དྲ་ངོས་བཀླགས་གྲངས
ཡིག་ཚགས
སྒེར་གྱི་རྒྱུ་ཆ
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
ངེད་ཀྱི་སྐོར
- ༄༅།། ཨེ་མ་ཧོའི་རིག་མཛོད་།
- མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
Powered by Blogger.
Wednesday 15 May 2013
༄༅། །སངས་རྒྱས་འཁྲུངས་སྐར་ལ་བཀྲ་ཤིས་བདེ་ལེགས། །
ཨེ་མ་ཧོ།
ན་མོ་གུ་རུ་བུདྡྷ་ཛྙྰ་ན་ཤྰཀྱ་མུ་ན་ཡེ། །
ཀ་མ་ལ་ལྟར་ཐུགས་བསྐྱེད་མཚུངས་མེད་བསྐལ་བཟང་སངས་རྒྱས་སྟོང་ལས་ལྷག །
ཁ་ཡེ་ལ་སོགས་མཐར་འཛིན་ལྟ་བས་འགྲན་པའི་ཟླ་མེད་དམ་ཆོས་གསུངས། །
ག་བུར་དབང་ལྟར་ཞི་བསིལ་དཔག་མེད་འཕགས་ཚོགས་རྒྱུ་སྐར་དབུས་ན་མཛེས། །
ང་ཅག་འགྲོ་བར་བཀའ་དྲིན་ཟླ་མེད་ཤྰཀྱ་སེངྒེས་དུས་ཀུན་སྐྱོང་། །
ཅ་ཅོ་བྲེད་མོའི་གཡོ་རྫུན་མེད་པར་བདེན་བཞི་བླང་དོར་སྟོན་མཛད་པའི། །
ཆ་མཉམ་མཐའ་གཉིས་ཕྱོགས་སློང་ཀུན་བྲལ་རྟག་ཆད་མེད་པའི་ལམ་བཟང་བསྟན། །
ཇ་ཆང་འདོད་ཡོན་ཞགས་པས་མ་འཆིང་ཤྰཀྱའི་རྒྱལ་པོའི་རྒྱལ་སྲས་མཆོག །
ཉ་གང་ཟླ་གཞོན་མཁའ་ལ་མཛེས་ལྟར་སྟོན་པ་གཞན་ལས་ཁྱད་པར་འཕགས། །
ཏ་ཐྰ་ག་ཏའི་བསྟན་པ་རིན་ཆེན་འཇིག་རྟེན་ཁམས་སུ་འདྲེན་པའི་མགོན། །
ཐ་དག་རིག་གནས་ཀུན་མཁྱེན་མངའ་བས་ཡང་དག་རྒྱལ་བ་རྫོགས་སངས་རྒྱས། །
ད་དུང་བསྟན་འགྲོར་ཕན་བདེའི་ཕྲིན་ལས་བརླབ་ཆེན་རབ་འབྱམས་ཞིང་ཀུན་མཉམ། །
ན་མོ་དད་གུས་མི་ཕྱེད་འདུད་པས་ཚེ་རབས་གཏན་གྱི་སྐྱབས་སུ་བསྟེན། །
པ་ར་མི་ཏའི་བྱང་ཆུབ་སྤྱོད་འཇུག་རྒྱལ་སྲས་ཐེག་པའི་ས་ལམ་དང་། །
ཕ་མའི་རྒྱུད་སྡེ་ཀུན་འདུས་དགོངས་གནད་གསང་ཆེན་སྔགས་ཀྱི་ཐེག་པ་གསུངས། །
བ་རྒན་འདྲ་བའི་འགྲོ་བ་རྣམས་ལ་ལམ་སྣ་སྟོན་པའི་དེད་དཔོན་མཆོག །
མ་རིག་མུན་སེལ་ཐུགས་རྗེའི་རྣམ་ཐར་བཅུ་གཉིས་མངོན་སུམ་རྒྱན་ཏུ་བཞུགས། །
ཙ་ར་མེད་པའི་རྟོག་སྒྲུང་མ་ཡིན་འགྲོ་དྲུག་སྣང་བར་མངོན་རྗེས་བཀྲ། །
ཚ་གྲང་སྡུག་བསྔལ་ནད་རིགས་ཀུན་སེལ་སྨན་མཆོག་བརྒྱད་ཁྲི་བཞི་སྟོང་ཤིས། །
ཛ་དྲག་གནོད་པའི་འཇིགས་བསྐུལ་མ་ཡིན་འདི་ཕྱིའི་ཚེ་སྲོག་ཕན་ཞིང་བདེ། །
ཝ་ལེར་གསལ་བའི་རྒྱལ་བསྟན་ཉི་མ་ཞིང་འདིར་འཆར་བར་ཀུན་ཏུ་ལེགས། །
ཞ་གོས་རིགས་རུས་ཁྱད་པར་མི་བལྟར་སེམས་རྒྱུད་འདུལ་བའི་ཐབས་ཤེས་གང་། །
ཟ་ཧོར་མཁན་ཆེན་མཆོག་ལས་བརྒྱུད་པའི་སྡེ་སྣོད་འཛིན་པའི་དགེ་འདུན་དང་། །
འ་ཅག་ཆོས་རྒྱལ་བཀའ་དྲིན་ཅན་གྱིས་དགེ་ཁྲིམས་དམ་པའི་ལམ་བཟང་ཀུན། །
ཡ་རབས་ཕ་མེས་བརྒྱུད་པའི་སྲོལ་བཟང་འཛིན་སྐྱོང་སྤེལ་བའི་གངས་ཅན་རྒྱལ། །
ར་བ་གངས་དཀར་རི་བོའི་མཚར་སྡུག་ཤེལ་དཀར་ཕྲེང་ལྟར་ཡོངས་སུ་བསྐོར། །
ལ་ལུང་དྲི་མེད་རང་བཞིན་རྣམ་དག་འཁོར་ཡུག་གཙང་བདེ་ཆོས་ལྡན་ཞིང་། །
ཤ་ཚ་སྙིང་རྗེ་ལྷན་སྐྱེས་མངའ་བའི་འཕགས་ཡུལ་བསིལ་ལྗོངས་སྣོད་བཅུད་ཀུན། །
ས་ཐོབ་སེམས་དཔའི་འབྱུང་གནས་གང་དེར་སྲས་བཅས་རྒྱལ་བས་བསྔགས་པར་འོས། །
ཨ་ལ་ལ་ཧོ་སངས་རྒྱས་འཁྲུངས་སྐར་བཀྲ་ཤིས་བདེ་ལེགས་འཚམས་འདྲི་བཅས། །
ཧ་ཤང་རྒན་པོའི་རྣལ་འབྱོར་ལྡན་པའི་དཔལ་དགྱེས་རྡོ་རྗེས་གུས་ཕྱག་མཆོད། །
གནའ་དེང་ཟུང་གྱི་རྣམ་དཔྱོད་ལྡན་པའི་མཁས་གྲུབ་རྒྱལ་བའི་སྲས་པོ་རྣམས། །
ཚོགས་གཉིས་རྒྱ་མཚོའི་དཔལ་ཡོན་རོལ་བའི་ཆོས་གྲོགས་ཡོངས་ལ་རྟེན་འབྲེལ་སྨོན། །
འཇིག་རྟེན་ཡང་དག་དགེ་བཅུའི་དཔལ་ཡོན་སྐྱེ་རྒུ་རྣམས་ཀྱིས་ལེགས་སྤྱོད་ཅིང་། །
མངོན་མཐོ་ངེས་ལེགས་ཐར་བའི་གོ་འཕང་དཀའ་ཚེགས་མེད་ལེགས་འགྲུབ་ནས། །
བྱང་ཆུབ་སེམས་དང་སྣང་སྲིད་དག་པའི་ལྷ་ལམ་ཡངས་པར་མྱུར་བགྲོད་པའི། །
རྒྱལ་བསྟན་མདོ་སྔགས་བཤད་སྒྲུབ་ཕྲིན་ལས་ཀུན་གསལ་ཁྱོན་ཀུན་ཁྱབ་གྱུར་ཅིག །
ཅེས་པ་འདི་ཡང་རབ་རྒྱན་ཆུ་སྦྲུལ་ས་གྷ་ཟླ་བའི་ཡར་ཚེས་ནས་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེན་པོ་ལྡན་པ་རྫོགས་པའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཤྰཀྱ་ཐུབ་པའི་འཁྲུངས་སྐར་དུས་ཆེན་ཞིག་བོད་རྒྱལ་ཁབ་ཆེན་པོའི་མཉམ་ཚེས་ཀྱི་སྲི་ཞི་དགོས་པའི་འབོད་བསྐུལ་དུ་དུས་རབས་ཉེར་གཅིག་ཚེས་ནས་བཟུང་ཀླུ་སྒྲུབ་གཉིས་པ་ཀླུ་སྨྱོན་ཧེ་རུ་ཀས་ཡང་ཡང་བདག་ཅག་གི་སྟོན་པའི་འཁྲུངས་སྐར་ཕྱག་ལེན་གྱི་ཤིང་རྟའི་སྲོལ་ཆེན་ཕྱེས་ཤིང་།ཡུལ་ཟླ་རྒྱུད་ཀྱི་མཁན་ཆེན་རྫ་ཚེ་རིང་བཀྲ་ཤིས་ཀྱིས་འཁྲུངས་སྐར་བདེ་ལེགས་རྒྱུད་འཛིན་དུ་དཔལ་ལྡན་ཟླ་བ་གྲགས་པ་ལྟ་བུས་རྩོམ་སྐུལ་གནང་བའི་རྐྱེན་ལས་ཆོས་མཆེད་དམ་པའི་ཕྱག་ལས་ལ་ཡི་རང་དང་དུས་ཆེན་སུམ་འཛོམས་ལ་དགེ་བསྐུལ་ལ་ཤྲྰི་ཨ་ནནྟ་བཛྲས་ཅི་དྲན་དུ་དབྱིན་ཡུལ་ཨེ་ཝྃ་རྫོགས་ཆེན་ཆོས་ཚོགས་ཁང་ངམ་བཀའ་གཏེར་གླེགས་བམ་བརྩེགས་པའི་གུར་ཁང་ནས་བྲིས་པ་དོན་དང་ལྡན་པར་སྨོན་ནོ།། །།
![0-23](http://www.khabdha.org/wordpress/wp-content/uploads/2013/05/0-23.jpeg)
ཀ་མ་ལ་ལྟར་ཐུགས་བསྐྱེད་མཚུངས་མེད་བསྐལ་བཟང་སངས་རྒྱས་སྟོང་ལས་ལྷག །
ཁ་ཡེ་ལ་སོགས་མཐར་འཛིན་ལྟ་བས་འགྲན་པའི་ཟླ་མེད་དམ་ཆོས་གསུངས། །
ག་བུར་དབང་ལྟར་ཞི་བསིལ་དཔག་མེད་འཕགས་ཚོགས་རྒྱུ་སྐར་དབུས་ན་མཛེས། །
ང་ཅག་འགྲོ་བར་བཀའ་དྲིན་ཟླ་མེད་ཤྰཀྱ་སེངྒེས་དུས་ཀུན་སྐྱོང་། །
ཅ་ཅོ་བྲེད་མོའི་གཡོ་རྫུན་མེད་པར་བདེན་བཞི་བླང་དོར་སྟོན་མཛད་པའི། །
ཆ་མཉམ་མཐའ་གཉིས་ཕྱོགས་སློང་ཀུན་བྲལ་རྟག་ཆད་མེད་པའི་ལམ་བཟང་བསྟན། །
ཇ་ཆང་འདོད་ཡོན་ཞགས་པས་མ་འཆིང་ཤྰཀྱའི་རྒྱལ་པོའི་རྒྱལ་སྲས་མཆོག །
ཉ་གང་ཟླ་གཞོན་མཁའ་ལ་མཛེས་ལྟར་སྟོན་པ་གཞན་ལས་ཁྱད་པར་འཕགས། །
ཏ་ཐྰ་ག་ཏའི་བསྟན་པ་རིན་ཆེན་འཇིག་རྟེན་ཁམས་སུ་འདྲེན་པའི་མགོན། །
ཐ་དག་རིག་གནས་ཀུན་མཁྱེན་མངའ་བས་ཡང་དག་རྒྱལ་བ་རྫོགས་སངས་རྒྱས། །
ད་དུང་བསྟན་འགྲོར་ཕན་བདེའི་ཕྲིན་ལས་བརླབ་ཆེན་རབ་འབྱམས་ཞིང་ཀུན་མཉམ། །
ན་མོ་དད་གུས་མི་ཕྱེད་འདུད་པས་ཚེ་རབས་གཏན་གྱི་སྐྱབས་སུ་བསྟེན། །
པ་ར་མི་ཏའི་བྱང་ཆུབ་སྤྱོད་འཇུག་རྒྱལ་སྲས་ཐེག་པའི་ས་ལམ་དང་། །
ཕ་མའི་རྒྱུད་སྡེ་ཀུན་འདུས་དགོངས་གནད་གསང་ཆེན་སྔགས་ཀྱི་ཐེག་པ་གསུངས། །
བ་རྒན་འདྲ་བའི་འགྲོ་བ་རྣམས་ལ་ལམ་སྣ་སྟོན་པའི་དེད་དཔོན་མཆོག །
མ་རིག་མུན་སེལ་ཐུགས་རྗེའི་རྣམ་ཐར་བཅུ་གཉིས་མངོན་སུམ་རྒྱན་ཏུ་བཞུགས། །
ཙ་ར་མེད་པའི་རྟོག་སྒྲུང་མ་ཡིན་འགྲོ་དྲུག་སྣང་བར་མངོན་རྗེས་བཀྲ། །
ཚ་གྲང་སྡུག་བསྔལ་ནད་རིགས་ཀུན་སེལ་སྨན་མཆོག་བརྒྱད་ཁྲི་བཞི་སྟོང་ཤིས། །
ཛ་དྲག་གནོད་པའི་འཇིགས་བསྐུལ་མ་ཡིན་འདི་ཕྱིའི་ཚེ་སྲོག་ཕན་ཞིང་བདེ། །
ཝ་ལེར་གསལ་བའི་རྒྱལ་བསྟན་ཉི་མ་ཞིང་འདིར་འཆར་བར་ཀུན་ཏུ་ལེགས། །
ཞ་གོས་རིགས་རུས་ཁྱད་པར་མི་བལྟར་སེམས་རྒྱུད་འདུལ་བའི་ཐབས་ཤེས་གང་། །
ཟ་ཧོར་མཁན་ཆེན་མཆོག་ལས་བརྒྱུད་པའི་སྡེ་སྣོད་འཛིན་པའི་དགེ་འདུན་དང་། །
འ་ཅག་ཆོས་རྒྱལ་བཀའ་དྲིན་ཅན་གྱིས་དགེ་ཁྲིམས་དམ་པའི་ལམ་བཟང་ཀུན། །
ཡ་རབས་ཕ་མེས་བརྒྱུད་པའི་སྲོལ་བཟང་འཛིན་སྐྱོང་སྤེལ་བའི་གངས་ཅན་རྒྱལ། །
ར་བ་གངས་དཀར་རི་བོའི་མཚར་སྡུག་ཤེལ་དཀར་ཕྲེང་ལྟར་ཡོངས་སུ་བསྐོར། །
ལ་ལུང་དྲི་མེད་རང་བཞིན་རྣམ་དག་འཁོར་ཡུག་གཙང་བདེ་ཆོས་ལྡན་ཞིང་། །
ཤ་ཚ་སྙིང་རྗེ་ལྷན་སྐྱེས་མངའ་བའི་འཕགས་ཡུལ་བསིལ་ལྗོངས་སྣོད་བཅུད་ཀུན། །
ས་ཐོབ་སེམས་དཔའི་འབྱུང་གནས་གང་དེར་སྲས་བཅས་རྒྱལ་བས་བསྔགས་པར་འོས། །
ཨ་ལ་ལ་ཧོ་སངས་རྒྱས་འཁྲུངས་སྐར་བཀྲ་ཤིས་བདེ་ལེགས་འཚམས་འདྲི་བཅས། །
ཧ་ཤང་རྒན་པོའི་རྣལ་འབྱོར་ལྡན་པའི་དཔལ་དགྱེས་རྡོ་རྗེས་གུས་ཕྱག་མཆོད། །
གནའ་དེང་ཟུང་གྱི་རྣམ་དཔྱོད་ལྡན་པའི་མཁས་གྲུབ་རྒྱལ་བའི་སྲས་པོ་རྣམས། །
ཚོགས་གཉིས་རྒྱ་མཚོའི་དཔལ་ཡོན་རོལ་བའི་ཆོས་གྲོགས་ཡོངས་ལ་རྟེན་འབྲེལ་སྨོན། །
འཇིག་རྟེན་ཡང་དག་དགེ་བཅུའི་དཔལ་ཡོན་སྐྱེ་རྒུ་རྣམས་ཀྱིས་ལེགས་སྤྱོད་ཅིང་། །
མངོན་མཐོ་ངེས་ལེགས་ཐར་བའི་གོ་འཕང་དཀའ་ཚེགས་མེད་ལེགས་འགྲུབ་ནས། །
བྱང་ཆུབ་སེམས་དང་སྣང་སྲིད་དག་པའི་ལྷ་ལམ་ཡངས་པར་མྱུར་བགྲོད་པའི། །
རྒྱལ་བསྟན་མདོ་སྔགས་བཤད་སྒྲུབ་ཕྲིན་ལས་ཀུན་གསལ་ཁྱོན་ཀུན་ཁྱབ་གྱུར་ཅིག །
ཅེས་པ་འདི་ཡང་རབ་རྒྱན་ཆུ་སྦྲུལ་ས་གྷ་ཟླ་བའི་ཡར་ཚེས་ནས་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེན་པོ་ལྡན་པ་རྫོགས་པའི་སངས་རྒྱས་བཅོམ་ལྡན་འདས་དེ་བཞིན་གཤེགས་པ་ཤྰཀྱ་ཐུབ་པའི་འཁྲུངས་སྐར་དུས་ཆེན་ཞིག་བོད་རྒྱལ་ཁབ་ཆེན་པོའི་མཉམ་ཚེས་ཀྱི་སྲི་ཞི་དགོས་པའི་འབོད་བསྐུལ་དུ་དུས་རབས་ཉེར་གཅིག་ཚེས་ནས་བཟུང་ཀླུ་སྒྲུབ་གཉིས་པ་ཀླུ་སྨྱོན་ཧེ་རུ་ཀས་ཡང་ཡང་བདག་ཅག་གི་སྟོན་པའི་འཁྲུངས་སྐར་ཕྱག་ལེན་གྱི་ཤིང་རྟའི་སྲོལ་ཆེན་ཕྱེས་ཤིང་།ཡུལ་ཟླ་རྒྱུད་ཀྱི་མཁན་ཆེན་རྫ་ཚེ་རིང་བཀྲ་ཤིས་ཀྱིས་འཁྲུངས་སྐར་བདེ་ལེགས་རྒྱུད་འཛིན་དུ་དཔལ་ལྡན་ཟླ་བ་གྲགས་པ་ལྟ་བུས་རྩོམ་སྐུལ་གནང་བའི་རྐྱེན་ལས་ཆོས་མཆེད་དམ་པའི་ཕྱག་ལས་ལ་ཡི་རང་དང་དུས་ཆེན་སུམ་འཛོམས་ལ་དགེ་བསྐུལ་ལ་ཤྲྰི་ཨ་ནནྟ་བཛྲས་ཅི་དྲན་དུ་དབྱིན་ཡུལ་ཨེ་ཝྃ་རྫོགས་ཆེན་ཆོས་ཚོགས་ཁང་ངམ་བཀའ་གཏེར་གླེགས་བམ་བརྩེགས་པའི་གུར་ཁང་ནས་བྲིས་པ་དོན་དང་ལྡན་པར་སྨོན་ནོ།། །།
འཁྲུངས་སྐར་སྐོར་གྱི་པར་རིས་གསར་འགྱུར་གལ་ཆེན།
རྫ་ཚེ་རིང་བཀྲ་ཤིས།
འཁྲུངས་སྐར་བདེ་ལེགས།
གཟའ་ཉི་མའི་ཉིན་(2013/5/12)གྱི་དགུང་མོ་ཐའེ་ཝན་རྒྱལ་སའི་རང་དབང་ཐང་ཆེན་དུ་ཚི་ཅི་ཚོགས་པས་དབུ་ཁྲིད་པའི་དད་ལྡན་ཁྲི་གསུམ་ཙམ་གྱིས་སངས་རྒྱས་ཀྱི་འཁྲུངས་སྐར་སྲུང་རྩི་ཞུས་པ།
![](http://www.sangdhor.com/manage/news_p//936937_615362028476536_2016634728_n%20(Custom).jpg)
ཚོགས་པས་ཆེད་དུ་གདན་ཞུས་གནང་བའི་བོད་ཀྱི་དགེ་འདུན་པའི་ཟུར་ངོས་གཅིག
![](http://www.sangdhor.com/manage/news_p//971760_615361981809874_1430043934_n%20(Custom).jpg)
ལས་རིགས་སོ་སོའི་དད་ལྡན་མི་མང་།
![](http://www.sangdhor.com/manage/news_p//400656_527795460616129_1664316038_n%20(Custom).jpg)
ཐའེ་ཝན་གྱི་དབྱངས་ཀྱི་རྒྱལ་མོ་གླུ་མ་ཚཱ་ཡི་ལན་དང་ཁོང་གི་ནང་མི།
![](http://www.sangdhor.com/manage/news_p//487447_615362075143198_1889641491_n%20(Custom).jpg)
ཐའེ་ཝན་སྲིད་འཛིན་ལས་ཐོག་པ་དང་ཁོང་གི་བློན་ཆེན་རྣམ་པས་ཆར་གོན་གྱོན་ནས་མུ་མཐུད་སངས་རྒྱས་ལ་བསྟོད་དབྱངས་གྱེར་བཞིན་པ།
![](http://www.sangdhor.com/manage/news_p//600876_10151392578806017_1003778243_n%20(Custom).jpg)
ཐའེ་ཝན་གྱི་གླུ་མ་གྲགས་ཅན་བཤུ་རོ་བཤུན་གྱིས་སྒེར་གྱི་ངོ་དེབ་ཏུ་བཞག་པའི་མོ་རང་འཁྲུངས་སྐར་ལ་ཞུགས་པའི་སྐབས་ཀྱི་རྣམ་པ།
![](http://www.sangdhor.com/manage/news_p//179901_615362091809863_1385870943_n%20(Custom).jpg)
ཆར་བའི་ཁྲོད་ནས་གཡོ་མེད་དད་པ་མཚོན།
![](http://www.sangdhor.com/manage/news_p//923074_614935618519177_1387736603_n%20(Custom).jpg)
![](http://www.sangdhor.com/manage/news_p//601896_614935701852502_1998627671_n.jpg)
ཟིན་བྲིས་བདག་པོའི་སྐབས་འདིའི་མཉམ་ཞུགས་ཀྱི་རྣམ་པ།
ཚི་ཅི་ནས་འདི་ལོར་འཛམ་གླིང་གི་རྒྱལ་ཁབ་དང་ས་ཁུལ་བཅུ་ཕྲག་དུ་མའི་ནང་རྣམ་པ་དང་རྒྱ་ཁྱོན་མི་འདྲ་བའི་འཁྲུངས་སྐར་སྲུང་རྩི་ཞུས་པ་དག་ལ་མཉམ་ཞུགས་ཁྱོན་མི་ཁྲི་སུམ་ཅུ་བརྒལ་ཟིན་ཞེས་བཤད་འདུག
ཏོག་ཙམ་རྗེས་ནས་དེ་ལས་ཀྱང་གཞི་རྒྱ་ཆེ་བའི་སངས་རྒྱས་ཀྱི་དུས་དྲན་གཉིས་པ་ཞིག་གི་པར་རིས་ངོ་སྤྲོད་བྱ་རྒྱུ་ཡིན་པས་དེ་ལུགས་དུས་ཐོག་ཏུ་ངའི་ཟིན་བྲིས་སུ་ཕེབས་རོགས།
Subscribe to:
Post Comments (Atom)
0 comments:
Post a Comment