༄༅།། ཨེ་མ་ཧོའི་རིག་མཛོད།: གོ་མི་འདོད་པའི་གཏམ་ངན་ཞིག

དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

Wednesday, 21 November 2012

གོ་མི་འདོད་པའི་གཏམ་ངན་ཞིག

21:40 |

Posted by ༄༅།། ཨེ་མ་ཧོའི་རིག་མཛོད་། |

Edit Post

༄།། བརྩེ་བའི་སྲིད་སྐྱོང་མཆོག་ལ།

ཁྱེད་རང་དང་། དེ་བཞིན་བོད་ཀྱི་འགོ་འཁྲིད་གཞན་པ་བློ་བཟང་སྙན་གྲགས་དང་། རྒྱ་རི་བློ་གྲོས། ཟམ་གདོང་རིན་པོ་ཆེ་ལ་སོགས་ཀྱི་བྱ་སྤྱོད་ལ་བརྟེན་ནས། ཨ་རིའི་གྲོས་ཚོགས་ནང་ལ་བོད་དོན་གྱི་ཐོག་ལ་རྒྱབ་སྐྱོར་ཡོང་བར་གནོད་འཚེ་བཟོ་བ་དེར་ཁོང་ཁྲོ་ཚབས་ཆེན་འདོན་ཆེད་ཡི་གེ་འདི་ཕུལ་བ་ཡིན། ཁྱེད་དང་ཁྱེད་ཀྱི་ཤོག་ཁག་ཚོས། ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་རླུང་འཕྲིན་ཞབས་ཞུ་སྡེ་ཚན་དང་། དེར་རྒྱབ་སྐྱོར་དང་དཀའ་ལས་རྒྱག་མཁན་གྱི་ཨ་རིའི་བོད་མི་ལས་བྱེད་པ་རྣམས་ལ་དམའ་འབེབས་དང་གནོད་ཚབ་ཆེ་བའི་བྱ་སྤྱོད་སྤེལ་བ་དེ་ངེས་པར་དུ་འཕྲལ་མར་མཚམས་འཇོག་བྱ་དགོས།

ངས་ད་དུང་བོད་པར་དམིགས་པའི་ཨ་རིའི་རོགས་དངུལ་དེ་དག་བེད་སྤྱོད་ལོག་པར་གཏོང་ཚུལ་སྐྱོན་བརྗོད་ཤུགས་ཆེ་ཡོང་བ་འདི་ཤེས་ཀྱི་ཡོད།

ཨ་རིའི་གྲོས་ཚོགས་ཀྱིས་ལོ་མང་དཀའ་ལས་བརྒྱབ་་ནས་སྲིད་འཛིན་སྡེ་ཁག་ལ་གདེང་སྤོབས་དང་གནོན་ཤུགས་སྤྲད་ནས་བོད་ལ་དབང་སྒྱུར་མཁན་རྒྱ་ནག་དམར་ཤོག་དབང་འཛིན་པ་ཚོར་ཁ་གཏད་འཐབ་རྩོད་བྱེད་མཁན་གྱི་བོད་པ་རྣམས་ལ་སྐྱབས་བཅོལ་དང་། དཔལ་འབྱོར་ཡར་རྒྱས་ཀྱི་རོགས་རམ། དེ་བཞིན་དུས་ཡུན་རིང་པོ་དགོས་པའི་རོགས་རམ་གཞན་པ་རྣམས་ཐོབ་ཡོད། གལ་ཏེ་ཨ་རིའི་རོགས་རམ་རྣམས་བེད་སྤྱོད་ལོག་པར་བཏང་ཡོད་པའམ། དེ་ཡང་རྒྱ་ནག་དམར་ཤོག་དང་བོད་པའི་དབང་ཆ་སྒྱུར་མཁན་རྣམས་ཀྱི་ཁ་ལ་ཕྱིན་ཡོད་ཚེ། ངས་དེ་དག་ཤེས་པར་བྱས་ནས་ཐག་གཅོད་བྱ་རྒྱུ་ཡིན།

ཐོབ་པར་དཀའ་བའི་ཨ་རིའི་ཕྱི་རྒྱལ་རོགས་དངུལ་དེ་དག་རྒྱ་ནག་དམར་ཤོག་ལ་འཐབ་རྩོད་བྱེད་མཁན་རྒྱ་ནག་དམངས་གཙོ་རྩོད་ལེན་པ་དང་། ཆོས་འཁོར་ཚོགས་པ། དེ་བཞིན་ཡུ་གུར་མི་རིགས་སོགས་ལ་སྤྲོད་དགོས། ཁོང་ཚོས་རྒྱ་ནག་ནང་ལ་རང་དབང་དང་དམངས་གཙོ་གོང་འཕེལ་ཡོང་བར་འགོག་རྐྱེན་བཟོ་མཁན་གཙོ་བོ་ནི་དམར་ཤོག་གི་ལམ་ལུགས་དེ་ཡིན་པའི་ཁུངས་སྐྱེལ་དང་ངོས་འཛིན་གསལ་པོར་བྱས་ཡོད། བོད་པའི་འགོ་ཁྲིད་རྣམས་དང་མི་འདྲ་བར། ཁོང་ཚོས་ལངས་ཕྱོགས་བརྟན་པོར་འཛིན་ཞིང་། རུལ་བསུང་དང་བཙན་དབང་གི་དབང་འཛིན་པ་དང་མཉམ་སྦྲེལ་བྱ་རྒྱུར་འདོད་པ་མེད།

བོད་མི་རང་བསྲེགས་གཏོང་མཁན་༧༥རྣམས་ཀྱིས་ཁྱེད་ཚོས་རྩོད་ལེན་བྱེད་པའི་སྲིད་འཇུས་ཏེ། རྒྱ་ནག་དམར་པོའི་རྒྱལ་ཁབ་ནང་ལ་གྲངས་ཉུང་མི་རིགས་ཀྱི་ཐོབ་ཐང་ཞིག་ཡོང་ཆེད་ལས་འགུལ་སྤེལ་གྱི་མེད། དེ་ལས་ལྡོག་ཏེ། རང་དབང་དང་། མི་རིགས་རང་ཐག་རང་གཅོད། དེ་བཞིན་རྒྱ་ནག་ཁྲིམས་འགལ་གྱི་བཙན་འཛུལ་མཚམས་འཇོག་ཡོང་ཆེད་ཁོང་ཚོས་རང་སྲོག་བློས་གཏོང་བྱས་ཡོད།

ཨ་རིའི་གྲོས་ཚོགས་ནང་གི་བོད་པའི་གྲོགས་པོ་ཚོས་ཁོང་ཚོའི་དམིགས་ཡུལ་ལ་རྒྱབ་སྐྱོར་ཡོད་པ་དང་། ཁོང་ཚོ་རྐྱེན་ལམ་དུ་ཤོར་བར་མྱང་ངན་དང་། ཁོང་ཚོའི་སྙིང་སྟོབས་ལ་བསྔགས་བརྗོད་ཡོད། དེ་མཚུངས་ངས་ཁྱེད་རང་དང་ཁྱེད་ཀྱི་ཤོག་ཁག་ཚོས་ཨེ་ཤ་ཡ་རང་དབང་རླུང་འཕྲིན་ལས་ཁུངས་ཀྱིས་བོད་མི་དམངས་ལ་གུ་ཡངས་བའི་བགྲོ་གླེང་དང་རང་དབང་གི་གནས་ཚུལ་སྤྲོད་ལེན་ལོངས་སུ་སྤྱོད་རྒྱུ་ཡོང་བ་བྱེད་པ་འདིར་ལྐོག་གཡོ་ངན་ཇུས་སྤེལ་ན་དེར་བཟོད་སྒོམ་བྱེད་ཀྱི་མིན། ངས་ད་དུང་བོད་ཕྱི་ནང་གཉིས་ནས་ཨ་རིའི་རོགས་རམ་ལེན་མཁན་རྣམས་ལ་ལྟ་རྟོག་ཞིབ་ཚགས་བྱས་ནས་རོགས་རམ་དེ་དམིགས་ཡུལ་ཐོག་སྐྱོད་པ་དང་། དེ་དག་ཨ་རིའི་ཁེ་ཕན་ལ་མཐུན་པའི་ཐོག་ནས་བེད་སྤྱོད་ཡོང་བར་ལྟ་རྟོག་ནན་པོ་བྱེད་ཀྱི་ཡིན།

ཕྱི་སྲིད་ལྷན་ཚོགས་ལྟ་ཞིབ་དང་ཞིབ་བཤེར་ཚོགས་ཆུང་གི་ཚོགས་གཙོ།

ཌ་ན་རོ་རར་སྦ་ཆར། (Dana Rohrabacher)
ཡི་གེ་སྔ་ཕྱི་གཉིས་བསྐུར་བ་གཤམ་གསལ་ལྟར་རེད།