Saturday 24 September 2011
19:26 | 
Posted by
༄༅།། ཨེ་མ་ཧོའི་རིག་མཛོད་། |
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༩ སྐར་མ་ ༡༦ ཀྱེ་མ་ཀྱེ་ཧུད། ལྷོ་སྤྲིན་བྱང་ལ་མ་སོང་ན། །གངས་ཐན་འབབ་དོན་ཅི་ལ་ཡོད། །རྒྱ་པན་ཐུག་འཕྲད་མ་བྱས་ན། །དགེ་ལྡན་ཁྲི་བ་དམོད་དོན་མེད། །དེས་ན་མཁས་དབང་ལྷ་གནམ་དང་། །བེ་འཇིགས་དགེ་མཐོང་དགེ་བཤེས་སོགས། །གསུང་ཞིག་གནང་ན་མི་ལེགས་སམ། །དགེ་ལུགས་སྡིག་ལུགས་ཤན་འབྱེད་དེ། །བདེན་དྲང་ལམ་ནས་གསུང་བར་མཁྱེན། །བཀའ་གདམས་རྒྱལ་བའི་བསྟན་པ་ལ། །ཁ་མིན་སྙིང་རྩ་དཀར་པོའི་བུ། །དགྱེས་པ་རྡོ་རྗེས་དེ་སྐད་ཐལ། །མ་གོ་མ་རིག་མ་གསུངས་ལེགས། ། ཤྲྰིས་སོ།
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༩ སྐར་མ་ ༣༤ གནས་ལུགས་དང་རྒྱུ་མཚན་དགེ་ལྡན་རྣམ་པར་རྒྱལ་བའི་གླིང་ཤར་རྩེ་ནོར་གླིང་གྲྭ་ཚང་དྲ་རྒྱ་ཡོད།
His Holiness the 101st Gaden Trisur, Jetsun Lungrik Namgyalhttp://www.gadenshartse.net/Gurus%20Teachers.html
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༡ སྐར་མ་ ༣༡ དཔལ་དགྱེས་པ་རྡོ་ རྗེ་ལགས། མི་ལ་བཤད་ཡ་དང་པོ་མཚམས་བཞག་ནས་རང་ངོས་མེ་ལོང་མདུན་དུ་བཞག་ནས། ༧གོང་ས་སྐྱབས་མགོན་རིན་པོ་ཆེས་བཀའ་མོལ་དེ་གཅིག་གཟིགས།
“ ཉེ་ཆར་ངོས་རང་ཕྱི་རྒྱལ་དུ་སྐྱོད་སྐབས་བོད་པའི་གྲྭ་ཆས་གྱོན་མཁན་ཕྱི་རྒྱལ་ ཁྱོ་ག་ཞིག་དང་སྐྱེས་དམན་ཞིག་འདུག གོ་ཐོས་ལྟར་ན། ཁོང་གཉིས་བཟའ་ཚང་རེད་ཟེར་གྱི་འདུག ཁྱོ་ག་དང་སྐྱེས་དམན་གཉིས་ཀྱིས་གྲྭ་ཆས་གྱོན་བསྡད་ན་ཡག་པོ་མི་འདུག དེ་བཞིན། ཟླ་ཤས་གོང་ངོས་ཀྱིས་གསར་འབྱོར་བ་ཁག་ཅིག་ལ་ཐུག་འཕྲད་བྱས་སྐབས། ཕོ་གསར་ཞིག་གིས་སྐྲ་རིང་པོ་བཞག་སྟེ་གྲྭ་ཆས་གྱོན་འདུག་ལ། སྟོད་འགག་ཀྱང་སེར་པོ་ཞིག་གྱོན་འདུག ངས་ཁྱེད་རང་གྲྭ་བ་ཡིན་ནམ་མི་སྐྱ་ཡིན་ཞེས་དྲིས་པ་ཡིན། ཁྱེད་རང་མི་སྐྱ་ཡིན་ན་གྲྭ་ཆས་འཕུད་དགོས་པ་རེད། སྔགས་འཆང་ཡིན་ན་གོས་དཀར་ལྕང་ལོའི་སྡེ་ལྟར་འགྲོ་དགོས་པ་རེད། གྲྭ་བ་ཡིན་ན་སྐྲ་གཅོད་དགོས་པ་རེད་ཅེས་བཤད་པ་ཡིན། ”
གཞིས་ནས་སྐད་ཆ་་འགོ་འཛུགས་ན་འགྲིགས་ས་རེད།
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༣ སྐར་མ་ ༠༨ དྲ་གྲོགས་རྣམས་ཁ་བྱང་འདི་ལ་གཟིགས་དཔར་མང་པོ་འདུགwww.nagbausa.org
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༤ སྐར་མ་ ༡༨ འགོ་ལ་སྡོད་མཁན་ ཚོས་གསུངས་པའི་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་འགྲོ་སྟངས་དེ། བླ་རྒན་འདིས་རྒྱ་ནག་ལ་ཁ་གཏོད་དང་འདྲ་ཡི་ཡོད་ཟེར་མཁན་འདི་ཚོས་བསམ་བློ་བཏང་ ནས་སྐད་ཆ་བཤད་ན་ཡག་པོ་འདུག
ཟུར་དང་སུལ་ཡོད་ཚད་ནས། ༸རྒྱལ་བ་རིན་པོ་ཆེར་ངན་སྨོད་བྱེད་རྒྱུ་འདི་ཡག་པོ་མ་རེད།
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༥ སྐར་མ་ ༣༡ ད་དུང་སུད་སི་དང་ བལ་ཡུལ་སོགས་ན་རྒྱ་ནག་གཞུང་ཚབས་ཀྱི་གསོལ་བསྟོན་ལ་འགྲོ་མཁན་དང་རྒྱ་གཞུང་ལ་ འབྲེལ་བ་ཉེ་པོ་ཅན་མང་དག་ཅིག་ཡོད་པས་ཁོ་ཚོ་ལ་ངེས་པར་དུ་རྒོལ་གཏམ་ཚ་ནན་གཏོང་ དགོས།
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༦ སྐར་མ་ ༠༥ ཡ་ད་ཡིན་ན་ཞར་དང་ ཞོར་ལ་ལྟས་མོ་ཇེ་ཆེ་རེད། ཁ་བའི་རྡུལ་བརྩེགས་ནས་དགྱེས་རྡོར་ལ་གཟེར་མིག་སྟེང་དུ་མེ་བཙའ་ཞིག་བཞག་སོང་ད། ལར་ནི་མཇན་མགོན་ཀོང་སྤྲུལ་བློ་གྲོས་མཐའ་ཡས་ཀྱི་གསུངས་དེ་ཅིས་མི་བདེན།
རང་སྐྱོན་རི་བོ་ཙམ་ཡང་ཁོངས་སུ་སྦས།
གཞན་སྐྱོན་ཏིལ་འབྲུ་ཙམ་ཡང་བསྒྲོགས་ཤིང་སྨོད།
གསུངས་པ་ལྟར་དགྱེས་རྡོར་ ཁོ་རང་འདས་པའི་ལོ་ཤས་རིང་རྒྱ་གར་བལ་ཡུལ་མ་ལེ་ཤ་སེངྒ་པུར་དེ་ནས་རིམ་བཞིན་ཨ་ རི་སོགས་སོང་རྗེས་ལ་བལྟས་ན་དེང་སང་ཞབས་འདྲེན་པ་དགའ་ལྡན་ཁྲི་ཟུར་འདི་ཡི་ཁྲི་ ཚབས་ཕལ་ཆེར་བྱས་ཡོད་རྒྱུ་རེད་ད།
སྤྱི་ལོ་ ༢༠༡༡ ཟླ་ ༩ ཚེས་ ༢༤ གི་ཆུ་ཚོད་ ༡༧ སྐར་མ་ ༥༠ ལགས་སོ། ཁ་རྡུལ་དང་ཀརྨ་ཡེ་ཤེས་ལགས། ཡག་པོ་གསུངས་སོང་། ཀརྨས་གོ་སྐབས་ཡག་པོ་འཚོ་ཡོད་སྙམ་སོང་ངམ། ༧གོང་ས་མཆོག་གི་གསུངས་ས་དེ་སུ་ཞིག་ལ་ཕོག་གམ་ཀརྨ་པ་ལའམ་དགེ་ཁྲི་ལ་ཡིན་ནམ། གཙོ་བོས་ཆད་པར་གཉིས་ལོག་ཟེར་བ་ནང་བཞིན་ས་སྐྱ་སང་གི་སྐྲ་བཅད། དགེ་ཁྲི་སོང་གི་གོས་ཕུད། ཀརྨ་སང་གི་ནག་སྐྱིན་སོབས་། རྫུན་གཏམ་དེ་ཚོ་བར་མཚམས་འཇོག་པར་གྱིས་དང་། བོད་རིགས་གཞན་དག་ཚོས་ཀྱང་དེ་ལུགས་གནང་གི་རེད། ང་ཚོ་བོད་བརྒྱུད་ནང་བསྟན་ལ་འཛིན་སྐྱོང་སྤེལ་བའི་དམངས་གཙོ་ཡིན་པའི་ཕྱིར། ཉམ་ཆུང་ང་ཡིས་རྟགས་ཙམ་གང་དུ་བསྒྱུར་ཀྱང་ལས་ཤིན་ཏུ་སླའོ། །དེ་མིན་གཞི་མེད་ཀྱི་སྒྲོ་འདོགས་ཚོ་ནི་བསམ་ནག་ལས་ངན་རང་ལ་འཁོར་བར་འགྱུར་བས་ མི་འགྱིང་བར་འཛམ་གླིང་ལས་ཀྱི་ས་བ་ཡིན་པས་བག་ཡོད་པར་མཛོད་ཅིག །ངས་བཤད་པ་འདི་དག་ལྷག་བསམ་རྣམ་དག་གིས་ཁྱེད་ཚོ་ལ་ཕན་སེམས་གྱི་ཁ་ཏ་ལས་ཞེ་ འཁོན་ངན་པའི་བབ་ཅོལ་མིན་པར་སྔོན་དངོས་རྗེས་ལ་བརྟག་པར་མཛོད་ཅིག ། ཨོ་ཞུ་དགོས་པ་གཅིག་ལ་དགྱེས་རྡོར་ཟེར་བ་ཞིག་གིས་ཉེས་པ་ངོས་འཐུང་བྱས་ཁུལ་གྱི་ མཚར་གཏམ་མམ་ཀླད་ཆུང་དབང་རྩ་ལ་སྐྱོན་ཤོར་བ་དག་ནི་བདག་མིན་པར་ཁ་བརྡ་དྲ་བས་ ཀྱང་ངེས་པར་ཤེས་པས་བདེན་དང་ལུང་བ་ཕུ་ཐག་རིང་ཟེར་དེ་ཡིན་ནོ། ། གཙོ་བོ་སྐྱོན་དེ་ཚང་མ་༧གོང་ས་མཆོག་གི་སྟེང་ལ་མ་གཡོགས་ལོ། ཀརྨའི་མཚན་དང་ཁ་བའི་མིང་ཅན་ཚོ། ༧གོང་ས་མཆོག་སྐུ་ན་མཐོན་པོ་འདི་འདྲར་ཕེབས་ཚར་དུས་ང་ཚོའི་བསམ་པ་ཅི་འདྲ་དང་ བསྟན་འགྲོར་ཕན་བདེ་ལ་ཐབས་ཤེས་ཅི་འདྲ་དགོས་ངེས་པར་དུ་ཤོད་དགོས། ཁྱོད་ཚོ་ལ་དགོས་མཁོ་རེ་ཡོད་ན་སྐྱོན་ཚོང་མ་ངའི་མིང་ཐོག་ལ་བཀོད་དང་མི་འགྲིགས་ རྒྱུ་མེད། རང་ངོས་ནས་དཀོན་མཆོག་དང་ལས་འབྲས་ཡོད་པའི་མི་བུ་དྲང་སྲོང་ལྷ་ལྟ་བུ་ཞིག་ཡིན་ པས་ངོ་ཚ་དགོས་པ་ཅི་ཡང་མེད་པས་ཁྱོད་ཚོས་གང་དགའ་ཤོད་། ཅི་འདོད་སྨོད་དོ། ། དགེ་ཁྲིས་ད་རིས་རང་སྣང་ལོག་ལམ་དུ་སོང་བ་འདི་དག་༧གོང་ས་མཆོག་ལ་དངོས་སུ་རྒྱབ་ འགལ་དུ་བྱས་ནས་འབྲེལ་བ་བྱས་པ་རེད། བསྟན་པའི་སྤྱིའི་ཆག་སྒོ་རེད། རེད་ཡ། སྔོན་ཀརྨ་པ་རྒྱ་པན་ལ་ཐུག་མྱོང་ཡོད། མ་ཚད་ཕྱག་ཀྱང་འཚལ་མ་མྱོང་ངམ། ཧ ཧ འབྱུང་འགྱུར་ནང་བརྒྱུད་གྲུབ་མཐའ་འཛིན་པ་ཚོས་རང་ཚུགས་མ་ཐུབ་ན་རང་ཆོས་ཤོར་ནི་ རེད་ཡ། མདོར་ན་གངས་ཅན་པའི་བདེ་སྐྱིད་དང་བསྟན་འགྲོ་ལ་ཕན་བདེ་བསམ་པ་ཞིག་ཡིན་ནས་བཟུང་ དོལ་འདྲེ་ལ་ངོ་བསྟོད་དང་ལྐོག་དགའ་བྱས་ན་མ་འོངས་གངས་ཅན་པ་ཞེས་པ་མིང་གི་ལྷག་ མ་ཙམ་དུ་འགྱུར་བ་ཡིན་པས་བོད་རིགས་ཀུན་གྱིས་གཟབ་ན་མི་ལེགས་སམ། གོང་དུ་ནགས་ཀྱི་སེངྒེའི་ལུང་བསྟན་པ་བཞིན་འགྱུར་ཉེན་ཆེ་བས་རྐྱེན་མ་ཡོང་གོང་ གི་བཟློག་པ། ཆུ་མ་ཡོང་གི་ཆུ་རགས་དེ་དགེ་ལྡན་བསྟན་འཛིན་ཡོངས་ཀྱི་ལས་འགན་རེད། དྲང་པོ་བཤད་ན་དགེ་ལྡན་ནང་ཀྱང་༧གོང་ས་མཆོག་ཁེར་རྐྱང་མ་གཏོགས་ཇུས་དོགས་མི་ དགོས་པ་ཞིག་གཏན་ནས་མ་རེད། སེ་འབྲས་དགའ་གསུམ་ལགས། ཁྱེད་ཚོས་དྲེགས་པ་རང་རྒྱུད་པའི་འཁོར་དུ་སྐྱེ་བར་འདོད་དམ། དགའ་ལྡན་ཡིད་དགའ་འཛིན་ནམ། རྣམ་པ་ཐམས་ཅད་མཁྱེན་པའི་གོ་འཕང་གང་སྒྲུབ་འདོད་རང་ལག་མིན་ནམ། ༧རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོས། ངས་ནི་ཁྱོད་ལ་ཐར་པའི་ཐབས་སྟོན་གྱི། །ཐར་པ་རང་ལ་རེག་ལས་ཤེས་པར་མཛོད། ཅེས་སོ། དེ་ཙམ་ཡིན།
༄༅། །འདྲེན་མཆོག་ཐམས་ཅད་མཁྱེན་པ་གང་ལ་བསྟོད་པ་
ངེས་བརྗོད་སྙིང་གི་བདུད་རྩི་ཞེས་བྱ་བ། །
གངས་རྩེ་ནས
གང་ཐུགས་ཡེ་ཤེས་དྲྭ་བའི་མུ་ཁྱུད་འཁོར་འདས་ཆོས་ཀུན་ཅིག་ཅར་བཟླུམས། ། གང་གསུང་འགག་མེད་ཚངས་དབྱངས་རོལ་མོ་ཐ་དད་མོས་པའི་རྗེས་སུ་འགྲོ། ། གང་སྐུ་མཚན་དཔེའི་ལང་ཚོ་གསལ་རྫོགས་སྲིད་པ་གསུམ་ན་ལྷམ་མེ་བ། །སྐལ་བཟང་རྣམ་འདྲེན་སྟོང་ལས་ཕུལ་གྱུར་ཐུབ་དབང་ལྷ་ཡི་བླ་མར་འདུད། །
རྒྱལ་ཀུན་ཐུགས་རྗེའི་ཆུ་གཏེར་འཁྱིལ་བ་ལས། །
ལེགས་འཁྲུངས་་སྲིད་ཞིའི་གདུང་སེལ་འོད་དཀར་ཅན། །
གངས་ཅན་འགྲོ་བའི་དཔལ་དུ་ཤར་བའི་ལྷ། །
འཕགས་མཆོག་མིག་མི་འཛུམ་པས་འགྲོ་འདི་སྐྱོངས། །
ངག་ལ་ངག་གི་དབང་ཕྱུག་དགྱེས་རོལ་ཞིང༌། །
བློ་ལ་བློ་བཟང་མཁྱེན་རབ་དཀྱིལ་འཁོར་རྒྱས། །
ཐུབ་བསྟན་ཡོངས་སུ་འཛིན་ལ་ཟླ་བྲལ་བ། །
བརྩེ་བ་རྒྱ་མཚོའི་བདག་ཉིད་མཆོག་དེར་གུས། །
སྲིད་ཞིའི་དཔལ་ཡོན་མ་ལུས་འདུས་པའི་ཕུལ། །
དོན་ཀུན་གྲུབ་པའི་རིང་ལུགས་ཁོ་ན་སྟེ། །
དེ་དོན་ཇི་བཞིན་འདོམས་མཛད་དགེ་བའི་བཤེས། །
བསྟན་འཛིན་དམ་པའི་མགོན་དེ་ཕྱག་གི་གནས། །
དད་གསུམ་འདབ་སྟོང་འཛུམ་པའི་སྐྱེད་ཚལ་ནས། །
གུས་འདུད་ཕྱག་གི་ཟློས་གར་བསྒྱུར་དང་ལྷན། །
བསྟོད་གསོལ་སྙན་པའི་རོལ་མོ་དེང་ཁྲོལ་ན། །
དྲི་མེད་ཡེ་ཤེས་ཀློང་ནས་དར་ཅིག་དགོངས། །
རིག་སྟོང་ཆོས་སྐུ་མེ་ལོང་དྭངས་མའི་གཞིར། །
འོད་གསལ་སྒྱུ་འཕྲུལ་བཀོད་པའི་མདངས་བཀྲ་ཡང། །
ད་དུང་ཁ་བའི་མདངས་འཛིན་ཨུཏ་པ་ལའི། །
འཁྲི་ཤིང་ཕྱག་ན་གཡོ་བའི་འཇོ་སྒེག་ཅན། །
གང་གི་ཐུགས་རྗེ་ཟླ་གཞོན་བྱེ་བའི་མདངས། །
གངས་ཅན་བསོད་ནམས་དཔལ་དུ་འཛུམ་མ་ཐག །
ནང་གི་མུན་པ་སོལ་བའི་རང་མདངས་ཅན། །
ཡོངས་སངས་མཁའ་ལ་སྣང་བས་ཁྱབ་པ་བཞིན། །
ཁྱད་པར་སྤྲུལ་རབས་ཉི་ཟླའི་ཕྲེང་བ་ཅན། །
གངས་ལྡན་འགྲོ་བའི་ཡིད་མཁར་རེས་མོས་ཀྱིས། །
ཕན་བདེའི་འོད་སྣང་འགྱེད་ལ་རྟག་བྲེལ་བས། །
ཕུན་ཚོགས་འོད་ལྡན་ལ་ཡང་སྐྱེངས་པ་བྱིན། །
ལུགས་ཟུང་གསེར་གྱི་འཁོར་ལོའི་རྩིབས་སྟོང་བཀྲ། །
ཕུན་ཚོགས་སྡེ་བཞི་དཔལ་གྱི་བེའུར་འཁྱིལ། །
ཐབས་མཁས་ཐུགས་རྗེའི་གདུགས་མཆོག་ཀླད་ན་མཛེས། །
ཕྱོགས་ལས་རྣམ་པར་རྒྱལ་བའི་རྒྱལ་མཚན་བསྒྲེངས། །
ཟབ་རྒྱས་ཆོས་ཀྱི་དུང་སྒྲ་སྙན་ལ་འཇེབས། །
གདམས་ངག་བདུད་རྩིའི་བུམ་བཟང་བརྗིད་ལ་ལྟེམ། །
ཚུལ་ཁྲིམས་པད་མའི་མཚོ་གླིང་བསིལ་ལ་འཇམ། །
སྐལ་བཟང་གསེར་གྱི་ཉ་མོ་གར་ལ་རྩེན། །
དེ་ལྟར་རྫོགས་ལྡན་དུས་ཀྱི་སྙེམས་ལྡན་པ། །
འདས་པའི་གངས་ལྗོངས་དགེ་ལེགས་རྩེར་སྙེགས་པའི། །
ངོ་མཚར་གྲགས་པ་དཀར་པོའི་མུ་ཁྱུད་ཀྱིས། །
ཛམ་བུས་མཚན་པའི་གླིང་འདི་སྐལ་བཟང་བྱས། །
འོན་ཏང་རྣམ་གྲོལ་བདུད་རྩིའི་གླིང༌། །
བདག་གིར་མ་བྱས་དེ་སྲིད་དུ། །
འདུས་བྱས་གློག་གི་གར་མཁན་མས། །
བསླུས་པར་མ་གྱུར་སྲིད་ན་གང༌། །
ཐུན་མོང་ལེགས་བྱས་རི་མོ་ནི། །
མར་ཟླའི་ཉ་ལ་ཅོ་འདྲི་བའི། །
དུས་ངན་མུན་པའི་འཁོར་ཁྱིམ་ཅན། །
གངས་ཅན་རི་བོའི་མཐོངས་སུ་ལྷགས། །
ནག་པོའི་རྩ་ལག་སྡེ་བཅས་ཀྱི། །
འཚེ་བ་ཆུ་སྲིན་གླལ་བའི་ཁར། །
ཕྱོགས་པའི་བསིལ་ལྗོངས་བསྟན་སྲིད་ཀྱི། །
ཕན་བདེའི་སྲོག་ཟུངས་སྡུད་ལ་ཉེ། །
དེ་ཚེ་རྒྱལ་ཀུན་མཁྱེན་བརྩེ་ནུས་པའི་དཔལ། །
ཕྱག་ན་པད་དཀར་འཆང་དང་པད་མ་སྐྱེས། །
དབྱེར་མེད་རྒྱལ་སྲས་དཔའ་བོའི་རྣམ་རོལ་གྱིས། །
སླར་ཡང་འགྲོ་འདི་སྐྱོབས་ལ་ལྷག་པར་བྲེལ། །
སྐྱེ་མེད་ཡི་གེའི་སྒྲ་ལྡན་མཚོ་སྔོན་པོ། །
ལྷ་ཀླུ་དྲང་སྲོང་གྲུབ་པའི་བསྟི་གནས་སུ། །
དགེ་ལེགས་ངོ་མཚར་བྱེ་བའི་ལྟས་དང་བཅས། །
མཐོང་གྲོལ་མཚན་དཔེའི་པད་མོ་རྣམ་པར་བཞད། །
གོང་མའི་ཞལ་ཆེམས་གསེར་གྱི་སྤྲིངས་ཡིག་དང༌། །
བསླུ་མེད་རྩ་གསུམ་ལྷ་ཡི་བཀའ་ལུང་དང༌། །
ཉིད་ཀྱིས་དུས་གསུམ་སྒྲིབ་མེད་གཟིགས་ཚུལ་གྱིས། །
འཁྲུལ་བྲལ་ལྷ་མིའི་འདྲེན་པར་ཡིད་ཆེས་རྙེད། །
དེ་ཚེ་སྐལ་བཟང་དྲེགས་ལྡན་བྱེ་བ་བརྒྱའི། །
འདར་ལྡན་རལ་བའི་ཅོ་པན་གཡོ་བའི་རྩེར། །
ཞབས་སེན་འཁོར་ལོའི་གཟི་བྱིན་འཁྱིལ་བ་ཡིས། །
ཡིད་སྲུབས་སྡེ་བཅས་སྙིང་ལ་མྱ་ངན་བྱིན། །
ཕྱག་ན་པད་མོ་རང་གི་རྒྱལ་སྲིད་དུ། །
འཁོད་པའི་གྲགས་པ་དཀར་པོའི་རྔ་ཡབ་ཀྱིས། །
རྣམ་མང་སྙིང་ལ་བདུད་རྩིས་བྲན་པ་བཞིན། །
དགའ་དང་སེམས་ཀྱི་མྱོང་བ་མཚོན་ནུས་མིན། །
ཐུབ་པའི་རྒྱལ་ཚབ་སྡོམ་བརྩོན་མཁན་སློབ་དྲུང༌། །
གནག་སྣུམ་དབུ་ལོའི་གཙུག་ཕུད་ལེགས་ཕུལ་ཏེ། །
ཚངས་སྤྱོད་དུལ་བ་གཞོན་ནུའི་ངང་ཚུལ་གྱིས། །
ཁམས་གསུམ་ཡིད་འཕྲོག་ཚངས་དབང་ལྷས་ཀྱང་བསྙེན། །
སྒོ་གསུམ་གཅིག་ཏུ་དཀར་བའི་དཀྱིལ་འཁོར་ལ། །
བཅས་རང་རི་དྭགས་མཚན་མས་ཡོངས་བཏང་བས། །
སྟོན་ཟླ་གསལ་བའི་དཔལ་ཡང་སྐྱེངས་གྱུར་ཏེ། །
དབང་ཕྱུག་རལ་བའི་ཀློང་དུ་གབ་པར་རྩོམ། །
ལས་ཉོན་དུག་སྦྲུལ་གདུག་པའི་ལྕེ་ཞགས་ཀྱིས། །
བཏབ་པའི་ཉམ་ཐག་མ་མའི་འགྲོ་བ་ཀུན། །
ཞི་བསིལ་བྱང་ཆུབ་གླིང་དུ་སྐྱེལ་མཛད་པའི། །
འཕགས་ཆེན་མཁའ་ལྡིང་དར་མའི་དཔུང་ཤུགས་ངོམ། །
དེ་ཚེ་དབྱིངས་ནས་སྲས་བཅས་རྒྱལ་ཀུན་གྱིས། །
སྲིད་ཞིར་ཤིས་པའི་མེ་ཏོག་ཆར་འབེབས་ཤིང། །
བཞད་པ་བརྒྱད་ཀྱིས་མངོན་པར་བཞད་པའི་སྒྲས། །
ཞི་བར་གཟིམས་པ་རྣམས་ཀྱང་འགོག་ལས་སློང༌། །
དམ་པའི་བཤེས་གཉེན་བསྟེན་ལ་རྟག་ཏུ་ངུའི། །
ངོ་མཚར་རྣམ་ཐར་རྒྱ་མཚོ་ལྷུར་བཞེས་པས། །
བླུན་པོ་ནོར་རྐྱལ་མིང་གིས་དྲེགས་པ་འགའ། །
སེང་གེའི་གསོབ་ཀྱི་ཟླ་ལ་ཅི་ཕྱིར་འགོད། །
ཐོས་བསམ་རིན་ཆེན་སྣང་བའི་མུ་ཁྱུད་ཅན། །
ཟབ་རྒྱས་ཆོས་ཀྱི་མཁའ་ལ་ཡོངས་བཏེགས་ཏེ། །
མཁྱེན་གཉིས་ལང་ཚོ་དར་བའི་འཇོ་སྒེག་གིས། །
མཁས་རྣམས་ཡིད་ཀྱི་བརྟན་པ་ཅི་ཡང་འཕྲོག །
ལྟ་ངན་དྲྭ་བ་སྟུག་པོས་ཡོངས་ཁེབས་པའི། །
ཕས་རྒོལ་བྲག་རི་ཕྱེ་མར་གཞིག་བྱེད་པ། །
རིགས་ལམ་རྡོ་རྗེའི་མེ་ཆར་སྤྲོ་བ་ལ། །
ཆོས་ཀྱི་གྲགས་པའི་སྙན་པ་ཁྱོད་ཀྱིས་འགོག།
བསྟན་པའི་གཞི་མ་སོ་སོར་ཐར་བའི་སྲོལ། །
འདུལ་ལུང་བཞི་ཡི་དགོངས་དོན་རྨ་མེད་པ། །
ཇི་བཞིན་བདག་གིར་བཞེས་ཤིང་གཞན་འདོམས་པ། །
ཡོན་ཤཱཀ་ཟུང་གི་རྗེས་སུ་རྐང་པ་འཇོག །
ཕུང་ཁམས་སྐྱེ་མཆེད་ཀྱིས་བསྡུས་ཆོས་སོ་ཅོག
གསུང་རབ་མངོན་པའི་གཞུང་དུ་བསྟན་པ་ཀུན། །
ཐོགས་མེད་མཁྱེན་པའི་ཀློང་དུ་དགྱེས་རོལ་བས། །
ཀུན་མཁྱེན་དབྱིག་གི་གཉེན་དང་ཡང་དག་སྡེབས། །
ཐལ་འགྱུར་ལུང་དང་རིགས་པའི་འཕྲུལ་ཐབས་ལས། །
མཐའ་བྲལ་དབུ་མའི་དེ་ཉིད་གསལ་བྱས་ཏེ། །
སྟོང་ཉིད་སེང་གེའི་ང་རོ་སྒྲོགས་པ་ལ། །
མཁས་པ་ཁྱོད་ནི་ཀླུུ་དབང་གཉིས་པར་གྲགས། །
འཕགས་བཞིའི་མངོན་རྟོགས་ནོར་བུས་ཡོངས་གཏམས་པའི། །
ཤིན་ཏུ་རྟོགས་དཀའ་སྦས་དོན་ཟབ་མོའི་གཏེར། །
འབྱེད་བྱེད་མན་ངག་བྱེ་བའི་ལྡེ་མིག་ཅན། །
བྱམས་མགོན་བློ་ཡི་ཉི་མ་དེང་ཡང་ཤར། །
སྒྲ་སྙན་སྨན་རྩིས་བཟོ་ཡི་རིག་པ་སོགས། །
ཐུན་མོང་འགྲོ་ལ་སྨན་པའི་ཐབས་ཚུལ་ཀུན། །
ཁྱོད་ཀྱི་དགོངས་པའི་ཀློང་དུ་ཚེགས་མེད་དུ། །
ཆུབ་ཕྱིར་ལྔ་རིག་སྨྲ་བའི་དབང་པོར་ངེས། །
མདོར་ན་ཤེས་བྱར་སྲིད་པའི་ཆོས་སོ་ཅོག །
གང་གི་མཁྱེན་པའི་ལམ་དུ་མ་སོང་བ། །
མེད་ཕྱིར་ཐམས་ཅད་མཁྱེན་ཅིང་གཟིགས་པ་ཞེས། །
དོན་ལྡན་བསྔགས་པའི་སྤྲིན་སྒྲ་སྲིད་ན་རྒོད། །
གུར་གུམ་ཕྱེ་མར་བཏགས་པའི་རྡུལ་ཕྲེང་གིས། །
ས་ཆེན་དམ་དུ་འཁྱུད་ལ་ཅོ་འདྲི་བའི། །
དགེ་ལྡན་བསྟན་པ་ཀུན་ཏུ་རྒྱས་པ་ལ། །
དམ་པ་ཁྱོད་ནི་བློ་བཟང་རྒྱལ་བ་དངོས། །
བརྒྱུད་གསུམ་གདམས་པའི་གསེར་འགྱུར་རྩི་སྨན་གྱིས། །
ཕལ་གྱུར་མོས་པའི་ལྕགས་ཁམས་ཡོངས་དག་ནས། །
ཟང་ཐལ་འཇའ་སྐུར་གྲོལ་བའི་ཐབས་མཆོག་ཅན། །
གྲུབ་དབང་ཁྱོད་ནི་པད་མའི་གདུང་འཚོབ་ཉིད། །
འཁོར་འདས་དམིགས་དང་མི་དམིགས་ཆོས་རྣམས་ཀུན། །
དོན་དམ་ཕྱག་རྒྱ་ཆེན་པོར་བྱང་ཆུབ་པས། །
རེ་དོགས་སྤངས་བླང་མཚན་མ་རབ་ཞི་བ། །
རྗེ་བཙན་བཞད་པའི་རྡོ་རྗེར་ཡང་དག་མཚུངས། །
རྨད་བྱུང་མཁས་པའི་བྱ་བ་རྣམ་གསུམ་གྱིས། །
བློ་གསལ་དགའ་སྐྱེད་ལོག་རྟོགས་མུན་པ་སེལ། །
རྣལ་གྲོལ་བདུད་རྩིའི་དགའ་སྟོན་འགྱེད་མཁས་པས། །
འཇམ་དབྱངས་ས་ལོའི་རྣམ་ཐར་རྗེས་སུ་བསྙེགས། །
གང་ཞིག་དབུལ་ཞིང་ཕོངས་ལ་རིན་ཆེན་གཏེར། །
ཐར་ལམ་ཡོངས་སུ་འཚོལ་ལ་དགེ་བའི་བཤེས། །
འཇིགས་ཤིང་སྐྲག་པའི་ཉེན་ལ་སྐྱབས་ཀྱི་མཆོག །
འགྲོ་བའི་རེ་སྐོང་དམ་པ་ཕྱག་བྱའི་ཡུལ། །
དེ་ལྟར་བཅོས་མིན་དད་པའི་རང་མདངས་ལ། །
ཟོལ་བསྟོད་གཡོན་མའི་འཛུམ་གྱིས་མ་བསླད་པར། །
བསྟོད་ཚིག་ཕྲེང་བ་ཕུལ་འདིས་འགྲོ་བ་ཀུན། །
འཕགས་མཆོག་ཐུགས་རྗེའི་དཔལ་དང་མི་འབྲལ་ཤོག །
Subscribe to:
Post Comments (Atom)
0 comments:
Post a Comment