Sunday 22 July 2012
12:02 | 
Posted by
༄༅།། ཨེ་མ་ཧོའི་རིག་མཛོད་། |
༄༅།
།སངས་རྒྱས་བཅོམ་ལྡན་འདས་རྗེས་སུ་དྲན་པ། །
༄༅། །སངས་རྒྱས་བཅོམ་ལྡན་འདས་རྗེས་སུ་དྲན་པ། །
བླ་མ་སྟོན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་དཔལ་རྒྱལ་བ་ཤྰཀྱ་ཐུབ་པ་ལ་ཕྱག་འཚལ་ལོ། །
མཆོད་དོ་སྐྱབས་སུ་མཆིའོ། །
རང་གཞན་སེམས་ཅན་ཐམས་ཅད་ཀྱི་རྒྱུད་བྱིན་གྱིས་རླབས་པར་མཛད་དུ་གསོལ། །
ཕྱི་རོལ་ཁྱབ་འཇུག་དབང་ཕྱུག་དང་ནི་ལྷ་ཆེན་རྨོངས་པའི་ཆགས་སྡང་གིས། །
མྱང་འདས་སྲིད་པའི་སྐྱོན་ཡོན་རྟོག་པའི་བློ་གྲོས་ལོག་པའི་ལམ་དུ་སྤྱོད། །
བསྟན་པའི་བདག་པོ་བཅོམ་ལྡན་ཁྱོད་ཀྱིས་བདེན་པའི་ལམ་བཟང་ཉིད་རྟོགས་ནས། །
རྒྱུ་འབྲས་བསླུ་མེད་འཁོར་འདས་ས་མཚམས་མ་ནོར་ལེགས་བཤད་ལེགས་པར་གསུངས། །
བདུད་དང་མུ་སྟེགས་བོན་ཏོ་ལྟ་བ་གནས་སྐབས་འདྲེན་པའི་ལམ་ཕྲན་ཞིག །
བཅོམ་ལྡན་ཁྱོད་ཀྱི་ཐེག་དགུའི་ལམ་མཆོག་མཐར་ཕྱིན་འདྲེན་པའི་ཤིང་རྟ་ཆེ། །
རྫུན་དང་གཡོ་སྒྱུའི་དྲང་དོན་མིན་པར་སེམས་རྒྱུད་འདུལ་བའི་སྟོན་པ་མཆོག །
དྲང་སྲོང་ཆེན་པོ་ཤྰཀྱ་ཐུབ་པར་མི་ཕྱེད་གུས་པས་སྐྱབས་སུ་མཆི། །
ཀུན་ལ་བྱམས་བརྩེ་ཆེན་པོ་ལྡན་པས་འགྲོ་རྣམས་མ་འདྲིས་མཛའ་བཤེས་མཆོག །
ཕན་བདེའི་འགྲོ་ཁམས་ཐར་ལམ་འདྲེན་པའི་སྟོན་པ་མཉམ་མེད་ཤྰཀྱའི་སྲས། །
ཟབ་རྒྱས་ཆོས་ཕུང་བརྒྱད་ཁྲི་བཞི་སྟོང་བཀའ་གཏེར་དམ་པའི་གདམས་ངག་དང་། །
སྟོབས་བཅུ་ཡོན་ཏན་མི་ཟད་ཀུན་ལ་གུས་པས་འདུད་དོ་སྨིན་གྲོལ་སྩོལ། །
ཅེས་པ་རབ་རྒྱན་ཆུ་འབྲུག་ཆུ་སྟོད་ཟླ་བའི་ཡར་ཚེས་བཞི་འམ་བདག་ཅག་གི་སྟོན་པ་བཀའ་དྲིན་ཅན་གྱི་ཆོས་འཁོར་བསྐོར་བའི་དུས་བཟང་ལ་འཕགས་ཡུལ་ཝྰ་ཎའི་རིག་མཛོད་ཁང་ནས་གང་ཤར་དུ་ཤྲྰིས་གུས་ཕུལ།། །།
Subscribe to:
Post Comments (Atom)
0 comments:
Post a Comment