Thursday, 30 May 2013
01:33 | 
Posted by
༄༅།། ཨེ་མ་ཧོའི་རིག་མཛོད་། |
གནས་ཆུང་གིས་བཀའ་ཕེབས་སོང་།
འདོན་སྤེལ། ༢༠༡༣/༠༥/༢༩
དེ་རིང་བཀའ་ཤག་གིས་གསལ་བསྒྲགས་སྤེལ་ཏེ་གནས་ཆུང་ཆོས་རྒྱལ་ཆེན་པོས་བོད་མིའི་རང་ལུས་མེར་བསྲེགས་མཚམས་འཇོག་གནང་ན་ལེགས་པའི་བཀའ་ལུང་ཕེབས་ཡོད་སྐོར་གསུངས་འདུག
དེ་རིང་ཕྱི་དྲོར་བཀའ་ཤག་གིས་གསལ་བསྒྲགས་ཤིག་སྤེལ་ཏེ། ཉེ་ལམ་རྒྱ་ནག་གཞུང་འབྲེལ་སི་སི་བརྙན་འཕྲིན་བརྒྱུད་བོད་ནང་གི་རང་ལུས་མེ་བསྲེགས་ཀྱི་འབྱུང་རྐྱེན་ཕྱི་ཕྱོགས་ཀྱི་ངན་སྐུལ་ཡིན་པ་དང་། དེའི་སྒྲུབ་བྱེད་དུ་༧གོང་ས་མཆོག་དང་སྲིད་སྐྱོང་། བཀའ་ཟུར་ཀིརྟི་རིན་པོ་ཆེ་མཆོག་བཅས་ཀྱི་གསུང་བཤད་བཅད་གཏུབ་ཀྱིས་བརྙན་པར་བཟོས་ཡོད་པའི་རྫུན་གཏམ་དེ་དག་གིས་རྒྱལ་སྤྱིའི་སྤྱི་ཚོགས་ལྐུག་པར་རྩིས་པ་ཡིན་སྐོར་དང་། བོད་མིའི་སྒྲིག་འཛུགས་ཀྱིས་སྔོན་མ་ནས་ལས་འགུལ་ཚབས་ཆེན་རིགས་མི་སྤེལ་རྒྱུའི་འབོད་སྐུལ་ཞུས་ཡོད་པ་དང་། ཟླ་འདིའི་ཚེས་ ༡༨ ཉིན་བཅས་སུ་གནས་ཆུང་ཆོས་རྒྱལ་ཆེན་པོས ་བོད་མིའི་རང་ལུས་མེར་བསྲེགས་མཚམས་འཇོག་དགོས་པའི་བཀའ་ལུང་བསྩལ་བ་ལྟར། གཞིས་བྱེས་བོད་ཡོངས་ཀྱིས་རང་ལུས་མེར་ བསྲེགས་ཚབས་ཆེའི་ལས་འགུལ་རིགས་ མི་སྤེལ་རྒྱུའི་སྐུལ་ཞུས་འདུག
བཀའ་
བོད་མིའི་སྒྲིག་འཛུགས་ཀྱི་ངོས་ནས་ཐོག་མ་ཉིད་ནས་ཚབས་ཆེའི་ལས་འགུལ་དེ་རིགས་མུ་མཐུད་མི་སྤེལ་བའི་འབོད་བསྐུལ་གསལ་ལ་ནན་པ་ཡོངས་ཁྱབ་ཏུ་ཞུས་ཡོད་པ་དང༌། ང་ཚོས་ཁ་ཞེ་གཉིས་མེད་དང་བསམ་པ་རྣམ་དག་གིས་འབོད་བསྐུལ་དང་འབད་རྩོལ་ཇི་ལྟར་ཞུས་ཡོད་མེད་ཕྱི་ནང་ཀུན་གྱི་དྲན་ལམ་དང་མིག་སྔར་གནས་ཡོད་པ་མ་ཟད། ཡིད་ཆེས་དང་གདེང་འཇོག་འཕེར་བའི་རྒྱལ་སྤྱིའི་གྲགས་ཅན་ཚོགས་སྒེར་མང་པོས་ཀྱང་དེ་དག་ལ་ངོས་ལེན་དང་བདེན་དཔང་གསལ་པོ་བྱས་ཡོད།
ཉེ་སྔོན་ཕྱི་ལོ་ ༢༠༡༣ ཟླ་ ༤ ཚེས་ ༡༢ དང་ཕྱི་ལོ་ ༢༠༡༣ ཟླ་ ༥ ཚེས་ ༡༨ སོ་སོར་བོད་མིའི་སྒྲིག་འཛུགས་ཀྱི་གཞུང་བསྟེན་དགྲ་ལྷའི་གཙོ་བོ་གནས་ཆུང་ཆོས་རྒྱལ་ཆེན་པོས་བཀའ་ལུང་བསྩལ་བའི་ནང་དུའང༌། བོད་མི་རྣམས་ཀྱིས་རང་ལུས་མེར་སྲེག་མཚམས་འཇོག་བགྱིས་ན་ལེགས་ཚུལ་ཕེབས་ཡོད་པ་ལྟར། ད་ལམ་ཡོངས་ཁྱབ་གསལ་བསྒྲགས་འདི་བརྒྱུད་གཞིས་བྱེས་བོད་རིགས་སྤུན་ཟླ་ཡོངས་ལ་རང་ལུས་མེར་སྲེག་གིས་གཙོས་ཚབས་ཆེའི་ལས་འགུལ་རིགས་མ་སྤེལ་རོགས་ཞེས་འབོད་བསྐུལ་བསྐྱར་ནན་ཞུ་རྒྱུ་ཡིན། བོད་མི་སྤྱི་ཡོངས་ཀྱི་མངོན་འདོད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བོད་ལ་གདན་འདྲེན་ཞུ་རྒྱུ་དང༌། བོད་མིའི་རང་དབང་སླར་གསོ་ཡོང་ཐབས་ལ་འབད་བརྩོན་མུ་མཐུད་ཞུ་རྒྱུ་ཡིན་ན། དེ་ལུགས་ཚང་མས་ཐུགས་སྣང་གཟབ་བསྐྱེད་གནང་འོས ” ཞེས་བཀོད་འདུག
Subscribe to:
Post Comments (Atom)
0 comments:
Post a Comment