Saturday, 30 April 2011
13:49 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །སྒྲིབ་བྲལ་ཤེར་རབ་རྡོ་རྗེར་སྐུལ་བྱེད་སྨིག་སྒྱུའི་སྣང་བརྙན། །
ང་རྒྱལ་དཔའ་གླུ་གཡུ་འབྲུག་སྒྲ་དབྱངས། །
ཤེར་རྡོར་མཆོག་གིས་མགུར་མ་བཞེས་འདུག །
ཀུ་རེ་རྩེད་མོ་དངོས་ནས་མིན་ན། །
ཡང་དག་སྤྲུལ་སྐུ་ཁྱོད་འདྲ་ཞིག་གོ །
བྱང་ཆུབ་སེམས་དང་མཉམ་དུ་སྐྱེས་ན། །
བྱང་སེམས་སྤྲུལ་པ་དེ་ཀ་མིན་ནམ། །
སྐྱེས་སྦྱང་ཤེར་རབ་ཁྱོད་ལ་མཆིས་ན། །
སྐྱེ་སྤྲུལ་བཤད་ཀྱང་དེ་ཀ་རང་ལགས། །
མདོ་རྒྱུད་རྒྱ་མཚོའི་དཀའ་གནད་ཤེས་ན། །
ཉམས་ལེན་དེ་ཀ་མཛོད་དང་སྙིང་ནོར། །
རྟགས་མཚན་བདེན་པ་མངོན་སུམ་བྱུང་ཚེ། །
ཨ་ཕ་ཨ་མ་དགའ་བར་ལོས་བདེན། །
བླ་མ་དམ་པས་སྤྱན་ཆབ་བསིལ་བ། །
དགོས་པ་རྒྱུ་མཚན་དུ་མ་ཡོད་ལགས། །
བྱམས་དང་སྙིང་རྗེའི་བྱིང་ཐག་ཆད་པའི། །
སྒོམ་ཆེན་དེ་ཚོ་བྱི་དྲེད་མིན་ནམ། །
སྐྱེ་བ་དྲན་པ་ཡ་མཚན་མ་རེད། །
མ་སློབ་ཤེས་པ་ངོ་མཚར་ཆེ་ཡང། །
ཀུ་རེ་ཚིག་གིས་ནུས་མེད་བཟོས་འདུག །
སྤྲང་ཕྲུག་རང་སྣང་འུར་ཁུ་མ་འདུག །
ཞི་རྒྱས་དབང་དྲག་རང་དབང་ཐོབ་ནས། །
ས་དགེ་བཀའ་རྙིང་རིས་ཆད་མེད་པར། །
བསྟན་པ་ཡང་དག་འཛིན་སྐྱོང་སྤེལ་བར། །
དགྱེས་པ་རྡོ་རྗེས་དགག་དགོས་མི་འདུག །
མཁས་བཙུན་བཟང་གསུམ་ཡོན་ཏན་ཐོབ་པ། །
འཆད་རྩོད་རྩོམ་པས་བསྟན་པ་འཛིན་པ། །
བསྙེན་སྒྲུབ་ཕྲིན་ལས་འཁོར་ལོ་བསྒྱུར་བ། །
ཐལ་ངག་འདི་ཚོས་སྔ་རྒོལ་མིན་ནོ། །
རང་རིག་མ་ཤེས་རང་སྣང་གང་ཤར་བ། །
འཁོར་བ་སྒྲུབ་པའི་རྫུན་དང་གཡོ་སྒྱུ། །
ཀུན་བདེ་རིག་པ་འདོད་རྣམས་འཁྲུལ་ཐལ། །
སྤྲུལ་སྐུ་ཡང་དག་མ་འཁྲུལ་ཤེས་ན། །
འཁྲུལ་བ་ཞིག་པའི་བླ་མ་ལོས་ཡིན། །
མི་ཆོས་བླ་མའི་རྫུན་དེ་བཤད་ན། །
མི་རིགས་ཉམ་ཆུང་ཨ་སྡུག་ཡང་སྡུག །
ཞི་ལྷ་ཟླ་གྲགས་རྒྱལ་དང་དགོངས་མཉམ། །
ལོག་འཚོ་ངན་པས་གཞན་དབང་མ་སོང་། །
སྒྱུ་མའི་ཟས་ཀྱི་འཚོ་བ་སྒྲུབ་པ། །
གྲུབ་ཐོབ་གོང་མའི་ཁྱད་ཆོས་མིན་ནམ། །
ཤེར་མདོར་གསུངས་པའི་སྤྲུལ་བ་དེ་དང་། །
སྒྱུ་འཕྲུལ་སྤྲུལ་བའི་ཟློས་གར་སྣང་བ། །
བསམ་བཞིན་བསྟན་འགྲོར་ཕན་བདེར་ཕེབས་རྣམས། །
ཁྱད་པར་ཆེ་ཆུང་མཆོག་གིས་དཔྱོད་ཅིག །
སྔོན་བྱོན་དོན་གཟིགས་མཁྱེན་སྤྱན་ལྡན་པ། །
དེང་དུས་ཆགས་སྡང་རྫུན་འཕྲུལ་གཡོ་སྒྱུ། །
ཀུན་སྤྱོད་མཐོང་བར་མངོན་སུམ་མིན་ནམ། །
བསྟན་པ་རྩེད་མོ་མཐོང་བའི་སྒྲིབ་བྲལ། །
བསྟན་འཛིན་བསྟན་བཤིག་ཤེས་རབ་མེད་ན། །
བསམ་བཞིན་སྤྲུལ་ཞེས་རྡོ་རྗེ་ཚིག་དེ། །
ནུས་མེད་བཤད་པས་གནའ་དེང་མཁྱེན་འཚལ། །
རང་བློ་རང་རིག་ལྐོག་གྱུར་མེད་ན། །
རང་གཤིས་རིག་པ་ནང་ནས་མཐོང་བས། །
རང་གི་གྲོགས་མཆེད་སློབ་སྟོན་གནང་བར། །
རང་ལུགས་བསྟན་པ་འཛིན་སྐྱོང་སྤེལ་ལོ། །
ང་རྒྱལ་དཔའ་གླུ་གཡུ་འབྲུག་སྒྲ་དབྱངས། །
ཤེར་རྡོར་མཆོག་གིས་མགུར་མ་བཞེས་འདུག །
ཀུ་རེ་རྩེད་མོ་དངོས་ནས་མིན་ན། །
ཡང་དག་སྤྲུལ་སྐུ་ཁྱོད་འདྲ་ཞིག་གོ །
བྱང་ཆུབ་སེམས་དང་མཉམ་དུ་སྐྱེས་ན། །
བྱང་སེམས་སྤྲུལ་པ་དེ་ཀ་མིན་ནམ། །
སྐྱེས་སྦྱང་ཤེར་རབ་ཁྱོད་ལ་མཆིས་ན། །
སྐྱེ་སྤྲུལ་བཤད་ཀྱང་དེ་ཀ་རང་ལགས། །
མདོ་རྒྱུད་རྒྱ་མཚོའི་དཀའ་གནད་ཤེས་ན། །
ཉམས་ལེན་དེ་ཀ་མཛོད་དང་སྙིང་ནོར། །
རྟགས་མཚན་བདེན་པ་མངོན་སུམ་བྱུང་ཚེ། །
ཨ་ཕ་ཨ་མ་དགའ་བར་ལོས་བདེན། །
བླ་མ་དམ་པས་སྤྱན་ཆབ་བསིལ་བ། །
དགོས་པ་རྒྱུ་མཚན་དུ་མ་ཡོད་ལགས། །
བྱམས་དང་སྙིང་རྗེའི་བྱིང་ཐག་ཆད་པའི། །
སྒོམ་ཆེན་དེ་ཚོ་བྱི་དྲེད་མིན་ནམ། །
སྐྱེ་བ་དྲན་པ་ཡ་མཚན་མ་རེད། །
མ་སློབ་ཤེས་པ་ངོ་མཚར་ཆེ་ཡང། །
ཀུ་རེ་ཚིག་གིས་ནུས་མེད་བཟོས་འདུག །
སྤྲང་ཕྲུག་རང་སྣང་འུར་ཁུ་མ་འདུག །
ཞི་རྒྱས་དབང་དྲག་རང་དབང་ཐོབ་ནས། །
ས་དགེ་བཀའ་རྙིང་རིས་ཆད་མེད་པར། །
བསྟན་པ་ཡང་དག་འཛིན་སྐྱོང་སྤེལ་བར། །
དགྱེས་པ་རྡོ་རྗེས་དགག་དགོས་མི་འདུག །
མཁས་བཙུན་བཟང་གསུམ་ཡོན་ཏན་ཐོབ་པ། །
འཆད་རྩོད་རྩོམ་པས་བསྟན་པ་འཛིན་པ། །
བསྙེན་སྒྲུབ་ཕྲིན་ལས་འཁོར་ལོ་བསྒྱུར་བ། །
ཐལ་ངག་འདི་ཚོས་སྔ་རྒོལ་མིན་ནོ། །
རང་རིག་མ་ཤེས་རང་སྣང་གང་ཤར་བ། །
འཁོར་བ་སྒྲུབ་པའི་རྫུན་དང་གཡོ་སྒྱུ། །
ཀུན་བདེ་རིག་པ་འདོད་རྣམས་འཁྲུལ་ཐལ། །
སྤྲུལ་སྐུ་ཡང་དག་མ་འཁྲུལ་ཤེས་ན། །
འཁྲུལ་བ་ཞིག་པའི་བླ་མ་ལོས་ཡིན། །
མི་ཆོས་བླ་མའི་རྫུན་དེ་བཤད་ན། །
མི་རིགས་ཉམ་ཆུང་ཨ་སྡུག་ཡང་སྡུག །
ཞི་ལྷ་ཟླ་གྲགས་རྒྱལ་དང་དགོངས་མཉམ། །
ལོག་འཚོ་ངན་པས་གཞན་དབང་མ་སོང་། །
སྒྱུ་མའི་ཟས་ཀྱི་འཚོ་བ་སྒྲུབ་པ། །
གྲུབ་ཐོབ་གོང་མའི་ཁྱད་ཆོས་མིན་ནམ། །
ཤེར་མདོར་གསུངས་པའི་སྤྲུལ་བ་དེ་དང་། །
སྒྱུ་འཕྲུལ་སྤྲུལ་བའི་ཟློས་གར་སྣང་བ། །
བསམ་བཞིན་བསྟན་འགྲོར་ཕན་བདེར་ཕེབས་རྣམས། །
ཁྱད་པར་ཆེ་ཆུང་མཆོག་གིས་དཔྱོད་ཅིག །
སྔོན་བྱོན་དོན་གཟིགས་མཁྱེན་སྤྱན་ལྡན་པ། །
དེང་དུས་ཆགས་སྡང་རྫུན་འཕྲུལ་གཡོ་སྒྱུ། །
ཀུན་སྤྱོད་མཐོང་བར་མངོན་སུམ་མིན་ནམ། །
བསྟན་པ་རྩེད་མོ་མཐོང་བའི་སྒྲིབ་བྲལ། །
བསྟན་འཛིན་བསྟན་བཤིག་ཤེས་རབ་མེད་ན། །
བསམ་བཞིན་སྤྲུལ་ཞེས་རྡོ་རྗེ་ཚིག་དེ། །
ནུས་མེད་བཤད་པས་གནའ་དེང་མཁྱེན་འཚལ། །
རང་བློ་རང་རིག་ལྐོག་གྱུར་མེད་ན། །
རང་གཤིས་རིག་པ་ནང་ནས་མཐོང་བས། །
རང་གི་གྲོགས་མཆེད་སློབ་སྟོན་གནང་བར། །
རང་ལུགས་བསྟན་པ་འཛིན་སྐྱོང་སྤེལ་ལོ། །
Subscribe to:
Post Comments (Atom)
0 comments:
Post a Comment