༄༅།། ཨེ་མ་ཧོའི་རིག་མཛོད།

གངས་ཅན་ཕུང་པའི་རྒྱལ་འགོང་ལ་མ་ར་ཡས། །
ཨ་རོ་བཀའ་གདམས་ཁ་ཙམ་སྨྲ་བ། །
ཨ་གཟུགས་རྒྱ་བོ་ཇག་པའི་དཔོན་པོ། །
ཨ་རོ་འདི་འདྲའི་དྭོགས་གཞི་བཀོད་ན། །
ཨ་ཁུས་བསྟན་འཁྲུག་ཟེར་ས་མ་ནོར། །
དུག་གྲི་དུག་གི་བཟི་བ་མིན་ན། །
དུག་གྲིའི་མཚོན་ཆ་གཞན་ལ་མ་བསྐོར། །
དུག་ལྔའི་རྟོག་པས་གཞན་དབང་ཡིན་ན། །
དུག་གྲིས་མ་རིག་ཚལ་བ་གཤོགས་ཤིག །
ཧ་བོ་ཁྱོད་འདྲའི་རྐུན་མའི་བསྟན་སྲུང་། །
ཨ་ལགས་དག་མ་གསོད་པའི་དུག་གྲི། །
ས་སྐྱོང་དཔོན་ལ་མངོན་སུམ་ངོ་རྒོལ། །
ཤ་ཟ་འདི་ཚོ་བསྟན་པའི་དགྲ་བོ། །
ལ་རྒྱ་དག་མ་སྙིང་ལ་ཡོད་ན། །
ར་རྒྱ་འདི་ཚོས་རྒྱབ་སྐྱོར་མ་གནང་། །
ཡ་རབ་དམ་པའི་ལྷ་ཆོས་བསམ་ན། །
འ་ཅག་བླ་མ་གཅིག་གི་མཆེད་གྲོགས། །
ཟ་འོག་གོས་བཟང་གསེར་དངུལ་རྒྱན་ཆ། །
ཞ་ལོང་འོན་པས་མཛེས་རྒྱན་མི་འགྲོ། །
ཝ་སྐྱེས་སེང་ལྤགས་གྱོན་པ་ཇི་བཞིན། །
ཛ་ཡའི་བསྟན་པའི་སྙིང་པོ་མིན་ནོ། །
ཚ་གྲང་དམྱལ་ཁམས་ཞིག་པ་མེད་ན། །
ཙ་ལག་སྤུན་ཟླ་དམར་གསད་མ་གཏོང་། །
མ་རྒན་དྲིན་ཆེན་སེམས་ཅན་བསམ་ནས། །
བ་གླང་མི་མགོ་བརྟུལ་ཞུགས་སྤོངས་ཤིག །
ཕ་རོལ་ཆོས་མེད་སྨྲ་བ་ཡིན་ན། །
པ་ར་མི་ཏའི་ཟབ་གནད་མི་ཤེས། །
ན་མོ་གུས་པའི་བླ་མ་མ་འཁྲུལ། །
ད་དུང་ཡང་ཡང་བརྟག་དཔྱོད་གནང་རོགས། །
ཐ་དད་རྒྱང་རིང་ཡུལ་ན་བཞུགས་ཀྱང་། །
ཏྰ་ལའི་བླ་མ་ཉེ་རིང་མ་མཆིས། །
ཉ་གང་ཡོན་ཏན་ཀུན་ལྡན་དམ་པར། །
ཇ་འཐུང་ངོ་དགས་རྫུན་ཞུས་ཕོད་དམ། །
ཆ་རྒྱུས་མེད་ན་ཡོད་འདོགས་མ་སྟོན། །
ཅ་ཅོའི་སྒྲོ་བཀུར་ཚིག་ངན་མིན་པར། །
ང་ཡི་དཔར་དང་ཕུང་རྒན་ལོ་རྒྱུས། །
ག་འདྲ་ཡིན་པར་གསལ་པོ་སྨྲ་རོགས། །
ཁ་ལག་བར་གྱི་དུག་གི་སྤུ་གྲི །
ཀ་ཡེ་སྡིག་རྒན་སྙིང་ཀར་གཙུག་ནས། །
ཁ་ཅིག་བརྗོད་པའི་རང་དབང་མེད་པར། །
ཀ་དག་ཆོས་ཉིད་དབྱིངས་སུ་སྒྲོལད་ཅིག །
དུག་གྲི་ལ་མ་ར་ཡས ༢༠༠༩ ༣ ༣ ཕུང་ངོ་། །