Friday 5 October 2012
06:22 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །ཨེ་མ་ཧོའི་བླ་མཆེད་རིག་འཛིན་རྒྱལ་བའི་དཀྱིལ་འཁོར་ཞེས་བྱ་བ།
།
༡ རྒྱལ་བ་རིན་པོ་ཆེ།
ཨེ་མ་ཧོ། །
ཨེ་ཝྃ་རིག་པའི་རྟེན་འབྱུང་རྒྱལ་བའི་ལམ། །
ཇི་བཞིན་མངོན་གཟིགས་འགྲོ་ལ་སྟོན་མཁས་པ། །
འཛམ་གླིང་ཞི་བདེའི་འདྲེན་པ་རྒྱལ་བའི་སྲས། །
བསྟན་འཛིན་རྒྱ་མཚོའི་བཞེད་དོན་ལྷུན་གྲུབ་ཤོག །
༢ ཀཿཐོག་རིག་འཛིན་ཆེན་པོ་རིན་པོ་ཆེ།
ཨེ་མ་ཧོ། །
བརྒྱུད་གསུམ་རིག་འཛིན་ཡེ་ཤེས་བླ་མའི་རྩལ། །
གནས་གསུམ་མཁའ་འགྲོའི་དཔལ་དུ་ཡོངས་སྨིན་པ། །
ཁམས་གསུམ་འགྲོ་བའི་སྐྱབས་གནས་རིན་པོ་ཆེ། །
པདྨའི་རྒྱལ་ཚབ་དབང་ཆེན་དགྱེས་པར་འདུད། །
༣ བྱ་བྲལ་སངས་རྒྱས་རྡོ་རྗེ་རིན་པོ་ཆེ།
ཨེ་མ་ཧོ།
།
པན་ཆེན་ངག་དབང་སྙན་བརྒྱུད་གདམས་པའི་མཛོད།
།
འཛིན་སྐྱོང་སྤེལ་བའི་མཁས་གྲུབ་རྒྱལ་བའི་སྲས།
།
སྔ་འགྱུར་བསྟན་པའི་རྒྱལ་མཚན་བསྒྲེང་བའི་མགོན།
།
བྱ་བྲལ་སངས་རྒྱས་རྡོ་རྗེ་རྒྱལ་གྱུར་ཅིག
།
ཨོཾ་བུདྡྷ་བཛྲ་སིདྡྷི་ཧྰུྃ།
།
༤
ཨ་ལགས་གཟན་དཀར་རིན་པོ་ཆེ།
ཨོཾ་སྭྰ་སྟི།
།
རྗེ་བཙུན་འཇམ་དཔལ་དབྱངས་དངོས་ཁྲི་སྲོང་རྒྱལ།
།
མདོ་སྔགས་མཁྱེན་བརྩེ་ཡེ་ཤེས་རྡོ་རྗེའི་གར།
།
བསམ་བཞིན་སྐྱེ་དགུའི་འདྲེན་པ་དགེ་བའི་བཤེས།
།
གཟན་དཀར་ཐུབ་བསྟན་ཉི་མ་ཞབས་བརྟན་ཤོག
།
ཨོཾ་ཤྰ་ས་ན་སུརྱ་བཛྲ་སིདྡྷི་ཧྰུྃ།
།
༥
ཀུན་མཁྱེན་བླ་མ་ཚུལ་ཁྲིམས་བློ་གྲོས་རིན་པོ་ཆེ།
ཨོཾ་ཨྰཿཧྰུྃ་ཧྲྰིཿ
ལྟ་བ་ཀློང་ཆེན་དགོངས་པའི་ངོ་བོར་གཟིགས།
།
སྒོམ་པ་མཁྱེན་བརྩེའི་ཕན་བདེ་རང་བཞིན་གསལ།
།
སྤྱོད་པ་རྒྱལ་བའི་མྱུ་གུའི་ཐུགས་རྗེ་ཅན།
།
འབྲས་བུ་བསྟན་པའི་བདག་པོ་ཞབས་བརྟན་ཤོག
། །
ཨོཾ་ཤྰི་ལ་མ་ཏི་བཛྲ་སིདྡྷི་ཧྰུཾ།
།
༦མཆོག་སྤྲུལ་བསྟན་འཛིན་རྒྱ་མཚོ་རིན་པོ་ཆེ།
ཨོྃ་སྭྰ་སྟི།
།
ཐུབ་བསྟན་ཡོངས་རྫོགས་མཁྱེན་བརྩེ་ནུས་པའི་ཐུགས།
།
ཟབ་རྒྱས་ལུང་རྟོགས་ཆོས་ཀྱི་གདམས་ངག་གསུང་།
།
བསྟན་འཛིན་རྒྱ་མཚོའི་མངའ་བདག་རྒྱལ་བའི་སྐུ།
།
སྐུ་ཚེ་བརྟན་ཅིང་ཕྲིན་ལས་མཐར་ཕྱིན་ཤོག
།
ཨོཾ་ཤྰ་ས་ན་དྷརྨྰ་ར་ཛ་བཛྲ་སིདྡྷི་ཧྰུྃ།
།
༧སྐྱབས་རྗེ་འཇིགས་མེད་བློ་གྲོས་རྒྱལ་མཚན་རིན་པོ་ཆེ།
།
ཨེ་མ་ཧོ།
།
བདེ་བ་ཅན་དུ་དགེ་བསྙེན་དྷརྨྰ་ཏ།
།
གངས་རིའི་ལྗོངས་སུ་ཐོན་མི་སམྦྷོ་ཏྲ།
།
ད་ལྟའི་དུས་རིག་སྔགས་རྣལ་འབྱོར་པ།
།
འཇིགས་མེད་བློ་གྲོས་རྒྱལ་མཚན་རྒྱལ་གྱུར་ཅིག
།
ཨོཾ་ཨ་བྷྱ་ཛྙྰ་ན་བཛྲ་སིདྡྷི་ཧྰུྃ།
༨
མ་ཅིག་མཁའ་འགྲོ་གཡུ་མཚོ་རིན་པོ་ཆེ།
ཨེ་མ་ཧོ།
།
ཆོས་ཉིད་སྟོང་པའི་རང་གཟུགས་ཡུམ་ཆེན་མོ། །ཆོས་ཅན་བསྟན་པའི་བདག་མོ་ལབ་ཀྱི་སྒྲོན། ། གངས་ཅན་ཆོས་སྲུང་བཤད་སྒྲུབ་སྤེལ་མཛད་མ། །མ་ཅིག་གཡུ་མཚོ་རྒྱལ་མོ་ཞབས་བརྟན་ཤོག ། ཨོཾ་པ་ར་ག་ཏེ་བཛྲ་སིདྡྷི་ཧྰུྃ། །
ཆོས་ཉིད་སྟོང་པའི་རང་གཟུགས་ཡུམ་ཆེན་མོ། །ཆོས་ཅན་བསྟན་པའི་བདག་མོ་ལབ་ཀྱི་སྒྲོན། ། གངས་ཅན་ཆོས་སྲུང་བཤད་སྒྲུབ་སྤེལ་མཛད་མ། །མ་ཅིག་གཡུ་མཚོ་རྒྱལ་མོ་ཞབས་བརྟན་ཤོག ། ཨོཾ་པ་ར་ག་ཏེ་བཛྲ་སིདྡྷི་ཧྰུྃ། །
༩མཁའ་འགྲོ་མ་མུ་མེད་ཡེ་ཤེས་མཚོ་མོ་རིན་པོ་ཆེ།
ཨོཾ་སྭྰ་སྟི། །
ལྷན་སྐྱེས་ཆོས་སྐུའི་མཁའ་འགྲོ་ཀུན་ཏུ་བཟང་།
།
སྔགས་སྐྱེས་ལོངས་སྐུའི་མཁའ་འགྲོ་ཝ་ར་ཧི།
།
ཞིང་སྐྱེས་སྤྲུལ་སྐུའི་མཁའ་འགྲོ་མཚོ་རྒྱལ་མ།
།
མུ་མེད་ཡེ་ཤེས་མཚོ་མོ་ཞབས་བརྟན་ཤོག
།
ཨོཾ་མ་དྷེ་མ་ཀ་ཛྙྰ་ན་ཌྰཀྐི་ནི་སིདྡྷི་ཧྰུྃ།
།
༡༠
མཁའ་འགྲོ་བདེ་གཡང་རིན་པོ་ཆེ། །
ཨེ་མ་ཧོ།
།
བདེ་ཆེན་གཉུག་མའི་དེ་བཞིན་མངོན་དུ་བྱས།
།
བདེ་གཤེགས་བསྟན་པའི་སྙིང་པོ་གསལ་བའི་བདག
།
བདེ་མཆོག་ཆོས་དཔལ་རིག་པའི་གཏེར་མཛོད་ཅན།
།
བདེ་གཡང་ལྷ་ཡི་དབང་མོ་ཞབས་བརྟན་ཤོག
།
ཨོཾ་མ་ཧྰ་སུ་ཁ་ཤྭ་རི་བཛྲ་སིདྡྷི་ཧྰུྃ།
།
༡༡
མཁན་ཆེན་ཡེ་ཤེས་ཕུན་ཚོགས་རིན་པོ་ཆེ།
ཨོཾ་སྭྰ་སྟི།
།
གངས་ལྗོངས་ཆོས་ལྡན་དག་པའི་ཞིང་ཁམས་སུ།
།སྔ་འགྱུར་བསྟན་འཛིན་དམ་པ་དགེ་བའི་བཤེས། ། རང་གཞན་དོན་གཉིས་རྒྱ་མཚོའི་ཕྲིན་ལས་ཅན།
།མཁན་ཆེན་ཡེ་ཤེས་ཕུན་ཚོགས་ཞབས་བརྟན་ཤོག ། ཨོྃ་ཛྙྰ་ན་ལཀྵཾ་བཛྲ་སིདྡྷི་ཧྰུྃ།
།
༡༢ བདུད་འཇོམས་རིན་པོ་ཆེ།
ཨོཾ་སྭ་སྟི།
།
སྔོན་བྱོན་རིག་འཛིན་ནུས་ལྡན་རྡོ་རྗེ་རྩལ།
།
ད་ལྟའི་པད་འབྱུང་རྒྱལ་ཚབ་འབྲོག་བན་རྗེ།
།
མ་འོངས་བདེ་གཤེགས་མོས་པ་མཐའ་ཡས་མཆོག
།
བདུད་འཇོམས་པདྨ་གེ་སར་ཞབས་བརྟན་ཤོག
།
ཨོཾ་གུ་ན་ཀོ་ཥ་པདྨ་བཛྲ་སིདྡྷི་ཧྰུྃ།
༡༣
ཨ་འགྱུར་རིན་པོ་ཆེ། །
ཨེ་མ་ཧོ། །
རྒྱལ་བསྟན་སྤྱི་དང་སྔ་འགྱུར་རྫོགས་ཆེན་གྱི།
།བཤད་སྒྲུབ་ཕྲིན་ལས་སྤེལ་བའི་བླ་མའི་མཆོག ། ཉམས་ཐག་འགྲོ་དྲུག་འདྲེན་པའི་ཐུགས་རྗེ་ཅན།
།ཨ་འགྱུར་ཐུབ་བསྟན་སྙན་གྲགས་ཞབས་བརྟན་ཤོག ། ཨོཾ་ཤྰ་ས་ན་དྷརྨྰ་ཀིརྟི་བཛྲ་སིདྡྷི་ཧྰུྃ།
།
༡༤ ཀཿ་ཐོག་པདྨ་དབང་ཆེན་དགྱེས་པ་རིན་པོ་ཆེ།
ཨོཾ་སྭྰ་སྟི།
།
སྔ་འགྱུར་འོད་གསལ་རྡོ་རྗེ་ཐེག་པའི་ལམ། །
ཕན་བདེ་འབྱུང་གནས་འཛིན་སྐྱོང་སྤེལ་བ་ལ། །
མཁས་གྲུབ་ཆེན་པོ་ཀཿཐོག་རིག་འཛིན་རྗེ། །
ཞབས་པད་སྲིད་མཐའི་བར་དུ་བརྟན་འགྱུར་ཅིག །
ཨོཾ་ཀཿཡ་བཛྲ་བིརྱ་དྷ་ར་སིདྡྷི་ཧྰུྃ། །
སྔ་འགྱུར་འོད་གསལ་རྡོ་རྗེ་ཐེག་པའི་ལམ། །
ཕན་བདེ་འབྱུང་གནས་འཛིན་སྐྱོང་སྤེལ་བ་ལ། །
མཁས་གྲུབ་ཆེན་པོ་ཀཿཐོག་རིག་འཛིན་རྗེ། །
ཞབས་པད་སྲིད་མཐའི་བར་དུ་བརྟན་འགྱུར་ཅིག །
ཨོཾ་ཀཿཡ་བཛྲ་བིརྱ་དྷ་ར་སིདྡྷི་ཧྰུྃ། །
༡༥ སེང་རྡོར་རིན་པོ་ཆེ། །
ཨོཾ་སྭྰ་སྟི།
།
འཕགས་པའི་ཡུལ་དུ་འཕྲོག་བྱེད་དགའ་བོ་དང་།
།
གངས་རིའི་ལྗོངས་སུ་ཀུན་མཁྱེན་གོ་རམས་པ། །
ད་ལྟའི་དུས་སུ་སེངྒེ་རྡོ་རྗེའི་མཚན། །
ཕྱི་ནང་བསྟན་འཛིན་བླ་མའི་ཞབས་བརྟན་ཤོག །
ཨོཾ་སེངྷ་བཛྲ་སིདྡྷི་ཧྰུྃ།
གངས་རིའི་ལྗོངས་སུ་ཀུན་མཁྱེན་གོ་རམས་པ། །
ད་ལྟའི་དུས་སུ་སེངྒེ་རྡོ་རྗེའི་མཚན། །
ཕྱི་ནང་བསྟན་འཛིན་བླ་མའི་ཞབས་བརྟན་ཤོག །
ཨོཾ་སེངྷ་བཛྲ་སིདྡྷི་ཧྰུྃ།
༡༦ འཇམ་གྲགས་རིན་པོ་ཆེ།
ཨོཾ་སྭ་སྟི། །
ཚོགས་གཉིས་ཡེ་ཤེས་རྒྱ་མཚོའི་སྨིན་གྲོལ་ལས།
།
དཔལ་ལྡན་བླ་མའི་བྱིན་རླབས་སྙིང་ལ་ཞུགས། །
བསྟན་དང་འགྲོ་ལ་ཕན་བདེའི་དཔལ་སྟེར་བའི། །
ཁམས་སྤྲུལ་འཇམ་དབྱངས་གྲགས་པ་ཞབས་བརྟན་ཤོག །
ཨོཾ་མཉྫུ་གྷོ་ཥ་ཀིརྟི་བཛྲ་སིདྡྷི་ཧྰུྃ།
དཔལ་ལྡན་བླ་མའི་བྱིན་རླབས་སྙིང་ལ་ཞུགས། །
བསྟན་དང་འགྲོ་ལ་ཕན་བདེའི་དཔལ་སྟེར་བའི། །
ཁམས་སྤྲུལ་འཇམ་དབྱངས་གྲགས་པ་ཞབས་བརྟན་ཤོག །
ཨོཾ་མཉྫུ་གྷོ་ཥ་ཀིརྟི་བཛྲ་སིདྡྷི་ཧྰུྃ།
༡༧ སེམས་དཔའ་ཆེན་པོ་ཡེ་ཤེས་རིན་པོ་ཆེ། །
ཨེ་མ་ཧོ། །
བྱམས་དང་སྙིང་རྗེའི་རང་གཟུགས་རྒྱལ་བའི་སྲས། །
དད་དང་དག་མཉམ་རིས་མེད་བྱ་བྲལ་པ། །
ཐབས་ཤེས་རིག་པའི་དབང་ཕྱུག་མཁས་གྲུབ་རྗེ། །
ཀླུ་སྨྱོན་ཧེ་རུ་ཀ་དཔལ་ཞབས་བརྟན་ཤོག །
དད་དང་དག་མཉམ་རིས་མེད་བྱ་བྲལ་པ། །
ཐབས་ཤེས་རིག་པའི་དབང་ཕྱུག་མཁས་གྲུབ་རྗེ། །
ཀླུ་སྨྱོན་ཧེ་རུ་ཀ་དཔལ་ཞབས་བརྟན་ཤོག །
ཨོཾ་ནྰ་ག་ཛུ་ན་བཛྲ་སིདྡྷི་ཧྰུྃ།
།
༡༨ དགེ་བཤེས་རིན་པོ་ཆེ།
ཨོཾ་སྭ་སྟི། །
སྐུ་མཆོག་དག་པ་ངུར་སྨྲིག་རྒྱན་བཟང་གསོལ།
།
གསུང་དབྱངས་སྙན་པ་གདམས་ངག་རོལ་མོ་དཀྲོལ།
།
ཐུགས་རྗེ་ཐབས་མཁས་ལམ་བཟང་སྟོན་པའི་བཤེས།
།
བེ་རི་འཇིགས་མེད་དབང་རྒྱལ་ཞབས་བརྟན་ཤོག
།
ཨོཾ་ཨ་བྷྱ་ཤྭ་ཛ་བཛྲ་སིདྡྷི་ཧྰུྃ།
ཤྲྰིས་སོ། །
༡༩
ཏྰ་རེ་ལྷ་མོ་ཡབ་ཡུམ་རིན་པོ་ཆེ། །
ཨེ་མ་ཧོ།
།
ཀ་དག་ཁ་བ་གངས་ཀྱི་ཞིང་ཁམས་སུ།
།
ཕན་བདེའི་ལེགས་ཚོགས་མ་ལུས་འབྱུང་བའི་གནས།
།
རིགས་གསུམ་ཀུན་འདུས་པདྨའི་རྒྱལ་ཚབ་མཆོག
།
ཏྰ་རེ་ལྷ་མོ་ཡབ་ཡུམ་མྱུར་བྱོན་སྨོན།
།
ཨོཾ་ཨ་བྷྱ་ཏྰ་ར་བཛྲ་སིདྡྷི་ཧྰུྃ།
༢༠ ལ་དྭགས་འཇམ་དཔལ་རིན་པོ་ཆེ། །
ཨེ་མ་ཧོཿ
ལ༵་དྭགས༵་གངས་དཀར་ཤེལ་གྱི་རྫོང་ཁག་ནས། །ལ་རྒྱའི་སྐད་ཡིག་རིག་གཞུང་འཛིན་སྐྱོང་སྤེལ།
། བློ༵་བཟང༵་དབང་ཕྱུག་ལོ་ཙྰ་དགེ་བའི་བཤེས། །འཇམ༵་དཔལ༵་ཆོས་ཀྱི་བཟང་པོ་ཞབས་བརྟན་ཤོག །
༢༡ སེ་ར་ཡང་སྤྲུལ་རིན་པོ་ཆེ།
ཨེ་མ་ཧོ། །
སྣང་སྲིད་ཟིལ་གནོན་གྲུབ་པའི་རྟུལ་ཞུགས་ཅན། །
བསམ་བཞིན་འགྲོ་ཁམས་འདྲེན་པའི་རིག་འཛིན་རྗེ། །
སངས་རྒྱས་ཀུན་འདུས་པདྨའི་རྒྱལ་ཚབ་མཆོག །
གསང་སྔགས་གླིང་པའི་དགོངས་དོན་ལྷུན་གྲུབ་ཤོག །
༢༢ ཀརྨ་པ་ཨོ་རྒྱན་མཐའ་ཡས་རྡོ་རྗེ། །
ཨེ་མ་ཧོཿ
ཨོ་རྒྱན་པདྨ་འབྱུང་གནས་བྱིན་རླབས་སྟོབས།
།
ཕྲིན་ལས་མཐའ་ཡས་གསང་གསུམ་རྡོ་རྗེའི་སྐུ།
།
བསྟན་འགྲོའི་ཕན་བདེའི་དཔལ་དུ་ལེགས་བཞུགས་པའི།
།
༧ཀརྨ་པ་ཉིད་ཞབས་པད་བརྟན་གྱུར་ཅིག
།
༢༣ ལམ་མཁྱེན་རྒྱལ་པོ་རིན་པོ་ཆེ། །
ཨེ་མ་ཧོ། །
ཐེག་ཆེན་བསྟན་པའི་སྙིང་པོའི་རྩ་བ་བརྟེན། །
ལྔ་ལྡན་ཆོས་དྲུག་དགོངས་པའི་ལམ་མཁྱེན་པས། །
འབྲི་བསྟན་བཤད་སྒྲུབ་སྤེལ་བའི་སྒམ་པོ་པ། །
ལམ་མཁྱེན་རྒྱལ་པོ་རིན་ཆེན་ཞབས་བརྟན་ཤོག །
༢༤ འབྲི་གུང་ཆེ་ཚང་རིན་པོ་ཆེ།
ཨེ་མ་ཧོ། །
དཀོན་མཆོག་རིན་ཆེན་གསུམ་གྱི་རྗེས་སུ་ཞུགས། །
རྒྱལ་བའི་བསྟན་པ་འཛིན་ལ་ཐུགས་དགོངས་ཅན། །
ཀུན་བཟང་ཕྲིན་ལས་ལྷུན་གྲུབ་དཔལ་བཟང་པོའི། །
སྐུ་ཚེ་ཡུན་རིང་བསྐལ་བརྒྱར་ཞབས་བརྟན་ཤོག །
༢༥ ཞེ་ཆེན་རབ་འབྱམས་རིན་པོ་ཆེ།
ཨེ་མ་ཧོ། །
རབ་འབྱམས་སྲས་བཅས་རྒྱལ་བའི་སྤྱན་སྔ་རུ།
།
རབ་འབྱམས་ཚོགས་གཉིས་བསགས་པ་མཐར་ཕྱིན་པའི། ། རབ་འབྱམས་མཁྱེན་བརྩེ་ནུས་པའི་མངའ་བདག་མཆོག
། རབ་འབྱམས་ཕྲིན་ལས་ཀུན་ཁྱབ་ཞབས་བརྟན་ཤོག །
༢༦ རྫོགས་ཆེན་རིན་པོ་ཆེ། །
ཨེ་མ་ཧོ། །
ཐུགས་རྒྱུད་སྒྱུ་འཕྲུལ་དྲ་བའི་བཀའ་བབས་འཛིན། །
གསུང་དབྱངས་ཟབ་རྒྱས་བཤད་སྒྲུབ་བསྟན་པ་སྐྱོང་།
སྐུ་སྤྲུལ་གསང་ཆེན་ཕྲིན་ལས་སྤེལ་བའི་མགོན། །
རྫོགས་ཆེན་རིན་པོ་ཆེ་རྣམས་ཞབས་བརྟན་ཤོག །
༢༧ མཁའ་འགྲོ་བྱང་ཆུབ་ལྷ་མོ། །
ཨེ་མ་ཧོཿ
ལྷན་སྐྱེས་ཆོས་སྐུའི་མཁའ་འགྲོ་ཀུན་ཏུ་བཟང་། །
སྔགས་སྐྱེས་ལོངས་སྐུའི་མཁའ་འགྲོ་ཝ་ར་ཧི། །
ཞིང་སྐྱེས་སྤྲུལ་སྐུའི་མཁའ་འགྲོ་མཚོ་རྒྱལ་མ། །
དབྱེར་མེད་བྱང་ཆུབ་ལྷ་མོར་གསོལ་བ་འདེབས། །
བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག །
༢༨ རྣལ་འབྱོར་པ་འོད་ཟེར་མཐར་ཕྱིན།
ཨེ་མ་ཧོ། །
ཀུན་གཟིགས་བཅུ་ཕྲག་རིག་པའི་དབང་ཕྱུག་ཆེ། །
ཀུན་ཕན་བྱམས་བརྩེས་མ་ལུས་འགྲོ་རྣམས་སྐྱོང་། །
ཀུན་བཟང་ཐུགས་ཀྱི་བསྟན་པའི་རྒྱུད་མཆོག །
རྣལ་འབྱོར་འོད་ཟེར་མཐར་ཕྱིན་མྱུར་བྱོན་སྨོན། །
༢༩ མདོ་མཁྱེན་བརྩེ་རིན་པོ་ཆེ།
ཨེ་མ་ཧོ། །
མདོ༵་སྔགས་མཁྱེན༵་བརྩེ༵་ཡེ༵་ཤེས༵་རྒྱས་པའི་ཐུགས༵། །
ཟབ་རྒྱས་ཚངས་དབྱངས་སྒྲོག་པ་རྡོ༵་རྗེ༵འི་གསུང་། །
མཚན་དཔེའི་དཔལ་འབར་གསང་གསུམ་སྤྲུལ་པའི་སྐུ། །
འཇམ༵་དཔལ༵་ཆོས༵་ཀྱི༵་རྒྱལ༵་མཚན༵་ཞབས་བརྟན་ཤོག །
༣༠ གཡུང་དྲུང་བོན་རིན་པོ་ཆེ།
ཨེ་མ་ཧོ། །
རྟག་བརྟན་འགྱུར་མེད་གཡུང་དྲུང་བོན་གྱི་ལུགས། །
ཚུལ་བཞིན་འཛིན་སྐྱོང༵་སྤེལ་མཛད་སྤྲུལ༵་པའི་སྐུ། །
ལུང༵་རྟོགས༵་བསྟན༵་འཛིན༵་རྣམ༵་རྒྱལ༵་རིན་པོ་ཆེ། །
ཞབས་པད་བརྟན་ཅིང་བཞེད་དོན་ལྷུན་གྲུབ་ཤོག །
༣༡ དཔལ་སྤྲུལ་རིན་པོ་ཆེ།
ཨེ་མ་ཧོ། །
འཕགས་པའི་ཡུལ་དུ་རྒྱལ་སྲས་ཞི་བ་ལྷ། །
གངས་རིའི་ལྗོངས་སུ་དཔལ་སྤྲུལ་རིན་པོ་ཆེ། །
སླར་ཡང་བསྟན་པ་འཛིན་པའི་རྣལ་འབྱོར་པ། །
འཇིགས་མེད་མཐུ་སྟོབས་རྡོ་རྗེ་ཞབས་བརྟན་ཤོག །
༣༢ རིག་པའི་རྡོ་རྗེ་རིན་པོ་ཆེ།
ཨེ་མ་ཧོ། །
བླ་མ་དད་གུས་བརྟན་པས་རིག་པའི་དོན། །
ཇི་བཞིན་མངོན་སུམ་རྟོགས་པའི་རྡོ་རྗེ་འཛིན། །
བསྟན་འགྲོར་ཕན་བདེ་མཛད་པའི་ཕྲིན་ལས་ཅན། །
ངེས་དོན་རྫོགས་ཆེན་མཁན་པོ་ཞབས་བརྟན་ཤོག །
༣༣ ཁ་བ་རིན་པོ་ཆེ།
ཨེ་མ་ཧོ། །
བཅུ་ཕྲག་རིག་པའི་གནས་ལ་བྱང་ཆུབ་དཔལ། །
སྡིག་ལྟུང་ཕྲ་མོས་མ་གོས་དགེ་བའི་བཤེས། །
བསྟན་དོན་ཁོ་ནར་བརྩོན་པའི་བཟང་སྤྱོད་ཅན། །
ཀུན་བཟང་པདྨའི་རྒྱལ་ཚབ་ཞབས་བརྟན་ཤོག །
༣༤ ཐུབ་བསྟན་ནོར་བུ་རིན་པོ་ཆེ།
ཨེ་མ་ཧོ། །
ཐུབ་བསྟན་སྤྱི་དང་སྔ་འགྱུར་རྒྱལ་བསྟན་པ་ལ། །
ཡིད་བཞིན་ནོར་བུ་ལས་ལྷག་ལུང་རྟོགས་ཀྱི། །
བཤད་སྒྲུབ་ཕྲིན་ལས་འཛིན་སྐྱོང་སྤེལ་བའི་བདག །
དབང་སྟོད་སྤྲུལ་སྐུའི་བཞེད་དོན་ལྷུན་གྲུབ་ཤོག །
༣༥ བྱ་བྲལ་བ་མཁན་པོ་ཆོས་དབྱིངས།
ཨེ་མ་ཧོ། །
སྡོམ་བཙུན་དམ་པ་ཙོང་ཁ་བླ་མའི་རྒྱུད། །
མདོ་རྒྱུད་མན་ངག་མཁས་པའི་ཉམས་རྟོགས་ཅན།
རྒྱལ་བསྟན་བཤད་སྒྲུབ་མཛད་པའི་ཕྲིན་ལས་གླིང་། །
བྱ་བྲལ་མཁན་པོ་ཆོས་དབྱིངས་བཞུགས་གསོལ་འདེབས། །
༣༦ མཁན་པོ་ཀརྨ་འགྲོ་འདུལ་རྡོ་རྗེ་རིན་པོ་ཆེ། །
ཨེ་མ་ཧོཿ
ཚུལ་གནས་ཐོས་བསམ་སྒོམ་པས་རང་རྒྱུད་ཕྱུག
།
མདོ་སྔགས་བཤད་སྒྲུབ་བསྟན་པ་འཛིན་སྐྱོང་སྤེལ།
།
སྣང་སྲིད་དག་མཉམ་ལྟ་བའི་མཁན་པོ་མཆོག
།
ཀརྨ་འགྲོ་འདུལ་རྡོ་རྗེ་ཞབས་བརྟན་ཤོག །
༣༧ སྙན་ངག་པ་སྒོ་རབ་རྒྱས་རིན་པོ་ཆེ།
ཨོཾ་སྭ་སྟི། །
རབ་འབྱམས་རྒྱལ་ཀུན་འདུས་པའི་སྤྱི་གཟུགས་རྗེ། །
འཆི་མེད་པདྨ་འབྱུང་ནས་བརྒྱུད་པར་བཅས། །
གསོལ་བ་འདེབས་སོ་མཆོག་ཐུན་དངོས་གྲུབ་སྩོལ།།
སྙིང་གྲོགས་དཔལ་བེའུའི་བཞེད་དོན་ལྷུན་གྲུབ་ཤོག །
༣༨ སྐུ་འབུམ་རྒྱལ་སྲས་རིན་པོ་ཆེ།
ཨེ་མ་ཧོཿ
ཕྱི་ལྟར་སྐུ་འབུམ་རྒྱལ་སྲས་རིན་པོ་ཆེ། །
ནང་ལྟར་བསམ་གཏན་གྲུབ་པའི་དགེ་བའི་བཤེས། །
གསང་བ་གསང་བདེ་འཇིགས་མཛད་རྡོ་རྗེ་འཆང་། །
ཡང་གསང་བསྟན་འཛིན་དམ་པ་ཞབས་བརྟན་ཤོག །
༣༩ དགེ་བཤེས་ཆེན་པོ་ཨ་རིག་དགེ་མཐོང་རིན་པོ་ཆེ། །
ཨེ་མ་ཧོཿ
ཨ་རིག་མཁྱེན་པའི་ཉི་མ་ཀུན་ཏུ་བཀྲ། །
དགེ་མཐོང་བརྩེ་བའི་དུང་ཟླ་རབ་ཏུ་ཤིས། །
ཚེ་འབར་ནུས་པའི་སྐར་ཚོམ་ཤིན་ཏུ་བདེ། །
དགེ་བཤེས་སྣང་གསལ་འོད་འབུམ་ཞབས་བརྟན་ཤོག །
༤༠ མཁན་པོ་བཀྲ་ཤིས་ཉི་མ་རིན་པོ་ཆེ།
ཨེ་མ་ཧོ། །
བཀྲ༵་ཤིས༵་ལྷ་ལམ་ཡངས་པའི་ཤེས་བྱ་ལ། །
བདེ་ལེགས་ཉི༵་ཟླའི་མཁྱེན་བརྩེ་ནུས་སྟོབས་ཅན། །
ཕུན་ཚོགས་འོད་སྣང་བསྩལ་བའི་བཤད་སྒྲུབ་དཔལ། །
མ༵་ལུས་ཀུན་བཟང་མཁན་པོ་ཞབས་བརྟན་ཤོག །
༤༡ སྨན་པ་མགོན་པོ་སྐྱབས།
ཨེ་མ་ཧོ། །
དམ་ཆོས་ཚུལ་བཞིན་སྤྱོད་པའི་གྲུབ་འབྲས་དང་། །
བསྟན་དང་འགྲོ་བའི་དོན་དུ་བསམ་པ་ཅན། །
གྲོགས་ཀྱི་དྭངས་མ་སྨན་པ་མགོན་པོ་སྐྱབས། །
མཆོག་གིས་གངས་ཅན་གསོ་སྨན་ཕན་བདེའི་ཆར། །
འཛམ་གླིང་འཛིན་མའི་ཁྱོད་ཀུན་ཁྱབ་པར་སྨོན། །
༤༢ སྐྱེ་སྔ་རིན་པོ་ཆེ།
ཨེ་མ་ཧོ། །
སྐྱེ་བ་སྔ་ཕྱི་མཁྱེན་པའི་སྤྱན་རིས་གཟིགས། །
ལས་འབྲས་བསླུ་མེད་བག་ཡོད་ཚུལ་བཞིན་མཛད། །
ལུང་རྟོགས་བཤད་སྒྲུབ་ཕྲིན་ལས་སྤེལ་བའི་མགོན། །
སྒྲུབ་བརྒྱུད་བསྟན་པའི་ཉི་མ་ཞབས་བརྟན་ཤོག །
༤༣ ཤར་སྤྲུལ་རིན་པོ་ཆེ།
ཨེ་མ་ཧོ། །
མཚན་ལྡན་བླ་མས་རྗེས་བཟུང་གདམས་ངག་ཤར༵། །
མ་ནོར་ཉམས་སུ་བླངས་པས་སྙིང་ཐིག་དོན། །
བཤད་སྒྲུབ་ཕྲིན་ལས་སྤེལ་བའི་སྤྲུལ༵་པའི་སྐུ། །
བསྟན་སྲིད་མཛེས་པའི་རྒྱན་དུ་རིང་འཚོ་ཤོག །
༤༤ བླ་མ་ཤེས་རབ་བཟང་པོ། །
ཨེ་མ་ཧོ། །
ཤེས་རབ་བདེ་བཤེགས་བསྟན་པའི་སྙིང་པོ་ཉིད། །
བཟང་པོ་སྤྱོད་པའི་དཔལ་དུ་ལེགས་མཁྱེན་པས། །
བཤད་སྒྲུབ་ཟུང་འཇུག་སྒྲུབ་པའི་ཇོ་ནང་པའི། །
བླ་མ་དམ་པའི་སྐུ་ཚེ་བརྟན་པར་ཤོག །
༤༥ དོལ་བོའི་དགེ་རྒན།
ཨེ་མ་ཧོ། །
ཤེས་བྱ་རིག་པའི་གནས་ལ་མཁྱེན་རྒྱ་ཆེ། །
རིས་མེད་སློབ་ཕྲུག་ཀུན་ལ་བྱམས་བརྩེ་ཆེ། །
མི་ཚེའི་མདུན་ལམ་སྟོན་པའི་སློབ་དཔོན་ཆེ། །
ཆེ་ཆོས་གསུམ་ལྡན་དགེ་རྒན་ཞབས་བརྟན་ཤོག །
༤༦ ཀརྡོ་རབ་འབྱམས་པ།
ཨེ་མ་ཧོ། །
གནའ་རབས་སྲོལ་རྒྱུན་མ་ནོར་རབ་ཏུ་འཛིན། །
དེང་རབས་ཚན་རྩལ་ཤེས་རིག་བསྟན་པ་སྐྱོང་། །
གནའ་དེང་ཕྱོགས་རིས་མེད་པ་ལེགས་སྤེལ་བའི། །
ཀརྡོ་རབ་འབྱམས་འཇིག་རྟེན་རྒྱན་དུ་བཞུགས། །
༤༧ མཁན་པོ་པདྨ་གེ་སར།
ཨེ་མ་ཧོ། །
པདྨ་ཀ་རའི་བསྟན་པར་སྲོག་ལས་གཅེས། །
གེ་སར་རྒྱལ་པོའི་ཐུགས་སྲས་དཔའ་བོ་མཆོག །
མཁས་གྲུབ་རྒྱལ་བའི་རྒྱུད་འཛིན་རིན་པོ་ཆེ། །
མཁན་པོ་པདྨ་གེ་སར་རྟག་བཞད་སྨོན། །
༤༨ མཁན་སྤྲུལ་དྲི་མེད་ལྷག་བསམ་རིན་པོ་ཆེ།
ཨེ་མ་ཧོ། །
དྲི༵་མེད༵་འོད་ཟེར་ལྟ་བའི་དགོངས་པ་རྟོགས། །
ལྷག༵་བསམ༵་མཁྱེན་བརྩེ་དབང་པོའི་སྒོམ་པར་གནས། །
སྤྱོད་པ་རྒྱལ་བའི་མྱུ་གུའི་ཕྲིན་ལས་ཅན། །
ཀུན་མཁྱེན་བརྒྱུད་པའི་ཐུགས་སྲས་ཞབས་བརྟན་ཤོག །
༤༩ རྫོགས་ཆེན་མཁན་པོ་ཐུབ་བསྟན་ཡེ་ཤེས།
ཨེ་མ་ཧོ། །
གཟུར་གནས་བློ་གྲོས་དགའ་བའི་སྐྱེད་ཚལ་དུ། །རིག་གཞུང་པདྨ་གེ་སར་སྙིང་པོ་བཞད།
། ཕན་བདེའི་དྲི་བཟང་ཐུབ་བསྟན་ཡེ་ཤེས་ཀྱི། །ཕྲིན་ལས་ཀུན་ཁྱབ་འཇིག་རྟེན་མཛེས་གྱུར་ཅིག
།
༥༠ ནམ་མཁའ་རིན་པོ་ཆེ།
ཨེ་མ་ཧོ། །
ནམ་མཁའ་མ་ཞིག་འཁོར་བ་མ་སྟོང་བར། །
ནམ་མཁའ་མཉམ་པའི་འགྲོ་བའི་དོན་མཛད་ནས། ། ནམ་མཁའ་རབ་འབྱམས་ཕན་བདེའི་དཔལ་སྟེར་བའི།
།
ནམ་མཁའ་རིག་འཛིན་ཐུགས་དམ་མ་གཡེལ་ཅིག །
༥༡ སྤྲུལ་སྐུ་དབང་ཆེན་ཉི་མ་རིན་པོ་ཆེ།
ཨེ་མ་ཧོ། །
སྤྲུལ་སྐུ་རྒྱལ་བའི་སྲས་ཀྱི་སྤྱོད་པ་དག །
སྣ་ཚོགས་རང་གྲོལ་ཞིང་ཁམས་ལོངས་སྤྱོད་རྫོགས། །
སྤྲོས་པ་ཀུན་བྲལ་ཆོས་སྐུའི་དགོངས་པར་སྨིན། །
རྫོགས་ཆེན་པདྨ་དབང་ཆེན་ཞབས་བརྟན་ཤོག །
༥༢ གསང་སྔགས་བསྟན་འཛིན་རིན་པོ་ཆེ།
ཨེ་མ་ཧོཿ
གསང༵་སྔགས༵་དོན་ལ་ངེས་ཤེས་སྒྲོན་མེ་འབར།
།
རིག༷་པའི༷་འོད༷་སྣང༷་ཟེར་ཕྲེང་འབུམ་དུ་འཇོ།
།
མཐའ་ཡས་འགྲོ་བའི་རྨོངས་མུན་རབ་བསལ་བའི།
།
རྒྱལ་བསྟན༵་འཛིན༵་སྐྱོང་སྤེལ་མཛད་རྒྱལ་གྱུར་ཅིག
།
༥༣ སྐུ་ཞབས་རྨོག་རུ་བ་བསྟན་པ་རྒྱ་མཚོ།
ཨེ་མ་ཧོ། །
རིགས་ཞེན་དཀར་པོ་ཁ་བའི་རི་དང་མཚུངས། །
གངས་ཅན་བསྟན་སྲིད་སེམས་པར་ཆུ་རྒྱུན་ལྟར། །
ལྷག་བསམ་བཟང་པོའི་གཙང་ཆབ་རྨོག་རུ་བ། །
བསྟན་པ་རྒྱ་མཚོ་ཞི་བདེའི་དཔལ་དུ་སྨོན། །
༥༤ སློབ་དཔོན་འཆམ་ར་དྲི་མེད་རྒྱལ་མཚན་རིན་པོ་ཆེ།
ཨེ་མ་ཧོ། །
ཕུན་ཚོགས་སྡེ༵་བཞི་དགེ༵་བར་བལྟམས་པའི་སྐུ། །
དྲི༵་མེད༵་སྙན་ཕྲེང་ངག་རིག་བདེན་པའི་གསུང་། །
བསྟན་པའི་རྒྱལ༵་མཚན༵་བསྒྲེངས་པའི་ཐུགས་དམ་ཅན། །
རྡོ་རྗེ་སློབ་དཔོན་ཞབས་པད་བརྟན་གྱུར་ཅིག །
༥༥
བློ་ལྡན་དགེ་འདུན་ཆོས་འཕེལ།
ཨེ་མ་ཧོ། །
བློ་གྲོས་དཔལ་ལྡན་ལྷག་བསམ་དམ་པས་ཕྱུག །
དགེ་འདུན་ཆོས་འཕེལ་རྒྱལ་བའི་ཞལ་གཟིགས་ཐོབ། །
བཤད་སྒྲུབ་ཐོས་བསམ་སྒོམ་པས་ལེགས་འཛིན་པའི། །
སྐལ་བཟང་སྐྱེས་བུ་ཆེན་པོ་ཡུན་གནས་ཤོག །
༥༦ མཁན་པོ་སྒྲོན་སྐྱབས་རིན་པོ་ཆེ།
ཨེ་མ་ཧོ། །
རིག་སྟོང་པདྨ་རྒྱལ་པོའི་དགོངས་ཀློང་ལས། །
རིག་འཛིན་གྲུབ་པའི་རྟུལ་ཞུགས་ཡོངས་སྣང་བ། །
རིག་གྲོལ་འཕགས་པའི་དགེ་འདུན་སྒྲོལ་མ་སྐྱབས། །
སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག །
༥༦ འཇུ་བསྟན་སྐྱོང་རིན་པོ་ཆེ།
ཨེ་མ་ཧོ། །
གང་སྐུ་བཤེས་གཉེན་དམ་པའི་མཚན་ཉིད་ཅན། །
དུས་གསུམ་རྒྱལ་དང་རྒྱལ་སྲས་གསུང་དབྱངས་ཅན། །
མུ་མཐའ་མེད་པའི་འགྲོ་ཁམས་འདྲེན་མཛད་པའི། །
འཇུ་རིགས་བསྟན་སྐྱོང་བླ་མ་ཞབས་བརྟན་ཤོག །
༥༧ གཅོད་པ་བཀྲ་ཤིས་རྡོ་རྗེ་རིན་པོ་ཆེ།
ཨེ་མ་ཧོ།
ཆོས་སྐུ་ཡུམ་ཆེན་དགོངས་པའི་ཕ་རོལ་ཕྱིན། །
ཕྱིན་དྲུག་ལམ་གྱིས་འགྲོ་ཁམས་ཆོས་ཀྱིས་འདུལ། །
ངེས་དོན་གསང་ཆེན་རྣལ་འབྱོར་རིན་པོ་ཆེ། །
བཀྲ་ཤིས་རྡོ་རྗེ་སྨིན་གྲོལ་དཔལ་དུ་ཤོག །
༥༨ ལྷོ་ཁའི་རྣམ་ཞོལ་ཤེས་རབ་ཆོས་འབྱོར་རིན་པོ་ཆེ།
ཨེ་མ་ཧོ། །
ལྷོ་ཁའི་རྣམ་ཞོལ་འབྲས་དཀར་རྒྱལ་བའི་སྲས། །
ཤེས་རབ་སྙིང་རྗེ་ཆེན་པོ་ཆོས་ཀྱིས་འབྱོར། །
བསྟན་འགྲོར་ཕན་བདེ་སྒྲུབ་པའི་དམ་ཚིག་ཅན། །
འཛམ་གླིང་མཛེས་པའི་རྒྱན་ཏུ་རྟག་བཞུགས་གསོལ། །
༥༩ མཁན་པོ་ཆོས་ཀྱི་སེངྒེ་རིན་པོ་ཆེ།
།
ཨེ་མ་ཧོ། །
དམ་པའི་ཆོས་དང་འཇིག་རྟེན་ཚན་རྩལ་ལ། །
གཟུངས་སྤོབས་བློ་གྲོས་ཡང་དག་རིག་བཞི་ཡིས། །
ཇི་བཞིན་གཟིགས་ནས་སློབ་ཚོགས་སྐྱོང་མཛད་པའི། །
གངས་ཀྱི་སེངྒེ་དམ་པ་ཞབས་བརྟན་ཤོག །
༦༠ མཁན་པོ་འོད་གསལ་མཐའ་ཡས་རིན་པོ་ཆེ། །
ཨོཾ་སྭྰ་སྟི།
།
རྒྱལ་དབང་ཀུན་བཟང་ཐུགས་ཀྱི་བསྟན་པའི་སྲོག །
འོད༵་གསལ༵་སྙིང་པོའི་ཐུགས་བསྐྱེད་སྟོབས་འཛིན་པས། །
མཐའ༵་ཡས༵་ཨེ་ཝྃ་ཆོས་སྨན་བདེ་ཆེན་གྱིས། །
མ་ལུས་འགྲོ་ཁམས་སྨིན་གྲོལ་ཞབས་བརྟན་ཤོག །
༦༡ ཤར་མི་ཉག་པ་བདེ་ཆེན་བློ་གྲོས་རིན་པོ་ཆེ།
ཨེ་མ་ཧོ། །
ངེས་འབྱུང་རྣལ་མའི་སོ་ཐར་སྡོམ་པས་བཙུན། །
བདེ་ཆེན་བྱང་ཆུབ་སེམས་དཔའི་སྤྱོད་པར་མཁས། །
གསང་ཆེན་བསྟན་པར་བློ་གྲོས་དཔལ་བཟང་པོ། །
ཆོས་མཆེད་དམ་པའི་སྐུ་ཚེ་བརྟན་གྱུར་ཅིག །
༦༢ འཇམ་དབྱངས་མཁྱེན་བརྩེ་རིན་པོ་ཆེ། །
ཨེ་མ་ཧོ། །
འཇམ་དབྱངས་མཁྱེན་པའི་དབང་ཕྱུག་བླ་མ་རྗེ། །
བརྩེ་ཆེན་འགྲོ་ཁམས་སྐྱོང་བའི་སྤྲུལ་པའི་གར། །
གང་དགར་སྣ་ཚོགས་སྒྱུ་འཕྲུལ་སྟོན་མཛད་པའི། །
རྣམ་འདྲེན་རྒྱལ་བའི་དབང་པོ་ཞབས་བརྟན་ཤོག །
༦༣ རྫོགས་ཆེན་མཁན་པོ་ཆོས་དགའ་རིན་པོ་ཆེ།
ཨོཾ་སྭ་སྟི། །
མི་འགྱུར་བདེ་ཆེན་རྒྱལ་པོ་ཀུན་ཏུ་བཟང་།
།
མི་བརྗེད་གཟུངས་སྤོབས་ཤེས་རབ་སྨྲ་བའི་མཆོག
།
མི་འཇིགས་གསང་སྔགས་གཏེར་ལ་དབང་འབྱོར་པའི།
།
རྫོགས་ཆེན་མཁན་པོ་ཆོས་དགའ་ཞབས་བརྟན་གསོལ།
།
༦༤ མཁའ་འགྲོ་ཤེས་རབ་ལྷ་མོ།
ཨོཾ་སྭ་སྟི། །
སྟོང་ཉིད་སྙིང་བརྩེ་དོན་གྱི་ཡེ་ཤེས་པ། །
དྲང་བདེན་བྱམས་པའི་རང་གཟུགས་རྗེ་བཙུན་མ། །
སྣང་གསལ་འོད་འབུམ་སྤྲུལ་པའི་མཁའ་འགྲོ་མ། །
ཤེས་རབ་ལྷ་མོའི་ཞབས་པད་བརྟན་གྱུར་ཅིག །
༦༥ ཀུན་མཛེས་འཆི་མེད་མཁའ་འགྲོ།
ཨེ་མ་ཧོཿ
ཀུན་བཟང་ཐུགས་ཀྱི་བསྟན་པའི་རྗེས་འཇུག་མཆོག །
ཀུན་ནས་དད་གུས་མོས་པའི་ལས་འཕྲོ་ཅན།
།
ཀུན་མཐུན་ལྷ་ཆོས་འཛིན་སྐྱོང་སྤེལ་མཛད་མ།
།
ཀུན་མཛེས་འཆི་མེད་མཁའ་འགྲོ་ཞབས་བརྟན་ཤོག
།
༦༦རྒྱལ་དབང་འབྲུག་ཆེན་རིན་པོ་ཆེ། །
ཨེ་མ་ཧོཿ
མཁྱེན་རབ་རྨད་བྱུང་མདོ་སྔགས་དགོངས་དོན་འཛིན། །
བརྩེ་ཆེན་དབང་ཕྱུག་འཕགས་ལམ་སྤྱོད་པ་སྐྱོང་།
།
ནུས་པས་རྒྱལ་བསྟན་བཤད་སྒྲུབ་ཡང་དག་སྤེལ།
།
འབྲུག་ཆེན་རྒྱལ་བའི་རྒྱལ་ཚབ་ཞབས་བརྟན་ཤོག
།
༦༧སྨིན་གླིང་གདུང་སྲས་རིན་པོ་ཆེ།
མངོན་དགའི་ཞིང་ན་རིགས་བདག་རྡོ་རྗེ་སེམས། །
རྔ་ཡབ་གླིང་དུ་པདྨ་ཐོད་འཕྲེང་རྩལ། །
བྷོ་ཊའི་ལྗོངས་འདིར་འགྱུར་མེད་རྡོ་རྗེའི་སྐུ། །
གདུང་སྲས་ཡིད་བཞིན་ནོར་བུ་གསོལ་བ་འདེབས། །
བཀའ་གཏེར་ཟབ་རྒྱས་དཔལ་ཡོན་དར་གྱུར་ཅིག །
༦༨ མཁའ་འགྲོ་རིན་པོ་ཆེ། །
ཨེ་མ་ཧོ། །
བཀའ་གཏེར་ཟབ་དགུའི་སྲོལ་འཛིན་གཏེར་ཆེན་གྱི། །
མདོ་སྔགས་བཤད་སྒྲུབ་བསྟན་པའི་རྒྱུན་སྐྱོང་བའི། །
ཨོ་རྒྱན་སྨིན་གྲོལ་གླིང་པའི་སྲས་མོ་མཆོག །
མཁའ་འགྲོ་རིན་ཆེན་ཞབས་པད་བརྟན་གྱུར་ཅིག །
༦༩ ཡུལ་ཤུལ་བསྟན་འཛིན་རིན་པོ་ཆེ།
ཨེ་མ་ཧོ། །
རྨད་བྱུང་སྙན་པའི་ངག་ལ་དབང་འབྱོར་ཞིང་། །
སྡེ་སྣོད་རིག་པའི་གནས་ལ་བྱང་ཆུབ་པའི། །
མཆེད་ཀྱི་དྭངས་མ་ཡུལ་ཤུལ་བསྟན་འཛིན་ཉིད། །
སྐུ་ཚེ་རབ་བརྟན་བཞེད་དོན་ལེགས་འགྲུབ་ཤོག །
༧༠ བདེ་ཆེན་གཡང་གི་སྨོན་ལམ།
ཨེ་མ་ཧོ། །
བརྩེ་ཆེན་ཆོས་ཀྱི་རྒྱལ་པོ་མ་ཎི་ཀར། །
བདེ་ཆེན་དོན་གྱི་དབང་མོ་སྙིང་གྲོགས་མས།
།
བྱམས་ཆེན་དྲོད་ཀྱིས་བདེ་གཡང་མི་འབྲལ་ཞིང་།
།
རྫོགས་ཆེན་བསྟན་པའི་རྒྱན་དུ་རྟག་བཞུགས་གསོལ།
།
༧༡ གུ་རུ་རྩེ་རྒྱལ་རིན་པོ་ཆེ།
ཨེ་མ་ཧོ། །
རྒྱལ་ཀུན་མཁྱེན་བརྩེ་འོ་མའི་ཆུ་གཏེར་ལས། །
རབ་དཀར་ཐབས་ཤེས་ཕྱག་རྒྱའི་རྟུལ་ཞུགས་ཅན། །
མ་འདྲིས་མཛའ་བཤེས་དམ་པ་རྒྱལ་བའི་སྲས། །
གུ་རུ་རྩེ་རྒྱལ་བསྐལ་བརྒྱལ་འཚོ་བཞེས་བསྐུལ། །
༧༢ གོ་འཇོ་རིག་ལྡན་རིན་པོ་ཆེ།
ཨེ་མ་ཧོ། །
རིག་འཛིན་ནུས་ལྡན་སྐུ་གསུམ་རྡོ་རྗེའི་གདངས། །
བདེ་ཆེན་དབྱིངས་ལས་ཟུང་འཇུག་མཆོད་སྤྲིན་ཅན། །
མཚུངས་མེད་དགེ་བའི་བཤེས་གཉེན་རིན་པོ་ཆེ། །
རིག་གྲོལ་གཉིས་ལྡན་བླ་མ་འཚོ་བཞེས་གསོལ། །
༧༣ མུ་ར་གནས་ཁོ་རིན་པོ་ཆེ།
ཨེ་མ་ཧོ། །
མུ་མེད་དོན་དམ་སེམས་བསྐྱེད་ཕ་རོལ་ཕྱིན། །
མཚུངས་མེད་ཡོན་ཏན་རྒྱ་མཚོའི་ར་བ་ཅན། །
ཆོས་དབྱིངས་གནས་ལུགས་ཁོ་ནའི་གཏེར་འཛིན་པ། །
རྟོགས་ལྡན་བླ་མ་དམ་པ་ཞབས་བརྟན་ཤོག །
༧༤ ཚེ་རིང་ལོ་བརྒྱ་རིན་པོ་ཆེ།
ཨེ་མ་ཧོ། །
ཚངས་སྲས་བཞད་པའི་གུར་ཀུམ་གསར་པའི་མདངས། །
སྙན་འཇེབས་རྒྱ་མཚོའི་གོས་སུ་ཡོངས་ཁྱབ་པའི། །
རབ་འབྱམས་རྒྱལ་བའི་ཕྲིན་ལས་འོད་དཀར་ཅན། །
ནམ་ཡང་མི་ཉམས་སྲིད་མཐར་བརྟན་གྱུར་ཅིག །
༧༥ རིག་པའི་བང་མཛོད་རིན་པོ་ཆེ།
ཨེ་མ་ཧོ། །
རེབ་སྐོང་རིག་པའི་བང་མཛོད་གཏེར་ཀློང་ནས། །
ངོ་མཚར་སྙན་ངག་རོལ་མོའི་སྒྲ་དབྱངས་ཀྱིས། །
གངས་ལྗོངས་ཆོས་དཔལ་རིག་པའི་དགའ་ཚལ་ཀུན། །
རྫོགས་ལྡན་དང་པོའི་ཞིང་དུ་མཛེས་གྱུར་ཅིག །
༧༦ མཁན་པོ་འཇིགས་མེད་གཞན་ཕན་རིན་པོ་ཆེ།
ཨེ་མ་ཧོ། །
འཇིགས་མེད་ཐབས་ཤེས་དགོངས་པའི་རྫོགས་ཆེན་པ། །
གཞན་ཕན་ལུང་རྟོགས་བསྟན་པས་སྨིན་གྲོལ་བ། །
བཅོས་མིན་དོན་དམ་མཁན་པོ་མཚན་ཉིད་ཅན། །
མཁས་བཙུན་བཟང་པོས་བསྟན་འགྲོར་སྨན་གྱུར་ཅིག །
༧༧ མཚོ་བྱུང་རིག་པའི་ཟླ་བ་རིན་པོ་ཆེ།
ཨེ་མ་ཧོ། །
ཤེས་བྱ་རབ་འབྱམས་རྒྱལ་བའི་རྒྱ་མཚོ་རུ། །
མཁྱེན་བརྩེ་རིག་པའི་འོད་དཀར་མཚན་མོའི་མགོན། །
ངེས་དོན་དགེ་བའི་བཤེས་གཉེན་ཡོན་ཏན་ཅན། །
མཚོ་བྱུང་རིག་པའི་ཟླ་བ་ཞབས་བརྟན་ཤོག །
༧༨ འདྲ་བ་རྡོ་རྗེ་རིག་རྩལ་རིན་པོ་ཆེ། །
ཨེ་མ་ཧོ། །
བརྟན་མཁས་བཟང་པོ་ཡོན་ཏན་མཁའ་འདྲ་བ། །
རྡོ་རྗེ་ཐེག་པའི་ཟབ་རྒྱས་ཀུན་གཟིགས་པའི། །
རིག་རྩལ་བདེ་ཆེན་དོན་གྱི་བླ་མ་ཉིད། །
ཐུགས་དམ་མི་གཡོ་བསྟན་འགྲོའི་དོན་མཛད་གསོལ། །
༧༩ སྤྲུལ་འཇིགས་མེད་བློ་གྲོས་རིན་པོ་ཆེ།
ཨེ་མ་ཧོ། །
སོར་བྱང་སྔགས་ཀྱི་བསྟན་པའི་མཛོད་འཛིན་པའི། །
ཆོས་ལོངས་སྤྲུལ་སྐུའི་བསྟན་འཛིན་དམ་པ་མཆོག །
འཇིགས་མེད་བློ་གྲོས་སྣང་བའི་འགྲོ་དོན་ཅན། །
ཆོས་མཆེད་བླ་མ་རིན་ཆེན་ཞབས་བརྟན་ཤོག །
༨༠ འགར་སྲས་སྤྲུལ་འཇིགས་མེད་ཀུན་བཟང་རིན་པོ་ཆེ།
ཨེ་མ་ཧོ། །
འགར་གྱི་རིགས་འཁྲུངས་རྒྱལ་སྲས་དཔའ་བོའི་ཚུལ། །
འཇིགས་མེད་ཆོས་རྗེ་བླ་མའི་ཐུགས་ཀྱི་སྲས། །
ཀུན་བཟང་རྒྱལ་བའི་བསྟན་པ་འཛིན་པའི་མགོན། །
སྐུ་ཚེ་རབ་བརྟན་སྐྱེ་དགུའི་དཔལ་དུ་སྨོན། །
༨༡ ཨ་ཅག་ཉི་མ་རིན་པོ་ཆེ།
ཀྱེ་མ་ཧོ། །
མཁས་བཙུན་མིན་ཡང་དམ་པའི་གྲལ་འགོ་འཛིན། །
སྤྲུལ་སྐུ་སྐྱབས་རྗེ་གོ་ས་བཙན་གྱིས་སྐྱོང་། །
བཟང་ལན་ངན་གྱིས་འཇལ་བའི་བླ་བཙོང་པ། །
དམ་པའི་གོ་རྒས་འདི་ཡང་ཚེ་རིང་ཤོག །
༨༢ བརྩོན་འགྲུས་རྒྱ་མཚོ་རིན་པོ་ཆེ། །
ཨེ་མ་ཧོ། །
དད་བརྩོན་ཤེས་རབ་ལྡན་པའི་རྣམ་དཔྱོད་དང་། །
གཞན་ཕན་ལེགས་བཤད་འཆད་རྩོད་རྩོམ་པ་དང་། །
བསྟན་དོན་ཐུགས་དམ་འཛིན་པའི་དགེ་བའི་བཤེས། །
བརྩོན་འགྲུས་རྒྱ་མཚོའི་བཞེད་དོན་མྱུར་འགྲུབ་ཤོག །
༨༣ ཨ་རིག་དགེ་ལེགས་འབྱུང་གནས་རིན་པོ་ཆེ།
ཨེ་མ་ཧོ། །
ཨ་རིག་ངེས་དོན་ཆོས་ཀྱི་དགའ་ཚལ་ནས། །
རྣམ་དཔྱོད་དཔག་བསམ་སྡོང་པོའི་ཡོན་ཏན་རྒྱས། །
དགེ་ལེགས་ཕན་བདེའི་འབྱུང་གནས་རིན་པོ་ཆེ། །
འཛམ་གླིང་བསྟན་འགྲོའི་མགོན་དུ་རིང་འཚོ་ཤོག །
༨༤ ཚུལ་ཁྲིམས་མཐར་ཕྱིན་རིན་པོ་ཆེ།
ཨེ་མ་ཧོ། །
ཚུལ་ཁྲིམས་རྣམ་དག་རྒྱལ་བ་དགྱེས་པའི་སྐུ། །
འཆད་རྩོད་རྩོམ་ཕྲིན་ལས་སྤེལ་བའི་གསུང་། །
སྤངས་རྟོགས་མཐར་ཕྱིན་ངེས་དོན་རྒྱལ་བའི་ཐུགས། །
ཆོས་གྲོགས་དགེ་བའི་བཤེས་གཉེན་རྟག་འཚོ་ཤོག །
༨༥ རྫ་སྟོད་གངས་ལྗོངས་ཧྲག་པ་རིན་པོ་ཆེ།
ཨེ་མ་ཧོ། །
གངས་རིའི་ལྗོངས་སུ་མེས་པོའི་སྲོལ་བཟང་འཛིན། །
ལོག་སྨྲ་བདུད་དང་དམ་སྲིའི་རྒོལ་བ་འཇོམས། །
རླབས་ཆེན་མཁས་བཙུན་བཟང་པོའི་ཕྲིན་ལས་ཅན། །
རྫ་སྟོད་གངས་ལྗོངས་ཧྲག་པ་ཞབས་བརྟན་ཤོག །
༨༦ འབའ་མཁྱེན་དཔལ་རིན་པོ་ཆེ། །
ཨེ་མ་ཧོ། །
མཁྱེན་རབ་དཔལ་འབར་ཡེ་ཤེས་སྣང་བ་ཅན། །
བརྩེ་ཆེན་བྱམས་པའི་རྒྱལ་ཡུམ་ཉེར་གཅིག་གིས། །
མཐུ་སྟོབས་ནུས་པས་ཆོས་མཆེད་དམ་པ་ཁྱེད། །
གསང་གསུམ་དེ་ཉིད་མངོན་དུ་འགྱུར་པར་ཤོག །
༨༧ ཚུལ་ཁྲིམས་རྣམ་རྒྱལ་རིན་པོ་ཆེ།
ཨེ་མ་ཧོ། །
ཚུལ་ཁྲིམས་ཡང་དག་རྒྱལ་བའི་རྗེས་འཇུག་མཆོག །
ཐོས་བསམ་སྒོམ་པས་ལུང་རྟོགས་བསྟན་པ་འཛིན། །
བསྙེན་སྒྲུབ་ཕྲིན་ལས་བརྩོན་པའི་དགེ་འདུན་པ། །
ཕྱོགས་ལས་རྣམ་རྒྱལ་འགྲོ་དོན་ལྷུན་གྲུབ་ཤོག །
༨༨ འབྲོང་ཡོན་ཏན་ཕུན་ཚོགས་རིན་པོ་ཆེ། །
ཨེ་མ་ཧོ། །
ཚོགས་གཉིས་བསོད་ནམས་དགེ་བའི་སྣང་བ་ལས། ། ཡོན་ཏན་ཕུན་ཚོགས་བཤེས་གཉེན་ཚུལ་བཞིན་བསྟེན།
།
དམ་ཆོས་ཡང་དག་སྤྱོད་པའི་སྐལ་བཟང་མཆོག །
ཚེ་དང་སྒྲུབ་པ་མཉམ་པར་གསོལ་བ་འདེབས། །
༨༩ ཨ་རིག་མཁན་ཆེན་ཤེས་རབ་བཟང་པོ། །
ཨེ་མ་ཧོ། །
ཤེས་རབ་སྙིང་རྗེས་འགྲོ་ལ་དམ་ཆོས་སྟོན། །
ཏིང་འཛིན་བཟང་པོས་མ་རིག་རྨོངས་པ་སེལ། །
རྨད་བྱུང་ལུང་རྟོགས་བཤད་སྒྲུབ་ཕྲིན་ལས་ཅན། །
ཨ་རིག་མཁན་ཆེན་ཤེར་བཟང་ཞབས་བརྟན་ཤོག །
༩༠ རྫོགས་ཆེན་མཁན་པོ་ཀུན་དགའ་བཀྲ་ཤིས་རིན་པོ་ཆེ།
ཨེ་མ་ཧོ། །
ཀུན་དགའ་ཞི་བདེ་ཐར་པའི་དེད་དཔོན་གྱིས། །
བཀྲ་ཤིས་བདེ་ལེགས་མི་ཟད་སྨིན་གྲོལ་སྟོན། །
ལུགས་རྟོགས་བསྟན་པའི་བདག་པོ་དྲང་བདེན་ཅན། །
རྫོགས་ཆེན་མཁན་པོ་བསྐལ་བརྒྱར་བཞུགས་གསོལ་འདེབས། །
༩༡ ཚངས་དབྱངས་རིན་པོ་ཆེ།
ཨེ་མ་ཧོ། །
ཚངས་གནས་སྙན་མངགས་སྒྱུ་འཕྲུལ་དྲ་བ་ལས། །
གངས་ལྗོངས་ཕན་བདེའི་ལེགས་ཚོགས་འཇོ་བའི་དཔལ། །
སྐལ་བཟང་ཡིད་དགའ་གསོ་བའི་སྨན་ཆེན་པོ། །
ཚངས་དབྱངས་རྒྱ་མཚོས་འཇིག་རྟེན་མཛེས་གྱུར་ཅིག །
༩༢ སྤྲུལ་སྐུ་ཚེ་དབང་རིན་པོ་ཆེ། །
ཨེ་མ་ཧོ། །
ཆོས་སྐུ་དགོངས་པའི་དབྱིངས་ལས་མ་གཡོས་བཞིན། །
ལོངས་སྐུ་དག་པའི་ཞིང་ཁམས་ཡོངས་སྦྱོང་ནས། །
སྤྲུལ་སྐུ་བཤད་སྒྲུབ་དཔལ་དུ་ཕེབས་པ་ཁྱེད། །
བསྟན་འགྲོའི་དོན་ཆེན་འབད་མེད་མྱུར་འགྲུབ་ཤོག །
༩༣ རྣལ་འབྱོར་པ་སྐལ་བཟང་རིན་པོ་ཆེ།
ཨེ་མ་ཧོ། །
སྐལ་བཟང་རྒྱལ་བའི་བསྟན་པའི་རྗེས་སུ་སློབ། །
དལ་འབྱོར་སྙིང་པོ་ལེན་ཕྱིར་སྦས་ཡུལ་བཞུགས། །
ཚེ་དང་སྒྲུབ་པ་མཉམ་པའི་རིན་པོ་ཆེ། །
བསྟན་འགྲོའི་མགོན་ཡུན་རིང་བཞུགས་གསོལ་འདེབས། །
༩༤ མཁན་ཆེན་བསོད་ནམས་དོན་གྲུབ་རིན་པོ་ཆེ།
ཨེ་མ་ཧོ། །
བསོད་ནམས་ཡེ་ཤེས་བསགས་པའི་རྟེན་འབྲེལ་ལས། །
བརྟན་མཁས་དོན་གྲུབ་རིན་ཆེན་དགེ་སློང་ཆེས། །
ལྔ་ལྡན་ཆོས་དྲུག་དགོངས་པ་མངའ་བརྙེས་པའི། །
འབྲི་གུང་མཁན་ཆེན་བསྐལ་བརྒྱར་ཞབས་བརྟན་ཤོག
༩༥ ཉི་མ་ཚེ་རིང་རིན་པོ་ཆེ། །
ཨེ་མ་ཧོ། །
འཇིག་རྟེན་སྲིད་པའི་ཉི་མ་རབ་ཏུ་གསལ། །
དམ་ཆོས་དུང་གི་ཟླ་བ་ཀུན་ཏུ་ཤིས། །
ཆོས་སྲིད་ཟུང་འབྲེལ་སྐར་ཚོགས་ཚེ་ཐག་རིང་། །
ཆོས་མཆེད་ཉག་རོང་བླ་མ་ཞབས་བརྟན་ཤོག །
༩༦ ཟླ་རྒྱུད་མཁན་ཆེན་ཚེ་རིང་བཀྲ་ཤིས་རིན་པོ་ཆེ།
ཨེ་མ་ཧོ། །
གངས་རིའི་བསྟན་སྲིད་འཛིན་སྐྱོང་སྤེལ་བ་ལ། །
མ་སྨད་ལྷག་བསམ་ཡངས་པའི་འོད་སྟོང་ཅན། །
བདུད་དགྲའི་མ་རིག་མུན་ཚོགས་འཇོམས་པའི་དཔལ། །
ཟླ་རྒྱུད་མཁན་ཆེན་བསྐལ་བརྒྱར་ཞབས་བརྟན་ཤོག །
༩༧ འབྲུག་པ་ཀུན་ལེགས་ནོར་བུ་རིན་པོ་ཆེ། །
ཨེ་མ་ཧོ། །
ཡང་གསང་རྫོགས་ཆེན་རྟོགས་པ་ཤར་གྲོལ་ཁྱུང་། །
སྙན་པའི་སྡེབ་སྦྱོར་མཁས་གྲགས་ལྷོ་ཡི་འབྲུག །
ལ་རྒྱའི་བསྟན་སྲིད་འཛིན་པར་གངས་ཀྱི་སེང་། །
ཀུན་ལེགས་ནོར་བུ་མེ་སྟག་ཞབས་བརྟན་གསོལ། །
༩༨ གདུགས་དཀར་ཚེ་རིང་རིན་པོ་ཆེ། །
ཨེ་མ་ཧོ། །
རྒྱལ་བསྟན་རིན་ཆེན་གདུགས་དཀར་མཁའ་རུ་སྟེགས། །
མཐའ་ཡས་འཁོར་བའི་ཚ་གདུང་རབ་ཏུ་འཇོམས། །
བསྟན་འགྲོར་སྨིན་པའི་ཚེ་རིང་ཆོས་ཆར་འཇོ། །
ཁམས་གསུམ་དོང་སྤྲུགས་ནུས་པའི་དཔལ་དུ་ཤོག །
༩༩ དགེ་བཤེས་བློ་བཟང་དཔལ་ལྡན་རིན་པོ་ཆེ།
ཨེ་མ་ཧོ། །
དགེ་ལེགས་བཤེས་གཉེན་དམ་པའི་མཚན་ཉིད་དག །
བློ་བཟང་དཔལ་ལྡན་བཤད་སྒྲུབ་བསྟན་པའི་མགོན། །
སྐྱེ་དགུའི་རྨོངས་པའི་མ་རིག་བསལ་མཛད་པ། །
སྙིགས་དུས་འདྲེན་པའི་བླ་མ་ཞབས་བརྟན་ཤོག །
༡༠༠ མཁའ་འགྲོ་ཨོ་རྒྱན་ཆོས་སྒྲོན།
ཨེ་མ་ཧོ། །
ཨོ་རྒྱན་པདྨའི་ཞལ་མཇལ་དངོས་གྲུབ་ཐོབ། །
དམ་ཆོས་སྒྲོན་མེའི་སྙིང་གི་དཀྱིལ་འཁོར་ཅན། །
བཀའ་གཏེར་གདམས་པའི་མཛོད་འཛིན་མཁའ་འགྲོ་མ། །
མཁྱེན་བརྩེ་ནུས་ལྡན་ཞབས་པད་བརྟན་གྱུར་ཅིག །
༡༠༡ བསོད་ནམས་ཕུན་ཚོགས་རིན་པོ་ཆེ། །
ཨེ་མ་ཧོ། །
བསོད་ནམས་རིན་ཆེན་རྒྱལ་བའི་བསྟན་པར་མཇལ། །
ཕུན་ཚོགས་དགེ་ལེགས་ཁྱབ་སྲིད་སྙན་ངག་མཁན། །
ལུགས་གཉིས་སྨྲ་བའི་དྷར་སའི་དགེ་རྒན་ཉིད། །
སྐུ་ཚེ་བརྟན་ཅིང་བཞེད་དོན་ཡོངས་འགྲུབ་ཤོག །
༡༠༢ སྙིང་མིག་རིན་པོ་ཆེ།
ཨེ་མ་ཧོ། །
སྙིང༵་པོའི་བསྟན་པའི་མདོ་རྒྱུད་མན་ངག་ཀུན། །
མིག༵་གི་དགའ་སྟོན་ཐུགས་ཀྱི་དཀྱིལ་སྨིན་པའི། །
ཞི་དུལ་རྒྱལ་བའི་སྲས་ཀྱི་སྤྱོད་པ་ཅན། །
ཆོས་མཆེད་སེམས་པ་ཆེན་པོ་འཚོ་བཞེས་གསོལ། །
༡༠༣ བསོད་ནམས་འོད་ཟེར་རིན་པོ་ཆེ།
ཨེ་མ་ཧོཿ
བསོད༵་ནམ༵ས་ཡེ་ཤེས་ཚོགས་གཉིས་ལས་འཁྲུངས་པའི། ། འོད༵་ཟེར༵་རིག་པའི་སྣང་གསལ་དཔལ་འབར་བའི།
།
བསྐལ་བཟང་རྒྱལ་ཀུན་དགྱེས་པའི་སྐྱེས་བུ་ཉིད། །
སྐུ་ཚེ་བརྟན་ཅིང་འགྲོ་དོན་ལྷུན་གྲུབ་ཤོག །
༡༠༤ གླུ་རྒྱལ་བདུད་བྷེ་རིན་པོ་ཆེ།
ཨེ་མ་ཧོ། །
ཀ་ལ་མ་ལྟར་དཀར་བའི་ལྷག་བསམ་ཅན། །
ཁ་བའི་ཟློས་གར་མཁན་པོ་ཚངས་དབྱངས་སྲས། །
ག་ས་གང་དུ་སྙན་པའི་དཔལ་འབར་བའི། །
གངས་ལྗོངས་ཁུ་བྱུག་སྔོན་མོ་སྐུ་ཚེ་བརྟན། །
༡༠༥ མཁན་པོ་ཆོས་ཉིད་དོན་རྟོགས་རིན་པོ་ཆེ།
ཨེ་མ་ཧོ། །
ཆོས་ཉིད་དོན་རྟོགས་ཐེ་ཝན་ཡུལ་དུ་ཕེབས། །
རྒྱུ་འབྲས་བདེན་པའི་ཆོས་ཀྱི་འཁོར་ལོ་བསྐོར། །
ཆོས་དང་འཇིག་རྟེན་མཉམ་དུ་ལེགས་གྲུབ་པའི། །
ཟླ་རྒྱུད་མཁན་པོ་སྐུ་ཚེ་བརྟན་པར་ཤོག །
༡༠༦ ཚེ་རིང་བསམ་གྲུབ་རིན་པོ་ཆེ།
ཨེ་མ་ཧོ། །
ཚེ་དང་ཡེ་ཤེས་བཅོམ་ལྡན་འདས་རྒྱལ་བའི་ལྷ། །
རིང་ནས་སྒྲུབ་པའི་རྩ་གསུམ་ཆོས་སྐྱོང་གིས། །
བསམ་པའི་དོན་ཀུན་ཡིད་བཞིན་མངོན་མཛད་པས། །
གྲུབ་དབང་མཆོག་གི་བཞེད་དོན་ལྷུན་གྲུབ་ཤོག །
༡༠༧ མཁའ་འགྲོ་སྒྲོལ་མ་ཚེ་རིང་།
ཨེ་མ་ཧོ། །
ལྷན་སྐྱེས་ཆོས་སྐུའི་དེ་ཉིད་མངོན་སུམ་རྟོགས། །
སྔགས་སྐྱེས་ལོངས་སྐུའི་བསྐྱེད་རྫོགས་རྒྱུན་དུ་གནས། །
ཞིང་སྐྱེས་བཤད་སྒྲུབ་ཕྲིན་ལས་སྤེལ་མཛད་མ། །
སྒྲོལ་མ་ཚེ་རིང་བསྐལ་བརྒྱར་བཞུགས་གསོལ་འདེབས། །
༡༠༨ ཧཱུཾ་ཏྲཾ་པ་ནམ་མཁའ་རྡོ་རྗེ་རིན་པོ་ཆེ།
ཨེ་མ་ཧོ། །
ཨོཾ་ཨྰཿགཉུག་མ་ཆོས་སྐུའི་དགོངས་ཀློང་ལས། །
ཧྰུྃ་ཧྲྰིཿནམ་མཁའ་མཛོད་ལ་མངའ་དབང་འབྱོར། །
ཏྲྰྃ་བྷྲྰུྃ་དག་རྫོགས་སྨིན་མཛད་སྤྲུལ་པའི་སྐུ། །
སྙིང་ཐིག་བསྟན་འཛིན་བླ་མ་ཞབས་བརྟན་ཤོག །
༡༠༩ ཨོ་རྒྱན་བསྟན་འཛིན་རྡོ་རྗེ་རིན་པོ་ཆེ། །
ཨེ་མ་ཧོཿ
རྒྱལ་བསྟན༵་འཛིན༵་སྐྱོང་སྤེལ་ལ་གཅིག་ཏུ་དཔའ།
།
གསང་ཆེན་རྡོ༵་རྗེ༵་ཐེག་པའི་གཉིས་ཕན་ལམ།
།
མ་ནོར་འགྲོ་ལ་སྟོན་མཁས་སུམ་ལྡན་པ།
།
སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག
།
༡༡༠ རྫོགས་ཆེན་པ་སྨན་སྤྲུལ་དགེ་གྲགས་རིན་པོ་ཆེ།
ཨེ་མ་ཧོ། །
ཆོས་ཀྱི་བདུད་རྩི་གདམས་པས་ཐུགས་རྒྱུད་ཕྱུག །
སྨན་གྱི་འགྲོ་དོན་སྐྱེ་དགུར་ཕན་བདེ་མཛད། །
དགེ་ལེགས་གྲགས་པ་རྒྱལ་ཁམས་ཡོངས་ཁྱབ་པའི། །
རྫོགས་ཆེན་སྨན་སྤྲུལ་བསྐལ་བརྒྱར་འཚོ་བཞེས་གསོལ། །
༡༡༡ རྫོགས་ཆེན་རིན་པོ་ཆེ་བསྟན་འཛིན་དར་རྒྱས་རིན་པོ་ཆེ། །
ཨེ་མ་ཧོཿ
ཀ་དག་གདོད་མའི་མགོན་པོ་ཀུན་ཏུ་བཟང་།
།
ལྷུན་གྲུབ་སྣང་བ་མི་བསྐྱོད་རྡོ་རྗེའི་གར།
།
རང་བྱུང་པདྨ་རིག་འཛིན་སྤྲུལ་པའི་སྐུ།
།
བསྟན་འཛིན་དར་རྒྱས་ཞབས་པད་བརྟན་གྱུར་ཅིག
།
༡༡༢ ཀུན་དགའ་ཡེ་ཤེས་རིན་པོ་ཆེ།
ཨེ་མ་ཧོ། །
ཀུན་དགའ་བྱམས་བརྩེ་སྙིང་རྗེ་ཆེན་པོ་དང་། །
ཡེ་ཤེས་མཚུངས་མེད་ཤེས་བྱ་རབ་འབྱམས་མཁས། །
གངས་ཅན་རྒྱལ་སར་བཤད་སྒྲུབ་སྤེལ་བའི་མགོན། །
རྡོ་བྲག་རིན་ཆེན་ཞབས་པད་བསྐལ་བརྒྱར་སྨོན། །
༡༡༣ འབུམ་རམས་པ་དཔལ་ལྡན་མཁས་གྲུབ་རིན་པོ་ཆེ།
ཨེ་མ་ཧོ། །
ཚོགས་གཉིས་ཡེ་ཤེས་དཔལ་ལྡན་མཁས་གྲུབ་རྗེ། །
སྦས་པའི་རྟུལ་ཞུགས་སྤྱོད་པའི་རྣལ་འབྱོར་པ། །
མན་ཤེལ་འོད་ཀྱིས་འགྲོ་ཁམས་གསོ་མཛད་པ། །
གནའ་དེང་རིག་པའི་རྒྱལ་པོ་ཞབས་བརྟན་ཤོག །
༡༡༤ བློ་བཟང་ཚེ་རིང་རིན་པོ་ཆེ།
ཨེ་མ་ཧོ། །
བཅོས་མིན་དད་པས་བླ་མར་སངས་རྒྱས་མཇལ། །
ཅི་མཛད་ལེགས་པར་མཐོང་བའི་མོས་གུས་ཅན། །
དད་བརྩོན་ཤེས་རབ་ལྡན་པའི་སློབ་བུ་མཆོག །
བློ་བཟང་ཚེ་རིང་བསྐལ་བརྒྱར་ཞབས་བརྟན་ཤོག །
༡༡༥ བསོད་ནམས་དབང་ཆེན་རིན་པོ་ཆེ།
ཨེ་མ་ཧོ། །
བསོད་ནམས་རྟེན་འབྲེལ་བཟང་པོས་བསྟན་དང་མཇལ། །
དཔལ་ལྡན་དབང་ཆེན་དགྱེས་པའི་རྗེས་སུ་བཟུང་། །
ལུང་རྟོགས་བསྟན་པའི་དྲོགས་རྟགས་སྤེལ་མཛད་པ། །
སྙིང་གི་སློབ་མས་བསྟན་འགྲོར་སྨན་པར་ཤོག །
༡༡༦ མཁན་པོ་གུར་སྐྱབས་རིན་པོ་ཆེ།
ཨེ་མ་ཧོ། །
གནས་ཆེན་རི་བོ་རྩེ་ལྔའི་ཞིང་ཁམས་སུ། །
བླ་མ་ལྷག་པའི་ལྷ་ཡིས་རྗེས་སུ་བཟུང་། །
བཟང་པོ་སྤྱོད་པའི་སྨོན་ལམ་མངོན་བརྩོན་པའི། །
མཁན་པོ་གུར་སྐྱབས་བཞེད་དོན་མྱུར་འགྲུབ་ཤོག །
༡༡༧ རྫོགས་ཆེན་མཁན་པོ་འཇམ་དཔལ་བསྟན་འཛིན་རིན་པོ་ཆེ།
ཨེ་མ་ཧོ། །
རྫོགས་པ་ཆེན་པོའི་ལྟ་བ་རང་ངོ་ཤེས། །
ཕྱག་རྒྱ་ཆེན་པོའི་སྒོམ་པའི་བདེ་ཆེན་རྒྱས། །
འདུལ་འཛིན་ཆེན་པོ་གནས་བརྟན་སྡེ་སྡོད་འཛིན། །
འཇམ་དཔལ་བསྟན་འཛིན་བཟང་པོ་ཞབས་བརྟན་ཤོག །
༡༡༨ སྤོབས་པ་མཐའ་ཡས་རིན་པོ་ཆེ།
ཨེ་མ་ཧོ། །
ཐ་སྙད་མ་འདྲིས་གསལ་གཟིགས་ཤེས་རབ་དང་། །
དོན་དམ་མཁའ་ལྟར་མཇལ་བའི་གཟུངས་སྤོབས་ཅན། །
ལེགས་ཉེས་འགྱེད་པའི་ནོར་བུ་ཀེ་ཏ་ཀ །
དགེ་ལུགས་སྤོབས་པ་མཐའ་ཡས་ཞབས་བརྟན་ཤོག །
༡༡༩ མཁན་པོ་དྲི་མེད་ཟླ་བ་རིན་པོ་ཆེ།
ཨེ་མ་ཧོ། །
འཇིག་རྟེན་ཤེས་བྱ་མཁྱེན་པའི་འབུམ་རམས་པ། །
དམ་ཆོས་དགོངས་པ་རྟོགས་པའི་མཁན་པོ་རྗེ། །
ཟུང་འཇུག་ཉམས་སུ་ལེན་པའི་རྣལ་འབྱོར་པ། །
མཁན་པོ་དྲི་མེད་ཟླ་བ་ཞབས་བརྟན་ཤོག །
༡༢༠ སྒྲུབ་དཔོན་བསོད་ནམས་འབྱོར་འཕེལ་རིན་པོ་ཆེ།
ཨེ་མ་ཧོ། །
བཤད་དང་སྒྲུབ་པའི་སློབ་དཔོན་ཚད་མཐར་ཕྱིན། །
བསོད་ནམས་ཡེ་ཤེས་ཚོགས་ལ་མངའ་དབང་འབྱོར། །
འབྲི་བསྟན་སྐྱབས་མགོན་རྣམ་པའི་ཡོངས་འཛིན་པ། །
སྒྲུབ་དཔོན་བསོད་ནམས་འབྱོར་འཕེལ་ཞབས་བརྟན་ཤོག །
༡༢༡ མཁའ་འགྲོ་ཆོས་སྒྲོན་རིན་པོ་ཆེ།
ཨེ་མ་ཧོ། །
ཆོས་དབྱིངས་ཀུན་ཏུ་བཟང་མོའི་སྒྱུ་འཕྲུལ་ལས། །
ལོངས་སྐུ་སྒྲ་དབྱངས་ལྷ་མོའི་མཁྱེན་བརྩེའི་བདག །
ཟབ་གཏེར་བསྟན་བདག་མཁའ་འགྲོ་ཆོས་ཀྱི་སྒྲོན། །
གསང་གསུམ་ཆོས་བདུན་ངོ་བོར་ཞབས་བརྟན་ཤོག །
༡༢༢ མཁའ་འགྲོ་དཔལ་ལྡན་ཆོས་སྒྲོན།
ཨེ་མ་ཧོ། །
བདེ་ཆེན་ཞིང་ཁམས་མངོན་སུམ་ཡིད་ཀྱིས་མཇལ། །
འགྲོ་དྲུག་ཀུན་ལ་མ་གཅིག་བུ་ལྟར་བརྩེ། །
སྲོག་སྡོག་གཟེར་བཞིས་སྒྲུབ་པའི་རྒྱལ་མཚན་གཙུགས། །
དཔལ་ལྡན་ཆོས་སྒྲོན་བཞེད་དོན་ལྷུན་གྲུབ་ཤོག །
༡༢༣ རྡོ་གྲུབ་རིན་པོ་ཆེ།
ཨོཾ་སྭ་སྟི། །
ཀ་དག་ལྷུན་གྲུབ་རིག་པར་བྱང་ཆུབ་པའི།
།
བརྒྱུད་པ་གསུམ་ལྡན་བླ་མ་བྱིན་རླབས་ཅན། །
སྔ་འགྱུར་བསྟན་པའི་བདག་པོ་སྐྱབས་རྗེ་མཆོག །
རྡོ་གྲུབ་རིན་ཆེན་ཞབས་པད་བརྟན་གྱུར་ཅིག །
༡༢༤ རྒྱལ་དབང་འབྲུག་ཆེན་རིན་པོ་ཆེ།
ཨེ་མ་ཧོཿ
མཁྱེན་རབ་རྨད་བྱུང་མདོ་སྔགས་དགོངས་དོན་འཛིན། །
བརྩེ་ཆེན་དབང་ཕྱུག་འཕགས་ལམ་སྤྱོད་པ་སྐྱོང་།
།
ནུས་པས་རྒྱལ་བསྟན་བཤད་སྒྲུབ་ཡང་དག་སྤེལ།
།
འབྲུག་ཆེན་རྒྱལ་བའི་རྒྱལ་ཚབ་ཞབས་བརྟན་ཤོག
།
༡༢༥ འབྲུག་རྒྱལ་ཡབ་ཡུམ་རིན་པོ་ཆེ།
ཨོཾ་སྭ་སྟི། །
ཆོས་ཉིད་ངང་ལས་མ་འགག་སྙིང་རྗེའི་གར།
།
རིས་མེད་འགྲོ་བའི་དོན་དུ་བྱང་སེམས་ཆེ།
།
གཏོང་མིན་རྡོ་རྗེ་ལྟ་བུའི་དམ་ཚིག་ཅན།
།
འབྲུག་རྒྱལ་ཡབ་ཡུམ་རྣམ་གཉིས་ཞབས་བརྟན་ཤོག
།
༡༢༦ མཁའ་འགྲོ་རིག་འཛིན་ཆོས་སྐྱིད་དབང་མོ།
ཨེ་མ་ཧོ། །
བླ་མར་དད་གུས་མོས་པའི་ལས་འཕྲོ་སད།
།
བརྩེ་བའི་རིག་འཛིན་དྲན་པའི་ཕྱག་རྒྱ་མ།
།
མཁྱེན་རབ་དཔལ་གྱིས་ཕྱུག་པའི་རིགས་བཟང་མས། །
བཞེད་དོན་འབད་མེད་ལྷུན་གྱིས་འགྲུབ་པར་ཤོག
།
༡༢༧
དཔལ་ཆེན་རྡོ་རྗེ་རིན་པོ་ཆེ། །
ཨེ་མ་ཧོ། །
དད་གུས་དག་སྣང་བླ་མར་སངས་རྒྱས་མཐོང་།
།
ཆགས་སྡང་རྨོངས་བྲལ་གྲུབ་མཐའ་ཕྱོགས་རིས་དབེན།
།
ཕན་བདེའི་ལེགས་ཚོགས་བྱང་སེམས་རིན་པོ་ཆེ།
།
དཔལ་ཆེན་རྡོ་རྗེའི་ཞབས་པད་བརྟན་གྱུར་ཅིག
།
༡༢༨ ཨོ་བྷ་མ་རིན་པོ་ཆེ།
ཨེ་མ་ཧོ། །
རྒྱལ་ཁམས་སྲུང་སྐྱོབ་ཤེས་པའི་རྣམ་དཔྱོད་ཅན། །
ཞི་བདེའི་བརྩེ་བ་འགྱུར་མེད་དམ་ཚིག་ཅན། །
འགྲོ་བ་མི་གཤིས་བཟང་པོའི་སྲིད་འཛིན་པ། །
ཨོ་བྷ་རིན་ཆེན་འཛམ་གླིང་རྒྱན་དུ་ཤོག །
༡༢༩
འབྲུག་རྗེ་རིན་པོ་ཆེ།
ཨོཾ་སྭ་སྟི། །
མཁྱེན་རབ་ཕུལ་བྱུང་སྐྱེས་སྦྱོང་ལང་ཚོ་ལྡན།
།
བརྩེ་བའི་སྙིང་རྗེ་ཆེན་པོས་ཀུན་ནས་འཛུམ།
།
མཐུ་སྟོབས་ནུས་པའི་དབང་ཕྱུག་འབྲུག་ཆེན་རྗེ།
།
འཇིགས་མེད་པདྨ་དབང་ཆེན་ཞབས་བརྟན་ཤོག
།
༡༣༠ ཀརྨ་པ་ཞྭ་དམར་རིན་པོ་ཆེ།
ཨེ་མ་ཧོཿ
བདེན་པའི་རང་ཚུགས་མ་ཤོར་བསྟན་པ་འཛིན། །
ངན་སྨྲས་གླེང་བརྗོད་བྲལ་བས་གཞན་སེམས་སྐྱོང་། །
བཤད་སྒྲུབ་ཕྲིན་ལས་སྤེལ་བའི་ཀརྨ་པ། །
ཞྭ་དམར་རིན་ཆེན་ཞབས་པད་བརྟན་གྱུར་ཅིག །
༡༣༡ ཤངས་པ་རིན་པོ་ཆེ།
ཨེ་མ་ཧོཿ
སྐུ་ཡི་བཀྲ་ཤིས་སྐུ་ཚེ་ཞབས་པད་བརྟན། །
གསུང་གི་བཀྲ་ཤིས་གསུང་དབྱངས་ཆོས་སྒྲ་སྒྲོགས། །
ཐུགས་ཀྱི་བཀྲ་ཤིས་ཐུགས་རྗེའི་ཐབས་ཤེས་དཔལ། །
ཕྲིན་ལས་རབ་འབྱམས་འགྲོ་ཁམས་རྒྱན་དུ་ཤོག །
༡༣༢ རྗེ་བཙུན་ཨ་མ་ཨོ་རྒྱན་སྒྲོན་མ།
ཨེ་མ་ཧོཿ
དད་གུས་མི་ཕྱེད་འདུན་པས་སྐྱབས་སེམས་དང་། །
བླང་དོར་ཚུལ་བཞིན་མཛད་པའི་ཨ་མ་རྗེ། །
མི་ལོ་ཉེར་ལྔར་མཚམས་སྒྲུབ་ལེགས་མཛད་མ། །
མཁྱེན་བརྩེ་ནུས་པའི་ཡུམ་ཆེན་ཞབས་བརྟན་ཤོག །
༡༣༣ ཤེས་རབ་བཟང་པོ་རིན་པོ་ཆེ།
ཨེ་མ་ཧོ། །
ལོ་ཙྰའི་མཁྱེན་བརྩེ་ཉི་ཟླ་འདྲ་བའི་སྐུ། །
བསྟན་འགྲོའི་དོན་ཆེན་སྒྲུབ་པའི་ཤེས་རབ་ཅན། །
བཟང་པོའི་ཡོན་ཏན་ཀུན་ལྡན་དག་སྣང་གིས། །
རྨོངས་པའི་སྨག་ཆེན་བསལ་བའི་སྒྲོན་མེ་ཤོག །
༡༣༤ ལྷ་མོ་ཚེ་སྐྱིད་ལ་སྨོན་གསོལ། །
ཨེ་མ་ཧོ། །
ལྷ༵་དང་དཀོན་མཆོག་བདེན་པ་ཆེན་མོ༵འི། །
ཚེ༵་རིང་ནད་མེད་བདེ་སྐྱིད༵་ལྡན་ཞིང་། །
འདི་ཕྱི་ཀུན་ཏུ་བསྟན་འགྲོར་སྨན་ནས།
།
གང་བསམ་ཡིད་བཞིན་འགྲུབ་པར་སྨོན་ནོ།
།
༡༣༥ ཨ་ནེ་ཉི་མ་ཚེ་རིང་།
ཨེ་མ་ཧོ། །
ངེས་འབྱུང་རྣལ་མའི་སོར་ཐར་སྡོམ་པ་ལྡན། །
གཞན་ཕན་སྒྲུབ་པའི་བྱང་ཆུབ་སེམས་མཆོག་མངའ། །
སྣང་སྲིད་དག་མཉམ་སྒོམ་པའི་རྣལ་འབྱོར་མ། །
ཨ་ནེ་ཉི་མའི་སྐུ་ཚེ་བརྟན་པར་ཤོག །
༡༣༦ ལྷ་ལྕམ་ཚེ་རིང་བཟང་མོ།
ཨོཾ་སྭ་སྟི། །
སྐལ་བཟང་སྔ་འགྱུར་བསྟན་པའི་ཆོས་སྒོར་ཞུགས། །
ཡང་གསང་གདམས་པའི་བླ་མར་དད་གུས་ཅན། །
ཐབས་ཤེས་དྲང་བདེན་མཛད་པའི་མཛེས་མཛངས་མ། །
ཚེ་རིང་བཟང་མོའི་བསམ་དོན་ལྷུན་གྲུབ་ཤོག །
༡༣༧ སྲིད་སྐྱོང་བློ་བཟང་སེངྒེ་རིན་པོ་ཆེ།
ཨེ་མ་ཧོ། །
འཛམ་གླིང་ཞི་བདེ་གླིང་པའི་ཕོ་ཉ་མཆོག
།
གངས་ལྗོངས་བསྟན་སྲིད་འཛིན་པའི་དཔའ་བོ་ཆེ། །
རིགས་མཐུན་ཁ་བའི་རང་དབང་སྤེལ་མཛད་པའི། །
དབུ་མའི་རྒྱལ་རྒྱུད་བློ་བཟང་སེངྒེ་རྒྱལ། །
༡༣༨ ཀརྨ་དགེ་ལེགས་རིན་པོ་ཆེ།
ཨེ་མ་ཧོ། །
ཀརྨ་རྒྱུ་འབྲས་རྟེན་འབྱུང་ཚུལ་བཞིན་སྲུང་། །
དགེ་ལེགས་ཕུན་ཚོགས་ཡོན་ཏན་དཔལ་གྱིས་ཕྱུག །
བསྟན་སྲིད་རིག་གཞུང་འཛིན་སྐྱོང་སྤེལ་མཛད་པ། །
ཆོས་མཆེད་དམ་པའི་བར་ཆད་ཀུན་སེལ་ཤོག །
༡༣༩ ཤིང་བཟའ་རིན་པོ་ཆེ།
ཨེ་མ་ཧོ། །
འོད་དཀར་ཆོས་ཀྱི་སྣང་བས་ས་གསུམ་ཁྱབ། །
གངས་ཅན་བདེན་པའི་རང་བཞིན་གསལ་བོ་སྟོན། །
བསྟན་སྲིད་རིན་ཆེན་འཛིན་པའི་སྤྲུལ་པའི་སྐུ། །
ཤིང་བཟའ་བླ་མའི་ཞབས་པད་བརྟན་གྱུར་ཅིག །
༡༤༠ མཁན་པོ་བསྟན་འཛིན་རྣམ་རྒྱལ་རིན་པོ་ཆེ།
ཨེ་མ་ཧོ། །
སྔ་འགྱུར་རྒྱལ་བའི་ཆོས་ཀྱི་སྒོར་ཞུགས་ཀྱང་། །
འགྲོ་མགོན་བཀའ་བརྒྱུད་བསྟན་པ་འཛིན་སྐྱོང་སྤེལ། །
ལུང་རྟོགས་བཤད་སྒྲུབ་ཕྲིན་ལས་ཕྱག་རྒྱ་ཆེའི། །
ཕྱོགས་ལས་རྣམ་རྒྱལ་འགྲོ་དོན་མཐར་ཕྱིན་ཤོག །
༡༤༡ མཁན་ཆེན་པདྨ་དབང་རྒྱལ་རིན་པོ་ཆེ།
ཨེ་མ་ཧོ། །
པདྨ་ཀ་རའི་རྒྱལ་ཚབ་དབང་གྱི་རྒྱལ། །
སྒྱུ་འཕྲུལ་གསང་བའི་བཀའ་བབས་རིག་པ་འཛིན། །
སྔ་འགྱུར་བསྟན་སྲིད་སྤེལ་མཛད་དགེ་བའི་བཤེས། །
མཁན་ཆེན་དམ་པའི་ཞབས་པད་བརྟན་གྱུར་ཅིག །
༡༤༢ མཁའ་འགྲོ་རིག་འཛིན་དབང་མོ་རིན་པོ་ཆེ།
ཨེ་མ་ཧོ། །
རིག་འཛིན་པན་ཆེན་བླ་མའི་སྐུ་ཡི་སྲས། །
ཟབ་རྒྱས་གདམས་ངག་གཏེར་མཛོད་གསུང་གི་དཔལ། །
བདེ་ཆེན་པདྨ་གར་གྱི་དབང་མོའི་ཐུགས། །
གངས་རིའི་མཁའ་འགྲོ་བསྐལ་བརྒྱར་ཞབས་བརྟན་ཤོག །
༡༤༣ མཁན་ཆེན་འཆི་མེད་རིག་འཛིན་རིན་པོ་ཆེ།
ཨེ་མ་ཧོ། །
འཆི་མེད་རིག་འཛིན་བརྒྱུད་གསུམ་བླ་མའི་སྲོལ། །
མ་ནོར་ཉམས་སུ་བླངས་པའི་དགེ་བའི་བཤེས། །
ངེས་དོན་ཆོས་རྗེ་དམ་པའི་ཐུགས་ཀྱི་སྲས། །
མཁན་ཆེན་མཆོག་གི་བཞེད་དོན་ལྷུན་གྲུབ་ཤོག །
༡༤༤ མཁན་པོ་བསོ་དར་རྒྱས་རིན་པོ་ཆེ།
ཨེ་མ་ཧོ། །
བསོད་ནམས་ཡེ་ཤེས་ཆུ་གཏེར་བསྲུབས་པ་ལས། །
དར་རྒྱས་ཕུན་ཚོགས་ཕན་བདེའི་འོད་དཀར་ཅན། །
བསྟན་འགྲོར་དགེ་ལེགས་བསྐྲུན་པའི་ལོ་ཙྰ་བ། །
རྒྱ་བོད་མུན་སེལ་སྒྲོན་མེ་རྟག་སྣང་ཤོག །
༡༤༥ རྫོགས་ཆེན་སྐལ་བཟང་རིན་པོ་ཆེ།
།
ཨེ་མ་ཧོ། །
སྙིགས་ལྔའི་ཉེས་པ་མུན་སྤྲིན་ལྟར་འཁྲིགས་ཀྱང་། །
ཐུགས་རྗེ་འོད་སྣང་ཕྲིན་ལས་ཀུན་ཁྱབ་ནས། །
ཡང་གསང་རྫོགས་ཆེན་བསྟན་པའི་སྐལ་བཟང་དཔལ། །
སྣང་སྲིད་རྒྱན་དུ་བཞུགས་པར་ཡང་ཡང་བསྐུལ། །
༡༤༦ མཁའ་འགྲོ་སྒྲོལ་དཀར་རིན་པོ་ཆེ།
ཨེ་མ་ཧོ། །
དཀོན་མཆོག་རྩ་གསུམ་རྒྱ་མཚོའི་ངོ་བོ་དག །
སྣང་སྲིད་རྣམ་དག་ཞིང་གི་རང་བཞིན་རྫོགས། །
ཐུགས་རྗེ་ཀུན་བཟང་དགྱེས་པའི་ཕྲིན་ལས་སྨིན། །
ཨ་ནེ་རྗེ་བཙུན་སྒྲོལ་དཀར་རྟག་འཚོ་ཤོག །
༡༤༧ པདྨ་ཀུན་དགའ་རིན་པོ་ཆེ།
ཨེ་མ་ཧོ། །
པདྨའི་ཐུགས་སྲས་ཀློང་ཆེན་དཔལ་སེངྒེ། །
འོད་གསལ་སྙིང་པོའི་བསྟན་པ་ལེགས་སྤེལ་བའི། །
ཀུན་བཟང་རྒྱལ་བའི་གདུང་སྲས་རིན་པོ་ཆེ། །
དགའ་རབ་རྡོ་རྗེ་གཉིས་པར་ཞབས་བརྟན་ཤོག །
༡༤༨ པདྨ་སྒྲོལ་མ་རིན་པོ་ཆེ། །
ཨེ་མ་ཧོ། །
པདྨ་དཀར་པོ་ལས་ལྷག་ལྷག་བསམ་ཅན། །
དུང་དཀར་རིན་ཆེན་ལས་ལྷག་བྱམས་བརྩེ་ཅན། །
འཁོར་ལོ་གསེར་བཟང་ལས་ལྷག་གཤིས་རྒྱུད་ཅན། །
ཤེས་རབ་ཕུན་ཚོགས་སྒྲོལ་མ་བཞུགས་གསོལ་འདེབས། །
༡༤༩ དར་ཐང་རིན་པོ་ཆེ།
ཨེ་མ་ཧོ། །
སྐྱེན་པོའི་དགེ་སློང་ཇི་བཞིན་རབ་ཏུ་བྱུང་། །
བོད་སྤྲུལ་མཆོག་ལས་རིག་པའི་རང་ངོ་འཕྲོད། །
སྔ་འགྱུར་བསྟན་པའི་སྨོན་ལམ་ཚོགས་ཆེན་གཙུགས། །
སྨོན་ལམ་གླིང་པའི་ཞབས་པད་བརྟན་གྱུར་ཅིག །
༡༥༠ ཁང་གསར་བསྟན་པའི་དབང་ཕྱུག་རིན་པོ་ཆེ།
ཨེ་མ་ཧོ། །
འཇམ་དཔལ་མཁྱེན་རབ་ཉི་མ་ཐུགས་ལ་འཁྲུངས། །
དབྱངས་ཅན་ངག་རིག་ཟླ་བའི་ཆོས་ཆར་འཇོ། །
གསང་ཆེན་ཕྱག་རྒྱའི་རྡོ་རྗེ་འཛིན་པའི་སྐུ། །
སྔ་འགྱུར་བསྟན་པའི་བླ་མ་ཞབས་བརྟན་ཤོག །
༡༥༡ མཁའ་འགྲོ་བདེ་ཆེན་དབང་མོ་རིན་པོ་ཆེ།
ཨེ་མ་ཧོ། །
བདེ་ཆེན་ཆོས་ཀྱི་དབང་མོའི་ཕྱག་རྒྱ་ཅན། །
གཡང་དགུའི་རིག་པའི་གཏེར་མཛོད་ཡིད་བཞིན་ནོར། ། ངེས་དོན་དབུ་མའི་བསྟན་སྲིད་འཛིན་མའི་དཔལ།
།
མཁའ་འགྲོ་བདེ་ཆེན་དབང་མོ་སྐུ་ཚེ་བརྟན། །
༡༥༢ བན་བོན་གྱི་བླ་མ་རོང་ལེ་རིན་པོ་ཆེ། །
ཨོྃ་སྭྰ་སྟི།
།
ཀུན་ཕན་གསོ་བྱེད་རིག་པའི་གནས་ལ་མཁས།།
གཞན་དོན་བྱམས་དང་སྙིང་རྗེའི་བདག་ཉིད་ཆེ།།
གཡུང་དྲུང་གཉུག་མའི་བསྟན་པ་འཛིན་པའི་རྗེ།།
བན་བོན་བླ་མ་རོང་ལེ་ཞབས་བརྟན་ཤོག།
༡༥༣ ཀུན་བཟང་རིག་རྩལ་རིན་པོ་ཆེ།
ཨེ་མ་ཧོ། །
ཀུན་བཟང་ཐུགས་ཀྱི་བསྟན་པ་འཛིན་པ་ལ། །
དགྱེས་རབ་རྡོ་རྗེས་བསྔགས་པས་ལུང་གིས་ཟིན། །
རིག་རྩལ་མངོན་སུམ་མཇལ་བའི་སྤྲུལ་པའི་སྐུ། །
ཀུན་དཔལ་བླ་མའི་སྐུ་ཚེ་བརྟན་པར་ཤོག །
༡༥༤ མར་པ་ཆོས་དབྱིངས་རྡོ་རྗེ་རིན་པོ་ཆེ།
ཨེ་མ་ཧོ། །
ཆོས་དབྱིངས་དེ་ཉིད་གཟིགས་པའི་རྣལ་འབྱོར་རྗེ། །
གསང་ཆེན་བླ་མེད་རྡོ་རྗེ་ཐེག་པའི་སྲོལ། །
ཇི་བཞིན་བྱིན་རླབས་མཛད་པའི་ཐུགས་རྗེ་ཅན། །
ནོར་ཕྱུག་རིན་ཆེན་བླ་མ་མྱུར་བྱོན་གསོལ། །
༡༥༥ རིག་པའི་ཁུ་བྱུག་རིན་པོ་ཆེ།
ཨེ་མ་ཧོ། །
རིག་པའི་གནས་ལ་མཁྱེན་པའི་བཀའ་སྲུང་མགོན། །
བཀའ་བསྟན་འཆད་རྩོད་རྩོམ་པའི་སྙིང་བརྩེ་ཅན། །
བོད་བརྒྱུད་དུང་བས་འཛིན་སྐྱོང་སྤེལ་མཛད་པ། །
སྔགས་འཆང་ཁུ་བྱུག་གཞོན་ནུ་སྐུ་ཚེ་བརྟན། །
༡༥༦ མཁན་ཆེན་བསོད་ནམས་ཚེ་རྒྱལ་རིན་པོ་ཆེ། །
ཨེ་མ་ཧོ། །
བསོད་ནམས་བཟང་པོས་སྔ་འགྱུར་བསྟན་པར་དད། །
ལུང་རྟོགས་བཤད་སྒྲུབ་ཕྲིན་ལས་རྨད་བྱུང་བས། །
ཚེ་རབས་ཀུན་ཏུ་རྒྱལ་བསྟན་འཛིན་པའི་སྲས། །
སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག །
༡༥༧ འཁྲུལ་ཞིག་རིན་པོ་ཆེ།
ཨེ་མ་ཧོ། །
ནང་རྒྱུད་སྡེ་གསུམ་དགོངས་པའི་ཀློང་དུ་དཀྱིལ། །
འཁོར་འདས་རེ་དྭོགས་འཁྲུལ་བ་དབྱིངས་སུ་ཞིག །
བཀའ་གཏེར་ཟབ་དགུའི་སྨིན་གྲོལ་སྟེར་པའི་མགོན། །
སྐྱབས་རྗེ་འཁྲུལ་ཞིག་རིན་ཆེན་མྱུར་བྱོན་གསོལ། །
༡༥༨ གྲུབ་དབང་རིན་པོ་ཆེ།
ཨེ་མ་ཧོ། །
ལྔ་བརྒྱའི་གཙུག་རྒྱན་པན་ཆེན་བི་མ་ལ། །
གྲུབ་པའི་དབང་ཕྱུག་མཆོག་ཏུ་སྐུར་བཞེངས་པ། །
པདྨ་ནོར་བུའི་ཞབས་ལ་གསོལ་བ་འདེབས། །
ཐུགས་བྱིན་ཞིང་འདིར་ཕེབས་པའི་དངོས་གྲུབ་སྩོལ། །
༡༥༩ ཆོས་རྗེ་ཡིད་བཞིན་ནོར་བུ་རིན་པོ།
ཨེ་མ་ཧོ། །
ངག་དབང་བློ་གྲོས་མཚུངས་མེད་འཇམ་དཔལ་དབྱངས། །
འདྲེན་པའི་ཐུགས་དམ་འཇིགས་མེད་སྤྱན་རིས་གཟིགས། །
ཡོན་ཏན་ཕུན་ཚོགས་འབྱུང་གནས་རྡོ་རྗེ་འཛིན། །
རིགས་གསུམ་ཀུན་འདུས་བླ་མ་འབྲལ་མེད་ཤོག །
༡༦༠ བྱ་བྲལ་ཆོས་དབྱིངས་ཁྱབ་བརྡལ་རིན་པོ་ཆེ།
ཨེ་མ་ཧོ། །
ཀ་དག་ཆོས་དབྱིངས་ངང་དུ་མངོན་སངས་རྒྱས། །
ལྷུན་གྲུབ་ཁྱབ་བརྡལ་རིག་པས་འགྲོ་དོན་མཛད། །
དོན་དམ་ཡེ་ཤེས་བླ་མ་རིན་པོ་ཆེར། །
གསོལ་བ་འདེབས་སོ་སྣང་བཞི་མཐར་ཕྱིན་ཤོག །
༡༦༡ མཁན་ཆེན་པདྨ་ཚེ་དབང་ལྷུན་གྲུབ་རིན་པོ་ཆེ། །
ཨེ་མ་ཧོ། །
པདྨ་ཀ་རའི་བསྟན་འཛིན་མཁས་གྲུབ་མཆོག །
ཚེ་དབང་ལྷུན་གྲུབ་རིག་འཛིན་བརྒྱུད་པའི་ཞལ། །
བདེ་ཆེན་ཕྱག་རྒྱའི་སྒྱུ་འཕྲུལ་སྣང་བའི་སྐུ། །
མཁན་ཆེན་པདྨ་ཚེ་དབང་གསོལ་བ་འདེབས། །
ཨོཾ་བཛྲ་གུ་རུ་པདྨ་སིདྡྷི་ཧྰུྃ། །
༡༦༢ མགོན་བླ་པདྨ་རིན་པོ་ཆེ། །
ཨེ་མ་ཧོ། །
བཀའ་བརྒྱད་བདེ་གཤེགས་འདུས་པའི་དཀྱིལ་འཁོར་དང་། །
གཏེར་ཆེན་བརྒྱུད་པའི་ཕྱག་བཞེས་མ་ཉམས་པར། །
ཚེ་དང་སྒྲུབ་པ་མཉམ་པའི་མགོན་བླ་མཆོག །
པདྨའི་རྒྱུད་འཛིན་ཆེན་པོར་གསོལ་བ་འདེབས། །
༡༦༣ མཁན་ཆེན་བསོད་ནམས་ཚེ་རིང་རིན་པོ་ཆེ།
ཨེ་མ་ཧོ། །
དཀོན་མཆོག་གསུམ་དངོས་རྒྱལ་བའི་རྒྱལ་སྲས་ཉིད། །
གསང་ཆེན་བསྟན་པའི་མགོན་དུ་ཡོངས་ཕེབས་པས། །
རྩ་རླུང་འཕྲུལ་འཁོར་གནས་ལ་བྱང་ཆུབ་པའི། །
མཁན་ཆེན་བསོད་ནམས་ཚེ་རིང་གསོལ་བ་འདེབས། །
༡༦༤ མཁན་ཆེན་འབྲུག་སྡེ་རིན་པོ་ཆེ།
ཨེ་མ་ཧོ། །
ཐུབ་བསྟན་འདུལ་བའི་ཚུལ་ཁྲིམས་རྣམ་པར་དག །
བྱང་ཆུབ་སེམས་དཔའི་བསམ་སྤྱོད་ཡོངས་སུ་རྫོགས། །
སྒྱུ་འཕྲུལ་སྙིང་པོའི་བསྐྱེད་རྫོགས་ཡོངས་སུ་སྨིན། །
མཁན་ཆེན་རྡོ་རྗེ་འཆང་དབང་ཞབས་བརྟན་ཤོག །
༡༦༥ མཁན་ཆེན་དབང་སྡེ་རིན་པོ་ཆེ།
ཨེ་མ་ཧོ། །
རྒྱལ་བསྟན་རྩ་བ་འདུལ་སྡོམ་རྨིང་ནས་གསོས། །
ལུང་རྟོགས་བཤད་སྒྲུབ་ཕྲིན་ལས་རྒྱལ་མཚན་བསྒྲེངས། །
རྡོ་རྗེ་ཕུར་བའི་གསང་གསུམ་མངོན་གྱུར་པའི། །
གྲུབ་ཆེན་ཐང་རྒྱལ་གཉིས་པར་གསོལ་བར་འདེབས། །
༡༦༦ མཁན་ཆེན་དབང་ལོ་རིན་པོ་ཆེ།
ཨེ་མ་ཧོ། །
མི་བརྗེད་གཟུངས་ཐོབ་སྒྱུ་འཕྲུལ་སྙིང་པོའི་དོན། །
འཛིན་སྐྱོང་སྤེལ་བའི་ཕྲིན་ལས་ཟླ་བྲལ་བའི། །
མཁས་གྲུབ་གཉིས་ལྡན་འཕགས་བོད་འདྲེན་པ་མཆོག །
མཁན་ཆེན་གར་གྱི་དབང་ཕྱུག་གསོལ་བ་འདེབས། །
༡༦༧ མཁན་ཆེན་འཇིགས་མེད་རྣམ་རྒྱལ་རིན་པོ་ཆེ། །
ཨེ་མ་ཧོ། །
འཇིགས་མེད་གཟུངས་སྤོབས་བློ་གྲོས་གཏེར་ལ་དབང་། །
སྲིད་ཞིའི་རྣམ་རྒྱལ་མཁྱེན་བརྩེ་ནུས་པའི་བདག །
གསང་ཆེན་བླ་མེད་སྦས་པའི་རྣལ་འབྱོར་པ། །
ངེས་དོན་ཆོས་ཀྱི་རྒྱལ་པོ་གསོལ་བ་འདེབས། །
༡༦༧ རྩེ་བའི་མཁའ་འགྲོ་རིན་པོ་ཆེ།
ཨེ་མ་ཧོ། །
དུས་གསུམ་མཁྱེན་པའི་འཁོར་འདས་གསལ་གཟིགས་པ། །
རྗེ་བཙུན་སྒྲོན་དཀར་བསམ་བཞིན་སྤྲུལ་པའི་གར། །
འདི་ཕྱིའི་བར་མཚམས་མངོན་སུམ་ལུང་བསྟན་པའི། །
རིག་འཛིན་མཁའ་སྤྱོད་དབང་མོས་རྟག་སྐྱོབ་མཛོད། །
༡༦༨ མཁན་ཆེན་ཚུལ་ཁྲིམས་བསྟན་འཛིན་རིན་པོ་ཆེ།
ཨེ་མ་ཧོ། །
ཚུལ་ཁྲིམས་རྣམ་དག་འདུལ་འཛིན་དགེ་སློང་མཆོག །
སྙིང་རྗེ་བྱང་སེམས་བསྟན་འཛིན་རྒྱལ་བའི་སྲས། །
གསང་ཆེན་དེ་ཉིད་མངོན་རྟོགས་པའི་མཁན་པོ་རྗེ། །
ཞི་བདེའི་དེད་དཔོན་དམ་པར་གསོལ་བ་འདེབས། །
༡༦༩ འཇམ་དབྱངས་བློ་གྲོས་རིན་པོ་ཆེ།
ཨེ་མ་ཧོ། །
འཇམ་དཔལ་དབྱངས་དངོས་བླ་མའི་ཐུགས་རྗེ་མཐུས། །
སྙན་འཇེབས་ངག་གི་དབང་ཕྱུག་མགྲིན་པར་བཞད། །
བློ་གྲོས་རིག་པའི་སྒོ་བརྒྱས་འགྲོ་ཁམས་འདྲེན། །
སྒྱུ་རྩལ་དམ་པའི་བཞེད་དོན་མྱུར་འགྲུབ་ཤོག །
༡༧༠ མཁན་ཆེན་ཤེས་བྱ་རིན་པོ་ཆེ།
ཨེ་མ་ཧོ། །
སྙིང་རྗེ་ཆེན་པོས་འཛུམ་པའི་ཞལ་རིས་ཅན། །
ཤེས་རབ་ཆེན་པོས་རིག་གནས་མ་ལུས་མཁྱེན། །
བསྟན་འགྲོར་ཕན་བདེ་ཁོ་ནར་རྟག་བརྩོན་པའི། །
སྨིན་གླིང་མཁན་ཆེན་དམ་པ་ཞབས་བརྟན་ཤོག །
༡༧༡ མཁན་ཆེན་ཡེ་ཤེས་རྒྱ་མཚོ་རིན་པོ་ཆེ།
ཨེ་མ་ཧོ། །
ཨེ་ཝྃ་སྒྱུ་འཕྲུལ་སྙིང་པོའི་དགོངས་དོན་རྟོགས། །
ལུང་རྟོགས་བཤད་སྒྲུབ་ཕྲིན་ལས་དཔལ་འབར་བའི། །
མཁས་གྲུབ་ཡེ་ཤེས་རྒྱ་མཚོའི་སྤྱོད་པ་ཅན། །
ཟླ་རྒྱུད་ཨ་རིག་མཁན་ཆེན་ཞབས་བརྟན་གསོལ། །
༡༧༢ མཁན་ཆེན་ཚུལ་ཁྲིམས་རྣམ་དག་རིན་པོ་ཆེ།
ཨེ་མ་ཧོ། །
ཚུལ་ཁྲིམས་རྣམ་དག་འདུལ་ལུང་བཞིན་དུ་མཛད། །
ཏིང་འཛིན་གསལ་དག་ཕྱག་རྒྱ་ཆེན་པོ་སྒོམ། །
ཤེས་རབ་ཡང་དག་རྫོགས་ཆེན་ལེགས་རྟོགས་པའི། །
བསླབ་གསུམ་བསྟན་པའི་རྒྱལ་མཚན་ཞབས་བརྟན་ཤོག །
༡༧༣ མཁའ་འགྲོ་རྣམ་གསལ་སྒྲོལ་མ་རིན་པོ་ཆེ།
ཨེ་མ་ཧོ། །
རྒྱལ་དབང་གོང་མ་ནས་བཟུང་ཆོས་སྲུང་མཆོག །
གདོད་མའི་སྟོང་ཉིད་སྙིང་རྗེ་ཟུང་འཇུག་གི། །
ངེས་དོན་ཇི་བཞིན་རྟོགས་པའི་མཁའ་འགྲོ་མ། །
རྣམ་གསལ་སྒྲོལ་མ་བསྐལ་བརྒྱར་ཞབས་བརྟན་ཤོག །
༡༧༤ ཞེ་ཆེན་རྒྱལ་ཚབ་རིན་པོ་ཆེ།
ཨེ་མ་ཧོ། །
རྒྱལ་དབང་པདྨ་ཀ་རའི་རྒྱལ་ཚབ་མཆོག །
བསམ་བཞིན་སྲིད་པར་བཟུང་བའི་ཐུགས་རྗེ་ཅན། །
སྔ་འགྱུར་བསྟན་པའི་བཤད་སྒྲུབ་ཕྲིན་ལས་དཔལ། །
འཛིན་སྐྱོང་སྤེལ་བའི་སྐྱབས་མགོན་ཞབས་བརྟན་ཤོག །
༡༧༥ མཁན་ཆེན་པདྨ་བསྟན་འཛིན་རིན་པོ་ཆེ།
ཨེ་མ་ཧོ། །
བྱམས་བརྩེ་ཆེན་པོས་ཨ་མའི་དྲིན་ལས་འཇལ། །
ཤེས་རབ་ཟབ་མོས་མདོ་སྔགས་དགོངས་དོན་མཁྱེན། །
དམ་ཆོས་ཚུལ་བཞིན་མཛད་པའི་བླ་མ་མཆོག །
པདྨ་བསྟན་འཛིན་བཞེད་དོན་ལྷུན་གྲུབ་ཤོག །
༡༧༦ མཁན་ཆེན་པདྨ་རྡོ་རྗེ་རིན་པོ་ཆེ། །
ཨེ་མ་ཧོ། །
མཁས་བཙུན་བཟང་པོའི་འོད་སྟོང་ནམ་མཁར་ཤར།། །
འཆད་རྩོད་རྩོམ་པའི་འོད་སྣང་ཕྱོགས་ཀུན་ཁྱབ། །
བསྙེན་སྒྲུབ་ཕྲིན་ལས་ཕན་བདེའི་དཔལ་འབར་བའི། །
མཁན་ཆེན་པདྨ་རྡོ་རྗེ་ཞབས་བརྟན་ཤོག །
༡༧༧ མཁན་ཆེན་རྣམ་གྲོལ་རིན་པོ་ཆེ།
ཨེ་མ་ཧོ། །
ཆོས་རྗེ་དམ་པའི་ཐུགས་སྲས་རྣམ་གྲོལ་སྐུ། །
མདོ་སྔགས་ཟབ་རྒྱས་གདམས་ངག་འཆད་པའི་གསུང་། །
ཡང་གསང་རྫོགས་ཆེན་མངོན་སུམ་རྟོགས་པའི་ཐུགས། །
མཁན་ཆེན་རྣམ་གྲོལ་བསྐལ་བརྒྱར་ཞབས་བརྟན་ཤོག །
༡༧༨ མཁན་ཆེན་ཁྱབ་བརྡལ་རིན་པོ་ཆེ།
ཨེ་མ་ཧོ། །
ཡུམ་ཆེན་ཤེས་ཕྱིན་དགོངས་དོན་ཇི་བཞིན་གཟིགས། །
བདེ་ཆེན་ཕྱག་རྒྱའི་དངོས་གྲུབ་དོན་གྱིས་མྱང་། །
རྫོགས་ཆེན་བསྟན་པ་ཁྱབ་བརྡལ་སྤེལ་བའི་མགོན། །
མཁན་ཆེན་དམ་པའི་འགྲོ་དོན་མཐར་ཕྱིན་ཤོག །
༡༧༩ མཁན་ཆེན་རྡོ་རྗེ་བཀྲ་ཤིས་རིན་པོ་ཆེ།
ཨེ་མ་ཧོ། །
བཀའ་གཏེར་དམ་པའི་ལུང་གིས་རབ་ཏུ་ཟིན། །
གཞུང་ཆེན་བཅུ་གསུམ་ཐུགས་ཀྱི་དཔལ་དུ་ཤར། །
རྫོགས་ཆེན་སློབ་གྲྭའི་བཤད་སྒྲུབ་ཕྲིན་ལས་ཅན། །
མཁན་ཆེན་རྡོ་རྗེ་བཀྲ་ཤིས་ཞབས་བརྟན་ཤོག །
༡༨༠ སློབ་དཔོན་བཀྲ་ཤིས་རྡོ་རྗེ་རིན་པོ་ཆེ།
ཨེ་མ་ཧོ། །
རྒྱ་བརྒྱུད་བསྟན་པའི་དགེ་སློང་སློབ་མཐར་ཕྱིན། །
བོད་བརྒྱུད་ཆོས་ཀྱི་བཅུ་ཕྲག་རིག་པར་མཁས། །
ལུང་རྟོགས་བཤད་སྒྲུབ་མཛད་པའི་ཕྲིན་ལས་ཅན། །
སློབ་དཔོན་བཀྲ་ཤིས་རྡོ་རྗེ་ཞབས་བརྟན་ཤོག །
༡༨༡ མཁན་པོ་དཀོན་མཆོག་བསྟན་འཛིན་རིན་པོ་ཆེ།
ཨེ་མ་ཧོ། །
དཀོན་མཆོག་རིན་ཆེན་གསུམ་གྱི་ངོ་བོ་ཉིད། །
ལུང་རྟོགས་བཤད་སྒྲུབ་སྤེལ་བའི་རང་བཞིན་ཅན། །
འགྲོ་རྣམས་སྐྱོབ་པའི་ཐུགས་རྗེ་མཚུངས་མེད་པ། །
མཁན་པོ་མཆོག་ཉིད་བསྐལ་བརྒྱར་འཚོ་བཞེས་གསོལ། །
༡༨༢ སྤྲུལ་སྐུ་འཇམ་བློ་རིན་པོ་ཆེ།
ཨེ་མ་ཧོ། །
སྒྱུ་འཕྲུལ་སྙིང་པོའི་དེ་ཉིད་མངོན་སུམ་རྟོགས། །
བྱང་ཆུབ་སྤྱོད་འཇུག་མཛད་པའི་ཕྲིན་ལས་སྐྱོང་། །
འཇམ་མགོན་བླ་མའི་དགོངས་པ་དང་མཉམ་པའི། །
སྤྲུལ་སྐུ་འཇམ་བློའི་བཞེད་དོན་ལྷུན་གྲུབ་ཤོག །
༡༨༣ མཁའ་འགྲོ་ཀུན་བཟང་དབང་མོ་རིན་པོ་ཆེ།
ཨེ་མ་ཧོ། །
ནམ་མཁའ་འཇིགས་མེད་སྐུ་ཡི་སྲས་མོ་མཆོག །
སྒྲ་དབྱངས་ལྷ་མོའི་གསུང་གི་བདེན་ཚིག་ཅན། །
རིག་འཛིན་རྣམ་བཞིའི་ཐུགས་རྗེར་སྨིན་གྲོལ་མ། །
ཀུན་བཟང་དབང་མོ་གཏེར་ཆོས་རྒྱན་དུ་བཞུགས། །
༡༨༤ མཁན་ཆེན་འབུམ་པ་རིན་པོ་ཆེ།
ཨེ་མ་ཧོ། །
ཀ་དག་ཁྲེགས་ཆོད་ལྟ་བའི་དགོངས་དོན་རྟོགས། །
ལྷུན་གྲུབ་ཐོད་རྒལ་རིག་པ་ཚད་དུ་ཕེབས། །
ཡང་གསང་རྫོགས་ཆེན་སྟོན་པའི་བླ་མ་མཆོག །
མཁན་ཆེན་འབུམ་པའི་ལམ་འབྲས་རྒྱལ་གྱུར་ཅིག །
༡༨༥ མཁན་ཆེན་མུན་སེལ་རིན་པོ་ཆེ།
ཨེ་མ་ཧོ། །
རྣམ་སྨིན་རིག་འཛིན་སྤྲུལ་སྐུས་མུན་པ་སེལ། །
ཚེ་དབང་རིག་འཛིན་རང་སྣང་དག་པར་སྦྱང་། །
ཕྱག་ཆེན་རིག་འཛིན་བདེ་སྟོང་མངོན་གྱུར་པའི། །
ལྷུན་གྲུབ་རིག་འཛིན་རྒྱལ་པོ་གསོལ་བ་འདེབས། །
ཨོཾ་གུ་རུ་ཛྙྰ་ན་ཨ་ལོ་ཀེ་སིདྡྷི་ཧྰུྃ། །
༡༨༦ སྤྲུལ་སྐུ་ཕུར་པ་རིན་པོ་ཆེ།
ཨེ་མ་ཧོ། །
སྤྲུལ་སྐུའི་མཛད་པ་ལུང་རྟོགས་བསྟན་པ་འཛིན། །
ལོངས་སྐུའི་སྣང་བ་ཟབ་གཏེར་གདམས་པ་སྐྱོང་། །
ཆོས་སྐུའི་དགོངས་པ་ཡེ་ཤེས་བླ་མ་སྤེལ། །
གསང་ཆེན་ཕུར་པ་རིན་ཆེན་གསོལ་བ་འདེབས། །
༡༨༧ གྲུབ་དབང་ཀརྨ་ཆོས་འཕེལ་རིན་པོ་ཆེ།
ཨེ་མ་ཧོ། །
འཁོར་འདས་ཞེན་ཆགས་ཁྲེགས་ཆོད་ལྟ་བས་བཅད། །
རང་གཞན་འདོད་ཡོན་ཐོད་རྒལ་རྒྱན་དུ་ཤར། །
ཚེ་གཅིག་སྨིན་གྲོལ་ཐོབ་པའི་གྲུབ་དབང་རྗེ། །
ཀརྨ་ཆོས་འཕེལ་ཞབས་ལ་གསོལ་བ་འདེབས། །
༡༨༨ འཇུ་རྣམ་རྒྱལ་རྒྱ་མཚོ་རིན་པོ་ཆེ།
ཨེ་ཀྱེ་ཧོ། །
ཕན་དང་བདེ་དགའ་མ་ལུས་འགྲོ་ལ་བསྔོས། །
གནོད་དགུ་ཉེས་པའི་དཔུང་ཚོགས་བདག་གིར་བཞེས། །
རྒྱལ་བསྟན་ཚུལ་བཞིན་འཛིན་པའི་སྤྲུལ་པའི་སྐུ། །
རྣམ་རྒྱལ་རྒྱ་མཚོའི་བར་ཆད་ཀུན་སེལ་ཤོག །
༡༨༩ རྣམ་མཁྱེན་ཆོས་སྒྲོན་རིན་པོ་ཆེ།
ཨེ་མ་ཧོ། །
རྣམ་མཁྱེན་རྒྱལ་བའི་བསྟན་ལ་མཆོག་ཏུ་དད། །
མི་ལོ་ཉེར་ལྔར་རེག་པའི་ཟས་སྤོང་ཞིང་། །
ཆོས་བཞིན་སྒྲུབ་པའི་དཀའ་སྤྲད་བདག་གིས་བཞེས། །
སྲིད་པའི་སྒྲོན་མེ་རིན་ཆེན་ཞབས་བརྟན་གསོལ། །
༡༩༠ སྟག་ལུང་རྩེ་སྤྲུལ་རིན་པོ་ཆེ།
ཨེ་མ་ཧོ། །
འདུལ་ཁྲིམས་ལྡན་པའི་དགེ་སློང་རྡོ་རྗེ་འཛིན། །
བྱང་གཏེར་ཟབ་དགུའི་གདམས་པའི་སྲོལ་རྒྱུན་སྐྱོང་། །
སྔ་འགྱུར་བཤད་སྒྲུབ་བསྟན་པ་སྤེལ་བའི་མགོན། །
རྩེ་སྤྲུལ་རིན་ཆེན་བསྐལ་བརྒྱར་འཚོ་བཞེས་གསོལ། །
༡༩༡ དིལ་མགོའི་མཁྱེན་བརྩེ་རིན་པོ་ཆེ།
ཨེ་མ་ཧོ། །
མཁན་སློབ་ཆོས་རྒྱལ་བརྒྱུད་པའི་བཀའ་གཏེར་བདག །
མཁྱེན་བརྩེ་ནུས་སྟོབས་མཚུངས་མེད་གུ་རུ་རྗེ། །
འཇིག་རྟེན་ཆོས་བརྒྱད་གྲགས་པས་མ་གོས་པའི། །
ཀུན་དགའ་དར་རྒྱས་བསྟན་འགྲོའི་དཔལ་དུ་སྨོན། །
༡༩༢ དགེ་ལྡན་ཁྲི་རབས་རིན་པོ་ཆེ།
ཨེ་མ་ཧོ། །
རྣམ་དག་བསླབ་པའི་ནོར་འཛིན་རབ་ཏུ་བརྟན། །
ཐོས་བསམ་སྒོམ་པའི་ཆུ་ལུད་དྲོད་བསིལ་འཛོམས། །
རིམ་གཉིས་ལོ་ཏོག་འབྲུ་དྲུག་ཡོངས་སྨིན་པའི། །
འབྲས་ལྡན་ཁྲི་རབས་བརྒྱ་རྩ་དགོངས་རྫོགས་ཤོག །
༡༩༣ མཁན་ཆེན་ངག་དབང་རྡོ་རྗེ་རིན་པོ་ཆེ།
ཨེ་མ་ཧོ། །
ངག་དབང་མཁྱེན་རབ་ཉི་མ་ཐུགས་ལ་ཤར། །
དབྱངས་ཅན་དུང་གི་ཟླ་བའི་བརྩེ་ཆེན་རྒྱས། །
དཔལ་ལྡན་རྒྱུ་སྐར་རིག་པའི་རྡོ་རྗེ་འཆང་། །
ཇོ་ནང་མཁན་ཆེན་དམ་པ་ཞབས་བརྟན་ཤོག །
༡༩༤ སྒྲུབ་དཔོན་བསམ་གཏན་རིན་པོ་ཆེ།
ཨེ་མ་ཧོ། །
ཤེས་རབ་སྙིང་རྗེ་རིག་པའི་གནད་གསང་རྟོགས། །
སྒྲུབ་བརྒྱུད་དམ་པའི་དགོངས་དོན་ལེགས་སྤྱོད་པའི། །
སྐྱོབ་པ་འཇིག་རྟེན་གསུམ་མགོན་སྤྲུལ་པ་མཆོག །
སྒྲུབ་དཔོན་བསམ་གཏན་བསྐལ་བརྒྱར་འཚོ་བཞེས་གསོལ། །
༡༩༥ གཅོད་པ་རྡོ་རྗེ་དོན་གྲུབ་རིན་པོ་ཆེ།
ཨེ་མ་ཧོ། །
ཕྱི་ནང་གཟུང་འཛིན་འཁྲུལ་བའི་བདུད་ལས་རྒྱལ། །
ངེས་དོན་རྡོ་རྗེ་ཐེག་པའི་གདམས་ངག་ཅན། །
ལུང་རྟོགས་བཤད་སྒྲུབ་ཕྲིན་ལས་འཁོར་སྒྱུར་པ། །
རང་གཞན་དོན་གྲུབ་རིན་ཆེན་གསོལ་བ་འདེབས། །
༡༩༦ པན་ཆེན་ཆོས་ཀྱི་རྒྱལ་མཚན་རིན་པོ་ཆེ།
ཨེ་མ་ཧོ། །
ཆོས་སྐུ་སྣང་བ་མཐའ་ཡས་སྒྱུ་འཕྲུལ་གར། །
ལོངས་སྐུ་འཇིག་རྟེན་དབང་ཕྱུག་སྤྲུལ་པའི་སྐུ། །
པན་ཆེན་ཆོས་ཀྱི་རྒྱལ་མཚན་གསོལ་བ་འདེབས། །
བསྟན་འགྲོའི་དོན་ཆེན་འགྲུབ་པའི་དངོས་གྲུབ་སྩོལ། །
༡༩༧ མཁན་ཆེན་ཐོས་ལྡན་རིན་པོ་ཆེ།
ཨེ་མ་ཧོ། །
ཡུམ་ཆེན་རྒྱལ་བའི་དགོངས་པའི་བཀའ་གནད་དང་། །
གསང་ཆེན་རྡོ་རྗེ་ཐེག་པའི་དེ་ཉིད་མཇལ། །
ངེས་དོན་རྫོགས་ཆེན་མཁན་པོ་རྒྱལ་བའི་སྲས། །
གཞན་ཕན་མཐའ་ཡས་འོད་ཟེར་ཀུན་ཁྱབ་ཤོག །
༡༩༨ མཁན་པོ་ཀུན་སྨོན་རིན་པོ་ཆེ།
ཨེ་མ་ཧོ། །
ཀུན་བཟང་རྒྱལ་བའི་བསྟན་པར་ཐོས་བསམ་སྒོམ། །
བཟང་པོ་སྤྱོད་པའི་སྨོན་ལམ་མཛད་པ་ཅན། །
དམ་ཆོས་ལམ་བཟང་ཚུལ་བཞིན་སྒྲུབ་པའི་མཆེད། །
སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག །
༡༩༩ རྩིས་པ་གུ་རུ་རིན་པོ་ཆེ།
ཨེ་མ་ཧོ། །
ཤེས་བྱའི་རྣམ་གྲངས་རིག་པའི་ཐབས་ཀྱིས་རྩིས། །
ཕྱི་ནང་གསང་བའི་བླང་དོར་ལེགས་སྟོན་པའི། །
དབྱངས་ཆར་མཁས་གྲུབ་རྒྱ་མཚོའི་མཁྱེན་བརྩེ་བདག །
སློབ་དཔོན་དུས་ཀྱི་འཁོར་ལོ་རྒྱལ་གྱུར་ཅིག །
༢༠༠ མགོན་པོ་རྡོ་རྗེ་རིན་པོ་ཆེ།
ཨེ་མ་ཧོ། །
གནས་ལྔ་རིག་པའི་གཞུང་ལ་ཤིན་ཏུ་མཁས། །
ཕྱིན་དྲུག་སྤྱོད་པའི་མཛད་པ་རབ་ཏུ་བཙུན། །
ཆོས་བདུན་ངོ་བོར་བཞུགས་པ་ཀུན་ཏུ་བཟང་། །
འཇུ་རིགས་མཁས་གྲུབ་དམ་པ་ཞབས་བརྟན་ཤོག །
༢༠༡ རྩིས་པ་སྐྱབས་མགོན་རིན་པོ་ཆེ།
ཨེ་མ་ཧོ། །
པྲ་རྩིས་བླང་དོར་སྟོན་པར་བྱང་ཆུབ་ནས། །
ཆོས་སྨན་ཕན་བདེས་འགྲོ་བའི་དོན་མཛད་པའི། །
ཀུན་ཤེས་རིག་པའི་རྩིས་པ་སྐྱབས་མགོན་ཉིད།
བསྟན་འགྲོའི་དོན་ཆེན་འབད་མེད་ལྷུན་གྲུབ་ཤོག །
༢༠༢ འཇམ་དཔལ་ལེགས་བཤད་རིན་པོ་ཆེ།
ཨེ་མ་ཧོ། །
འཇམ་དཔལ་ངག་གི་དབང་པོ་སྤྲུལ་པའི་སྐུ། །
ལེགས་བཤད་གདམས་པའི་གཏེར་མཛོད་རིག་པ་འཛིན། །
གསང་ཆེན་ཆོས་ཀྱི་ཉི་མ་གསལ་མཛད་པའི། །
སྔགས་འཆང་རྡོ་རྗེ་དཔལ་བཟང་ཞབས་བརྟན་ཤོག །
༢༠༣ གསང་ཡུམ་བཀྲ་ཤིས་སྒྲོལ་མ་རིན་པོ་ཆེ།
ཨེ་མ་ཧོ། །
བཀྲ་ཤིས་ཚེ་རིང་མཆེད་ལྔ་བསྟན་སྐྱོང་དང་། །
རྗེ་བཙུན་སྒྲོལ་མ་ཉེར་གཅིག་ཡི་དམ་ལྷ། །
མཁའ་འགྲོ་དམ་ཅན་བཛྲ་ཝ་ར་ཧི། །
ཡུམ་ཆེན་གསང་གསུམ་ཀུན་འདུས་ཞབས་བརྟན་ཤོག །
༢༠༤ བཤད་སྒྲུབ་བསྟན་འཛིན་རིན་པོ་ཆེ།
ཨེ་མ་ཧོ། །
བྱིས་པའི་དུས་སུ་རྡོ་ལ་ཞབས་རྗེས་བཞགས། །
གྲུབ་དབང་བླ་མས་ངོས་འཛིན་མཁན་ཆེན་དཔལ། །
ལུང་རྟོགས་བཤད་སྒྲུབ་ཕྲིན་ལས་སྤེལ་མཛད་པའི། །
བསྟན་འཛིན་དམ་པའི་སྐུ་ཚེ་བརྟན་པར་ཤོག །
༢༠༥ བསྐལ་བཟང་རྣམ་འདྲེན་རིན་པོ་ཆེ།
ཨེ་མ་ཧོ། །
བསྐལ་བཟང་རྒྱལ་བསྟན་འཛིན་པའི་ལྷག་བསམ་ཅན། །
རྣམ་འདྲེན་བཤད་སྒྲུབ་སྐྱོང་མཛད་དགེ་བའི་བཤེས། །
ཕན་བདེ་ཀུན་སྤེལ་སྙན་ངག་མཁན་ཆེན་ཉིད། །
སྐུ་ཚེ་བརྟན་ཅིང་བཤད་དོན་མྱུར་འགྲུབ་ཤོག །
༢༠༦ བྱམས་བཟང་རིན་པོ་ཆེ།
ཨེ་མ་ཧོ། །
བྱམས་པ་མགོན་པོའི་དགོངས་དོན་ཇི་བཞིན་རྟོགས། །
བཟང་པོ་སྤྱོད་པའི་སྨོན་ལམ་མཛད་པ་ཅན། །
ཚེ་དང་སྒྲུབ་པ་མཉམ་པའི་བླ་མ་རྗེ། །
གསང་གསུམ་ནམ་ཡང་ཉམས་པར་མེད་གྱུར་ཅིག །
༢༠༧ ཨ་ཁྱུག་རིན་པོ་ཆེ།
ཨེ་མ་ཧོ། །
ཀ་དག་ཆོས་ཟད་དགོངས་པ་ཀློང་དུ་དག །
ལྷུན་གྲུབ་སྒྱུ་འཕྲུལ་དཀྱིལ་འཁོར་ཡོངས་རྫོགས།།
ཟུང་འཇུག་རིག་པའི་ཡེ་ཤེས་སྨིན་གྲོལ་བ། །
ལུང་རྟོགས་བསྟན་པའི་རྒྱལ་མཚན་རྒྱལ་གྱུར་ཅིག །
ཨོཾ་ཛྙྰ་ན་གུ་རུ་བི་ཛ་ཡནྟུ། །
༢༠༨ དིལ་མགོའི་མཁྱེན་བརྩེ་རིན་པོ་ཆེ།
ཨེ་མ་ཧོ། །
ངོ་བོ་ཀ་དག་གནས་ལུགས་རང་ས་དག །
རང་བཞིན་ལྷུན་གྲུབ་སྐུ་དང་ཞིང་ཁམས་རྫོགས། །
ཐུགས་རྗེ་ཀུན་ཁྱབ་དབྱིངས་རིག་ལེགས་སྨིན་པའི། །
དིལ་མགོའི་མཁྱེན་བརྩེའི་ཞབས་ལ་གསོལ་བ་འདེབས། །
ཨོཾ་ཛྙྰ་ན་གུ་རུ་བིརྱ་དྷ་ར་སིདྡྷི་ཧྰུྃ། །
༢༠༩ཁུ་ནུའི་བསྟན་འཛིན་རིན་པོ་ཆེ།
ཨེ་མ་ཧོ། །
སྙིང་རྗེ་བྱང་ཆུབ་སེམས་ལ་མངའ་དབང་འབྱོར། །
ཤེས་རབ་བཅུ་ཕྲག་རིག་པའི་མཁྱེན་རྒྱ་ཡངས། །
གསང་ཆེན་དེ་ཉིད་རྟོགས་པའི་མཁས་གྲུབ་རྗེ། །
ཁུ་ནུ་བླ་མས་དུས་ཀུན་སྐྱོབ་པར་མཛོད། །
ཨོཾ་གུ་རུ་བཛྲ་སིདྡྷི་ཧྰུྃ། །
༢༡༠སྟག་ལྗོངས་འཆི་མེད་རིན་པོ་ཆེ།
ཨེ་མ་ཧོ། །
འཆི་མེད་རིག་འཛིན་བརྒྱུད་པའི་བྱིན་རླབས་དང་། །
ཡི་དམ་མཁའ་འགྲོ་ཆོས་སྐྱོང་བདེན་སྟོབས་ཀྱིས། །
ཕན་བདེའི་རྒྱལ་བསྟན་འཛིན་སྐྱོང་སྤེལ་བ་ཡི། །
འཆི་མེད་སྟག་ལྗོངས་བསྐལ་བརྒྱར་ཞབས་བརྟན་ཤོག །
༢༡༡ ཨ་ནེ་ཆོས་དབྱིངས་སྒྲོལ་མ་རིན་པོ་ཆེ།
ཨེ་མ་ཧོ། །
ཆོས་དབྱིངས་སྐྱེ་མེད་དབྱིངས་མ་གཡོས་ཀྱང་། །
ཆོས་ཀྱི་སྒྲ་དབྱངས་སྙན་ངག་གླུ་རུ་འགུགས། །
ཆོས་མཛད་སྒྲོལ་མའི་སྡེ་དགོན་གསར་དུ་བསྐྲུན། །
ཨ་ནེ་རིན་ཆེན་གསང་གསུམ་བདེ་བར་སྨོན། །
༢༡༢ མཁན་ཆེན་བསོད་ནམས་འོད་ཟེར་རིན་པོ་ཆེ།
ཨེ་མ་ཧོ། །
ངེས་འབྱུང་རྣལ་མའི་ནོར་འཛིན་ཡོངས་པ་རུ། །
བྱང་ཆུབ་སེམས་ཀྱི་དཔག་བསམ་ལྗོན་བཟང་འཁྲུངས། །
གསང་ཆེན་སྒྱུ་འཕྲུལ་འབྲས་བུ་ལེགས་སྨིན་པའི། །
མཁན་ཆེན་བསོད་ནམས་འོད་ཟེར་ཞབས་བརྟན་ཤོག །
༢༡༣ ཨ་ཁུ་ཆོས་དབྱིངས་རིན་པོ་ཆེ།
ཨེ་མ་ཧོ། །
ཆོས་བརྒྱད་རེ་དོགས་མུན་པ་དབྱིངས་སུ་སངས། །
ཆོས་ཉིད་བདེན་པའི་རང་བཞིན་གསལ་མཛད་པའི། །
ཆོས་པ་ཡང་དག་བྱ་བྲལ་རྣལ་འབྱོར་པ། །
ཨ་ཁུ་དམ་པའི་བཞེད་དོན་ལྷུན་གྲུབ་ཤོག །
༢༡༤ མཁན་པོ་ཀརྨ་འཕྲིན་ལས་རིན་པོ་ཆེ།
ཨེ་མ་ཧོ། །
ལམ་མཁྱེན་རྒྱལ་པོ་རིན་ཆེན་ཐུགས་དགོངས་བཞིན། །
དཔལ་ལྡན་ཕག་གྲུའི་བསྟན་པའི་བཤད་སྒྲུབ་མཛད། །
དད་བརྩོན་ཤེས་རབ་ལྡན་པ་སློབ་མའི་མཆོག །
ཀརྨ་འཕྲིན་ལས་སྐུ་ཚེ་བརྟན་པར་ཤོག །
༢༡༥གདུང་སྲས་ཕྲིན་ལས་ནོར་བུ་རིན་པོ་ཆེ།
ཨེ་མ་ཧོ། །
ཐབས་ཤེས་ལམ་བཟང་སྟོན་པའི་རྡོ་རྗེ་འཛིན། །
གསང་ཆེན་བསྟན་པའི་བདག་པོ་མ་ཎི་ཀ །
རིག་འཛིན་བརྒྱུད་པའི་གདུང་སྲས་བླ་མ་རྗེ། །
ཕྲིན་ལས་ནོར་བུ་ཞིང་འདིར་མྱུར་ཕེབས་ཤོག །
༢༡༦ སྨིན་གླིང་གཏེར་ཆེན་རིན་པོ་ཆེ།
ཨེ་མ་ཧོ། །
ཁྱད་ཆོས་དྲུག་གི་མངོན་པར་བྱང་ཆུབ་པའི། །
ཀུན་བཟང་གདོད་མའི་མགོན་པོ་རྡོ་རྗེ་འཆང་། །
བསམ་བཞིན་སྲིད་པར་བཟུང་མཛད་གཏེར་བདག་གླིང་། །
སླར་ཡང་ཞིང་འདིར་འདྲེན་པར་གསོལ་བ་འདེབས། །
༢༡༧ བདུད་འཇོམས་འཇིགས་བྲལ་ཡེ་ཤེས་རྡོ་རྗེ་རིན་པོ་ཆེ།
ཨེ་མ་ཧོ། །
རབ་འབྱམས་རྒྱལ་བའི་སྟོང་ཉིད་སྙིང་རྗེའི་ཐུགས༎
གཟུགས་སྐུའི་ངོ་བོར་འཕོས་པའི་བཀའ་དྲིན་ཅན༎
འཇིགས་བྲལ་ཆོས་ཀྱི་རྒྱལ་པོའི་ཡེ་ཤེས་སྐུས༎
མངོན་སུམ་རྗེས་བཟུང་གནས་ལུགས་སྟོན་པར་ཤོག
།
༢༡༨ དགེ་འདུན་ཆོས་འཕེལ་རིན་པོ་ཆེ།
ཨེ་མ་ཧོ། །
དགེ་འདུན་རིག་པར་མི་ཕྱེད་དད་པའི་སྟོབས། །
ཆོས་སྲིད་ལེགས་བཤད་མཛད་པའི་རྣམ་དཔྱོད་ཅན། །
བསམ་འཕེལ་དབང་གི་ནོར་བུ་རིན་པོ་ཆེས། །
མཁས་དབང་གྲུབ་པའི་ཕྲིན་ལས་སྤེལ་བར་མཛོད། །
༢༡༩ པདྨ་དྲག་སྔགས་གླིང་པ་རིན་པོ་ཆེ།
ཨེ་མ་ཧོ། །
པདྨའི་ཐུགས་སྲས་སངས་རྒྱས་ཡེ་ཤེས་གར། །
བཀའ་གཏེར་ཟབ་དོན་རྒྱ་མཚོའི་མངའ་བདག་མཆོག །
པདྨ་དྲག་སྔགས་གླིང་པར་གསོལ་བ་འདེབས། །
བསྟན་འགྲོའི་དོན་ཆེན་མྱུར་འགྲུབ་དངོས་གྲུབསྩོལ། །
ཨོཾ་གུ་རུ་པདྨ་སིདྡྷི་ཧྰུྃ། །
༢༢༠ སྒྲུང་གཏེར་གུ་རུ་རྒྱལ་མཚན་རིན་པོ་ཆེ།
ཨེ་མ་ཧོ། །
འཛམ་གླིང་གེ་སར་རྒྱལ་པོའི་གཏེར་གྱི་སྒྲུང་། །
བཀའ་བབས་རིག་འཛིན་བརྒྱུད་པའི་གུ་རུ་རྗེ། །
ཆོས་ཀྱི་རྒྱལ་མཚན་སྒྲེང་མཛད་མ་ཎི་ཀ །
སྐུ་ཚེ་རབ་བརྟན་གླིང་དཀར་རྒྱན་དུ་ཤོག །
༢༢༡ དཔའ་བོ་རིན་པོ་ཆེ།
ཨེ་མ་ཧོ། །
ཆོས་དབྱིངས་རྡོ་རྗེའི་དགོངས་དོན་མངོན་སུམ་རྟོགས། །
ཆོས་ཅན་རྒྱུ་འབྲས་བསླུ་མེད་ཚུལ་བཞིན་མཛད། །
བདེན་གཉིས་ལམ་བཟང་མཁྱེན་པའི་མཁས་གྲུབ་རྗེ། །
དཔའ་བོ་རིན་ཆེན་བསྟན་འགྲོའི་དཔལ་དུ་ཤོག །
༢༢༢ དགེའུའི་ཆོས་རྗེ་རིན་པོ་ཆེ། །
ཨེ་མ་ཧོ། །
དགེ་བཅུ་སྒྲུབ་པའི་རྒྱལ་མཚན་མཁའ་ལ་བསྒྲེངས། །
ཐབས་ཤེས་ལུང་རྟོགས་ཉི་ཟླའི་འོད་སྣང་སྤྲོ། །
ས་བཅུ་མགོན་པོའི་བསྟན་པ་གསལ་མཛད་པའི། །
དགེའུ་ཆོས་རྗེའི་ཞབས་པད་བརྟན་པར་ཤོག །
༢༢༣ ལ་སྟོད་རིན་པོ་ཆེ།
ཨེ་མ་ཧོ། །
བོན་གྱི་ཕྱོགས་སུ་འདོད་ཆགས་ཆུ་ལྟར་གཡོ། །
བན་གྱི་ཕྱོགས་སུ་ཞེ་སྡང་མེ་བཞིན་འབར། །
བླང་དོར་རྨོངས་པའི་མ་རིག་མུན་ནག་ཅན། །
ལ་སྟོད་བུ་རྒོད་ཚེ་རིང་ནད་མེད་ཤོག །
༢༢༤ རྟ་མགྲིན་རིན་པོ་ཆེ།
ཨེ་མ་ཧོ། །
ལུང་རྟོགས་བཤད་སྒྲུབ་རྒྱས་པའི་དགའ་ཚལ་དུ། །
རྣམ་དཔྱོད་རིག་པའི་བགྲོ་གླེང་མཛད་པའི་གྲོགས། །
ཕྱི་ནང་རྟེན་འབྲེལ་བཟང་པོའི་སྲིད་ཞི་ཅན། །
རྒྱ་བླ་རྟ་མགྲིན་རིན་ཆེན་སྐུ་ཚེ་བརྟན། །
༢༢༥ སྨིན་དབུས་པོ་རིན་པོ་ཆེ། །
ཨེ་མ་ཧོ། །
དད་བརྩོན་ཤེས་རབ་འབར་བའི་སྨིན་གྲོལ་དཔལ། །
ཁ་བའི་རྣམ་ཤེས་དྲང་བདེན་ལྷག་བསམ་ཅན། །
བསྟན་འགྲོར་ཕན་བདེ་སྒྲུབ་པའི་ཆོས་ཀྱི་མཆེད། །
དབུས་པོ་རིན་ཆེན་བསྐལ་བརྒྱར་འཚོ་བཞེས་གསོལ། །
༢༢༦ ས་སྐྱ་གོང་མ་རིན་པོ་ཆེ།
ཨོཾ་སྭྰ་སྟི། །
འཇམ་དབྱངས་རྣམ་ལྔའི་སྐུ་གསུང་ཐུགས་ཡོན་ཕྲིན། །
སྙིགས་ལྔའི་འགྲོ་བ་འདྲེན་པའི་ཐུགས་དམ་ཅན།
།
གསང་ཆེན་གོས་དཀར་གསོལ་པའི་རྡོ་རྗེ་འཛིན།
།
ས་སྐྱ་༧གོང་མ་རིན་ཆེན་ཞབས་བརྟན་ཤོག
།
༢༢༧ མཁའ་འགྲོ་དཔལ་ལྡན་ལྷ་མོ། །
ཨེ་མ་ཧོཿ
དད་གུས་མོས་པས་བླ་མར་སངས་རྒྱས་མཐོང་།
།
གདམས་དོན་འཁོར་འདས་ཅི་གསུང་བཀའ་བཞིན་སྒྲུབ།
།
ཐབས་ཤེས་ཟབ་རྒྱས་ཀུན་འཛོམས་མཛེས་མཛངས་མ།
།
དཔལ་ལྡན་ལྷ་མོའི་སྐུ་ཚེ་བརྟན་གྱུར་ཅིག
།
༢༢༨ མཁན་ཆེན་ཆོས་ཐོ་རིན་པོ་ཆེ།
ཨེ་མ་ཧོ། །
ཐོས་བསམ་སྒོམ་པས་ཆོས་ཀྱི་སྙིང་པོ་རྟོགས། །
འཆད་རྩོད་རྩོམ་པས་གཞན་ཕན་ཁོ་ན་མཛད། །
མཁས་བཙུན་བཟང་པོའི་ཡོན་ཏན་དཔལ་འབར་བའི། །
མཁན་ཆེན་དམ་པའི་བཞེད་དོན་ལྷུན་གྲུབ་ཤོག །
༢༢༩ གང་བསམ་ལྷུན་གྲུབ་རིན་པོ་ཆེ།
ཨེ་མ་ཧོ། །
བྱིས་པའི་དུས་ནས་མཁས་བཙུན་བཟང་པོས་ཕྱུག །
གཞོན་པའི་ལང་ཚོས་ལུང་རྟོགས་བཤད་སྒྲུབ་མཛད། །
གྲུབ་པའི་རྒྱལ་མཚན་ལེགས་འཛུགས་སྤྲུལ་པའི་སྐུ། །
གང་བསམ་ལྷུན་གྲུབ་རིན་ཆེན་ཞབས་བརྟན་གསོལ། །
༢༣༠ མཁན་ཆེན་ཤེས་རབ་རིན་པོ་ཆེ།
ཨེ་མ་ཧོ། །
ཤེས་རབ་སྙིང་རྗེ་ཟུང་འཇུག་རྨད་བྱུང་ལམ། །
ཇི་བཞིན་མ་ནོར་འགྲོ་ལ་སྟོན་མཛད་པའི། །
མཁས་གྲུབ་དམ་པའི་ཕྲིན་ལས་སྐྱོང་བའི་མགོན། །
དཔལ་ལྡན་བླ་མའི་དགོངས་དོན་ལྷུན་གྲུབ་ཤོག །
༢༣༡ སྙན་ངག་མ་ཚེ་རིང་སྐྱིད།
ཨེ་མ་ཧོ། །
རིགས་ཞེན་ལ་རྒྱ་སྙིང་གི་དཀྱིལ་ནས་བཞད། །
སྙན་ངག་མེ་ཏོག་མགྲིན་པའི་ལམ་ནས་རྡོལ། །
མཛེས་པའི་འཛུམ་མདངས་སྤྱན་གྱིས་ཟུར་མིག་རྩེན། །
ཚེ་རིང་སྐྱིད་ཀྱི་བསམ་དོན་མྱུར་འགྲུབ་ཤོག །
༢༣༢ མཁའ་འགྲོ་ཉི་མ་འཚོ།
ཨེ་མ་ཧོ། །
ཆོག་ཤེས་ལས་ཀྱི་ནམ་མཁའ་ཕྱི་ནས་དག །
དོན་དམ་ནང་གི་ཤེས་བྱའི་པདྨོ་བཞད། །
ཀུན་བཟང་ཆོས་ཀྱི་ཉི་མས་འཚོ་བའི་མགོན། །
ལྷན་སྐྱེས་ཕྱག་རྒྱ་ཆེན་མོ་རྟག་བརྟན་ཤོག །
༢༣༣ དྲ་གྲོགས་ཁ་བ་ལྷ་མོ།
ཨེ་མ་ཧོ། །
རིགས་བཟང་ལྷག་བསམ་ལྡན་པའི་མཛེས་མཛངས་མ། །
ཁ་བའི་བསྟན་སྲིད་སེམས་པའི་ལྷ་མོ་ཆེ། །
སྙན་ངག་ལམ་ནས་འཆད་རྩོད་རྩོམ་མཛད་པའི། །
ཁ་བ་ལྷ་མོའི་སྐུ་ཚེ་བརྟན་པར་ཤོག །
༢༣༤ སྤྲུལ་སྐུ་གར་དབང་ཉི་མ་རིན་པོ་ཆེ།
ཨེ་མ་ཧོ། །
ཀ་དག་ཟང་ཐལ་དགོངས་པའི་ལྟ་བ་རྟོགས། །
གཉིས་འཛིན་འཁོར་བའི་ཞེན་པ་རང་སར་གྲོལ། །
རང་བྱུང་རིག་པའི་བླ་མ་སྤྱན་རིས་གཟིགས། །
སྤྲུལ་སྐུ་གར་དབང་ཉི་མ་ཞབས་བརྟན་ཤོག །
༢༣༥ ཧྰུྃ་བྷྲྰུྃ་རིན་པོ་ཆེ།
ཨེ་མ་ཧོ།
དཀོན་མཆོག་རྩ་གསུམ་ཚེ་ཡི་ལྷ་ཚོགས་དང་། །
བཀའ་སྲུང་དམ་ཅན་རྒྱ་མཚོའི་ཐུགས་རྗེ་ཡིས། །
སྐལ་བཟང་བསོད་ནམས་གཡང་སྐྱིད་ལས་འཁྲུངས་པའི། །
ཧྰུྃ་བྷྲྰུྃ་རིན་ཆེན་བསྟན་འགྲོའི་དོན་འགྲུབ་ཤོག །
༢༣༦ དབྱངས་ཅན་ཡེ་ཤེས་རྡོ་རྗེ་རིན་པོ་ཆེ།
ཨེ་མ་ཧོ།
ཚེ་རབས་སྔོན་ནས་སྒྲུབ་པའི་དབྱངས་ཅན་མ། །
ཡེ་ཤེས་རྡོ་རྗེའི་དབྱིངས་ལས་མ་གཡོས་བཞིན། །
སྙིགས་དུས་འགྲོ་ཁམས་འདྲེན་པའི་དེད་དཔོན་རྗེ། །
མཁའ་འགྲོ་རིན་ཆེན་བསྟན་འགྲོའི་དཔལ་དུ་སྨོན། །
༢༣༧ ཆོས་དཔལ་བཟང་པོ།
ཨེ་མ་ཧོ།
ཆོས་མིག་དག་པས་ལུང་རིགས་དཔལ་གྱིས་ཕྱུག །
ལྷག་བསམ་བཟང་པོས་བསྟན་འགྲོའི་དོན་བརྩོན་པའི། །
ཕན་བདེའི་ལེགས་བཤད་རྩོམ་པའི་ཆོས་ཀྱི་གྲོགས། །
སྐུ་ཚེ་བརྟན་ཅིང་བཞེད་ལྷུན་གྲུབ་ཤོག །
༣༣༨མཁན་པོ་སྨན་བླ་རིན་པོ་ཆེ།
ཨེ་མ་ཧོ། །
གནས་དང་ལོ་རྒྱུས་ཆོས་འབྱུང་ཞིབ་ཆ་མཛད། །
ཆོས་དང་སྨན་གྱིས་ཕན་པ་གཞན་ལ་སྟེར། །
གནའ་དང་དེང་གི་རིག་རྩལ་མཁྱེན་པའི་དཔལ། །
མཁན་པོ་སྨན་བླའི་འགྲོ་དོན་མཐར་ཕྱིན་ཤོག །
༢༣༩ དགེ་སློང་ཨ་སྐྱ་བླ་མ།
ཨེ་མ་ཧོ། །
དད་གུས་མོས་པས་བླ་མ་སངས་རྒྱས་མཐོང་། །
ཅི་གསུང་བཀའ་སྒྲུབ་གདམས་ངག་ཉམས་སུ་བླངས། །
འཁོར་འདས་ཡ་རབས་སྤྱོད་པའི་སློབ་མའི་མཆོག །
ཨ་སྐྱ་བླ་མའི་བཞེད་དོན་ལྷུན་གྲུབ་ཤོག །
༢༤༠ ཆོས་མཆེད་དམ་ཆོས་སྒྲོལ་མ།
ཨེ་མ་ཧོ། །
སེམས་ཀྱི་དྭངས་མ་དད་པའི་རྒྱ་མཚོ་འཁྱིལ། །
བྱམས་དང་སྙིང་རྗེའི་རླབས་ཕྲེང་བདུད་རྩི་གཡོ། །
ཤེས་རབ་ཕུན་ཚོགས་ཡིད་བཞིན་ནོར་བུས་མཛེས། །
དམ་ཆོས་སྒྲོལ་མའི་སྐུ་ཚེ་བརྟན་གྱུར་ཅིག །
༢༤༡ རྨད་བྱུང་ལེགས་བཤད་རིན་པོ་ཆེ།
ཨེ་མ་ཧོ། །
རྨད་བྱུང་དམ་པའི་ཆོས་ལ་ཐོས་བསམ་སྒོམ། །
ལེགས་བཤད་གདམས་པར་གོ་མྱོང་རྟོགས་པ་ཅན། །
སྔ་འགྱུར་གསང་ཆེན་བསྟན་པའི་རྒྱུད་འཛིན་མཆོག །
སྤྲུལ་པའི་སྐུ་ཉིད་བཞེད་དོན་ལྷུན་གྲུབ་ཤོག །
༢༤༢ སངྒྷ་རཀྵི་ཏ་རིན་པོ་ཆེ།
ཨེ་མ་ཧོ། །
དཀའ་སྤྱོད་ཆེན་པོའི་འཕགས་པའི་ཡུལ་དུ་བྱོན། །
བཤེས་གཉེན་དམ་པའི་ཞབས་རྡུལ་སྤྱི་བོར་བླངས། །
ཐོས་བསམ་སྒོམ་པས་ཤེས་རབ་ཟབ་རྒྱས་བརྙེས། །
བན་དྷེ་ཨོ་རྒྱན་ནོར་བུ་ཞབས་བརྟན་ཤོག །
༢༤༣ ཀརྨ་དགེ་འདུན་རིན་པོ་ཆེ།
ཨེ་མ་ཧོ། །
ཀརྨ་རིག་འཛིན་བརྒྱུད་པའི་ཐུགས་དམ་ཉིད། །
མ་ནོར་ལམ་སྟོན་དགེ་བར་རབ་འདུན་པས། །
ལུང་རྟོགས་བཤད་སྒྲུབ་ཕྲིན་ལས་སྤེལ་མཛད་པ། །
དགེ་འདུན་རིན་ཆེན་སྐུ་ཚེ་བརྟན་གྱུར་ཅིག །
༢༤༤ དབང་འདུས་རིན་པོ་ཆེ།
ཨེ་མ་ཧོ། །
ཕ་བརྒྱུད་ཐབས་མཆོག་སྙིང་རྗེ་རྒྱུད་ལ་འབྱོར། །
མ་བརྒྱུད་ཤེས་རབ་ཕར་ཕྱིན་མངོན་སུམ་རྟོགས། །
རྒྱལ་སྲས་རིག་པའི་རྟུལ་ཞུགས་འཛིན་པའི་སྐུ། །
དབང་འདུས་གཅོད་པའི་རྣལ་འབྱོར་ཞབས་བརྟན་ཤོག །
༢༤༥ མཁན་པོ་དེས་པ་རིན་པོ་ཆེ།
ཨེ་མ་ཧོ། །
མདོ་རྒྱུད་མན་ངག་ཆོས་ལ་ཐོས་བསམ་སྒོམ། །
སོར་བྱང་སྔགས་ཀྱི་སྡོམ་དང་དམ་ཚིག་ལྡན།
འཆད་རྩོམ་རིག་པའི་རྣམ་འགྲེལ་མཛད་པ་པོ། །
མཁན་པོ་དེས་བསྐལ་བརྒྱར་ཞབས་བརྟན་ཤོག །
༢༤༦ ཀཿཐོག་དགེ་རྩེ་རིན་པོ་ཆེ།
ཨེ་མ་ཧོ། །
སྐུ་ཡི་གཟི་བརྗིད་ཆེ་ཞིང་རྒྱལ་བའི་སྲས། །
གསུང་གི་ཟབ་ཆོས་གདམས་ངག་འཆད་པར་མཛད། །
ཐུགས་རྗེ་བྱིན་རླབས་སྐལ་ལྡན་འདྲེན་པའི་མགོན། །
ཀཿཐོག་དགེ་རྩེའི་ཞབས་པད་བརྟན་པར་ཤོག །
༢༤༧ ཚན་རིག་པ་བསོད་ནམས་དཔལ་སྒྲོན།
ཨེ་མ་ཧོ། །
བསོད་ནམས་ཡེ་ཤེས་དགེ་བའི་ཚོགས་བསགས་དཔལ། །
ཨེ་ཝྃ་བརྩོན་པར་དགྱེས་པའི་ཆོས་སྨན་སྒྲོན། །
བསྟན་འགྲོར་ཕན་བདེ་སྒྲུབ་པའི་སློབ་མ་མཆོག །
བསོད་ནམས་དཔལ་སྒྲོན་སྐུ་ཚེ་བརྟན་པར་ཤོག །
༢༤༨
མཁའ་འགྲོ་ཀརྨ་ཆོས་སྒྲོན།
ཨེ་མ་ཧོ། །
མཚན་དཔེས་རབ་མཛེས་ཀརྨའི་ཕྱག་རྒྱ་གར། །
ཆོས་དོན་རིག་པའི་རྣམ་དཔྱོད་དཔལ་འབར་བའི། །
ཤེས་རབ་འོད་སྣང་རྒྱས་པའི་མཛའ་ན་མོ། །
ཀརྨ་ཆོས་སྒྲོན་བཞེད་དོན་མྱུར་འགྲུབ་ཤོག །
༢༤༩ མཁའ་འགྲོ་རིན་ཆེན་ཆོས་སྒྲོན།
ཨེ་མ་ཧོ། །
དད་གུས་མི་ཕྱེད་འདུན་པའི་ཤེས་རབ་དང་། །
དམ་ཆོས་རིན་ཆེན་འབད་བརྩོན་མི་ངོམས་ཕྱིར། །
ཐབས་ཤེས་ཆོས་སྲིད་ཕྲིན་ལས་དཔལ་འབར་བའི། །
ངེས་ཤེས་སྒྲོན་མེའི་འོད་སྣང་ཁྱབ་གྱུར་ཅིག །
༢༥༠ མཁའ་འགྲོ་སངས་རྒྱས་ཆོས་སྒྲོན།
ཨེ་མ་ཧོ། །
འཛམ་གླིང་ཕན་བདེའི་རྩ་ལག་རྟ་བདུན་དབང་། །
སངས་རྒྱས་བསྟན་པའི་པད་ཚལ་སྐྱེད་སྲིང་པའི། །
དམ་ཆོས་སྦྲང་རྩི་སྤེལ་བའི་འོད་བྱིན་ཅན། །
སྐལ་བཟང་འཇིག་རྟེན་སྒྲོན་མ་ཞབས་བརྟན་ཤོག །
༢༥༡ མཁའ་འགྲོ་རྡོ་རྗེ་ཆོས་སྒྲོན།
ཨེ་མ་ཧོ། །
ངེས་དོན་འཇམ་དཔལ་རྡོ་རྗེའི་སྒྱུ་འཕྲུལ་ལས། །
གསང་ཆེན་ཆོས་ཀྱི་སྒྲོན་མེ་རྒྱལ་བའི་སྲས། །
བདེ་སྟོང་ཕྱག་རྒྱ་འདྲེན་པའི་ཐབས་ཤེས་ཅན། །
རིག་འཛིན་མཁའ་འགྲོའི་ཚོགས་དཔོན་ཞབས་བརྟན་ཤོག །
༥༥༢ བསོད་ནམས་སྒྲོལ་མ་རིན་པོ་ཆེ།
ཀྱེ་མ་ཧོཿ
ཀུན་གཟིགས་བཅུ་བ་ཆོས་ཀྱི་རྒྱལ་མཚན་གྱི། །
ཨ་མ་བསོད་ནམས་སྒྲོལ་མ་ཞིང་བཤེགས་ཀྱང་། །
སླར་ཡང་གངས་ལྗོངས་ཕན་བདེའི་ཡུམ་ཆེན་དུ། །
མྱུར་བྱོན་གསོལ་བ་འདེབས་སོ་ཐུགས་རྗེས་བཟུང་། ། བདག་གཞན་ཚོགས་བསགས་སྒྲིབ་སྦྱོང་མཐར་ཕྱིན་ཤོག
།
༢༥༣ དགེ་བསྙེན་ཡབ་ཡུམ།
ཨེ་མ་ཧོཿ
རིགས་ཀྱི་མྱུ་གུ་ཤར་དང་ནུབ་ཏུ་འཁྲུངས། །
སེམས་ཀྱི་དུང་བརྩེ་ལས་ཀྱིས་མཉམ་དུ་འབྲེལ། །
གྲོགས་ཀྱི་དྭངས་མ་དགེ་བསྙེན་ཡབ་ཡུམ་ལ། །
འགྲོ་ཕན་ཞི་བདེ་རྒྱ་ཆེར་འབྱུང་བར་ཤོག །
༢༥༤ ཁམས་སྤྲུལ་རིན་པོ་ཆེ།
ཨེ་མ་ཧོཿ
སྔགས་འཆང་ཡབ་ཡུབ་མཆེད་ལྕམ་རྡོ་རྗེའི་དཔལ། །
གསང་ཆེན་བསྟན་པའི་ཚོམ་བུ་ཚོགས་སྒྲུབ་དང་། །
རྩ་གསུམ་རྒྱལ་བའི་ཕྲིན་ལས་སྤེལ་བའི་མགོན། །
ཁམས་སྤྲུལ་འཁོར་ཚོགས་ཡུན་དུ་འཚོ་བཞེས་གསོལ། །
༢༥༥ ཉི་མ་རྡོ་རྗེ་རིན་པོ་ཆེ།
ཨེ་མ་ཧོ། །
ངེས་འབྱུང་རྣལ་མའི་སོར་ཐར་སྡོམ་པ་ལྡན། །
གཞན་ཕན་སྒྲུབ་པའི་བྱང་ཆུབ་སེམས་མཆོག་མངའ། །
སྣང་སྲིད་དག་མཉམ་རྟོགས་པའི་རྣལ་འབྱོར་པ།
།
ཉི་མ་རྡོ་རྗེའི་ཞབས་པད་བརྟན་པར་ཤོག
།
༢༥༦ རབ་འབྱམས་རིན་པོ་ཆེ།
ཨེ་མ་ཧོཿ
རབ་འབྱམས་སྲས་བཅས་རྒྱལ་བའི་སྤྱན་སྔ་རུ།
།
རབ་འབྱམས་ཚོགས་གཉིས་བསགས་པ་མཐར་ཕྱིན་པའི།
།
རབ་འབྱམས་མཁྱེན་བརྩེ་ནུས་པའི་མངའ་བདག་མཆོག
།
རབ་འབྱམས་ཕྲིན་ལས་ཀུན་ཁྱབ་ཞབས་བརྟན་ཤོག
།
༢༥༧
སྨིན་གླིང་ཁྲི་ཆེན་རིན་པོ་ཆེ།
ཨེ་མ་ཧོ། །
སྨིན་གྲོལ་རྒྱ་མཚོའི་མངའ་བདག་ཆོས་ཀྱི་རྒྱལ། །
ཀུན་བཟང་ཐུགས་ཀྱི་བསྟན་པའི་རྣལ་འབྱོར་པ། །
ཞིང་འདིར་སླར་ཡང་བྱོན་པར་མྱུར་སྐུལ་ན། །
བསྐལ་བཟང་ཆོས་ཀྱི་རྗེ་བོ་རྒྱུར་ཅིག །
༢༥༨ རྗེ་བཙུན་རིན་པོ་ཆེ།
ཨེ་མ་ཧོཿ
ཨེ་ཝྃ་ཆོས་ཉིད་བདེན་པའི་དོན་ལ་དགོངས། །
མ་ལུས་འགྲོ་ཀུན་འདྲེན་པའི་ཐུགས་དམ་ཅན།
།
ཨ་ཧོ་བྱམས་ཆེན་ཨ་མ་ཨོ་རྒྱན་སྒྲོན།
།
ཚེ་འདིར་འཇའ་ལུས་འཕོ་ཆེན་སྐུར་བཞེངས་ཤིག
།
༢༥༩ རྒྱ་བླ་རིན་པོ་ཆེ།
ཨོཾ་སྭ་སྟི། །
རྒྱ་ཆོས་ནང་བསྟན་ཆོས་ལ་ལེགས་པར་བསླབས། །
བོད་ཆོས་གསང་ཆེན་ཕྱོགས་ལ་གློ་བ་དཀར། །
ད་ཕྲུག་རྒན་གསོ་བདག་སྐྱོང་འཐེབས་རྩ་མཁན། །
གྲོགས་པོ་གནས་བརྟན་འཛིན་པ་སྐུ་ཚེ་བརྟན། །
༢༦༠ ཨ་ནེ་རིན་པོ་ཆེ།
ཨེ་མ་ཧོཿ
མགར་གྱི་རིགས་འཁྲུངས་བཙུན་མའི་ཆས་སུ་བཞུགས། །
སྙན་པའི་ངག་གིས་གཟུངས་སྔགས་གླུ་རུ་ལེན། །
ཤར་ནུབ་འགྲོ་བའི་ཡིད་འོང་ཆོས་དབྱིངས་འཚོ། །
སྐུ་ཚེ་བརྟན་ཅིང་བཞེད་དོན་ལེགས་གྲུབ་ཤོག
༢༦༡ རྫོགས་ཆེན་རིན་པོ་ཆེ།
ཨོཾ་སྭ་སྟི། །
ཐུགས་བརྩེ་དམ་པའི་མགོན་གྱིས་རྗེས་སུ་བཟུང་།
།
ཤེར་ཕྱིན་རབ་འབྱམས་མཁས་པའི་དགེ་བའི་བཤེས།
།
གསང་ཆེན་བསྟན་པའི་རྣལ་འབྱོར་རྫོགས་ཆེན་པ།
།
ཀུན་གཟིགས་བློ་གསལ་དབང་པོ་ཞབས་བརྟན་ཤོག
།
༢༦༢ ཁལ་ཁ་རིན་པོ་ཆེ།
ཨེ་ཀྱེ་ཧོ། །
གཞི་རྒྱུད་བདེ་གཤེགས་སྙིང་པོའི་ངོ་བོའི་དོན། །
ཇི་བཞིན་མ་ནོར་འགྲོ་ལ་སྟོན་མཁས་པ། །
རྒྱལ་བ་ཇོ་ནང་ཡབ་སྲས་རྒྱུད་པའི་སྲོལ། །
འཛིན་སྐྱོང་སྤེལ་བའི་སྐྱབས་མགོན་མྱུར་བྱོན་གསོལ། །
བཤད་སྒྲུབ་ཕྲིན་ལས་ཞིང་ཀུན་ཁྱབ་གྱུར་ཅིག །ཅེས་པ་ཆོས་མཆེད་ཞིག་གིས་བསྐུལ་ངོ་མ་སྟོང་ཙམ་དུ་ཤྲྰིས་སོ།
།
༢༦༣ ཟམ་གདོང་རིན་པོ་ཆེ།
ཨེ་མ་ཧོ༔
གངས་ཅན་བསྟན་པའི་སྲོག་ཤིང་༧གོང་ས་རྗེ། །
རྗེ་ཡི་བསྟན་པའི་སྲོག་རྒྱན་ཟམ་གདོང་པས། །
གངས་ལྗོངས་བསྟན་སྲིད་དོན་ཆེན་དགེ་ལེགས་འབྲས། །
འཛམ་གླིང་ཞི་བདེ་འབྱུང་བའི་བཀྲ་ཤིས་ཤོག །
༢༦༤ དགེ་སློང་རིན་པོ་ཆེ།
ཨེ་མ་ཧོ། །
ཉེས་ལྟུང་ཕྲ་མོས་མ་གོས་ཚུལ་ཁྲིམས་ལྡན། །
ཆགས་སྡང་རྨོངས་པ་བྲལ་བའི་ཏིང་འཛིན་པ། །
ཐོས་བསམ་སྒོམ་པའི་གནས་བརྟན་དགེ་སློང་ཆེ། །
འཇིག་རྟེན་ཁམས་སུ་ཞབས་པད་བརྟན་གྱུར་ཅིག །
༢༦༥ བྱ་བྲལ་རིན་པོ་ཆེ།
ཨེ་མ་ཧོཿ
སྙན་བརྒྱུད་གདམས་པའི་བཀའ་བབས་མཁན་པོ་མཆོག །
བརྡ་བརྒྱུད་གྲུབ་པའི་རྣལ་འབྱོར་བྱ་བྲལ་བ། །
དགོངས་བརྒྱུད་རྟོགས་པའི་སངས་རྒྱས་རྡོ་རྗེ་ཡི། །
སྐུ་ཚེ་བརྟན་ཅིང་མཛད་ཕྲིན་མཐར་ཕྱིན་ཤོག །
༢༦༦ འཇུ་རིན་པོ་ཆེ།
ཨེ་མ་ཧོཿ
མཁྱེན་རབ་ཡངས་པ་ནམ་མཁའི་མཐའ་དང་མཉམ། །
བརྩེ་ཆེན་ཟབ་པ་ཡེ་ཤེས་རྒྱ་མཚོ་མཆོག །
རིག་འཛིན་གྲུབ་པའི་དབང་ཕྱུག་བསྟན་སྐྱོང་རྗེའི། །
བཞེད་དོན་གེགས་མེད་ལྷུན་གྱིས་གྲུབ་གྱུར་ཅིག །
༢༦༧ ཚེ་དབང་རིན་པོ་ཆེ།
ཨེ་མ་ཧོཿ
ཆུང་ནས་དམ་པའི་སྐྱེས་བུས་རྗེས་བཟུང་། །
ཆེ་ནས་བདེན་པའི་དོན་སྟོན་ཆོས་འཁོར་བསྐོར། །
གང་འདུལ་བྱང་ཆུབ་ལམ་ལ་འགོད་མཛད་པའི། །
ཚེ་དབང་རིན་ཆེན་ཞབས་པད་བརྟན་གྱུར་ཅིག །
༢༦༨ སྲས་མོ་རིན་པོ་ཆེ།
ཨེ་མ་ཧོཿ
མཁྱེན་རབ་ཉི་མ་གསལ་བའི་ལང་ཚོ་ཅན། །
བརྩེ་ཆེན་དུང་གི་ཟླ་བ་འོད་པོ་ཆེ། །
གདུལ་བྱའི་སྐར་ཚོགས་བཀྲ་བའི་རིགས་བཟང་མ། །
སྐུ་ཚེ་བརྟན་ཅིང་བཞེད་དོན་ལྷུན་གྲུབ་ཤོག །
༢༦༩ ཨ་གསང་རིན་པོ་ཆེ།
ཨེ་མ་ཧོ། །
ཨ་རིག་གྲུབ་པའི་གདན་ས་ཡ་ཆེན་ནས། །
ཨ་ཁྱུག་བླ་མའི་གདམས་པའི་ཐུགས་ཀྱི་སྲས། །
ཨ་ཏིའི་ཟབ་དོན་བརྒྱུད་པའི་རིག་འཛིན་རྗེ། །
ཨ་གསང་རིན་ཆེན་ཉི་མ་ཞབས་བརྟན་ཤོག །
༢༧༠ ཆོས་ཉིད་དོན་རྟོགས་རིན་པོ་ཆེ།
ཨེ་མ་ཧོ། །
ཆོས་ཉིད་བདེན་པའི་དོན་རྟོགས་དགེ་བའི་བཤེས། །
ཆོས་རིག་ལམ་བཟང་མ་ནོར་སྟོན་མཛད་པའི། །
ལུང་རྟོགས་བསྟན་པའི་བདག་པོ་རྒྱལ་བའི་སྲས། །
མཁན་ཆེན་ཆོས་ཀྱི་ཟླ་བ་ཞབས་བརྟན་ཤོག །
༢༧༡ ནོར་བུ་བཀྲ་ཤིས་རིན་པོ་ཆེ།
ཨེ་མ་ཧོ། །
ནོར་གྱི་རིགས་ལ་འདོད་དགས་འཁོར་བ་པ། །
ཆོས་ཀྱི་ཕྱོགས་ལ་བརྩོན་པའི་རིན་པོ་ཆེ། །
ཆོས་ནོར་བསྟན་སྲིད་སྤེལ་བའི་སྤྲུལ་པའི་སྐུ། །
ནོར་བུ་བཀྲ་ཤིས་ཚེ་རིང་ནད་མེད་ཤོག །
༢༧༢ ཕྱོགས་ལས་རྣམ་རྒྱལ་རིན་པོ་ཆེ།
ཨེ་མ་ཧོ། །
ཕྱོགས་ལས་རྣམ་རྒྱལ་འཇུ་རིགས་རྒྱལ་བའི་སྲས། །
སྤྱི་དཔོན་གླིང་སྤྲུལ་ཨ་མྱེ་དམ་པའི་འཕྲུལ། །
བཤད་སྒྲུབ་བསྟན་པ་འཛིན་ལ་དགྱེས་མཛད་པའི། །
དགེ་གྲོགས་ཚེ་རིང་ནད་མེད་ཞབས་བརྟན་ཤོག །
༢༧༣ འཇུ་བཀྲ་ཤིས་བཟང་པོ་རིན་པོ་ཆེ། །
ཨེ་མ་ཧོ། །
སྒྱུ་རྩལ་རྣམ་དཔྱོད་རིག་པ་ཤིན་ཏུ་བཀྲ། །
ལྷག་བསམ་དག་པས་འཁོར་ཡུག་བདག་སྲུང་ཤིས། །
བཟང་པོའི་ཕྲིན་ལས་འདབ་ཆགས་ཉམས་ཞིབ་པའི། །
འགྲོ་དོན་ལེགས་འགྲུབ་ཞི་བདེའི་དཔལ་དུ་སྨོན། །
༢༧༤ གླུ་བ་དོན་གྲུབ་ཚེ་རིང་།
ཨེ་མ་ཧོ། །
སྙན་པའི་ངག་གི་སྒྱུ་རྩལ་རབ་ཏུ་འཇེབས། །
ཆོས་མཐུན་བསམ་སྤྱོད་ལེགས་སྤེལ་གངས་ཅན་པའི། །
བསྟན་སྲིད་ཕན་བདེའི་ངོ་མཚར་མཆོད་འབུལ་མཁན། །
གླུ་བ་དོན་གྲུབ་ཚེ་རིང་ནད་མེད་ཤོག །
༢༧༥ མགོ་ལོག་དྷ་བྷེ་རིན་པོ་ཆེ།
ཨེ་མ་ཧོ། །
གངས་རིའི་ལ་རྒྱ་སྙིང་སྲོག་རྒྱན་དུ་འཛིན། །
སྙན་ངག་སྒྱུ་རྩལ་མགྲིན་པའི་ལམ་ནས་སྐྱོང་། །
ཐབས་ཤེས་རིག་པའི་བསྟན་སྲིད་སྤེལ་མཛད་པའི། །
དྷ་བྷེ་རིན་ཆེན་བཞེད་དོན་ལྷུན་གྲུབ་ཤོག །
༢༧༦ ཨ་འཛོམས་རིན་པོ་ཆེ།
ཨེ་མ་ཧོ། །
ཨ་དོན་སྤྲོས་བྲལ་དགོངས་པའི་རྫོགས་ཆེན་པ། །
འགྲོ་འདུལ་དཔའ་བོ་རྡོ་རྗེའི་སྤྲུལ་པའི་སྐུ། །
བཀའ་གཏེར་གདམས་པའི་ཁྲིད་རྒྱུན་སྤེལ་མཛད་པའི། །
ཨ་འཛོམས་འབྲུག་པའི་བཞེད་དོན་ལྷུན་གྲུབ་ཤོག །
༢༧༦ འཇམ་དགའ་རིན་པོ་ཆེ།
ཨེ་མ་ཧོ། །
ཨ་འཛོམས་བཞུགས་དུས་དབེན་རིར་སྒོམ་དུ་ཕྱིན། །
ཕ་བུ་གསོན་བྲལ་ལྟ་བུའི་བྱ་བྲལ་མཛད། །
ཨ་ཕ་འདས་ནས་གཞན་ཕྲུག་བདག་གིར་བཞེས། །
སྤྲུལ་བདག་རྒྱ་བླ་འདི་ཡང་ཚེ་རིང་ཤོག །
༢༧༧ བསོད་ནམས་བློ་གྲོས་རིན་པོ་ཆེ། །
ཨེ་མ་ཧོ། །
བསོད་ནམས་སྟོབས་ཀྱི་རྒྱུ་ཆེན་མཁན་པོ་གྱུར། །
བློ་གྲོས་རབ་འབར་དགོན་གྱི་བསྟན་བདག་མཛད། །
ཨ་འཛོམས་འབྲུག་པའི་མཁན་ཆེན་རྡོ་རྗེ་འཆང་། །
སྔ་འགྱུར་བསྟན་པའི་སྦྱིན་བདག་ཞབས་བརྟན་ཤོག །
༢༧༨ ཨོ་རྒྱན་ཉི་མ་རིན་པོ་ཆེ།
ཨེ་མ་ཧོ། །
ཨོ་རྒྱན་པདྨའི་སྦས་ཡུལ་འབྲས་ལྗོངས་སུ། །
ཉི་མའི་གཉེན་གྱི་བསྟན་པའི་བརྒྱུད་འཛིན་པ། །
ལུང་རྟོགས་བཤད་སྒྲུབ་བརྩོན་པའི་རིན་པོ་ཆེ། །
སྤྲུལ་སྐུ་ཧྰུྃ་ཆེན་ཀ་ར་ཞབས་བརྟན་ཤོག །
༢༧༩ རིག་འཛིན་འབྲུག་སྒྲ་རྡོ་རྗེ་རིན་པོ་ཆེ།
ཨེ་མ་ཧོ། །
རིག་འཛིན་ཆེན་པོ་འབྲུག་སྒྲ་རྡོ་རྗེ་མཆོག །
སླར་ཡང་སྲིད་འདིར་བྱོན་པའི་སྤྲུལ་བའི་སྐུ། །
ཨོ་རྒྱན་འགྲོ་འདུལ་ཕྲིན་ལས་ཀུན་ཁྱབ་མཆོག །
བཞེད་དོན་ལྷུན་གྲུབ་ཞབས་པད་བརྟན་གྱུར་ཅིག །
༢༨༠ ཨ་ལན་ཟླ་བ་སྒྲོལ་མ།
ཨེ་མ་ཧོ། །
སྙན་པའི་གླུ་དབྱངས་འཛམ་གླིང་དཔྱིད་དུ་གྲགས། །
མཛེས་མའི་འོད་དཀར་ཀུན་གསལ་དཔལ་དུ་ཤར། །
འཕགས་མའི་ཐུགས་རྗེ་བྱིན་རླབས་ཟློས་གར་ཅན། །
གངས་ལྗོངས་གླུ་མའི་བསམ་དོན་མྱུར་འགྲུབ་ཤོག །
༢༨༡ རྗེ་ཀོང་རིན་པོ་ཆེ།
ཨེ་མ་ཧོ། །
ལྷོ་རྒྱུད་རྒྱ་ཆོས་བསྟན་འཛིན་དོན་ལ་མཁས། །
བྱང་ཕྱོགས་གངས་རིའ་བསྟན་པའི་ཆོས་སྒོར་ཞུགས། །
གསང་ཆེན་ཐེག་པའི་རྡོ་རྗེ་སློབ་དཔོན་ཆེ། །
རྗེ་ཀོང་སྡེ་སྣོད་འཛིན་པ་སྐུ་ཚེ་རིང་བརྟན། །
༢༨༢ དགའ་རབ་རྡོ་རྗེ་རིན་པོ་ཆེ།
ཨེ་མ་ཧོ། །
བརྒྱུད་གསུམ་རིག་འཛིན་བླ་མའི་རྒྱལ་ཚབ་རྗེ། །
བདུད་འཇོམས་འཇིགས་བྲལ་ཡེ་ཤེས་རྡོ་རྗེ་ཡི། །
གདུང་སྲས་ཕྲིན་ལས་ནོར་བུ་རིན་པོ་ཆེའི། །
སྐུ་སྲས་དགའ་རབ་རྡོ་རྗེ་ཞབས་བརྟན་ཤོག །
༢༨༣ ཇོ་མོ་ཚེ་བྷྲྰུྃ་ལྷ་མོ།
ཨེ་མ་ཧོ། །
ཉན་ཐོས་ཐེག་པའི་ཆོས་སྒོར་རབ་ཏུ་བྱུང་། །
བྱང་ཆུབ་སེམས་པའི་སྤྱོད་འཇུག་མཛད་པ་སྐྱོང་། །
མཐར་ཕྱིན་གསང་ཆེན་རྡོ་རྗེའི་བསྟན་པ་སྤེལ། །
ཚེ་བྷྲྰུྃ་ལྷ་མོས་བསྟན་འགྲོར་སྨིན་པར་ཤོག །
༢༨༤ གླུ་མ་ཨ་མ་ལེ་ཡ།
ཨེ་མ་ཧོ། །
ཕ་མ་དྲིན་ལེན་འཇལ་བའི་ལྷག་བསམ་ཅན། །
བོད་སྐད་གླུ་བྲོ་ལེན་པའི་ཟློས་གར་མཁན། །
གངས་ལྗོངས་སེམས་ཁུར་གནང་པའི་ཨ་རི་བ། །
ཨ་མ་ལེ་ཡ་ཚེ་རིང་ནད་མེད་ཤོག །
༢༨༥ ཨ་མཆོད་ཚེ་རིང་།
ཨེ་མ་ཧོ། །
རྟེན་འབྲེལ་ཟབ་མོས་དལ་བརྒྱད་འབྱོར་བཅུ་ཐོབ། །
འཕགས་པའི་ཡུལ་ནས་ཆུ་བོ་གངྒ་བརྒལ། །
གངས་རིའི་ལྗོངས་སུ་མཁས་པའི་བགྲོ་གླེང་འཚོགས། །
དྲེལ་དཀར་ཨ་མཆོད་ཚེ་རིང་ནད་མེད་ཤོག །
༢༨༦ ངོ་གྲོགས་སྒྲོལ་མ་ཐར།
ཨེ་མ་ཧོ། །
ལྷག་བསམ་དད་གུས་དུང་གི་ཟླ་བའི་གཤིས། །
ངག་རིག་སྒྱུ་རྩལ་སྒྲ་དབྱངས་ལྷ་མོའི་དཔལ། །
སྐུ་ཡི་རྣམ་འགྱུར་མ་ནིང་སྒེག་ཉམས་ཅན། །
སྒྲོལ་མ་ཐར་ཉིད་བསམ་དོན་ལེགས་གྲུབ་ཤོག །
༢༨༧ སངས་རྒྱས་རྡོ་རྗེ་རིན་པོ་ཆེ།
ཨེ་མ་ཧོ། །
རྒྱ་གར་ཡུལ་ནས་དགོན་པའི་གདན་ས་འཛིན། །
རྒྱ་ནག་སྐད་ཀྱིས་དམ་པའི་ཆོས་འཁོར་བསྐོར། །
བོད་ཡུལ་རྫོགས་ཆེན་བསྟན་པའི་སྤྲུལ་པའི་སྐུ། །
སངས་རྒྱས་རྡོ་རྗེ་བསྟན་འགྲོའི་དཔལ་དུ་ཤོག །
༢༨༨ འཇིགས་མེད་བསྟན་འཛིན་རྡོ་རྗེ།
ཨེ་མ་ཧོ། །
འཇིགས་མེད་གླིང་དཀར་དཔའ་བོའི་སྒྱུ་འཕྲུལ་སྐུ། །
གྲངས་མེད་ཀི་བསྭོ་ལྷ་རྒྱལ་འབོད་སྒྲའི་གསུང་། །
མཚུངས་མེད་གསང་ཆེན་ཆོས་སྐྱོང་རྡོ་རྗེའི་ཐུགས། །
འཇིགས་མེད་བསྟན་འཛིན་རྡོ་རྗེ་ཞབས་བརྟན་ཤོག །
༢༨༩ ཆོས་བཀྲ་རིན་པོ་ཆེ།
ཨེ་མ་ཧོ། །
ཆོས་བཞིན་སྤྱོད་པས་བཀྲ་ཤིས་བདེ་ལེགས་ཞིང་། །
མཆོག་གསུམ་ལ་གུས་དད་མོས་སྒྲུབ་བརྩོན་ཅན། །
འདོད་ཆུང་ཆོག་ཤེས་འཕགས་པའི་རིགས་ཀྱི་སྲས། །
གནས་ལུང་སྤྲུལ་སྐུ་བསྟན་འགྲོའི་དཔལ་དུ་སྨོན། །
༢༩༠ སྤྲུལ་པདྨ་རྡོ་རྗེ་རིན་པོ་ཆེ།
ཨེ་མ་ཧོ། །
པདྨ་ཀ་ར་རྒྱལ་བའི་རྗེས་འཇུག་མཆོག །
རྡོ་རྗེ་ཐེག་པའི་རྩ་གསུམ་ཆོས་སྐྱོང་བསྙེན། །
མདོ་སྔགས་བཤད་སྒྲུབ་བསྟན་པའི་བརྒྱུད་འཛིན་པའི། །
སྤྲུལ་སྐུའི་བཞེད་དོན་གེགས་མེད་ལེགས་འགྲུབ་ཤོག །
༢༩༡ མཁན་པོ་རྩེ་བྷོ།
ཨེ་མ་ཧོ། །
དད་གུས་མི་ཕྱེད་འདུན་པའི་སྐྱབས་འགྲོ་ལྡན། །
གཞི་གསུམ་དགེ་བའི་གནས་བརྟན་དགེ་སློང་ཆེ། །
བྱམས་དང་སྙིང་རྗེས་གཞན་ཕན་སྒྲུབ་མཛད་པའི། །
མཁན་པོ་རིན་ཆེན་བཞེད་དོན་ལེགས་འགྲུབ་ཤོག །
༢༩༢ ཨ་ཉ་རིན་པོ་ཆེ།
ཨེ་མ་ཧོ། །
ང་རྒྱལ་མེད་པས་འདྲ་མཉམ་སྤྱོད་པ་འཛིན། །
ཞེ་སྡང་བྲལ་བས་བྱམས་བརྩེ་ལྷག་བསམ་སྐྱོང་། །
རྨོངས་ཞེན་སྤངས་པས་དད་གུས་དམ་ཚིག་སྤེལ། །
མགར་བླ་ཨ་ཉའི་སྐུ་ཚེ་རབ་བརྟན་ཤོག །
༢༩༣ མཁན་ཆེན་སྒེག་རྡོར་རིན་པོ་ཆེ།
ཨེ་མ་ཧོ། །
ཡིད་བཞིན་ནོར་བུའི་ཐུགས་སྲས་སེམས་དཔའ་ཆེ། །
ལུང་རྟོགས་བཤད་སྒྲུབ་ཁོ་ནར་འཛིན་སྐྱོང་སྤེལ། །
ཚེ་དང་ཆོས་པ་མཉམ་པའི་བླ་མ་མཆོག །
མཁན་ཆེན་སྒེག་རྡོར་བཞེད་དོན་ལྷུན་གྲུབ་ཤོག །
༢༩༤ ཨ་ནེ་དཔལ་ལྡན་ཆོས་སྒྲོན།
ཨེ་མ་ཧོ། །
རྟེན་འབྲེལ་མ་ནོར་དགེ་སྡིག་བླང་དོར་མཁས། །
དྲང་བདེན་ཆོས་འགྱུར་མེད་དཔལ་ལྡན་རྗེ་བཙུན་མ། །
ལྷག་བསམ་རྣམ་དག་བྱང་ཆུབ་སེམས་བཟང་མ། །
ཨ་ནེ་ཆོས་སྒྲོན་བསམ་དོན་ལྷུན་གྲུབ་ཤོག །
༢༩༥ མཁན་ཆེན་དཔལ་ལྡན་ཤེས་རབ་རིན་པོ་ཆེ།
ཨེ་མ་ཧོ། །
མཁན་སློབ་ཆོས་རྒྱལ་བསྟན་པའི་རིག་པ་འཛིན། །
ལུང་རྟོགས་བཤད་སྒྲུབ་ཕྲིན་ལས་བཟང་པོས་སྐྱོང་། །
བརྒྱུད་གསུམ་གདམས་པའི་བཀའ་གཏེར་སྤེལ་བའི་མགོན། །
མཁན་ཆེན་དཔལ་ལྡན་ཤེས་རབ་གསོལ་བ་འདེབས། །
ཨོཾ་ཤྲྰི་པྲ་ཛྙྰ་སིདྡྷི་ཕ་ལ་ཧྰུྃ་ཨ། །
༢༩༦ བདག་སྡང་མ།
ཀྱེ་མ་ཧོ། །
མ་ཉེས་ཁ་གཡོགས་སྐྱག་རྫུན་འབྲུག༵་ལྟར་སྒྲོགས། །
ཕན་ལ་གནོད་སྦྱིན་བཟང་ལན་ངན་གྱིས་འཇལ། །
ཚེ༵་སྲོག་འཇིགས་སྐུལ་ཤ་འཁོན་བདུད་འདྲེའི་གཟུགས། །
ལས་ངན་དུག་སྦྲུལ་དོང་རིང༵་བག་ཡོད་མཛོད། །
༢༩༧ ཆོས་རྗེ་དམ་པ་ཡིད་བཞིན་ནོར་བུ་རིན་པོ་ཆེ།
ཨེ་མ་ཧོ། །
རབ་འབྱམས་རྒྱལ་ཀུན་མཁྱེན་བརྩེ་ནུས་པའི་སྐུ། །
ཁྱབ་བདག་གདོད་མའི་མགོན་པོ་འཇམ་དཔལ་དབྱངས། །
ཆོས་རྗེ་ཡིད་བཞིན་ནོར་བུར་གསོལ་བ་འདེབས། །
མ་རིག་མུན་སེལ་འགྲོ་ཀུན་འདྲེན་ནུས་ཤོག །
ཨོཾ་ཨ་བྷྱ་ལཀྵཾ་ཀ་ར་སིདྡྷི་ཕ་ལ་ཧྰུྃ། །
༢༩༨ བླ་མ་རིན་པོ་ཆེ།
ཨེ་མ་ཧོ། །
རབ་འབྱམས་རྒྱལ་ཀུན་མཁྱེན་བརྩེ་ནུས་པའི་དཔལ། །
ཀུན་འདུས་གདོད་མའི་མགོན་པོ་ཀུན་བཟང་། །
རང་རིག་དོན་གྱི་བླ་མར་གསོལ་བ་འདེབས། །
གཉུག་མའི་སངས་རྒྱས་ཀུན་གྱིས་རྟོགས་པར་ཤོག། །
ཨོཾ་ཛྙྰ་ན་གུ་རུ་བཛྲ་སིདྡྷི་ཧྰུྃ། །
༢༩༩ ཆོས་མཆེད་རིན་པོ་ཆེ།
ཨེ་མ་ཧོ། །
རང་ཚུགས་མ་ཤོར་བདེན་པའི་ལམ་ཀར་བགྲོད། །
གཞན་སེམས་མ་དཀྲུག་དྲང་པོའི་ལྷག་བསམ་ཅན། །
གཉིས་ཕན་དབུ་མ་སྒྲུབ་པའི་མདོ་སྔགས་འཆང་། །
ཆོས་མཆེད་དམ་པ་བསྟན་འགྲོའི་དཔལ་དུ་སྨོན། །
ཨོཾ་བཛྲ་ས་ཏྭ་ཧྰུྃ་ཧྲྰིཿ
༣༠༠ སྨོན་ལམ་རིན་པོ་ཆེ།
ཨེ་མ་ཧོཿ
ཆོས་ཟད་ཀ་དག་གདོད་མའི་ཀུན་ཏུ་བཟང་། །
འོད་གསལ་ལྷུན་གྲུབ་རིག་པའི་འཇའ་གུར་ལས། །
འཆི་མེད་པདྨ་འབྱུང་གནས་སྤྲུལ་པའི་སྐུ། །
གསོལ་བ་འདེབས་སོ་འཇའ་ལུས་མྱུར་འགྲུབ་ཤོག །
ཨོཾ་ཛྙྰ་ན་གུ་རུ་བཛྲ་སིདྡྷི་ཧྰུྃ། །
༣༠༡ ཨེ་ཝྃ་ཆོས་སྨན་གླིང་།
ཨེ་མ་ཧོ། །
ལྷག་བསམ་ཀུན་ཕན་ཞི་བདེའི་འོད་སྣང་གིས། །
སྡུག་ཀུན་ཉེས་ཚོགས་མུན་པའི་དཔུང་བཅོམ་པས། །
ཨེ་ཝྃ་ཆོས་སྨན་བཤད་སྒྲུབ་དགའ་ཚལ་གྱི། །
རྒྱལ་བསྟན་དར་རྒྱས་འགྲོ་ཀུན་སྨིན་གྲོལ་ཤོག །
༄༅། །ཨེ་མ་ཧོས་བཀའ་དྲིན་ཆེ་ཞུ་བའི་མཆོད་འབུལ་གྱི་འཕྲིན་ཐུང་།
༧བཀུར་འོས་པའི་སྙིང་ནས་བརྩེ་དམ་ཅན་གྱི་ཆོས་མཆེད་བླ་སྤྲུལ་རིན་པོ་ཆེ་ཡོངས་ལ་ཞུ་འབྲས།
དེང་གི་དགེ་བའིོ་ཆར་ཡང་ཆོས་མཆེད་དམ་པ་ཁྱེད་རྣམ་པ་ཚང་མའི་གསང་གསུམ་བདེ་འཚམས་ངང་
ནས་ལུང་རྟོགས་བཤད་སྒྲུབ་ཀྱི་བསྟན་པ་རིན་པོ་ཆེ་ཡར་ངོའི་ཟླ་བ་གསལ་བའི་དཔལ་དུ་བཞུགས་བཞིན་ཡོད་པར་སེམས།
སྙོམ་ལས་པ་རང་ཡང་སྒོམ་སྒྲུབ་བརྩོན་བཞིནདུ་ནུབ་ཕྱོགས་ཞི་བདེ་རྒྱ་མཚོའི་ ཉེ་འགྲམ་དུ་བདེ་བར་མཆིས།
མཚམས་ཞུ་ནི་ཆུ་འབྲུག་ལོ་འདིའི་སྲིད་གསུམ་རྣམ་པར་རྒྱལ་བའི་དུས་ཆེན་ནས་བཟུང་རང་གཞན་བར་གྱི་དད་འདུན་དག་སྣང་གི་གཞི་རྩ་བརྟན་པའི་ཆོས་མཆེད་ཡོངས་ལ་འབོད་བསྐུལ་བཞིན་དུ་རང་ངོས་
ནས་ཨེ་མ་ཧོའི་ཞབས་བརྟན་རྡོ་རྗེ་རྩེ་བརྒྱ་པ་དང་། ཨེ་མ་ཧོའི་ཞབས་བརྟན་རིན་ཆེན་ཕྲེང་བ་ཞེས་དག གསར་བསྒྲིག་བྱས་པ་རེད།དེའི་ནང་དུ་རང་ཅག་ཁ་བ་རི་བའི་སྐྱབས་གནས་གངས་ལྗོངས་རྒྱལ་བསྟན་ཡོངས་ཀྱི་མངའ་བདག་རྒྱལ་དབང་ཐམས་ཅད་མཁྱེན་པ་མཆོག་གིས་དབུས་བྱས་རྒྱལ་ཕྱི་ནང་ཀུན་ན་བཞུགས་པའི་རིས་སུ་མ་ཆད་པའི་རིན་པོ་ཆེ།
མཁས་གྲུབ་ཀྱི་རིག་འཛིན། ཚད་དང་ལྡན་པའི་དམ་པ། བརྟན་མཁས་ཀྱི་མཁན་པོ་དང་། མཚན་ལྡན་གྱི་མཁན་ཆེན།
བསམ་བཞིན་བྱོན་པའི་སྤྲུལ་སྐུ། ཤེས་ཡོན་ཅན་གྱི་དགེ་རྒན། སྙན་ངག་མཁན་གྱི་དགེ་ཕྲུག ལྷག་བསམ་ལྡན་པའི་བླ་མ།
ཚུལ་དང་མཐུན་པའི་གྲྭ་བ། དད་བརྩོན་ཅན་གྱི་ཨ་ནེ། འཇིག་རྟེན་སྤོང་བའི་བྱ་བྲལ། ཆོས་རིགས་འཛིན་པའི་མཁའ་འགྲོ་དང་སྔགས་པ་དང་།
ཟབ་རྒྱས་དབང་བའི་གཏེར་སྟོན།མཚན་ཉིད་ལྡན་པའི་ རྣལ་འབྱོར་སོགས་ཀྱིས་རང་ལ་ཁྱེད་རྣམ་པས་ཐུགས་བསྐྱེད་ཟབ་རྒྱས་ཕུན་སུམ་ཚོགས་པའི་སྒོ་ནས་སྐྱབས་འཇུག་གནང་བར་སྙིང་ནས་བཀའ་དྲིན་ཆེ་ཞུ་བ་དང་ཁྱེད་རྣམ་པའི་བཞེད་དོན་འགྲུབ་པར་སྨོན་བཞིན་ཡིན་ལགས།
ཉེ་ཆར་ཨེ་མ་ཧོ་བརྒྱ་རྩ་བརྒྱད་པ་ཉིད་ཏག་ཏག་ཁ་ཡོངས་སུ་ཁ་ལོངས་ཟིན་སོང་།
བརྒྱ་ཕྲག་ལྷག་འདུག ། ཡིན་ན་ཡང་གནས་སྐབས་རིང་དཔེ་དེབ་ཏུ་དཔེ་བསྐྲུན་བཟོ་མི་དགོས་ཞེས་ང་རང་གིས་ཐག་བཅད་ཡོད།
དེས་ཚབ་ཏུ་ཁྱེད་རྣམ་པར་བཀའ་དྲིན་ཆེ་བར་དྲིན་བཟོས་ཆེད་དུ་སྨོན་ཚིག་གང་ཤར་རེ་སྙིང་ནས་གསོལ་འདེབས་སུ་ལེགས་སྐྱེས་སུ་ཕུལ་བ་དེ་དྲ་ཐོག་འགོད་རྒྱུ་ཡིན།
དེ་བདག་གིས་མཆོད་འབུལ་ཞིག་དང་།
ཁྱེད་རྣམ་པའི་གསང་གསུམ་དགྱེས་པའི་པའི་སྨོན་ལམ་དང་བསྟན་འགྲོར་སྨན་པའི་བདེན་ཚིག་ཡིན།
སླད་མའི་ཆར་ཡང་རྒྱལ་བསྟན་དར་ཞིང་རྒྱས་པ་དང་འགྲོ་ཁམས་བདེ་ཞིང་སྐྱིད་པའི་སྨོན་ལམ་ཞུ།
ཁྱད་པར་ཨེ་མ་ཧོའི་རིན་ཆེན་ཕྲེང་བའི་ཚོགས་གྲལ་གྱི་མཁས་བཙུན་བཟང་པོའི་བླ་གྲྭ་ཁྱེད་རྣམ་པའི་དབུས་བྱས་བསྟན་འཛིན་གྱི་སྐྱེས་བུ་ཇི་སྙེད་ཡོད་པ་དེ་དག་ཀུན་གྱི་སྐུ་ཚེ་བརྟན་པ་དང་བསྟན་འགྲོའི་དོན་ཆེན་གེགས་མེད་བདེ་མྱུར་དུ་འགྲུབ་པའི་སྨོན་འདུན་བཅས་རབ་རྒྱན་ཆུས་འབྲུག་ཟླ་ཚེས་དགེ་བར་དབྱིན་ཡུལ་བོད་བརྒྱུད་རྣལ་འབྱོར་ཁང་ནས་མཁན་ཆེན་བླ་མ་འམ་རིག་འཛིན་དཔལ་དགྱེས་པ་རྡོ་རྗེས་གུས་ཕུལ།
།
Subscribe to:
Post Comments (Atom)
0 comments:
Post a Comment