Tuesday, 8 November 2011
03:05 | 
Posted by
༄༅།། ཨེ་མ་ཧོའི་རིག་མཛོད་། |
ཨེ་མ་ཧོའི་གླུ་དབྱངས། །
ཨེ་མ་ཧོ།
དལ་བརྒྱད་འབྱོར་བཅུ་ལྡན་པའི། །
མི་ལུས་རིན་ཆེན་འདི་ལ། །
སྙིང་པོ་དམ་ཆོས་འགྲུབ་པས། །
འདི་ཕྱིར་རང་སེམས་བདེ་སོང་། །
ཨེ་མ་ཧོ།
ཆུང་ནས་རབ་ཏུ་བྱུང་ཞིང་། །
ཆེ་ནས་གསང་སྔགས་བརྟུལ་ཞུགས། །
ཆེ་ཆུང་ཐེག་པའི་གོ་རིམ། །
མ་ནོར་རྒྱུད་ལ་འབྱོར་སོང་། །
ཨེ་མ་ཧོ། །
ཆོས་དང་འཇིག་རྟེན་བྱ་བཞག །
གང་བསམ་ལྷུན་གྱིས་གྲུབ་ནས། །
ཉིན་མཚན་དགའ་བདེའི་སྣང་བ། །
ནམ་ཡང་ཉམས་པ་མི་འདུག །
ཨེ་མ་ཧོ།
ལས་དབང་རྟེན་འབྲེལ་བསླུ་མེད། །
བདེ་ཆེན་དབང་གི་ལྷ་མོ། །
རང་རིག་ཁབ་ཏུ་སོན་པས། །
མི་ཚེའི་བསམ་དོན་འགྲུབ་སོང་། །
ཨེ་མ་ཧོ།
ངེས་འབྱུང་ཐར་བའི་ཁང་བཟང་། །
བྱང་སེམས་ཡིད་བཞིན་ནོར་བུ། །
གསང་ཆེན་བདེ་ཆེན་ལོངས་སྤྱོད། །
ཡང་གསང་རིག་འཛིན་རྒྱལ་ལོ། །
ཞེས་པ་འདི་ནི་རྟེན་འབྲེལ་ཐབས་ཤེས་རང་འགྲིག་གི་སྣང་བ་འཆར་བ་ལ་ཅི་དྲན་དུ་དཔལ་དགྱེས་པ་རྡོ་རྗེས་གླུ་རུ་བླངས་པ་དགེའོ། །
Subscribe to:
Post Comments (Atom)
0 comments:
Post a Comment