Thursday, 11 August 2016
13:21 | 
Posted by
༄༅།། ཨེ་མ་ཧོའི་རིག་མཛོད་། |
༄༅།།ཨ་མདོའི་རྒྱལ་སྲས་བློ་བཟང་ཆོས་རྒྱལ་གྱི་ཞབས་བརྟན་རིན་པོ་ཆེ།།
ན་མོ་གུ་རུ་པདྨ་ཀ་ར་ཡེ།།
ཕྱོགས་དུས་རྒྱལ་ཀུན་སྤྱི་གཟུགས་པདྨ་འབྱུང་།།
ཡི་དམ་རྒྱ་མཚོའི་མངའ་བདག་རྡོ་རྗེ་སེམས།།
མཁའ་འགྲོ་དམ་ཅན་སྲུང་མའི་ཕྲིན་ལས་ཀུན།།...
ཀུན་བཟང་རྒྱལ་སྲིད་ཐོབ་པའི་དགེ་ལེགས་སྩོལ།།
ལྷག་བསམ་པདྨ་གེ་སར་བཞད་པའི་དབུས།།
ཡིད་འོང་སྦྲང་རྩི་བྱམས་པའི་ཞིམ་མངར་ཅན།།
དམ་པའི་རྣམ་ཐར་དྲི་བཟང་ཁྱབ་པའི་དཔལ།།
ཨ་མདོའི་རྒྱལ་སྲས་བློ་བཟང་ཆོས་རྒྱལ་རྒྱལ།།
མཚན་དཔེ་ཉི་མའི་འོད་སྣང་ཀུན་ཏུ་བཞད།།
ཚངས་དབྱངས་སྙན་པའི་ང་རོ་ཤིན་ཏུ་འཇེབས།།
བྱམས་བརྩེ་མཁྱེན་རབ་ཡེ་ཤེས་རབ་ཏུ་རྒྱས།།
ཨ་མདོའི་རྒྱལ་སྲས་དམ་པ་ཞབས་བརྟན་གསོལ།།
ཡིད་བཞིན་ནོར་བུ་གཙུག་གི་རྒྱན་ཏུ་ཐོབ།།
བྱ་བྲལ་དམ་པའི་གསུང་གི་བདུད་རྩི་མྱོང་།།
བཤད་སྒྲུབ་ཉི་ཟླའི་རྣ་ཆ་མཛེས་པའི་དཔལ།།
མཚན་ལྡན་སྤྲུལ་སྐུའི་བཞེད་དོན་ལྷུན་གྲུབ་ཤོག།
ཨེ་ཝཾ་ཆོས་གླིང་ལྔ་རིག་བདུད་རྩིས་གཏམས།།
ཆོས་ཀྱི་རྒྱལ་མཚན་འཛམ་གླིང་ཁྱོན་ལ་བསྒྲིངས།།
ཞི་བདེའི་ལོངས་སྤྱོད་རྫོགས་ལྡན་མགྲོན་དུ་ཕེབས།།
འཁོར་འདས་དགྱེས་དགུའི་དཔལ་ལ་རོལ་གྱུར་ཅིག།
ཅེས་པ་འདི་ཡང་རབ་རྒྱན་མེ་སྤྲེལ་ཟླ་ཚེས་དགེ་བ་སྟེ་བདག་ཅག་གི་སྟོན་པ་རྫོགས་པའི་སངས་རྒྱས་ཀྱི་ཆོས་འཁོར་བསྐོར་བའི་དུས་ཆེན་ལ་ཨ་མདོའི་རྒྱལ་སྲས་སམ་སྤྲུལ་སྐུ་བློ་བཟང་ཆོས་རྒྱལ་གྱིས་ཨེ་ཝཾ་ཆོས་སྨན་གླིང་གི་སྐོར་ལ་རོགས་དན་གནང་ཚུལ་དང་བསྟན་དོན་ཕན་པའི་ཕརིན་ལས་ལ་མཁན་པོ་འོད་གསལ་མཐའ་ཡས་ལ་སྐད་འཕྲིན་ལས་གསུང་སྐུལ་བཞིན་གང་ཤར་དུ་དབྱིན་ཡུལ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་ཨེ་མ་ཧོ་འམ་ཤྰཀྱའི་དགེ་སྦྱོང་དཔལ་དགྱེས་པ་རྡོ་རྗེ་སྨོན་པར་དགེའོ།། །།
ན་མོ་གུ་རུ་པདྨ་ཀ་ར་ཡེ།།
ཕྱོགས་དུས་རྒྱལ་ཀུན་སྤྱི་གཟུགས་པདྨ་འབྱུང་།།
ཡི་དམ་རྒྱ་མཚོའི་མངའ་བདག་རྡོ་རྗེ་སེམས།།
མཁའ་འགྲོ་དམ་ཅན་སྲུང་མའི་ཕྲིན་ལས་ཀུན།།...
ཀུན་བཟང་རྒྱལ་སྲིད་ཐོབ་པའི་དགེ་ལེགས་སྩོལ།།
ལྷག་བསམ་པདྨ་གེ་སར་བཞད་པའི་དབུས།།
ཡིད་འོང་སྦྲང་རྩི་བྱམས་པའི་ཞིམ་མངར་ཅན།།
དམ་པའི་རྣམ་ཐར་དྲི་བཟང་ཁྱབ་པའི་དཔལ།།
ཨ་མདོའི་རྒྱལ་སྲས་བློ་བཟང་ཆོས་རྒྱལ་རྒྱལ།།
མཚན་དཔེ་ཉི་མའི་འོད་སྣང་ཀུན་ཏུ་བཞད།།
ཚངས་དབྱངས་སྙན་པའི་ང་རོ་ཤིན་ཏུ་འཇེབས།།
བྱམས་བརྩེ་མཁྱེན་རབ་ཡེ་ཤེས་རབ་ཏུ་རྒྱས།།
ཨ་མདོའི་རྒྱལ་སྲས་དམ་པ་ཞབས་བརྟན་གསོལ།།
ཡིད་བཞིན་ནོར་བུ་གཙུག་གི་རྒྱན་ཏུ་ཐོབ།།
བྱ་བྲལ་དམ་པའི་གསུང་གི་བདུད་རྩི་མྱོང་།།
བཤད་སྒྲུབ་ཉི་ཟླའི་རྣ་ཆ་མཛེས་པའི་དཔལ།།
མཚན་ལྡན་སྤྲུལ་སྐུའི་བཞེད་དོན་ལྷུན་གྲུབ་ཤོག།
ཨེ་ཝཾ་ཆོས་གླིང་ལྔ་རིག་བདུད་རྩིས་གཏམས།།
ཆོས་ཀྱི་རྒྱལ་མཚན་འཛམ་གླིང་ཁྱོན་ལ་བསྒྲིངས།།
ཞི་བདེའི་ལོངས་སྤྱོད་རྫོགས་ལྡན་མགྲོན་དུ་ཕེབས།།
འཁོར་འདས་དགྱེས་དགུའི་དཔལ་ལ་རོལ་གྱུར་ཅིག།
ཅེས་པ་འདི་ཡང་རབ་རྒྱན་མེ་སྤྲེལ་ཟླ་ཚེས་དགེ་བ་སྟེ་བདག་ཅག་གི་སྟོན་པ་རྫོགས་པའི་སངས་རྒྱས་ཀྱི་ཆོས་འཁོར་བསྐོར་བའི་དུས་ཆེན་ལ་ཨ་མདོའི་རྒྱལ་སྲས་སམ་སྤྲུལ་སྐུ་བློ་བཟང་ཆོས་རྒྱལ་གྱིས་ཨེ་ཝཾ་ཆོས་སྨན་གླིང་གི་སྐོར་ལ་རོགས་དན་གནང་ཚུལ་དང་བསྟན་དོན་ཕན་པའི་ཕརིན་ལས་ལ་མཁན་པོ་འོད་གསལ་མཐའ་ཡས་ལ་སྐད་འཕྲིན་ལས་གསུང་སྐུལ་བཞིན་གང་ཤར་དུ་དབྱིན་ཡུལ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་ཨེ་མ་ཧོ་འམ་ཤྰཀྱའི་དགེ་སྦྱོང་དཔལ་དགྱེས་པ་རྡོ་རྗེ་སྨོན་པར་དགེའོ།། །།
༄༅།།ཚེས་བཅུའི་གསོལ་འདེབས་ཨེ་ཝྃ་ཉི་ཟླའི་འོད་སྣང་ཞེས་བྱ་བ་བཞུགས་སོ།།
ན་མོ་གུ་རུ་པདྨ་ཀ་ར་ཡེ།།
དུས་གསུམ་སངས་རྒྱས་ཀུན་འདུས་པདྨ་འབྱུང་།།
སྐྱེ་འཆི་བགྲེས་རྒུད་བྲལ་བའི་ཡེ་ཤེས་སྐུ།།
མ་ལུས་འགྲོ་བའི་སྐྱབས་གནས་བླ་མ་རྗེ།།
རིགས་འདུས་མ་ཧྰ་གུ་རུ་གསོལ་བ་འདེབས།།
སངས་རྒྱས་གཉིས་པ་སློབ་དཔོན་ཆེན་པོ་ཉིད།།
སྙིགས་དུས་འགྲོ་རྣམས་འདུལ་བའི་ཐུགས་རྗེ་ཅན།།
ཁྱད་པར་བདག་ཅག་ཁྱེད་ཀྱི་རྗེས་འཇུག་ཀུན།།
བདེ་མྱུར་མཆོག་ཐུན་དངོས་གྲུབ་ད་སྩོལ་ཅིག།
བླ་མ་ཀུན་འདུས་ཨོ་རྒྱན་ཆེན་པོ་མཁྱེན།།
ཡི་དམ་ཀུན་འདུས་རྡོ་རྗེ་གྲོ་ལོད་མཁྱེན།།
མཁའ་འགྲོ་ཀུན་འདུས་སེངྒེའི་གདོང་ཅན་མཁྱེན།།
ཆོས་སྐྱོང་ཀུན་འདུས་གེ་སར་རྒྱལ་པོ་མཁྱེན།།
བདེ་གཤེགས་འདུས་པའི་ངོ་བོ་ཀུན་ཏུ་བཟང་།།
ལོངས་སྤྱོད་རྫོགས་པའི་རང་བཞིན་རྡོ་རྗེ་འཆང་།།
སྣ་ཚོགས་སྤྲུལ་སྐུའི་ཐུགས་རྗེ་པདྨ་འབྱུང་།།
སྐུ་གསུམ་ཀུན་འདུས་བླ་མ་གསོལ་བ་འདེབས།།
༡
སྣྲོན་ཟླར་འོ་མ་ཅན་གྱི་རྒྱ་མཚོ་ཆེར།།
རབ་མཛེས་ཆུ་སྐྱེས་འདབ་སྟོང་བཞད་པའི་དབུས།།
མཚུངས་མེད་སྣང་མཐའི་སྒྱུ་འཕྲུལ་སྤྲུལ་པའི་སྐུ།།
གུ་རུ་པདྨ་འབྱུང་གནས་གསོལ་བ་འདེབས།།
༢
རྒྱལ་ཟླར་ཨིནྡྲ་བོ་དྷིས་སྤྱན་དྲངས་ནས།།
རྒྱལ་བུར་མངའ་གསོལ་རྒྱལ་ཁམས་ཕན་བདེ་མཛད།།
རྒྱལ་ཀུན་འདུས་པའི་སྤྱི་གཟུགས་པདྨ་འབྱུང་།།
གུ་རུ་པདྨ་རྒྱལ་པོ་གསོལ་བ་འདེབས།།
༣
མཆུ་ཟླར་རྒྱལ་སྲིད་དོར་ནས་དུར་ཁྲོད་དུ།།
བརྟུལ་ཞུགས་སྤྱོད་པས་མ་མོ་མཁའ་འགྲོ་ལ།།
ཆོས་འཁོར་བསྐོར་བས་འཁོར་འདས་དབང་དུ་བསྡུས།།
གུ་རུ་ཉི་མ་འོད་ཟེར་གསོལ་བ་འདེབས།།
༤
དབོ་ཟླར་བསྟན་པར་རིམ་བཞིན་བཀྲི་བའི་ཕྱིར།།
སློབ་དཔོན་པྲ་བྷ་ཧ་སྟིར་རབ་ཏུ་བྱུང་།།
རྒྱུ་འབྲས་ལྡན་པའི་ཆོས་ཀྱི་འཁོར་ལོ་བསྐོར།།
གུ་རུ་ཤྰཀྱ་སེངྒེ་གསོལ་བ་འདེབས།།
༥
ནག་ཟླར་ཟ་ཧོར་རྒྱལ་པོས་གསོན་བསྲེགས་ཚེ། །
མེ་ཡང་ཆུར་བསྒྱུར་མཁའ་འགྲོ་ལྷ་མིས་བསྟོད།།
འཆི་མེད་རིག་འཛིན་འཕོ་ཆེན་འཇའ་ལུས་བརྙེས།།
གུ་རུ་རྡོ་རྗེ་འཆང་ཆེན་གསོལ་བ་འདེབས།།
༦
ས་ཟླར་ཨོ་རྒྱན་རྒྱལ་པོས་ཡབ་ཡུམ་གཉིས།།
ལྷན་ཅིག་མེར་བསྲེགས་ལོག་སྲེད་ཅན་དག་ཀྱང་།།
རབ་དབང་མེད་པར་དད་པའི་གནས་ལ་བཀོད།།
གུ་རུ་སེངྒེ་སྒྲ་སྒྲོག་ལ་གསོལ་བ་འདེབས།།
༧
ཆུ་ཟླར་ལྷོ་ཕྱོགས་མཐར་སྐྱེས་རྒྱལ་ཁམས་སུ།།
བསྟན་ལ་འཁུ་བའི་མུ་སྟེགས་ཐོག་གིས་བསྒྲལ།།
གང་ལ་གང་འདུལ་ཐབས་མཁས་མཛད་པ་ཅན།།
གུ་རུ་བློ་ལྡན་མཆོག་སྲེད་ལ་གསོལ་བ་འདེབས།།
༨
གྲོ་བཞིན་ཟླ་བར་མཐའ་འཁོབ་ཟངས་གླིང་དུ།
མུ་སྟེགས་རྒྱལ་པོས་ཟངས་ཆེན་ཁ་སྦྱོར་ནང་། །
བཅུག་ནས་ཆུ་ཀླུང་མི་འཇིགས་རྫུ་འཕྲུལ་བསྟན།།
གུ་རུ་པདྨ་སམྦྷར་གསོལ་བ་འདེབས།།
༩
ཁྲུམས་ཟླར་མུ་སྟེགས་ངན་པའི་ཟས་དུག་གིས།།
བཀྲོངས་པར་སེམས་ཀྱང་གནོད་པ་མེད་པའི་སྟེང་།།
གཟི་མདངས་ལྷག་པར་རྒྱས་པའི་ངང་ཚུལ་ཅན།།
གུ་རུ་མཚོ་སྐྱེས་རྡོ་རྗེ་གསོལ་བ་འདེབས།།
༡༠
ཐ་སྐར་ཟླ་ལ་ཡང་ལེ་ཤོད་དུ་ཕེབས། །
བལ་བོད་གཉིས་ཀའི་ལྷ་འདྲེས་མཐོ་མཚམས་ཀྱང་།།
རྡོ་རྗེ་གཞོན་ནུའི་སྐུར་བཞེངས་དམ་ལ་བཞགས།།
གུ་རུ་ཐོད་ཕྲེང་རྩལ་ལ་གསོལ་བ་འདེབས།།
༡༡
སྨིན་དྲུག་ཟླ་བར་བོད་ཡུལ་དབུས་སུ་བྱོན། །
ཧས་པོ་རི་རྩེར་ལྷ་སྲིན་དམ་ལ་བཞགས།།
རྒྱལ་བསྟན་བོད་དུ་འདྲེན་པ་ཁྱོད་གཅིག་པུ།།
གུ་རུ་རྡོ་རྗེ་གྲོ་ལོད་གསོལ་བ་འདེབས།།
༡༢
མགོ་ཟླར་ལྷོ་ནུབ་སྲིན་པོ་འདུལ་དུ་གཤེགས།།
བོད་ཡུལ་མཐའ་དབུས་ཟབ་གཏེར་དགོངས་གཏེར་སྦས།།
ནམ་ཡང་ཐུགས་རྗེས་འཛིན་པའི་ཐུགས་དམ་ཅན།།
གུ་རུ་ཡིད་བཞིན་ནོར་བུ་གསོལ་བ་འདེབས།།
བསྐལ་བཟང་སངས་རྒྱས་སྟོང་གི་ཐུགས་རྗེའི་བདག།
ཡི་དམ་ཞི་ཁྲོ་རབ་འབྱམས་ཁྱབ་བདག་མཆོག།
རྩ་གསུམ་ཆོས་སྐྱོང་རྒྱ་མཚོའི་འདུས་ཞལ་ཉིད།།
གུ་རུ་རིན་པོ་ཆེ་ལ་གསོལ་བ་འདེབས།།
ཕྱི་ཡི་བར་བར་ཆད་འབྱུང་བའི་གཡོ་འཁྲུག་སོལ།།
ནང་གི་བར་ཆད་སེམས་ཀྱི་སྡུག་བསྔལ་སོལ།།
གསང་བའི་བར་ཆད་སེམས་དང་སེམས་བྱུང་སོལ།།
འཇའ་ལུས་རིག་འཛིན་འགྲུབ་པར་བྱིན་གྱིས་རློབས།།
ཞེས་པ་འདི་ཡང་རབ་གནས་མེ་སྤྲེལ་ཚེས་བཅུ་དུས་ཚེས་དགེ་བར་ཨེ་ཝྃ་ཛྙྰ་ན་གུ་རུའི་ལྷ་ཁང་དུ་རྣལ་འབྱོར་དུ་མར་ཚེས་བཅུ་དུས་མཆོད་འབྲེལ་དྲིན་ཆེན་ཨ་མ་ཨོ་རྒྱན་སྒྲོལ་མ་དང་དཔལ་ལྡན་ལྷ་མོ་སོགས་སྐལ་བཟང་མོས་ལྡན་མའི་གསུང་སྐུལ་དང་འབྲུག་ཡུལ་མཁའ་འགྲོ་སྒྲོལ་དཀར་ལྷ་མཛེས་དང་སྙིང་གི་བུ་ཆུང་༧སྐྱབས་རྗེ་སྤྲུལ་སྐུ་འཇམ་དབྱངས་གྲགས་པ་སོགས་ཀྱི་གསུང་སྐུལ་གྱི་རྟེན་འབྲེལ་མ་རལ་ཐབས་སུ་དམིགས་ནས་གང་ཤར་དུ་མཁན་ཆེན་བླ་མ་འམ་རིག་འཛིན་དཔལ་དགྱེས་པ་རྡོ་རྗེས་སྙིང་གནས་གསོལ་བ་འདེབས་པར་དགེའོ།།
།། མཆན།
དཔེ་ཀློག་སོགས་གང་མ་བལྟས་པར་གང་བྱུང་བྲིས་པས་འགལ་འཁྲུལ་ཅི་མཆིས་ཡེ་ཤེས་ལྷ་དང་གཟུར་གནས་བླ་ལྡན་རྣམས་ཀྱི་དྲུང་དུ་མཐོལ་ལོ་བཤགས་སོ།
དགེ་བས་འགྲོ་ཀུན་འཇའ་ལུས་རིག་འཛིན་ཐོབ་པའི་རྒྱུ་རུ་གྱུར་ཅིག་གུ།། །།
Subscribe to:
Posts (Atom)