༄༅།། ཨེ་མ་ཧོའི་རིག་མཛོད།

༄༅། །སྙིང་གཏམ་ཡིད་ཀྱི་མེ་ལོང་། །

ན་མོ་གུ་རུ་བྷྱ། །

ཀ་དག་ལྷུན་གྲུབ་རིག་པའི་སྐུ། །

ཟུང་འཇུག་བདེ་ཆེན་རྡོ་རྗེའི་གསུང་། ། 

ངེས་དོན་གཉུག་མའི་བདེ་གཤེགས་ཐུགས། །

དབྱེར་མེད་དྲིན་ཆེན་བླ་མས་སྐྱོབས། །

དལ་འབྱོར་རྙེད་དཀའ་རིན་པོ་ཆེ། །

མི་རྟག་སྒོམ་ནས་ཆོས་ལ་བརྩོན། །

ལས་འབྲས་རྟེན་འབྲེལ་བསླུ་མེད་དང་། །

འཁོར་བའི་སྡུག་བསྔལ་ཡང་ཡང་སོམས། །

ངེས་འབྱུང་རྣལ་མའི་གཞི་བརྟན་ནས། །

སྐྱབས་སེམས་ཚོགས་བསགས་སྒྲིབ་སྦྱོང་དང་། །

སོར་བྱང་སྔགས་ཀྱི་སྡོམ་པ་སྲུངས། །

ལྟ་སྒོམ་སྤྱོད་འབྲས་ལྡན་པར་གཅེས། །

ཁྱད་པར་ཀུན་བཟང་བརྒྱུད་པའི་སྲོལ། །

རང་རིག་བླ་མའི་རྣལ་འབྱོར་གྱི། །

ཕྱི་ནང་གསང་བ་ཡང་གསང་གི། །

ངེས་དོན་ཐུགས་ཀྱི་དཔལ་བེའུར་སྟིམས། །

ཐར་པའི་ལམ་སྣ་ཆོས་ཀྱིས་ཟིན། །

ཉན་རང་དགྲ་བཅོམ་གོ་འཕང་ཐོབ། །

བྱང་ཆུབ་སེམས་མཆོག་ཐུགས་ལ་འཁྲུངས། །

གསང་ཆེན་བསྟན་པ་སྤེལ་གྱུར་ཅིག །

སྤྲོས་བྲལ་དབུ་མའི་དེ་ཉིད་གོ །

བདེ་ཆེན་ཕྱག་རྒྱའི་བྱིན་རླབས་མྱོང་། །

ཡེ་གྲོལ་རྫོགས་ཆེན་རིག་པ་རྟོགས། །

འབྲལ་མེད་ཚེ་འདིར་སངས་རྒྱས་ཤོག །