དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Saturday 23 November 2013

༄༅། །སྙིང་གཏམ་ཡིད་ཀྱི་མེ་ལོང་། །


ན་མོ་གུ་རུ་བྷྱ། །


ཀ་དག་ལྷུན་གྲུབ་རིག་པའི་སྐུ། །

ཟུང་འཇུག་བདེ་ཆེན་རྡོ་རྗེའི་གསུང་། ། 

ངེས་དོན་གཉུག་མའི་བདེ་གཤེགས་ཐུགས། །

དབྱེར་མེད་དྲིན་ཆེན་བླ་མས་སྐྱོབས། །

དལ་འབྱོར་རྙེད་དཀའ་རིན་པོ་ཆེ། །

མི་རྟག་སྒོམ་ནས་ཆོས་ལ་བརྩོན། །

ལས་འབྲས་རྟེན་འབྲེལ་བསླུ་མེད་དང་། །

འཁོར་བའི་སྡུག་བསྔལ་ཡང་ཡང་སོམས། །

ངེས་འབྱུང་རྣལ་མའི་གཞི་བརྟན་ནས། །

སྐྱབས་སེམས་ཚོགས་བསགས་སྒྲིབ་སྦྱོང་དང་། །

སོར་བྱང་སྔགས་ཀྱི་སྡོམ་པ་སྲུངས། །

ལྟ་སྒོམ་སྤྱོད་འབྲས་ལྡན་པར་གཅེས། །

ཁྱད་པར་ཀུན་བཟང་བརྒྱུད་པའི་སྲོལ། །

རང་རིག་བླ་མའི་རྣལ་འབྱོར་གྱི། །

ཕྱི་ནང་གསང་བ་ཡང་གསང་གི། །

ངེས་དོན་ཐུགས་ཀྱི་དཔལ་བེའུར་སྟིམས། །

ཐར་པའི་ལམ་སྣ་ཆོས་ཀྱིས་ཟིན། །

ཉན་རང་དགྲ་བཅོམ་གོ་འཕང་ཐོབ། །

བྱང་ཆུབ་སེམས་མཆོག་ཐུགས་ལ་འཁྲུངས། །

གསང་ཆེན་བསྟན་པ་སྤེལ་གྱུར་ཅིག །

སྤྲོས་བྲལ་དབུ་མའི་དེ་ཉིད་གོ །

བདེ་ཆེན་ཕྱག་རྒྱའི་བྱིན་རླབས་མྱོང་། །

ཡེ་གྲོལ་རྫོགས་ཆེན་རིག་པ་རྟོགས། །

འབྲལ་མེད་ཚེ་འདིར་སངས་རྒྱས་ཤོག །

ཅེས་རབ་རྒྱན་ཆུ་སྦྲུལ་ལྷ་བབས་སྒྲུབ་ཆེན་སྐབས་སུ་འཕགས་ཡུལ་གངས་ལྡན་ལ་དྭགས་ཀྱི་མཁའ་འགྲོ་མ་རིག་འཛིན་སྒྲོལ་དཀར་གྱིས་གསུང་བསྐུལ་ལྟར་རིག་འཛིན་ཨེ་མ་ཧོས་ཨེ་ཝྃ་སྨན་ཁང་ནས་བྲིས་པར་དགེའོ། །

0 comments:

ཟིན་བྲིས་འཚོལ་ཡུལ