Saturday, 14 May 2011
00:43 | 
Posted by
༄༅།། ཨེ་མ་ཧོའི་རིག་མཛོད་། |
༡
སྒེར་གྱི་དྲ་ཚིགས། དཔེར་ན་བོད་ནང་འཁོར་ལ་མཚོན་ན་དམ་པའི་ཆོས་ཕྱོགས་ནས་ཚངས་དབྱངས་དྲ་བ་དང་འཇིག་རྟེན་ཕྱོགས་ནས་སེང་རྡོར་དྲ་ཚིགས་ལྟ་བུ་དམངས་གཙོ་ཡང་དག་གི་དྲ་ཚིགས་སུ་མཐོང་།
༢
རྣམ་དཔྱོད་ཅན་གྱི་བསོད་ནམས་འོད་ཟེར་ནི་ཆོས་ལུགས་དང་ཆོལ་ཁ་ལ་ཕྱོགས་ཞེན་མེད་པར་༧གོང་ས་ཐམས་ཅད་མཁྱེན་པའི་བཀའ་གསུང་ནང་བཞིན་ཆིག་སྒྲིལ་བོད་མིའི་ཆོས་དཔལ་རིག་གསུམ་ལ་འཛིན་སྐྱོང་སྤེལ་བའི་གང་ཟག་ཁྱད་འཕགས་ཅན་ཞིག་རེད། ཉི་མ་འཚོ་ཡང་བོད་ཕྱི་ནང་གཉིས་ན་ཤེས་རིག་གསལ་བའི་སྣང་བྱེད་ཀྱི་ཉི་མ་ལྟ་བུ་བོད་རིགས་བུད་མེད་ཡོངས་ཀྱི་གསལ་བྱེད་ཀྱི་རྒྱན་ཆ་ཡར་དཔེ་ལྟ་ཆོག་སའི་ཕུལ་བྱུང་གི་སྙན་ངག་མཁན་ཞིག་རེད། ང་རང་ངོས་ལ་མཚོན་ན་ང་ཚོ་གངས་ཅན་པའི་བསོད་ནམས་ཀྱི་འོད་ཟེར་དང་ཞི་བདེའི་ཉི་མ་འཚོ་བའི་རྟེན་འབྲེལ་ཞིག་ཏུ་ངོས་འཛིན་བྱས་ཡོད། །
༣
གལ་ཏེ་བོད་ཀྱི་དྲ་བ་མ་བཟོ་ཞེས་འབོད་སྐུལ་བྱེད་འདོད་པ་ཡིན་ན། ཕྱོགས་ཞེན་ཅན་གྱི་དྲ་ཚིགས་བོན་པོའི་དྲ་བ་ཞེས་པ་དང་། རྙིང་མའི་དྲ་ཚིགས་ཞེས་པ་དང་། དེ་བཞིན་ས་དགེ་བཀའ་ལུགས་ཀྱི་གྲུབ་མཐའ་ཕྱོགས་རེ་བས་ཨུ་ཚུགས་རྐྱང་བའི་དྲ་ནག་དེ་ཚོགས་ནི་བསླུ་བྱེད་ཀྱི་མུན་ནག་དང་ཕྱོགས་ཞེན་གྱི་དམ་སྲི་དེ་ཚོ་མ་བཟོ་ན་ ལེགས། གལ་ཏེ་བཟོ་ན་རིས་མེད་གྲུབ་མཐའི་དྲ་བ། གཞི་བྱེས་འཛོམས་པའི་འདུ་ར། ། ཕུ་ནུའི་འདུ་ར་སྟག་ཐང་ཁྲ་མོ་ཞེས་བོད་གཞི་བྱེས་ཚང་མ་མཉམ་འཛོམ་མཉམ་འདུས་ཀྱི་དྲ་ཚིགས། ཚོགས་མི་ཡང་། མིང་དང་ས་གནས། ཆོས་དང་ཆོལ་ཁ་ཕྱོགས་འཐེན་མེད་པར་མངོན་གསལ་ཐོག་ནས་གཟུར་གནས་བློ་གྲོས་ལྡན་པས་བགྲོ་གླེང་རེ་གནང་ས་ཡོད་ན་གངས་ལྗོངས་བསྟན་སྲིད་སྤྱི་ལ་ཕན་པར་ངེས་སོ། །
༤
སྙིང་ནས་འབོད་སྐུལ་ཞིག་ལ་སྒྱུ་རྩལ་དྲ་བཟོ་བ་དག་གིས་རྒྱུ་ནོར་དཔུང་གི་ངོ་སོ་ལ་མི་ལྟ་བར་ཉམ་ཆུང་ཤེས་་ཅན་ཚོ་ལ་རང་དབང་རང་བཙན་དག་མའི་དབང་ཆ་རེ་འཛམ་གླིང་སྤྱི་རྒྱའི་དྲ་སྟེང་ན་ གནང་བར་མཁྱེན་ནོ། །
༥
ཁྱད་པར་དྲ་བཟོ་བ་བསོད་ནམས་འོད་ཟེར་གྱི་གཙོས་དེང་རིག་སྒྱུ་རྩལ་འདྲེན་པའི་ཤིང་རྟ་ཆེན་པོ་ཚོས་གངས་རིའི་ལྗོངས་ཀྱི་བསྟན་སྲིད་སྤྱི་ལ་ཕན་བདེའི་འོད་སྟོང་འབྱིན་པའི་རོགས་དན་དུ་སྙིང་ ནས་སྨོན་འདུན་བཅས་ཤྲྰི་སྨྱོན་པས་གུས་ཕུལ། །
Subscribe to:
Post Comments (Atom)
0 comments:
Post a Comment