Thursday 26 December 2013
03:14 | 
Posted by
༄༅།། ཨེ་མ་ཧོའི་རིག་མཛོད་། |
པཎ་ཆེན་སྐུ་ཕྲེང་བཅུ་པའི་གཉེན་སྒྲིག།
|
པཎ་ཆེན་སྐུ་ཕྲེང་བཅུ་པའི་སྐུ་ཟླ་ལིས་ཇེ་ལགས་ནི། རྒྱ་ནག་གོ་མིན་ཏང་གི་སྒོ་འབྱེད་དམག་དཔོན་ཏོང་ཆིན་ཝུ་ཡི་ཚྭ་མོ་ཡིན་པ་དང་། ཏོང་ཆིན་ཝུ་ལགས་ནི་སྔོན་གོ་མིན་ཏང་ཐོ་ཡོན་ཞིང་ཆེན་སྲིད་གཞུང་གི་གཙོ་འཛིན་དང་བདེ་འཇགས་དམག་མིའི་དམག་སྤྱི་གཅིག་ལྕོགས་དང་། ནུབ་བྱང་དམག་དོན་ཚན་ཁག་གི་འགོ་གཙོ་གཞོན་པ་བཅས་ཡིན། སྤྱི་ལོ1949ལོའི་ ཟླ་བ9པའི་ཚེ་19ཉིན་རང་ཁོངས་དམག་མི་ཚོའི་དབུ་ཁྲིད་དེ་གོ་མིན་ཏང་ལ་གྱེན་ལོག་བྱས་པས་ན། ཕྱིས་སུ་སྤྱི་ལོ་1955ལོའི་ཟླ་9པར་བཅིངས་གྲོལ་དམག་གིས་སྒོ་འབྱེད་དམག་དཔོན་གྱི་མཚན་གནས་གསོལ་པ་རེད།
ལིས་ཇེ་ལགས་ནི་སྤྱི་ལོ1958ལོར་པེ་ཅིང་དུ་སྐུ་འཁྲུངས་པ་དང་། འབྲིང་རིམ་སློབ་གྲྭ་ནས་མཐར་ཕྱིན་རྗེས། རང་བཞིན་གྱིས་མཛེས་ཉམས་དོད་པའི་ལིས་ཇེ་ལགས་ནི། སྤོ་བོ་ ཏོང་ཆིན་ཝུ་ལགས་ཀྱི་དམག་སྒར་ཨང་69པའི་སྨན་ཞབས་དམག་ནང་འཛུལ་པ་དང་།དེའི་རྗེས་མོས་དམག་ཁོངས་སྨན་པའི་མཐོ་སློབ་རུ་ཁག་བཞི་པའི་ནང་དམག་མིའི་སྨན་པའི་སྡེ་ཚན་དུ་རྒྱུགས་འཕྲོད་པ་རེད། མོ་ནི་དམག་སྨན་མཐོ་སློབ་ཀྱི་མཛེས་མ་གྲགས་ཤོས་ཤིག་ཡིན།དམག་མིའི་ཁྱིམ་ཚང་ནང་འཚར་ལོངས་བྱུང་བའི་མཛེས་མ་ཁོང་ནི། རང་ཉིད་ལས་ལོ་ངོ་ 20ཙམ་ཆེ་བའི་བོད་རིགས་བླ་ཆེན་ཞིག་དང་བརྩེ་དུང་གི་ལས་འབྲེལ་ཇི་ལྟར་བྱུང་པ་ཡིན་ནམ། གཤམ་ལ་རྣམ་པ་ཚོར་ཡ་མཚན་གྱི་སྒྲུང་གཏམ་འདིའི་སྐོར་མདོར་བསྡུས་ཤིག་ཞུ་རྒྱུ་ ཡིན། སྤྱི་ལོ་1978ལོའི་ཟླ་3་པར། སྐབས་ལྔ་པའི་རྒྱལ་ཡོངས་ཆབ་སྲིད་གྲོས་མོལ་ལྷན་ཚོགས་མཇུག་བསྒྲིལ་པ་དང་། དབུས་གཞུང་གིས་དམིགས་བསལ་གོ་གནས་དང་གནས་རིམ་འཛིན་པའི་མི་སྣ་ཁག་ཅིག་ནས་ལྟ་ཞིབ་ཚོགས་པ་ཞིག་འཛུགས་པ་དང་། ཁོང་ཚོར་མེས་རྒྱལ་གྱི་ འགྱུར་ལྡོག་ལ་གཟིགས་སྐོར་དང་སྤྲོ་འཆམ་བྱེད་དུ་བཅུག་པ་རེད། པཎ་ཆེན་སྐུ་ཕྲེང་བཅུ་པ་མཆོག་ནི་རུ་ཁག་དེའི་ནང་དགོང་ལོ་ཆུང་ཤོས་དེ་ཡིན། རུ་ཁག་དེའི་འགོ་གཙོ་གཞོན་པ་ནི་ཏོང་ཆིན་ཝུ་ལགས་ཡིན། དུས་ཡུན་ཟླ་བ་གཉིས་ཙམ་གྱི་ལྟ་ཞིབ་འགྲོགས་འབྲེལ་ནང་། པཎ་ཆེན་སྐུ་ཕྲེང་བཅུ་པ་མཆོག་དང་ཏོང་ཆིན་ཝུ་ལགས་ཀྱི་སྐུ་སྲུང་དམག་དང་འགྲོགས་འབྲེལ་ཟབ་མོར་གྱུར། ཁོང་གིས་སྐུ་སྲུང་དམག་དེ་དང་རྒྱུན་དུ་སྙིང་གཏམ་བརྗོད་རེས་བྱས་པ་ དང་། ཁོང་གིས་བུ་མོ་ཞིག་བཙལ་ཏེ་གཉེན་སྒྲིག་བྱེད་འདོད་ཡོད་པའི་སྐོར་བརྗོད། རིག་ གསར་སྐབས་ལོ་ངོ་བཅུའི་རིང་པཎ་ཆེན་སྐུ་ཕྲེང་བཅུ་བ་མཆོག་བཙོན་ཁང་ནང་ལྷུང་པ་དང་། ཁོང་ལ་ལྟ་སྐྱོང་བྱེད་མཁན་མ་བྱུང་པ་དང་། སྐུ་སྲུང་དམག་དེ་ནི་སྙིང་རྗེ་ཅན་ཞིག་ཡིན་པས་ན། ཁོས་ལམ་སང་རིན་པོ་ཆེ་ལ་གཉེན་སྒྲིག་འདུག་རོགས་ཤིག་བཙལ་རྒྱུ་ཁས་ལེན་བྱས།
ལྟ་ཞིབ་ལས་འགུལ་ཚར་པའི་རྗེས། སྐུ་སྲུང་དམག་དེས་ཏོང་ཆེན་ཝུ་ལགས་ཀྱི་ཚྭ་མོ་ལིས་ཇེ་བཙལ་ཏེ་“ལིས་ཇེ་ཨ། ང་ཚོའི་རུ་ཁག་ནང་པཎ་ཆེན་ཞེས་འབོད་པའི་མི་ཞིག་ཡོད་། ཁྱེད་ཀྱིས་ཁོང་ལ་བུ་མོ་དམག་མི་ཞིག་ངོ་སྤྲོད་བྱེད་ན་འགྲིག་གམ”ཞེས་བཤད། སློབ་སྦྱོང་དེ་ཙམ་བྱས་མྱོང་མེད་པའི་སྐུ་སྲུང་དམག་དེ་ལ་མཚོན་ན་། པཎ་ཆེན་རིན་པོ་ཆེའི་སྐོར་ལ་ཤེས་རྒྱ་ཆུང་མོད། ལིས་ཇེ་ནི་ཆུང་དུས་ནས་སྤོ་བོའི་འཁྲིས་སུ་འཚར་ལོངས་བྱུང་པས། མཐོང་རྒྱ་ ཐོས་རྒྱ་ཆེན་པོ་ཞིག་ཡིན་ལགས་ན། སྐབས་དེ་དུས་ཁོང་གིས་པཎ་ཆེན་རིན་པོ་ཆེ་དངོས་སུ་མཇལ་མྱོང་མེད་ནའང་། པཎ་ཆེན་རིན་པོ་ཆེའི་སྐོར་གོ་ཐོས་ཏན་ཏན་ལོས་ཡོད། དགོང་ལོ་19ལས་སོན་མེད་པའི་ལིས་ཇེ་ལགས་ལ་མཚོན་ན། བོད་ཀྱི་བླ་ཆེན་པཎ་ཆེན་རིན་པོ་ཆེ་ལ་ དོ་སྣང་དང་ཤེས་འདོད་ཆེན་པོ་ཡོད་ཤག་རེད།
ལིས་ཇེ་ལགས་ནི་བག་ཕེབས་ཤིང་སྣང་བ་སྐྱིད་པའི་བུ་མོ་ཞིག་ཡིན་པར་མ་ཟད། སྙིང་རྗེ་ཅན་ཞིག་ཀྱང་ཡིན། གནས་ཚུལ་དེ་ཤེས་རྟོགས་བྱུང་བའི་རྗེས། ཁོང་གིས་ལམ་སང་འགན་དེ་ཁུར་འགོ་བརྩམས། པཎ་ཆེན་རིན་པོ་ཆེ་ལ་བུ་མོ་ངོ་སྤྲོད་བྱེད་པ་ལ་དང་ཐོག་ཁོང་དང་མཇལ་འཕྲད་ཞིག་མ་བྱས་པ་གང་ནས་འགྲིག་སྙམ་སྟེ། སྐུ་སྲུང་དམག་དེ་ལ་ཁོང་གིས་པཎ་ ཆེན་རིན་པོ་ཆེ་དང་མཇལ་འཕྲད་ཐེངས་ཤིག་བྱེད་དགོས་པར་བཤད། རྒྱུ་མཚན་གང་ཡིན་མ་ཤེས་པར། སྐུ་སྲུང་དམག་དེས་གནས་ཚུལ་འདིའི་སྐོར་བརྡ་ལེན་གསལ་པོ་སྤྲོད་མ་ཐུབ་པ་དང་། པཎ་ཆེན་རིན་པོ་ཆེས་དངོས་སུ་བུ་མོ་དང་ཐུག་འཕྲད་དགོས་པར་དགོངས་པ་རེད། ལིས་ཇེ་ལགས་ཀྱིས་མཇལ་འཕྲད་དེ་ཉིད་ལམ་ལྷོང་ཡོང་པ་ལ། རང་གི་སྲུ་མོ་ལྔ་པ་དེ་མཉམ་དུ་ཁྲིད་པ་རེད། གནས་སྟངས་འདི་འདྲའི་འོག་པཎ་ཆེན་རིན་པོ་ཆེ་མཆོག་གིས་ཀྱང་གོ་ནོར་ཐེབས་རྒྱུ་ལོས་ཡིན། ལིས་ཇེ་ལགས་ཀྱིས་ཀྱང་ནོར་བར་བདེན་འཛིན་བྱས་པ་དང་། ད་ལྟ་ བསམ་བློ་ཞིག་བཏང་ན། འདི་དག་ཡོད་ཚད་ལས་མིན་ན་ཅི་ཡིན།
དགའ་བོ་སྒྲིག་མྱོང་མེད་པའི་པཎ་ཆེན་རིན་པོ་ཆེ་མཆོག་ལ་མཚོན་ན། དངོས་གཞིའི་ ཐུག་འཕྲད་ཡིན་ཤག་ཏུ་བརྩིས་ནས། དང་པོ་ཉིད་ནས་ལིས་ཇེ་ལགས་ལ་རང་ཉིད་ཀྱི་གནས་ཚུལ་ངོ་མ་དེ་དྲང་མོར་གསུངས་པ་དང་། རང་ཉིད་ལ་ཅི་ཡང་མེད་ཚུལ་དང་། མོ་རང་ལ་ཅི་ཡང་སྤྲོད་རྒྱུ་མེད་པར་མ་ཚད། རང་ཉིད་ཀྱི་གནད་དོན་ད་དུང་ཡང་གཙང་མ་ཆགས་ མེད་པ་དང་། དབུ་ལ་གཡོགས་པའི་“ཞྭ་ནག་གསུམ་པོ”དེ་ད་དུང་ཡང་ཕུད་ཐུབ་མེད་ལགས་ན། གལ་སྲིད་རྗེས་སུ་མཉམ་དུ་གཉེན་སྒྲིག་བྱུང་ཚེ། མོ་རང་གིས་དུས་ཀུན་དུ་ཁོང་དང་མཉམ་དུ་བཙོན་ཁང་ནང་འགྲོ་ཉེན་ཆེ་པར་སེམས་པས་གྲ་སྒྲིག་དགོས་ཚུལ་སོགས་གསུངས་པ་དང་། སྐད་ཆ་འདི་ཚོས་ལིས་ཇེ་ལ་བག་ཆགས་ཟབ་མོ་བཞག་པ་དང་། ད་བར་འདི་ལྟ་བུའི་ཐུག་འཕྲད་དང་པོ་ནས་རང་ཉིད་སྐོར་དྲང་མོ་དྲང་ཤག་གིས་འགྲེལ་བརྗོད་གནང་མཁན་ཡོད་པ་ཤེས་རྟོགས་མེད་ལ། རྒྱུ་མཚན་དེས་རྐྱེན་པས་ཁོང་གཉིས་བར་བརྩེ་དུང་གི་མྱུ་གུ་འཁྲུངས་འགོ་བརྩམས་པ་རེད།
ཡིན་ནའང་། གནས་ཚུལ་འདིའི་སྐོར་སྤྱི་ཚོགས་ནང་གླེང་སློང་ཆེན་པོ་བྱུང་ཡོད་པ་དང་། ལྷག་པར་ཏུ་ནང་པའི་སྤྱི་ཚོགས་ནས་གནས་ཚུལ་འདིའི་ཐད་མོས་མཐུན་གཏན་ནས་མ་བྱས། སྐབས་དེར་རིན་པོ་ཆེ་མཆོག་ནས་“བླ་མས་ཆུང་མ་བཞེས་པར་ཆོས་ཁྲིམས་དང་གཏན་ནས་འགལ་མེད་པ་དང་། དེ་ཡང་ཏཱ་ལའི་བླ་མའི་གཅེན་པོ་རྒྱལ་ལོ་དོན་གྲུབ་མཆོག་གིས་ཆུང་མ་བཞེས་ཡོད་པ་དང་། ཏཱ་ལའི་བླ་མའི་གཅུང་པོ་མཆོག་གིས་ཀྱང་ཆུང་མ་བཞེས་ཡོད་པ་དང་། ཁོང་ཚོ་ཚང་མ་བླ་མ་ཡིན་པ་རེད། བྱས་ཙང་བླ་མས་ཀྱང་དུས་མཚམས་ཤིག་ལ་ཆུང་མ་བཞེས་ཆོག་པར་བསྟན”ཞེས་འདི་ལྟར་གསུངས།
ཁོང་གཉིས་ཀྱིས་དབུས་གཞུང་ལ་གཉེན་སྒྲིག་ཆོག་པའི་སྙན་ཞུ་ཕུལ་པ་དང་། སྤྱི་ལོ་1968ལོའི་ཟླ་6ཉིན། ཀྲུང་གོའི་ཀྲུང་དབྱངས་སྲིད་འཛིན་གཞོན་པ་དང་། རྒྱལ་སྲིད་སྤྱི་ཁྱབ་ཁང་གི་གཙོ་འཛིན་གཞོན་པ། ཀྲུང་དབྱངས་དམག་དོན་ལྷན་ཁང་གི་གཙོ་འཛིན་གཞོན་པ་དང་བཅིངས་གྲོལ་དམག་མིའི་སྤྱི་ཁྱབ་བཀོད་འདོམ་པ་གཅིག་ལྕོགས་དང་། རྒྱལ་ཡོངས་ཆབ་སྲིད་ལྷན་ཁང་གི་གཙོ་འཛིན་ཏིང་ཕིན་སྐུ་ངོ་མས་ཆོག་མཆན་སྤྲད་པ་དང་། པཎ་ཆེན་རིན་པོ་ཆེ་དང་ལིས་ཇེ་གཉིས་གཉེན་སྒྲིག་བྱེད་པར་མོས་མཐུན་གནང་པ་རེད། དེ་ནས་མི་རིགས་རིག་གཞུང་ཁང་དུ་གཟབ་རྒྱས་ཀྱིས་རྟེན་འབྲེལ་གྱི་གཉེན་སྒྲིག་མཛད་སྒོ་དེ་འཚོགས་པ་རེད་ལ། ལིས་ཤིན་ནན། ཙང་ཨེ་ཕིན། ཡང་དེ་ཙི། ངག་ཕོད་ངག་དབང་འཇིག་མེད་དང་ཙབ་ཕིར་ཚུབ་སོགས་རྟེན་འབྲེལ་གྱི་མཛད་སྒོའི་ཐོག་ཡོང་ཡོད། གཉེན་སྒྲིག་གི་རྗེས། ལིས་ཇེ་ནི་པཎ་ཆེན་རིན་པོ་ཆེ་མཆོག་གི་སྐུ་ཟླ་ཡིན་ལ། ཁོང་གི་དྲུང་ཡིག་ཀྱང་ཡིན།
སྤྱི་ལོ་1983ལོའི་ཟླ་6པར། ཁོང་གཉིས་ལ་བུ་མོ་རིག་འཛིན་དབང་མོ་བྱུང་པ་རེད། (བསྔགས་ཕྱོགས་ནས་བཤད་ན།འདི་ནི་རིག་པའི་ལྷ་མོ་ཞེས་གོ་བ་རེད།) པཎ་ཆེན་སྐུ་ཕྲེང་བཅུ་པ་མཆོག་གི་ཞབས་ཞུ་ཚོས་བོད་རིགས་ཀྱི་སྲོལ་རྒྱུན་འགྲོ་ལུགས་ལྟར་སྲས་མོ་རིག་འཛིན་དབང་མོ་ཞེས་འབོད་སྲོལ་ཡོད།
|
Subscribe to:
Post Comments (Atom)
0 comments:
Post a Comment