Sunday, 9 September 2012
00:49 | 
Posted by
༄༅།། ཨེ་མ་ཧོའི་རིག་མཛོད་། |
འཛམ་གླིང་གི་ཉི་ཟླ་ནོར་བུ།
།
ན་མོ་གུ་རུ་ཡེ།
སྙིགས་དུས་ཀྱི་ལྟ་ངན་མུན་ཀློང་དུ། །
མཁྱེན་རབ་ཀྱི་ཉི་མ་འོད་པོ་ཆེ། །
ཞི་བདེ་ཡི་དེད་དཔོན་རིན་པོ་ཆེ། །
གོང་ས་ནི་རྒྱལ་བའི་དབང་པོ་མཁྱེན། །
མ་རིག་གི་རྨོངས་པ་བསལ་དུ་གསོལ། །
གནར་གཅོད་ཀྱི་འཚེ་བའི་ཚ་ཀློང་དུ། །
ཐུགས་རྗེ་ཡི་ཟླ་བ་འོད་པོ་ཆེ། །
བྱམས་བརྩེ་ཡི་པན་ཆེན་རིན་པོ་ཆེ། །
ཀུན་གཟིགས་ཀྱི་སྣང་བ་མཐའ་ཡས་མཁྱེན། །
བདེ་ཆེན་གྱི་དབང་མཆོག་བསྐུར་ཏུ་གསོལ།
།
སྐྱབས་མེད་ཀྱི་གངས་ལྗོངས་མཁའ་ཀློང་དུ།
།
ཐབས་ཤེས་ཀྱི་ཡིད་བཞིན་ནོར་བུ་ཆེ། །
རིགས་བདག་གི་བླ་མ་རིན་པོ་ཆེ། །
ཆོས་རྗེ་ནི་འཇིགས་མེད་ཕུན་ཚོགས་མཁྱེན།
།
ཕན་བདེ་ཡིས་བསྟན་འགྲོར་སྨན་དུ་གསོལ། །
མཁྱེན་རབ་ཀྱི་ཉི་མ་གསལ་གྱུར་ཅིག །
བརྩེ་ཆེན་གྱི་དུང་ཟླ་རྒྱས་གྱུར་ཅིག །
ཐབས་ཤེས་ཀྱི་ཕྲིན་ལས་འཕེལ་གྱུར་ཅིག །
ཀུན་བཟང་གི་ཞིང་ཁམས་མངོན་གྱུར་ཤོག །
ཅེས་པ་འདི་ཡང་རབ་རྒྱན་ཆུ་འབྲུག་ཁྲུམས་སྟོད་ཟླ་ཚེས་དགེ་བར་ཨོ་རྒྱན་བསྟན་འཛིན་རྡོ་རྗེ་དང་ཚེ་སྐྱིད་ལྷ་མོས་བསྐུལ་མ་བཞིན་གང་དྲན་དུ་ཤྲྰི་སྨྱོན་པས་ཨེ་ཝྃ་རི་ཁྲོད་དུ་བྲིས་པ་དགེའོ།
། ། །
Subscribe to:
Post Comments (Atom)
0 comments:
Post a Comment