དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Saturday 30 April 2011
༄༅། །གསལ་འདེབས་དྲན་པའི་མེ་ལོང་། །
སྐུ་གསུམ་རྒྱལ་བའི་ཞིང་ནས། །
དོན་གཉིས་མཐར་ཕྱིན་རྒྱལ་ཀུན། །
སྐད་ཅིག་གཡེལ་བ་མེད་པར། །
སྤྱི་གཙུག་རྒྱན་དུ་བཞུགས་ཤིག །

ཁམས་གསུམ་འཁོར་བའི་སྡུག་བསྔལ། །
བདེན་གཉིས་ལམ་གྱིས་བསལ་མཛད། །
སྐྱབས་གཅིག་དྲིན་ཆེན་བླ་མ། །
སྙིང་གི་དཀྱིལ་དུ་བཞུགས་ཤིག །

ཆོལ་གསུམ་ཆོས་ཀྱི་ཞིང་ནས། །
ལུགས་གཉིས་སྨྲ་བའི་དེད་དཔོན། །
ལྷ་གཅིག་སྤྱན་རས་གཟིགས་དབང་། །
དབུ་ནག་རྒྱན་དུ་བཞུགས་ཤིག །

སྣང་གྲགས་རིག་གསུམ་ངང་ནས། །
ལྷ་སྔགས་ཆོས་ཉིད་རོལ་བ། །
དྲན་ཤེས་བག་ཡོད་མེ་ལོང་། །
ཡང་ཡང་བལྟ་བར་མཁྱེན་ནོ། །

༢༠༡༠ ༡ ༡༠ ལ་དཔལ་དགྱེས་པ་རྡོ་རྗེས་སོ།། །།

0 comments:

ཟིན་བྲིས་འཚོལ་ཡུལ