Wednesday, 9 November 2011
05:13 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །གསེར་རྟ་བླ་རུང་ལྔ་རིག་ཆོས་ཀྱི་གྲོང་ཁྱེར་ཆེན་མོ། །
གསེར་རྟ་ལྔ་རིག་ནང་བསྟན་ཆོས་ཀྱི་གྲོང་ཁྱེར་ཆེན་མོ་ནི། གངས་ཅན་བོད་ཀྱི་ཤར་ཕྱོགས་མདོ་ཁམས་དབལ་ཤུལ་གསེར་རྟའི་ས་ཁོངས་གསེར་ཁོག་བླ་མ་རུང་ཞེས་པ་དང་། འཛམ་གླིང་སྤྱིའི་ས་ཁྲའི་དབང་དུ་བྱས་ན་འཕྲེད་ཐིག་བྱང་མ་ ༣༡-༣༨ ནས་༣༣ - ༣༠དང་། ཤར་གྱི་གཞུང་ཐིག་༩༨-༤༨ ནས་ ༡༠༡-༠༠ ཐོག་ཏུ་འཁེལ་ཡོད་ཅིང་། མཐོ་ཚད་རྒྱ་མཚོའི་ངོས་ནས་ཕི་ཁྲི་ ༤༠༠༠ ཡན་གྱི་མཐོ་སྒང་དེ་ཉིད་དུ་༧སྐྱབས་རྗེ་དམ་པ་བདུད་འཇོམས་འཇིགས་བྲལ་ཡེ་ཤེས་རྡོ་རྗེའི་སྐུ་སྐྱེ་གོང་མ་ཁྲག་འཐུང་བདུད་འཇོམས་གླིང་པས་ཕྱི་ལོ ༡༨༨༠ ལོར་ཐོག་མར་ཕྱག་བཏབ་སྟེ་མཚན་ལ་གསང་ཆེན་འོད་སྐུར་གྲོལ་བའི་དབེན་ཁྲོད་ཅེས་གསོལ་ནས་སྐལ་ལྡན་གྱི་སློབ་ཚོགས་དུ་མ་སྨིན་གྲོལ་ལ་བཀོད། འཇའ་ལུས་པ་བཅུ་གསུམ་བྱུང་བ་སོགས་བྱུང་། ཕྱིས་སུ་ཆོས་སྡེ་དེ་ཉིད་འཐོར་ཞིག་ཏུ་གྱུར་ནའང་། ༧ཆོས་རྗེ་དམ་པ་ཡིད་བཞིན་ནོར་བུའམ་མཚན་བརྗོད་པར་དཀའ་ཡང་དོན་གྱི་སླད་དུ་མཚན་ནས་ཞུས་ན་༧ཆོས་རྗེ་དམ་པ་ཡིད་བཞིན་ནོར་བུ་འཇིགས་མེད་ཕུན་ཚོགས་འབྱུང་གནས་དཔལ་བཟང་པོ་མཆོག་གིས་གནས་དེར་ཕྱི་ལོ ༡༩༨༠ ལོར་འཆད་ཉན་ཀྱི་ཆོས་གྲལ་གསར་འཛུགས་གནང་ནས་རིམ་བཞིན་ཡར་རྒྱས་སུ་ཕྱིན་པ་དང་འབྲེལ། ༧ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་བཅུ་པས་གསེར་ཐང་བླ་རུང་ལྔ་རིག་ནང་བསྟན་སློབ་གླིང་ཞེས་པའི་མཚན་གསོལ་མཛད། ཆོས་གླིང་འདིར་ནང་གསེས་ཀྱིས་དབྱེ་