Thursday 23 February 2012
03:01 | 
Posted by
༄༅།། ཨེ་མ་ཧོའི་རིག་མཛོད་། |
གངས་རིའི་བུ་མོ་བདེ་གཡང་དྲན་གླུ། །
ན་མོ་ལོ་ཀེ་ཤྭ་ར་ཏྰ་ར་ཡེ། །
ཆོས་སྐུའི་ཡུམ་ཆེན་ཀུན་ཏུ་བཟང་མོ་དང་། །
ལོངས་སྤྱོད་རྫོགས་སྐུ་རིགས་ལྔའི་མཁའ་འགྲོ་ཚོགས། །
སྤྲུལ་སྐུའི་བསྟན་སྲིད་སྤེལ་བའི་མཛའ་ན་མོ། །
བདེ་ཆེན་གཡང་གི་དཔལ་མོར་དད་ཕྱག་འཚལ། །
ཡ་ཐོག་སྲིད་པའི་གངས་དཀར་ཆགས་ནས་བཟུང་། །
བདེན་དྲང་གཙུག་ཏུ་ཁུར་བའི་གངས་ཅན་པའི། །
ཡ་རབ་གཤིས་བཟང་བུ་མོ་ངོ་མཚར་ཅན། །
འཕགས་པ་སྒྲོལ་མའི་སྤྲུལ་པ་ཡོངས་སུ་གྲགས། །
རིག་འཛིན་བརྒྱུད་པའི་གདུང་སྲས་ཆོས་ཀྱི་རྒྱལ། །
ལོངས་སྤྱོད་རྫོགས་པའི་རྣམ་རོལ་སྤྲུལ་པའི་སྐུ། །
གསང་གསུམ་མཁའ་འགྲོའི་དབང་མོ་བདེ་ཆེན་དཔལ། །
གངས་དཀར་གཡང་དུ་བཞུགས་པར་ཨེ་མ་ཧོ། །
རབ་རྒྱན་ཆུ་འབྲུག་གནམ་ལོ་གསར་དུ་ཚེས། །
རབ་མཛེས་གངས་ཀྱི་བུ་མོའི་རྣམ་ཐར་དྲན། །
རབ་རྒྱལ་ལྷ་ཡི་རྔ་སྒྲ་དབྱིངས་ནས་བསྒྲགས། །
རབ་ཏུ་དགའ་བའི་བརྩེ་དུང་ཁྱེད་ལ་ཕྱོགས། །
སྐུ་ཚེ་གངས་ཀྱི་རི་རྒྱལ་རྟག་བརྟན་ཅིང་། །
གསུང་དབྱངས་སྙན་པའི་རོལ་མོ་རྒྱུན་ཆད་མེད། །
ཐུགས་བརྩེའི་དམ་ཚིག་བདེ་ཆེན་རྡོ་རྗེའི་དབང་། །
ཕྲིན་ལས་ཀུན་ཁྱབ་འཛམ་གླིང་རྒྱན་དུ་སྨོན། །
རབ་རྒྱན་ཆུ་འབྲུག་གི་ལོ་སར་སྐབས་སུ་དྲན་གདུང་ཞིག་གིས་རྐྱེན་ལས་ཨེ་ཝྃ་རི་ཁྲོད་ནས་ཤྲྰི་སྨྱོན་པས་སྨོན་པ་ཤྲྰི་སརྦ་ལོ་ཀ་བི་ཛ་ཡནྟུ།། །།
Subscribe to:
Post Comments (Atom)
0 comments:
Post a Comment