་འདྲེན་རྒྱལ་བའི་གོ་འཕང་མྱུར་དུ་འཐོབ་པའི་རྒྱུར་གྱུར་ཅིག།
སྤྱི་ལོ2013ལོའི་ཟླ་7པའི་ཚེས་6ཉིན་གྱི་ཞོགས་པར།
ས་སྒང་འཛུམ་གྱིས་བསུ་བའི་གད་མོ་ཅན།
ཁྲོ་གཏུམ།—–༧གོང་ས་མཆོག་གི་སྐུའི་འཁྲུངས་དཀར་གྱི་ཉིན་མོར་ཕུལ་བའི་སེམས་ཞིག
གློ་བུར་གྱི་སྒྲ་དག་གིས་མི་སེམས་སྒུལ་ཏེ
འཇིག་རྟེན་སྔོན་ཆད་ལྷིང་འཇག་དང
དུས་དེ་རིང་ཟང་ཟིང་ཡིན་པར་འགྲེལ་མཁན་རྣམ
འཇིག་རྟེན་ལ་འགྲེལ་བ་འབྲི་མཁན་དེ་དག
ཅ་ཅོ་མང་བོའི་བར་སྣང་ན
སུ་ཞིག་གིས་ནམ་འཕང་གཅོད་པར་སྙེག་རུང
ང འི་སེམས་ཁོང་གི་འཛུམ་མདངས་ཅན་དེས
ཁྱོད་ཚོར་བཞད་གད་གཅིག་སྟོན་པ་ཡང
ལོ་རྒྱུའི་ངོས་ཀྱི་ཐིག་ཕྲེང་དཀར་པོ་དེ་ཡིན
གོ་ལ་ཟླུམ་པོར་བྲིས་པའི་རི་མོ་དབྱིབས་སུ
སེམས་གཏམ་དུ་རློམ་པའི་རག་ཟིན་ཡོད་ཀྱང་ཆོག་རུང
གངས་རི་སྔར་ལྟར་ཁྱོད་ཅག་གི་སྡུག་མོས་སུ་འགྲེང་ཚུག་བྱེད་པ་དེ
གཡག་སྡོམ་འགའི་བློ་སྣ་གང་ལ་ཁྲིད་པའི་སྣ་ཐིག་དམ་པོ་ལས
གནའ་སྔ་མོའི་དུས་མཚམས ་ཤིག་གི་ལོ་གྲངས་འདེད་ཞོར
ལྗང་མདོག་གི་ཁོར་ཡུག་འཇམ་པོ་དེ་ནི
འཛུམ་མདངས་དང་བཞད་གད་ཀྱི་བདག་པོ་ནས
འཛམ་གླིང་ལ་བཞགས་པའི་ཞབས་རྗེས་དག་ནི་དཀར་དཀར་ཡིན
སྐད་ཆའི་བར་དུ་མི་སེམས་མ་རྙེད་པའི་ཡུལ་གྲུ་དག་ལ
མི་ཡུལ་དེ་གང་དུ་ལུས་པའི་ཐིག་ལྷག་ཏུ་མི་རྩི་བར
སེམས་པ་འགུལ་བའི་ཁྲོད་ཀྱི་ཁྱོད་དང་ང་ནི
དགོད་སྒྲ་གང་ཞིག་གི་བྱས་འབྲས་དང
འཛུམ་མདངས་གང་ཞིག ་གི་སྐྱབ་བཅོལ་ཡིན་པ
ས་སྒང་འཛུམ་གྱིས་བསུ་བའི་མི་དེའམ
གཅེས་ཀ་མི་ལ་བཅངས་བའི་བླ་གསོན་པོ་དེ་ནས
སེར་ལམ་མེར་ཤར་བའི་དྲོད་ཐིག་ཅིག་ལ་ཐུག
༢༠༡༣／7／28ཉིན།
གློ་བུར་གྱི་སྒྲ་དག་གིས་མི་སེམས་སྒུལ་ཏེ
འཇིག་རྟེན་སྔོན་ཆད་ལྷིང་འཇག་དང
དུས་དེ་རིང་ཟང་ཟིང་ཡིན་པར་འགྲེལ་མཁན་རྣམ
འཇིག་རྟེན་ལ་འགྲེལ་བ་འབྲི་མཁན་དེ་དག
ཅ་ཅོ་མང་བོའི་བར་སྣང་ན
སུ་ཞིག་གིས་ནམ་འཕང་གཅོད་པར་སྙེག་རུང
ང འི་སེམས་ཁོང་གི་འཛུམ་མདངས་ཅན་དེས
ཁྱོད་ཚོར་བཞད་གད་གཅིག་སྟོན་པ་ཡང
ལོ་རྒྱུའི་ངོས་ཀྱི་ཐིག་ཕྲེང་དཀར་པོ་དེ་ཡིན
གོ་ལ་ཟླུམ་པོར་བྲིས་པའི་རི་མོ་དབྱིབས་སུ
སེམས་གཏམ་དུ་རློམ་པའི་རག་ཟིན་ཡོད་ཀྱང་ཆོག་རུང
གངས་རི་སྔར་ལྟར་ཁྱོད་ཅག་གི་སྡུག་མོས་སུ་འགྲེང་ཚུག་བྱེད་པ་དེ
གཡག་སྡོམ་འགའི་བློ་སྣ་གང་ལ་ཁྲིད་པའི་སྣ་ཐིག་དམ་པོ་ལས
གནའ་སྔ་མོའི་དུས་མཚམས ་ཤིག་གི་ལོ་གྲངས་འདེད་ཞོར
ལྗང་མདོག་གི་ཁོར་ཡུག་འཇམ་པོ་དེ་ནི
འཛུམ་མདངས་དང་བཞད་གད་ཀྱི་བདག་པོ་ནས
འཛམ་གླིང་ལ་བཞགས་པའི་ཞབས་རྗེས་དག་ནི་དཀར་དཀར་ཡིན
སྐད་ཆའི་བར་དུ་མི་སེམས་མ་རྙེད་པའི་ཡུལ་གྲུ་དག་ལ
མི་ཡུལ་དེ་གང་དུ་ལུས་པའི་ཐིག་ལྷག་ཏུ་མི་རྩི་བར
སེམས་པ་འགུལ་བའི་ཁྲོད་ཀྱི་ཁྱོད་དང་ང་ནི
དགོད་སྒྲ་གང་ཞིག་གི་བྱས་འབྲས་དང
འཛུམ་མདངས་གང་ཞིག ་གི་སྐྱབ་བཅོལ་ཡིན་པ
ས་སྒང་འཛུམ་གྱིས་བསུ་བའི་མི་དེའམ
གཅེས་ཀ་མི་ལ་བཅངས་བའི་བླ་གསོན་པོ་དེ་ནས
སེར་ལམ་མེར་ཤར་བའི་དྲོད་ཐིག་ཅིག་ལ་ཐུག
༢༠༡༣／7／28ཉིན།
ཕག་ལོ་བ། ངས་ཁྱེད་ལ་འདྲི།
རོང་པོ་དགེ་འདུན་ལྷུན་གྲུབ།
བོད་འབྱོར།
ཕག་ལོ་བ།
ངས་ཁྱེད་ལ་འདྲི
ཁྱེད་ཀྱི་ཕ་ཡུལ་གང་ན་ཡོད
ཁྱེད་ཀྱི་ཕོ་བྲང་གང་ན་ཡོད
ད་ལྟ་ཁྱེད་ཀྱི་གསེར་ཁྲི་སེར་པོའི་ཡང་སྟེང་ལ
ངེད་ཅག་གིས་ལག་པ་འདར་གྱིན་རྡུལ་ཕྱགས་རྒྱག་གིན་ཡོད
ཁྱེད་རང་ག་དུས་ཤིག་ལ
དབུ་སྐྲ་དཀར་པོ་བརྩེ་བས་སྒུལ་བཞིན
འཛུམ་མདངས་དཀར་པོ་སྐྱོ་བས་སྒུལ་བཞིན
སྤྲིན་དཀར་པོ་ཞིག་གི་ཀློང་ནས་ཕེབས་སྲིད་དམ
ཁྱེད་ཀྱི་ཕ་ཡུལ་གང་ན་ཡོད
ཁྱེད་ཀྱི་ཕོ་བྲང་གང་ན་ཡོད
ད་ལྟ་ཁྱེད་ཀྱི་གསེར་ཁྲི་སེར་པོའི་ཡང་སྟེང་ལ
ངེད་ཅག་གིས་ལག་པ་འདར་གྱིན་རྡུལ་ཕྱགས་རྒྱག་གིན་ཡོད
ཁྱེད་རང་ག་དུས་ཤིག་ལ
དབུ་སྐྲ་དཀར་པོ་བརྩེ་བས་སྒུལ་བཞིན
འཛུམ་མདངས་དཀར་པོ་སྐྱོ་བས་སྒུལ་བཞིན
སྤྲིན་དཀར་པོ་ཞིག་གི་ཀློང་ནས་ཕེབས་སྲིད་དམ
ཕག་ལོ་བ།
ངས་ཁྱེད་ལ་འདྲི།
ཁྱེད་རང་གང་དུ་ཐོན་ས་ནས
ངའི་མི་རིགས་སྐྱོབ་རོགས
ངའི་རིག་གཞུང་དང་ཆོས་ལུགས་སྐྱོབ་རོགས་ཞེས
བྱིན་པ་གུག་གུག་དང་དབུ་ལོ་ལྡེམ་ལྡེམ་གྱིས
སྐྱོ་བ་ཡོངས་རྫོགས་ཁོག་ལ་བཅུག་ནས
སྐབས་རེ་དབུགས་རིང་གྲང་མོ་ཕྱི་རུ་གཏོང་གིན
སོར་མོ་སྙིང་གར་སྦྱར་ནས
ལོ་ན་བདུན་བཅུའི་ལུས་པོ་ཤུགས་ཀྱིས་བཏེགས་ནས
ཉིན་དང་མཚན དབྱར་དང་དགུན
གང་ལ་འང་བལྟས་པ་མེད་པར
ཕེབས་བཞིན་པ་ངེད་ཅག་གིས་མཐོང་ཡོད
ངེད་ཅག་གིས་ཀྱང་མགོ་བོ་རུམ་ལ་བཅུག་ནས
སུས་ཀྱང་མི་ཚོར་བའི་ངང་ནས
ཁྱེད་ཀྱི་སྐུ་ཚེ་རིང་བའི་སྨོན་ལམ་འདེབས་བཞིན་ཡོད
ཁྱེད་རང་གང་དུ་ཐོན་ས་ནས
ངའི་མི་རིགས་སྐྱོབ་རོགས
ངའི་རིག་གཞུང་དང་ཆོས་ལུགས་སྐྱོབ་རོགས་ཞེས
བྱིན་པ་གུག་གུག་དང་དབུ་ལོ་ལྡེམ་ལྡེམ་གྱིས
སྐྱོ་བ་ཡོངས་རྫོགས་ཁོག་ལ་བཅུག་ནས
སྐབས་རེ་དབུགས་རིང་གྲང་མོ་ཕྱི་རུ་གཏོང་གིན
སོར་མོ་སྙིང་གར་སྦྱར་ནས
ལོ་ན་བདུན་བཅུའི་ལུས་པོ་ཤུགས་ཀྱིས་བཏེགས་ནས
ཉིན་དང་མཚན དབྱར་དང་དགུན
གང་ལ་འང་བལྟས་པ་མེད་པར
ཕེབས་བཞིན་པ་ངེད་ཅག་གིས་མཐོང་ཡོད
ངེད་ཅག་གིས་ཀྱང་མགོ་བོ་རུམ་ལ་བཅུག་ནས
སུས་ཀྱང་མི་ཚོར་བའི་ངང་ནས
ཁྱེད་ཀྱི་སྐུ་ཚེ་རིང་བའི་སྨོན་ལམ་འདེབས་བཞིན་ཡོད
ངའི་རྨི་ལམ།
ཀླུ་སྨྱོན།
འཁྲུངས་སྐར་ཞིག་ལ།
མདང་གསུམ་ང་ཡི་རྨི་ལམ་ནང་། །
པོ་ཏ་ལ་ཡི་གསེར་ཁྲིའི་སྟེང་། །
ལོ་ངོ་དྲུག་ཅུའི་ས་རྡུལ་དག །
བདག་གིས་གཙང་མར་ཕྱིས་པ་རྨིས། །
གཟི་བརྗིད་འབར་བའི་པོ་ཏ་ལའི། །
ཚ་དྲོད་འཇགས་པའི་རྡོ་སྐས་དག །
མེ་ཏོག་དཀར་པོའི་ཆར་བ་ཡིས། །
ཡང་དང་སྐྱར་དུ་བརླན་པ་རྨིས། །
ནོར་བུ་གླིང་གའི་ཚོམས་ཆེན་དུ། །
ཁ་བཏགས་དཀར་པོའི་ལྡོག་འོད་ཀྱིས། །
སྤྲིན་པ་དག་ནི་མགོ་འཁོར་ཏེ། །
ས་ལ་བབས་པའི་སྙན་ངག་བརྩེགས། །
བར་སྐོར་ལྷ་བསང་དུ་ཞགས་ནི། །
སེམས་དང་སེམས་པའི་གསེང་འཐིབས་ཏེ། །
ཡི་གེ་དྲུག་མའི་ཟློས་བརྗོད་ཀྱི། །
དབྱངས་རྟས་ལོ་ངོ་སྟོང་ཕྲག་གྱེར། །
སྐྱིད་ཆུས་སྐྱིད་པའི་འཛུམ་དམུལ་ཞིང་། །
ལྷ་སའི་ལུང་གཞོང་ལྷོད་ཤིག་གེ །
བཙོན་ར་མེད་ཅིང་སོ་ཉུལ་མེད། །
ཉི་མའི་འོད་ཀྱི་གྲོང་ཁྱེར་ཞིག །
ལྷ་ཡུལ་ས་ལ་བབས་པ་དང་། །
མི་ཡུལ་བདེ་སྐྱིད་ལྡན་པ་ཡི། །
རྨི་ལམ་འདི་ཡིས་ཁྱེད་ཉིད་ཀྱི། །
འཁྲུངས་སྐུར་བསུ་བར་བདག་སྤྲོ་འོ། །
འཁྲུངས་སྐར་ཞིག་ལ།
མདང་གསུམ་ང་ཡི་རྨི་ལམ་ནང་། །
པོ་ཏ་ལ་ཡི་གསེར་ཁྲིའི་སྟེང་། །
ལོ་ངོ་དྲུག་ཅུའི་ས་རྡུལ་དག །
བདག་གིས་གཙང་མར་ཕྱིས་པ་རྨིས། །
གཟི་བརྗིད་འབར་བའི་པོ་ཏ་ལའི། །
ཚ་དྲོད་འཇགས་པའི་རྡོ་སྐས་དག །
མེ་ཏོག་དཀར་པོའི་ཆར་བ་ཡིས། །
ཡང་དང་སྐྱར་དུ་བརླན་པ་རྨིས། །
ནོར་བུ་གླིང་གའི་ཚོམས་ཆེན་དུ། །
ཁ་བཏགས་དཀར་པོའི་ལྡོག་འོད་ཀྱིས། །
སྤྲིན་པ་དག་ནི་མགོ་འཁོར་ཏེ། །
ས་ལ་བབས་པའི་སྙན་ངག་བརྩེགས། །
བར་སྐོར་ལྷ་བསང་དུ་ཞགས་ནི། །
སེམས་དང་སེམས་པའི་གསེང་འཐིབས་ཏེ། །
ཡི་གེ་དྲུག་མའི་ཟློས་བརྗོད་ཀྱི། །
དབྱངས་རྟས་ལོ་ངོ་སྟོང་ཕྲག་གྱེར། །
སྐྱིད་ཆུས་སྐྱིད་པའི་འཛུམ་དམུལ་ཞིང་། །
ལྷ་སའི་ལུང་གཞོང་ལྷོད་ཤིག་གེ །
བཙོན་ར་མེད་ཅིང་སོ་ཉུལ་མེད། །
ཉི་མའི་འོད་ཀྱི་གྲོང་ཁྱེར་ཞིག །
ལྷ་ཡུལ་ས་ལ་བབས་པ་དང་། །
མི་ཡུལ་བདེ་སྐྱིད་ལྡན་པ་ཡི། །
རྨི་ལམ་འདི་ཡིས་ཁྱེད་ཉིད་ཀྱི། །
འཁྲུངས་སྐུར་བསུ་བར་བདག་སྤྲོ་འོ། །
སྐྱེས་ཆེན་དམ་པ་ཞིག་གི་འཁྲུངས་སྐར་བསུ་བ།
གཉན་པོ།
གནམ་ས་གཉིས་ལ་ཁ་དོག་གནང་བའི་སྐྱེས་བུ
བདག་གི་རི་རབ་ལས་ཀྱང་དབུ་འཕང་མཐོ་ཨང
འཇིག་རྟེན་གྱི་གནས་ལུགས་ལ་གྲག་འགུལ་མེད་པའི་དེ་རིང
ང་ཚོ་ད་དུང་རི་བོའི་ཕ་རོལ་ན་ཡོད
སྐྱེ་བུ་འདིའི་ངག་གི་གསུང་རབ་ངོས་སུ
མིའི་རིགས་ཀྱིས་ཞི་བའི་ཕོ་བྲང་བཟོ་རྒྱུ་ཡིན་ཚུལ་སྨྲ
གངས་དང་ཕ་ཡུལ་ཟེར་བ་ཞིག་ལ
གླིང་ལྔ་དང་གནམ་འོག་ཅེས་པ་ཞིག་ལ
བླ་སྲོག་གི་བདེན་པ་བཞེང་གིན་ཡོད
ཉི་འོད་ལ་སྨྲ་བ་མེད་པར་ཁེར་འགྲོ་བྱེད་དུས
ལོ་རྒྱུས་ཀྱིས་ཀུ་རེ་དང་མཉམ་དུ་མིག་ཆུ་སློང་དུས
ཁྱེད་ཁོ་ནས་བརྩེ་བ་དང་བྱིན་རླབས་གནངས་ཡོད
ཤེས་རབ་ཀྱི་འོད་འཚོལ་བ་བཞིན
བདེན་ལུགས་ཀྱི་དཔལ་འཚོལ་བ་བཞིན
མི་བོ་ཆེ་དེ་རང་ཉིད་ཀྱི་རྒྱུ་མཚན་དང་བཅས་ཏེ་བཞུགས་ཡོད
འགྲོ་བའི་བླ་དེ་ཁ་བའི་གདངས་འགྲོས་དང་མཉམ་དུ་གནས་ཡོད
༢༠༡༣ ལོའི་འཁྲུངས་སྐར་སྐབས་སུ་བྲིས།
གནམ་ས་གཉིས་ལ་ཁ་དོག་གནང་བའི་སྐྱེས་བུ
བདག་གི་རི་རབ་ལས་ཀྱང་དབུ་འཕང་མཐོ་ཨང
འཇིག་རྟེན་གྱི་གནས་ལུགས་ལ་གྲག་འགུལ་མེད་པའི་དེ་རིང
ང་ཚོ་ད་དུང་རི་བོའི་ཕ་རོལ་ན་ཡོད
སྐྱེ་བུ་འདིའི་ངག་གི་གསུང་རབ་ངོས་སུ
མིའི་རིགས་ཀྱིས་ཞི་བའི་ཕོ་བྲང་བཟོ་རྒྱུ་ཡིན་ཚུལ་སྨྲ
གངས་དང་ཕ་ཡུལ་ཟེར་བ་ཞིག་ལ
གླིང་ལྔ་དང་གནམ་འོག་ཅེས་པ་ཞིག་ལ
བླ་སྲོག་གི་བདེན་པ་བཞེང་གིན་ཡོད
ཉི་འོད་ལ་སྨྲ་བ་མེད་པར་ཁེར་འགྲོ་བྱེད་དུས
ལོ་རྒྱུས་ཀྱིས་ཀུ་རེ་དང་མཉམ་དུ་མིག་ཆུ་སློང་དུས
ཁྱེད་ཁོ་ནས་བརྩེ་བ་དང་བྱིན་རླབས་གནངས་ཡོད
ཤེས་རབ་ཀྱི་འོད་འཚོལ་བ་བཞིན
བདེན་ལུགས་ཀྱི་དཔལ་འཚོལ་བ་བཞིན
མི་བོ་ཆེ་དེ་རང་ཉིད་ཀྱི་རྒྱུ་མཚན་དང་བཅས་ཏེ་བཞུགས་ཡོད
འགྲོ་བའི་བླ་དེ་ཁ་བའི་གདངས་འགྲོས་དང་མཉམ་དུ་གནས་ཡོད
༢༠༡༣ ལོའི་འཁྲུངས་སྐར་སྐབས་སུ་བྲིས།
Subscribe to:
Post Comments (Atom)
0 comments:
Post a Comment