དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Saturday 8 March 2014

༧རྒྱལ་བ་རིན་པོ་ཆེའི་གསོལ་འདེབས་ཀུན་བཟང་མཆོད་སྤྲིན།།

ན་མོ་གུ་རུ་མ་ཎི་པདྨ་ཡེ།།

སྣང་སྲིད་རྣམ་དག་ལྷ་དང་བླ་མ་ལ།།
སྣང་སྲིད་གཞིར་བཞེངས་ཀུན་བཟང་མཆོད་སྤྲུལ་འབུལ།།
ཁམས་གསུམ་ཡོངས་གྲོལ་ངང་ནས་གསོལ་བ་འདེབས།། 
འཁོར་བ་དོང་སྤྲུགས་ནུས་པར་བྱིན་གྱིས་རློབས།།

སྐྱབས་གནས་དམ་པ་འགྲོ་ཁམས་ཡོངས་ཀྱི་རྗེ།།
སྨྲ་བསམ་བརྗོད་བྲལ་རྒྱལ་བ་རིན་པོ་ཆེ།།
མཁྱེན་བརྩེ་རིག་གྲོལ་ངང་ནས་གསོལ་བ་འདེབས།།
མྱང་འདས་དཔལ་ཡོན་ཐོབ་པར་བྱིན་གྱིས་རློབས།།

ཆོས་དབྱིངས་མཉམ་ཉིད་ཡེ་ཤེས་ལྡན་ལ།།
སྤངས་རྟོགས་ཀུན་བཟང་རྒྱལ་དབང་རྡོ་རྗེ་འཆང་།།
འཁོར་འདས་རང་གྲོལ་ངང་ནས་གསོལ་བ་འདེབས།།
སེམས་ཉིད་གནས་ལུགས་རྟོགས་པར་བྱིན་གྱིས་རློབས།།

ཨོཾ་གུ་རུ་མ་ཎི་པདྨ་སིདྡྷི་ཧྰུྃ།།

གངས་རིས་མུ་ཁྱུད་མཛེས་པའི་ཞིང་ཁམས་སུ།།
ཕན་བདེའི་འབྱུང་གནས་རྒྱལ་བ་རིན་པོ་ཆེ།།
གསང་གསུམ་མི་འགྱུར་ཆོས་བདུན་ངོ་བོར་བཞུགས།།
བཞེད་དོན་མཐའ་དག་འབད་མེད་ལྷུན་གྲུབ་ཤོག།
ཅེས་པ་འདི་ཡང་རབ་རྒྱན་ཤིང་རྟའི་ཡར་ཚེས་དགེ་བར་རྨི་ལམ་ཡ་མཚན་ཅན་རྨིས་པ་དང་དྲ་གྲོགས་བཟང་ངན་འགས་དག་སྣང་པའི་རྐྱེན་ལས་གང་དྲན་དུ་དབྱིན་ཡུལ་ཀུན་བཟང་ཆོས་གླིང་ནས་རིག་འཛིན་ཨེ་མ་ཧོས་གསོལ་བ་འདེབས་པར་དོན་དང་ལྡན་པར་གྱུར་ཅིག་གུ།། །།

0 comments:

ཟིན་བྲིས་འཚོལ་ཡུལ