༄༅།། ཨེ་མ་ཧོའི་རིག་མཛོད།

ཕ་དྲན་པས་གདུང་སེལ་ཆོས་ཀྱི་རྗེ།།སྐྱབས་ཀུན་འདུས་སངས་རྒྱས་གཞན་ཕན་པ།།སྤྲང་བདག་ལ་རེ་ལྟོས་ཁྱེད་ལས་མེད།།རྒྱུད་བྱིན་གྱིས་རློབས་དང་སྐུ་དྲིན་ཅན།།སྤྲང་ཆོས་མེད་ཡོན་ཏན་མགོན་པོ་བདག།སྔོན་འཁོར་བ་འཁྱམས་ནས་ད་བར་དུ།།གཤིས་བློ་བྲལ་གྱི་རང་ཞལ་མཐོང་མ་མྱོང་།།བློས་བྱས་ཀྱི་གཏད་སོ་བྲལ་མ་མྱོང་།།དུས་ད་རེས་སངས་རྒྱས་གཞན་ཕན་པས།།མངོན་སུམ་ཆོས་ཉིད་ཀྱི་རང་ངོ་སྤྲད།།གཅེར་མཐོང་རྒྱ་ཡན་གྱི་རང་ས་ཟིན།།ཡིད་སྤྱོད་བློས་བྱས་ཀྱི་གཏད་འཛིན་ཞིག།ངོ་ཤེས་གཏད་ཡུལ་གྱི་ཞེན་འཕྲིས་མེད།།ལམ་དྲན་པ་ཉེར་བཞག་གི་སྡང་ཚད་ཤེས།།སྣང་སེམས་འབྲེལ་བཅས་ཀྱི་རྫུན་ཕུགས་རྡིབ།།གཞི་མེད་རྩ་བྲལ་གྱི་ཡིན་ལུགས་ཤེས།།སྤོངས་གཉེན་ལམ་ཁྱེར་ལ་རག་མ་ལུས།།ཟག་བཅས་སྒྱུ་ལུས་ཀྱི་འཛིན་ཞེན་ཞིག།བདེ་གསལ་ཉམས་ཞེན་གྱི་ཤུབ་ནས་ཐོན།།ཐམས་ཅད་བདེན་མེད་དུ་བྱམ་མཉམས་པས།།བྱར་མེད་བློ་བདེ་རུ་ཤུགས་ཀྱིས་ཐལ།།འཇིགས་མེད་རྟ་མགྲིན་ཡོན་མགོན་པོའི་ཞལ་གསུང་དྲི་མེད།།