Saturday 30 April 2011
13:53 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །པྲ་ཛྙཱ་དྷྭ་ཛ་ལ་ཕུལ་བའི་ཆུ་ཟླའི་འོད་སྣང་། །
ཀུན་གསལ་དབྱིངས་ན་ཟླ་བ་ཉ་གང་གི་བཞིན་རིས། །
སྐྱོན་མེད་སྤྲིན་བྲལ་མཁའ་ལ་ཤར་བ་དག་མཐོང་ཡང་། །
ནོར་འཛིན་དྲ་བའི་ཆུ་སྣོད་བཟང་ངན་གྱི་སྣང་བར། །
གནམ་ཟླ་མཆོག་ལ་རེ་དྭོགས་བསམ་པ་ཞིག་མི་འདུག །
སྔ་འགྱུར་བསྟན་པ་ནང་པའི་ཆུ་འགོ་ཡི་ཐོག་མ། །
བཀའ་བརྒྱུད་གྲུབ་མཐའ་སྒྲུབ་རྒྱུད་ཆུ་བོ་ཡི་བཀའ་བབས། །
ས་སྐྱའི་ལམ་འབྲས་བཤད་པའི་ཆུ་རྒྱུན་གྱི་རྩ་བ། །
དགེ་ལུགས་བསྟན་པ་ལམ་རིམ་རྒྱ་མཚོ་ཡི་སྙིང་པོ། །
ལྟ་བ་ཀ་དག་ཆུ་འགོ་གཙང་མ་དེ་ཤེས་དགོས། །
སྒོམ་པ་ཡང་དག་ཆུ་བོ་དལ་བབས་དེ་འཐུང་དགོས། །
ལྟ་སྤྱོད་རྣམ་དག་ཆུ་རྒྱུན་བཟང་པོ་ཡང་མཁྱེན་དགོས། །
འབྲས་བུ་ཀུན་དག་རྒྱ་མཚོ་ཐོབ་པ་ལ་དགོངས་ཤིག །
བསྟན་པ་དམ་ཆོས་སྐྱོན་མེད་སྐྱོན་ཅན་དུ་མ་སྒྲུབས། །
བསྟན་བཤིག་གང་ཟག་སྐྱོན་ཅན་སྐྱོན་མེད་དུ་མ་ཟེར། །
རྒྱལ་བསྟན་གཅིག་ལ་ཞུགས་པའི་ཆོས་མཆེད་ཚོས་དཔྱོད་དང། །
ལས་ཉོན་གཞན་དབང་གྱུར་ལ་སྙིང་རྗེ་རེ་གནང་མཛོད། །
བློ་ལྡོག་རྣམ་བཞི་མི་དགོས་ངེས་འབྱུང་ཞིག་མི་སྲིད། །
རང་དོན་འདོད་ཡོན་སྒྲུབ་པར་བྱང་སེམས་ནི་མི་ཟེར། །
གསང་ཆེན་ཚོང་དཔོན་དག་ལ་སྐྱབས་སྡོམ་ཡང་དཀའ་ན། །
གཡོ་སྒྱུས་དཀོར་གཟན་ནང་ཆོས་རྣམ་དག་ཅིག་མིན་ནོ། །
ཉོན་མོངས་རྣམ་རྒྱལ་མཆོག་སྤྲུལ་ཤྰཀ྄་ཐུབ་དང་ཉན་ཐོས། །
ཉོན་མོངས་རྣམ་གྲོལ་པདྨ་ཀ་ར་དང་རྗེ་འབངས། །
ཉོན་མོངས་རྣམ་པར་སྤྱོད་པའི་འགྲོ་བ་ཡིས་འགྲན་ན། །
ལས་ཉོན་སྤྲུལ་པ་ཞིག་ལས་འགྲོ་ས་རང་མེད་དོ། །
ལོག་འཚོས་ཡུལ་རིང་འཚོ་ཡང་དལ་འབྱོར་ནི་དོན་མེད། །
ཚངས་གནས་བརྒྱ་བྱིན་ཟེར་ཡང་འཁོར་བ་ལས་མ་འདས། །
སྙིགས་ལྔའི་མུན་ནག་ཀློང་གི་རྒྱལ་བསྟན་ལ་བསམ་ཚེ། །
གཡོ་རྫུན་མགོ་སྐོར་ཕོད་པའི་བསྟན་འཛིན་ཞིག་སྲིད་དམ། །
ཁ་དྲྭར་ཁ་བྲོ་ཁ་འཁྲུག་བཤད་ས་ཞིག་མིན་ཡང་། །
ཁ་ཁོག་ཅི་ཡོད་ཁ་བརྡའི་དྲ་ཐོག་ལ་ཤོར་ཐལ །
ཁ་བ་ཅན་གྱི་ཁ་ཚང་དེ་རིང་གི་ལས་དབང་། །
ཁ་ཙམ་མིན་པར་བསམ་མཁན་ཉིན་སྐར་ལས་དཀོན་པ། །
ཁ་གསོ་འཚོ་བ་དུད་འགྲོ་ཕྱུགས་ཀྱིས་ཀྱང་ནུས་སོ། །
ཁ་རྗེ་དབང་ཐང་ཡེ་ཤུ་རྒན་པོ་ཡང་འདོད་དོ། །
ཁ་ཆེའི་ལ་རྒྱ་དཔལ་འབྱོར་ཆོས་བརྒྱད་ལ་ཕྱོགས་སོ། །
ཁ་བའི་ལ་རྒྱ་དག་མ་དེ་འདྲ་ཞིག་མིན་ནོ། །
ཨོ་ཡ་ད་མང་ཐལ། སོར་མོ་བཅུ་བོ་ཁྲིག་ཁྲིག་མྱུར་བ། །རྣམ་རྟོག་འཁྲུལ་བ་ཧྲིག་ཧྲིག་རྒོད་པ། ། གྲོགས་པོ་སྤུན་ཟླར་ཏག་ཏག་སུན་ན། །ཤྲྰི་སྨྱོན་ཁ་བརྡ་མཚམས་འཇོག་བྱེད་ཆོག ། བཀྲ་ཤིས་མཁས་པ་ངོ་སོ་བསྟོད་དོ། །ལྷག་བསམ་རྒན་པོས་གཏམ་ལ་ཉན་ནས། རེ་ཞིག་སྤྲུལ་རྩོད་དགོས་པ་མ་མཐོང་། །མི་རྟག་བློ་ཐུང་གཟིམ་སར་བདེའོ། །
ཀུན་གསལ་དབྱིངས་ན་ཟླ་བ་ཉ་གང་གི་བཞིན་རིས། །
སྐྱོན་མེད་སྤྲིན་བྲལ་མཁའ་ལ་ཤར་བ་དག་མཐོང་ཡང་། །
ནོར་འཛིན་དྲ་བའི་ཆུ་སྣོད་བཟང་ངན་གྱི་སྣང་བར། །
གནམ་ཟླ་མཆོག་ལ་རེ་དྭོགས་བསམ་པ་ཞིག་མི་འདུག །
སྔ་འགྱུར་བསྟན་པ་ནང་པའི་ཆུ་འགོ་ཡི་ཐོག་མ། །
བཀའ་བརྒྱུད་གྲུབ་མཐའ་སྒྲུབ་རྒྱུད་ཆུ་བོ་ཡི་བཀའ་བབས། །
ས་སྐྱའི་ལམ་འབྲས་བཤད་པའི་ཆུ་རྒྱུན་གྱི་རྩ་བ། །
དགེ་ལུགས་བསྟན་པ་ལམ་རིམ་རྒྱ་མཚོ་ཡི་སྙིང་པོ། །
ལྟ་བ་ཀ་དག་ཆུ་འགོ་གཙང་མ་དེ་ཤེས་དགོས། །
སྒོམ་པ་ཡང་དག་ཆུ་བོ་དལ་བབས་དེ་འཐུང་དགོས། །
ལྟ་སྤྱོད་རྣམ་དག་ཆུ་རྒྱུན་བཟང་པོ་ཡང་མཁྱེན་དགོས། །
འབྲས་བུ་ཀུན་དག་རྒྱ་མཚོ་ཐོབ་པ་ལ་དགོངས་ཤིག །
བསྟན་པ་དམ་ཆོས་སྐྱོན་མེད་སྐྱོན་ཅན་དུ་མ་སྒྲུབས། །
བསྟན་བཤིག་གང་ཟག་སྐྱོན་ཅན་སྐྱོན་མེད་དུ་མ་ཟེར། །
རྒྱལ་བསྟན་གཅིག་ལ་ཞུགས་པའི་ཆོས་མཆེད་ཚོས་དཔྱོད་དང། །
ལས་ཉོན་གཞན་དབང་གྱུར་ལ་སྙིང་རྗེ་རེ་གནང་མཛོད། །
བློ་ལྡོག་རྣམ་བཞི་མི་དགོས་ངེས་འབྱུང་ཞིག་མི་སྲིད། །
རང་དོན་འདོད་ཡོན་སྒྲུབ་པར་བྱང་སེམས་ནི་མི་ཟེར། །
གསང་ཆེན་ཚོང་དཔོན་དག་ལ་སྐྱབས་སྡོམ་ཡང་དཀའ་ན། །
གཡོ་སྒྱུས་དཀོར་གཟན་ནང་ཆོས་རྣམ་དག་ཅིག་མིན་ནོ། །
ཉོན་མོངས་རྣམ་རྒྱལ་མཆོག་སྤྲུལ་ཤྰཀ྄་ཐུབ་དང་ཉན་ཐོས། །
ཉོན་མོངས་རྣམ་གྲོལ་པདྨ་ཀ་ར་དང་རྗེ་འབངས། །
ཉོན་མོངས་རྣམ་པར་སྤྱོད་པའི་འགྲོ་བ་ཡིས་འགྲན་ན། །
ལས་ཉོན་སྤྲུལ་པ་ཞིག་ལས་འགྲོ་ས་རང་མེད་དོ། །
ལོག་འཚོས་ཡུལ་རིང་འཚོ་ཡང་དལ་འབྱོར་ནི་དོན་མེད། །
ཚངས་གནས་བརྒྱ་བྱིན་ཟེར་ཡང་འཁོར་བ་ལས་མ་འདས། །
སྙིགས་ལྔའི་མུན་ནག་ཀློང་གི་རྒྱལ་བསྟན་ལ་བསམ་ཚེ། །
གཡོ་རྫུན་མགོ་སྐོར་ཕོད་པའི་བསྟན་འཛིན་ཞིག་སྲིད་དམ། །
ཁ་དྲྭར་ཁ་བྲོ་ཁ་འཁྲུག་བཤད་ས་ཞིག་མིན་ཡང་། །
ཁ་ཁོག་ཅི་ཡོད་ཁ་བརྡའི་དྲ་ཐོག་ལ་ཤོར་ཐལ །
ཁ་བ་ཅན་གྱི་ཁ་ཚང་དེ་རིང་གི་ལས་དབང་། །
ཁ་ཙམ་མིན་པར་བསམ་མཁན་ཉིན་སྐར་ལས་དཀོན་པ། །
ཁ་གསོ་འཚོ་བ་དུད་འགྲོ་ཕྱུགས་ཀྱིས་ཀྱང་ནུས་སོ། །
ཁ་རྗེ་དབང་ཐང་ཡེ་ཤུ་རྒན་པོ་ཡང་འདོད་དོ། །
ཁ་ཆེའི་ལ་རྒྱ་དཔལ་འབྱོར་ཆོས་བརྒྱད་ལ་ཕྱོགས་སོ། །
ཁ་བའི་ལ་རྒྱ་དག་མ་དེ་འདྲ་ཞིག་མིན་ནོ། །
ཨོ་ཡ་ད་མང་ཐལ། སོར་མོ་བཅུ་བོ་ཁྲིག་ཁྲིག་མྱུར་བ། །རྣམ་རྟོག་འཁྲུལ་བ་ཧྲིག་ཧྲིག་རྒོད་པ། ། གྲོགས་པོ་སྤུན་ཟླར་ཏག་ཏག་སུན་ན། །ཤྲྰི་སྨྱོན་ཁ་བརྡ་མཚམས་འཇོག་བྱེད་ཆོག ། བཀྲ་ཤིས་མཁས་པ་ངོ་སོ་བསྟོད་དོ། །ལྷག་བསམ་རྒན་པོས་གཏམ་ལ་ཉན་ནས། རེ་ཞིག་སྤྲུལ་རྩོད་དགོས་པ་མ་མཐོང་། །མི་རྟག་བློ་ཐུང་གཟིམ་སར་བདེའོ། །
Subscribe to:
Post Comments (Atom)
0 comments:
Post a Comment