Sunday 15 May 2011
04:51 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །མཁན་ཆེན་བླ་མ་དཔལ་དགྱེས་པ་རྡོ་རྗེ་རིན་པོ་ཆེའི་ཞབས་བརྟན་
སྨོན་ཚིག་འཇིག་བྲལ་རྡོ་རྗེའི་ལྷུན་པོ་ཞེས་བྱ་བ།།
འོད་ཟེར་མཐའ་ཡས། སྐྱེན་དགོན།
ན་མོ་གུ་རུ་པདྨ་ཀ་ར་ཡེ། །
རྒྱལ་ཀུན་འདུས་པའི་བདག་ཉིད་དཔལ༵་ལྡན་བླ་མ། །
དགྱེས༵་བཞིན་རྗེས་སུ་འཛིན་པ༵ར་གསོལ་བ་འདེབས་ཤིང་། །
གསང་གསུམ་རྡོ༵་རྗེ༵འི་ངོ་བོར་འཚོ་གཞེས་གསོལ་བས། །
མི་འཇིགས་གདོང་ལྔའི་ཁྲི་ལ་བརྟན་པར་བཞུགས་མཛོད། །
སྐྱེ་འཇིག་བགྲེས་རྒུད་ཀུན་བྲལ་རྒྱལ་དབང་པདྨ། །
འཆི་མེད་མཆོག་གྲུབ་གནུབས་སྟོན་སངས་རྒྱས་ཡེ་ཤེས། །
ཇི་བཞིན་འགྱུར་མེད་རྟག་བརྟན་རྡོ་རྗེའི་ཆོས་སུ། །
མི་གཡོ་བརྟན་པར་བཞུགས་ལ་འགྲོ་དོན་མ་བསྙེལ། །
སྙིགས་འགྲོ་སྤྱི་དང་ཁྱད་པར་སློབ་ཚོགས་རྒྱ་མཚོའི། །
རྩེ་གཅིག་གསོལ་འདེབས་དོན་ལ་བཏང་སྙོམས་མ་མཛད། །
ཐུགས་བསྐྱེད་སྨོན་ལམ་བརྟན་པོའི་གོ་ཆ་མ་བྲལ། །
རླབས་ཆེན་བསྟན་འགྲོའི་བདེ་དོན་ཡལ་བར་མ་དོར། །
ཚེ་ལྷ་དྲང་སྲོང་རིག་འཛིན་བརྒྱུད་པའི་མཐུ་ཡིས། །
གནས་ཡུལ་དབྱིངས་ཀྱི་ཌྰ་ཀིའི་བསུ་མ་སློག་ནས། །
སྐུ་ཚེ་བསྐལ་བརྒྱར་བཞུགས་པའི་སྨོན་འདུན་ཞུ་ན། །
མཆོག་གསུམ་བདེན་པས་ཇི་བཞིན་འགྲུབ་པར་གྱུར་ཅིག །
ཅེས་འོད་ཟེར་མིང་གིས་ཤར་མར་གསོལ་བ་བཏབ་པས་སློབ་ཚོགས་འབུམ་ཕྲག་བརྒལ་བ་དག་གིས་མཆོག་གི་དགུང་སྐེག་ལས་གྲོལ་ཕྱིར། ཞབས་རིམ་དུ་རྣམ་དཀར་རྒྱ་ཆེན་སྒྲུབ་པའི་མཐུས་དེ་ལྟར་དུ་འགྲུབ་པར་གྱུར་ཅིག། བདག་ གི་ལྕེ་ཡི་དབང་པོ་ལ། །བདེ་གཤེགས་སྤོབས་པ་ལྡན་པར་ཤོག །ཚིག་གིས་གཟི་བརྗིད་མཐུ་དེས་ནི། ། བསོད་ནམས་ཐམས་ཅད་འགྲུབ་པར་ཤོག །བདག་གི་ཚིག་ནི་ཅི་སྨྲས་པའི། །དོན་དེ་ཐམས་ཅད་འགྲུབ་པར་ཤོག ། ཏདྱ་ཐ། ཨོྃ་དྷ་རེ་དྷ་རེ་བྷནྡྷ་རེ་སྭྰ་ཧྰཿ སྨོན་ལམ་འདི་ནི་རྒྱལ་བའི་བཀའ་ཡིན་ནོ། །
Subscribe to:
Post Comments (Atom)
0 comments:
Post a Comment