དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Saturday 8 March 2014

༄༅།།རྒྱལ་སྤྱིའི་བུ་མོའི་དུས་ཆེན་ལ་ཕུལ་བའི་མེ་ཏོག་དཀར་པོ།།

ན་མོ་གུ་རུ་ཨརྱ་ཏྰ་ར་ཡེ།།

རྒྱལ་ཀུན་ཡུམ་ཆེན་ཤེས་རབ་ཕ་རོལ་ཕྱིན།།
རྒྱལ་སྲས་བྱང་སེམས་འཕགས་མ་ཉེར་གཅིག་དང་།།
རྒྱལ་བསྟན་འཛིན་སྐྱོང་སྤེལ་བའི་མཁའ་འགྲོའི་ཚོགས།།
རྒྱལ་སྤྱིའི་དུས་ཆེན་ཉིན་མོར་བདེ་ལེགས་ཞུ།།

མཛེས་པའི་མཚན་དཔེས་རྒྱལ་ཀུན་མཆོད་པའི་ལྷ།།
མཛངས་པའི་མཁྱེན་རབ་ཕུལ་བྱུང་སྐྱེ་དགུའི་བདག།།
བདེ་ཆེན་ཡེ་ཤེས་འདྲེན་པའི་ཕྱག་རྒྱའི་གྲོགས།།
རྗེ་བཙུན་མི་མོའི་ཚོགས་ཀུན་རྒྱལ་གྱུར་ཅིག།།

ཤིང་རྟར་ཉི་ཟླ་སྐར་མའི་མི་མོའི་རིགས།།
ལུས་བདེ་སེམས་སྐྱིད་ཚུལ་བཞིན་སྤྱོད་པའི་ངང་།།
གསང་གསུམ་ཡོན་ཏན་ཡར་རྒྱས་ཕུན་ཚོགས་དཔལ།།
གོང་ནས་གོང་འཕེལ་འཇིག་རྟེན་རྒྱན་དུ་ཤོག།

ཁྱད་པར་གངས་རིའི་སྲས་མོ་མཆེད་ལྕམ་རིགས།།
དྲང་བདེན་ཐེག་པའི་ལམ་བཟང་རྟག་བསྟེན་ནས།།
བཅུ་ཕྲག་རིག་པའི་སྒྲོན་མེ་ནང་ནས་བཞད།།
མ་ལུས་ཡུམ་ཆེན་དགོངས་པ་མཐར་ཕྱིན་ཤོག།

ཅེས་པ་རབ་རྒྱན་ཤིང་རྟའི་རྒྱལ་སྤྱིའི་བུད་མེད་དུས་ཆེན་ལ་གདོང་གྲོགས་ཕྱི་གསལ་ནང་གསལ་གྱིས་བསྐུལ་བར་ལྟར་བིརྱ་དྷྰ་ར་ཤྲྰི་ཨ་ནནྟ་བཛྲས་ཐོལ་བྱུང་དུ་བོད་བརྒྱུད་རྣལ་འབྱོར་ཆོས་ཚོགས་ཁང་ནས་སྨོན་པར་དགེའོ།། །།

0 comments:

ཟིན་བྲིས་འཚོལ་ཡུལ