Thursday 12 January 2012
13:08 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །བརྡ་གླུ་མེ་གསོད་འཕྲུལ་ཆར་ཞེས་བྱ་བ། །
དཔྱིད་ཀའི་སྔོ་ལྗང་གཡུ་རྩེ། །ཡར་སྐྱེ་ནང་གི་འགོ་མ། །ཆུ་ཁའི་ལུ་གུ་མེ་ཏོག །རིའི་མྱེས་རླུང་དམར་ཐུལ་ན། །རྩི་ཤིང་སྨིན་པ་ཆོས་ཉིད། །
དབྱར་ཀའི་ཙན་དན་ལོ་མ། །དྲི་བཟང་ལྷན་སྐྱེས་ཐོག་མ། །རྩི་ཤིང་སྐྱེད་ཚལ་མེ་ཏོག། །ཚ་བསྲེག་ཉི་མ་གཡོར་ན། །དགའ་ཚལ་རྒྱས་པ་ཆོས་ཉིད། །
སྟོན་ཀའི་འབྲུ་དྲུག་སྙེ་མ། །སད་དང་སེར་བས་མ་བཅོམ། །འབྲུ་རིགས་ཞིང་ལས་སྨིན་ཏོག །རྔོ་བསྲེག་མེ་ལས་དབེན་ན། །ས་བོན་འབྱུང་བ་ཆོས་ཉིད། །
དགུན་ཀའི་གངས་ལྗོངས་ལས་དབང་། །དབྱངས་གསལ་སྲོལ་རྒྱུན་རིང་མོའི། །ཁ་བའི་འདབ་ཀྱི་མེ་ཏོག །དམར་མཆོད་མེ་ལས་ཐར་ན། །བདེ་སྐྱིད་འབྱུང་བ་ཆོས་ཉིད། །
བསོད་ནམས་རླུང་རྟ་དཀར་པོ། །དམར་པོ་མེ་ལ་མ་བསྲེག །ནག་པོ་རྩ་ལག་བཅས་པའི། །དགའ་སྟོན་ལས་ངན་སྤོངས་ན། །ཆོས་སྲིད་བསྟན་པ་ཟིན་ཡོང་། །
ཕ་ཆོས་གནམ་ལྕགས་རལ་གྲི། །རང་གི་མགོ་ལ་རྒྱབ་ཅིང་། །རང་ལུས་ཐལ་བ་བསྲེག་ནས། །ཆུ་རླུང་ལས་ལ་སྦྱར་ན། །རང་ཆོས་མི་ཟིན་ཆོས་ཉིད། །
བརྡ་གླུ་གོ་བདེ་མ་འདི་བསིལ་ལྗོངས་ཡུལ་ལ་ཕན་པའི་དོན་འབྲས་སུ་ཤྲྰིས་གུས་ཕུལ། །
Subscribe to:
Post Comments (Atom)
0 comments:
Post a Comment