Tuesday 5 November 2013
13:31 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །མཁན་ཆེན་བླ་མ་དཔལ་དགྱེས་པ་རྡོ་རྗེའི་སྐུ་ཕྲེང་གསོལ་འདེབས།
ཨེ་མ་ཧོ།
ངོ་བོ་སྤྲོས་བྲལ་ཆོས་སྐུ་ཀུན་ཏུ་བཟང་༎
རང་བཞིན་མ་འགགས་ཡེ་ཤེས་རིགས་ལྔའི་ཚོགས༎
ཐུགས་རྗེའི་རོལ་རྩལ་རྒྱལ་ཀུན་དགྱེས་པའི་གར༎
ཁྱབ་བདག་མཁན་ཆེན་བླ་མ་གསོལ་བ་འདེབས༎
འགྲོ་ཀུན་མ་རིག་རྨོངས་མུན་བསལ་བའི་དཔལ།།
བྱང་ཆུབ་སྤྱོད་པ་རྒྱ་མཚོར་དགྱེས་མཛད་པ།།
གསང་ཆེན་ཐེག་པའི་རིག་འཛིན་རྡོ་རྗེ་འཆང་།།
མཁས་གྲུབ་རིག་འཛིན་བླ་མ་གསོལ་བ་འདེབས།།
སྔོན་ཚེ་དེ་བཞིན་གཤེགས་པ་དཔལ་དགྱེས་པ།།
བྱང་ཆུབ་སེམས་དཔའ་ཆེན་པོ་འཇམ་དཔལ་དབྱངས།།
བསམ་བཞིན་འགྲོ་ཁམས་འདྲེན་པའི་དེད་དཔོན་མཆོག།
སྐྱབས་གནས་དགེ་འདུན་རིན་ཆེན་གསོལ་བ་འདེབས།།
ཐུབ་པའི་སྤྱན་སྔར་འཕགས་པ་ཤྰ་རིའི་བུ།།
འཕགས་པའི་ཡུལ་དུ་འཇམ་དཔལ་བཤེས་གཉེན་དང་།།
གངས་རིའི་ལྗོངས་སུ་སངས་རྒྱས་ཡེ་ཤེས་རྗེ།།
ལྷ་སྲས་དགྲ་ལྷ་རྩེ་རྒྱལ་གསོལ་བ་འདེབས། །
འབྲུག་པ་པདྨ་དཀར་དང་ཞིང་ཁྲོམ་རྒྱལ།།
ཡེ་ཤེས་རྡོ་རྗེ་གཏེར་ཆེན་རིག་པ་འཛིན།།
པདྨ་དྲག་སྔགས་གླིང་པར་གསོལ་བ་འདེབས།།
ཁྱད་པར་སྙིགས་མའི་དུས་ཀྱི་ཡང་མཐའ་རུ།།
བསམ་བཞིན་འགྲོ་ཁམས་འདྲེན་པའི་དགེ་བའི་བཤེས།།
རྫོགས་ཆེན་བསྟན་པའི་མངའ་བདག་ཆོས་ཀྱི་རྗེ།།
མཁན་ཆེན་དཔལ་དགྱེས་རྡོ་རྗེ་གསོལ་བ་འདེབས།།
གངས་རིའི་ལྗོངས་འདིར་པདྨ་འབྱུང་གནས་བཞིན།།
བཀའ་དྲིན་མཚུངས་མེད་འབྲེལ་ཚད་དོན་ལྡན་མཆོག།
མཐོང་ཐོས་དྲན་རེག་སྨིན་གྲོལ་འགོད་མཛད་པ།།
ངག་དབང་ཆོས་དབྱིངས་བློ་གྲོས་གསོལ་བ་འདེབས།།
མ་འོངས་རིགས་ལྡན་དྲག་པོའི་དམག་དཔོན་ཆེ།།
བདེ་ཆེན་ཡེ་ཤེས་རྡོ་རྗེ་དྲག་པོ་རྩལ།།
བསྐལ་བཟང་སངས་རྒྱས་མོས་པ་མཐའ་ཡས་ཞེས༎
དུས་གསུམ་སངས་རྒྱས་བླ་མ་གསོལ་བ་འདེབས། །
རྩ་བརྒྱུད་བླ་མའི་ཐུགས་དང་དབྱེར་མེད་གྱུར།
།
ཡི་དམ་ལྷ་ཡིས་མཆོག་ཐུན་དངོས་གྲུབ་བསྩལ།
།
མཁའ་འགྲོ་ཆོས་སྐྱོང་ལུས་ངག་ཡིད་དང་འདྲིས།
།
བསྟན་འགྲོའི་དོན་ཆེན་འབད་མེད་ལྷུན་གྲུབ་ཤོག
།
ཅེས་པ་འདི་ཡང་མཁན་ཆེན་བླ་མ་འམ་རིག་འཛིན་དཔལ་དགྱེས་པ་རྡོ་རྗེ་ལ་མདོ་མཁྱེན་བརྩེའི་གཏེར་མ་དང་སེ་ར་ཡང་སྤྲུལ་དང་ཁྲོམ་དགེ་དང་འཇིགས་མེད་ཕུན་ཚོགས་དང་ཏྰ་རེ་ལྷ་མོ་སོགས་གཏེར་ལུང་དུ་མའི་གསུང་གི་ཟུར་རྒྱན་ནས་ཆོས་སྐྱོང་མགོན་པོས་རོང་བཙན་ཁ་བ་དཀར་པོ་ནས་སྙིང་ནས་གསོལ་བ་འདེབས་པར་དགེའོ།
། ཕྱི་ལོ་༢༠༠༣ ༣ ༣ ལའོ། །
Subscribe to:
Post Comments (Atom)
0 comments:
Post a Comment