Wednesday, 20 February 2013
14:16 | 
Posted by
༄༅།། ཨེ་མ་ཧོའི་རིག་མཛོད་། |
ཚོགས་འབུལ་ཀུན་བཟང་མཆོད་སྤྲིན། །
ཨེ་མ་ཧོ། །
ཨ་ཧོ་ཀུན་བཟང་རྒྱལ་བའི་ཞིང་ཁམས་སུ། །
ཧ་ཅང་ཡིད་འོང་སྤྲོ་བའི་དཀྱིལ་འཁོར་དུ། །
ས་བཅུ་ལམ་ལྔར་ཕྱིན་པའི་འཕགས་ཚོགས་ལ། །
ཤ་ལྔ་བདུད་རྩིའི་མཆོད་སྤྲིན་ལོངས་སྤྱོད་འབུལ།
།
ལ་དཀར་གསོལ་བའི་དཔའ་བོ་དགྱེས་གར་དང་། །
ར་ཛ་ཆོས་མཆེད་སྒྱུ་འཕྲུལ་དྲ་བའི་དཔལ། །
ཡ་ན་རིམ་དགུའི་གསང་མཛོད་སྒོ་ཕྱེ་ནས། །
འ་ཅག་སྐལ་བཟང་ཚོགས་འཁོར་མཉམ་དུ་རོལ། །
ཟ་འོག་བེར་སྨུག་ཁ་ཊཾ་ཕུར་བུ་དང་། །
ཞྭ་ནག་ཌྰ་དྲིལ་གསང་ཆེན་རྒྱན་གོས་གསོལ། །
ཝ་མོ་སྟག་གི་རྟུལ་ཞུགས་རབ་སྤངས་ནས། །
ཛ་ཡའི་སྙིང་པོ་གསང་སྔགས་ཚོགས་འཁོར་བསྐོར།
།
ཚ་གྲང་དཀའ་ཚེགས་བྲལ་བའི་གསང་སྔགས་ལམ། །
ཙ་རི་སྦས་ཡུལ་གྲོང་དགོན་གང་མཆིས་ཀྱང་། །
མ་ལུས་འགྲོ་ཀུན་ཕན་བདེའི་ཚོགས་ལ་འབད། །
བཛྲ་ས་ཏྭའི་དགོངས་པ་མངོན་དུ་བྱ། །
ཕ་གཅིག་པདྨ་ཀ་རའི་ཟབ་ཆོས་ལ། །
པ་ཊུ་དེ་ཉིད་རིག་པས་ཚོགས་མཆོད་དང་། །
ན་མོ་དད་གུས་མི་ཕྱེད་འདུད་པ་བཅས། །
ད་ལྟ་ཚེ་གཅིག་གྲོལ་བའི་ཚོགས་འཁོར་འབུལ།
།
ཐ་སྙད་དག་གཟིགས་བདེན་པའི་ཚོགས་གཉིས་ཀྱི།
།
ཏ་ཐྰ་ག་ཏའི་མདོ་སྔགས་དགེ་བའི་ཆོས། །
ཉ་གང་ཟླ་བའི་དཔལ་ལ་འགྲན་ནུས་པའི། །
ཇ་ཆང་འདོད་ཡོན་ཀུན་བཟང་ཚོགས་མཆོད་འབུལ།
།
ཆ་ལུགས་གང་དགར་ཆོས་ཉིད་ཟད་སར་བཅོལ། །
ཅ་ཅོ་གང་བྱུང་གཟུངས་སྔགས་རྒྱན་དུ་དལ། །
ང་རྒྱལ་རྣམ་དག་ལྷ་ཡི་རྟུལ་ཞུགས་བསྐྱེད།
།
ག་དུས་ཡིན་ཡང་རྫོགས་ཆེན་ངང་དུ་གནས། །
ཁ་རཾ་ཁ་ཧི་དམར་ཆེན་གཏོར་མའི་ཚོགས། །
ཀ་པ་ལ་ནི་སྟོང་གསུམ་མཉམ་པར་བསྐང་། །
རྒྱལ་ཀུན་མཆོད་དང་འགྲོ་ཀུན་ཚིམ་ཕྱིར་འབུལ།
།
དོན་གཉིས་ལྷུན་གྲུབ་བཀྲ་ཤིས་དགེ་ལེགས་ཤོག
།
ཞེས་པ་འདི་ཡང་རབ་རྒྱན་ཆུ་སྦྲུལ་དབོ་ཟླའི་རྫོགས་པ་གཉིས་པར་མཁའ་འགྲོ་ཤེས་རབ་ལྷ་མོས་བསྐུལ་ངོར་གང་དྲན་དགེ་བའི་རི་མོ་བ་བིརྱ་དྷྰ་ར་ཤྲྰི་ཨ་ནནྟ་བཛྲས་སྨྲས་པས་འགྲོ་ཀུན་ཚོགས་གཉིས་དཔལ་ལ་ལོངས་སྤྱོད་ཅིང་སངས་རྒྱས་ཐོབ་པའི་དོན་དང་ལྡན་པར་གྱུར་ཅིག་གུ།
།
Subscribe to:
Post Comments (Atom)
0 comments:
Post a Comment