Thursday, 19 May 2011
10:39 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །མཁས་དབང་དམ་པ་ལྷག་བསམ་དྲི་མེད་ཀྱི་བཀའ་ལན་ཚངས་དབྱངས་མགུར་མ་ཞེས་བྱ་བ། །
ན་མོ་གུ་རུ་བུདྡྷ་ཛྙྰ་ན་ཡེ། །
ཨེ་མ་སྟོང་ཆེན་གྱི་ཕྱག་རྒྱ་ཡང་དག །འོད་གསལ་སྙིང་པོ་ཡི་སངས་རྒྱས་ཡེ་ཤེས། །རང་རིག་དབྱེར་མེད་ཀྱི་ཁབ་ཏུ་སོན་པས། །ཚངས་དབྱངས་མགུར་མ་ཞིག་ལེན་ན་འདོད་ཐལ། །དད་བརྩོན་ཤེས་རབ་ཀྱི་སྐལ་བ་ལྡན་ན། །མགོ་ནག་མགོ་སེར་ལ་ཁྱད་པར་མི་འདུག །དྲི་མེད་ལྷག་བསམ་གྱི་ཕྱག་རྒྱ་ཆེན་པོ། །མ་གཉིད་རྨི་ལམ་དེ་ཁྱེད་ལ་འཆར་འོང་། ། དྲི་མེད་མཁྱེན་རབ་ཀྱི་ལྷག་བསམ་རྣམ་དག །ཞི་བདེ་འཛམ་གླིང་གི་འཚོ་བའི་སྲོག་ཤིང་། ། བསྟན་སེལ་སྡེ་འཁྲུག་གི་ཞི་འཇམ་ཡོང་ཐབས། །བཀས་བསྐུལ་རོལ་དབྱངས་ཀྱི་བརྡ་གླུ་དཀྲོལ་ཡ། །ཡིད་བཞིན་ནོར་བུ་ཡི་དགོངས་བཞེད་དམ་པ། །ཀ་རྫོགས་དགོན་ཆེན་སོགས་ཐུགས་མཐུན་ཁྲིམས་གཙང་། །བཀའ་བརྒྱུད་ནང་འགལ་དག་དམ་ཚིག་ཉམས་གསོ། ། ས་སྐྱའི་རང་རྒྱལ་ལ་དག་ཐེར་ཚད་མ། ། དགེ་ལུགས་གསར་རྙིང་པས་དོལ་འདྲེ་རྒྱང་ཕུད། །བན་བོན་རིས་མེད་ལ་གཅིག་ཏུ་འདུན་ཀྱང་། །སྙིགས་ལྔའི་ལྗན་ལྗིན་གྱི་མི་གཙང་དྲི་མ། །དག་གཙང་དྭངས་མ་ལ་བསྒྱུར་ཐབས་དཀའ་སོང་། །བོད་བརྒྱུད་ནང་བསྟན་ལ་དྲི་མེད་ལྷག་བསམ། །ཟླ་བ་གཞོན་ནུ་ལ་གཟིམ་པ་མེད་པས། །སྤྱན་མེད་འབྱོར་ལྡན་འདྲ་རྟེན་འབྲེལ་འགྲིགས་ན། །མཁྱེན་རབ་མིག་ཟུང་དེ་ལྷུན་གྱིས་གྲུབ་ཡོང་། །ཤར་ཕྱོགས་དབང་ཕྱུག་གི་སྐར་མ་ལྔ་བ། ལྷོ་ཕྱོགས་རྟ་བདུན་གྱི་གྲོགས་སུ་ཁུག་ན། །བྱང་ཕྱོགས་མུན་ནག་གི་བསྟན་སེལ་གཡུལ་འཁྲུག ། ནུབ་ཕྱོགས་བདེ་ཆེན་དུ་འགྱུར་བ་ཆོས་ཉིད། །ཐབས་མཆོག་བདེ་ཆེན་གྱི་རིགས་སྔགས་ཟབ་མོ། །གསེར་རྩི་སྡེབ་སྦྱོར་ཀྱི་མན་ངག་མཁྱེན་ན། །ས་རྡོ་སོལ་བ་ལ་ཁྱད་པར་མི་འདུག །འདོད་ཡོན་ལམ་ཁྱེར་འདི་ཀུན་ལ་མཛའ་བ། །དམ་ཚིག་མདོ་རྒྱས་སོགས་ཞིབ་ཏུ་གཟིགས་དང་། །འཁོན་འཛིན་དམ་རལ་གྱི་རྒྱ་མཚོ་ཆེན་པོར། །བཅུ་ཕྲག་ལོ་འཁོར་ལ་རྦ་རླབས་དྲག་པོ། །གཡོ་འཁྲུགས་ལས་ངན་འདི་འཇམ་ཐབས་དཀའ་བ། །མིག་སེར་ཟུར་ཟ་ཡི་འཆལ་གཏམ་མིན་ཡང་། །དགོན་གྲོང་བཟང་ངན་གྱི་སྐྱག་ཤན་ཞུགས་ནས། །འཁོར་འཛིན་སྐྱེ་བོ་ལ་བཟང་ངན་ཁྱད་པར། །ལྟ་སྒོམ་སྤྱོད་འབྲས་ལ་དག་ཐེར་གནང་འཚལ། ། དུག་ལྔར་སྤྱོད་པ་དེ་སྔ་འགྱུར་མ་ཡིན། །བདེན་བཞི་འགལ་བ་ཚོ་གསར་འགྱུར་མ་ཡིན། །དུག་གསུམ་རང་མཚན་དེ་སྤང་བ་ཡོད་ན། །བདེན་གཉིས་ལམ་བཟང་ལ་ཁྱད་པར་མི་འདུག །ཀཿ་ཐོག་ཀཾ་ཚང་ལ་ཁྱད་པར་མེད་ཀྱང་། །དྲི་སི་བཀའ་རྙིང་ལ་ཞེན་ཆགས་ཆེ་བས། །དུང་དཀར་སེར་འཛིན་གྱི་དམ་མཁྲིས་ནད་ངན། །བཅོས་པའི་སྨན་མཆོག་དེ་བདག་ལ་དཀོན་ཐལ། ། རྨི་ལམ་ལུང་བསྟན་ཞིག་བདག་ལ་ཡོད་པ། །ཨོ་རྒྱན་པད་འབྱུང་ལ་བཅོས་མིན་དད་པ། །ལྟར་སྣང་ཆོས་པ་ཚོ་ཚར་གཅོད་ནུས་ན། །བསྟན་སེལ་སྡེ་འཁྲུག་དེ་ངང་གིས་ཞི་འགྲོ། ། སྨོན་ལམ་འདོན་ཚོགས་སོགས་བཟང་བར་ཡིན་མོད། །དམ་བཅའ་བགྲོ་གླེང་གི་བརྟག་དཔྱད་མེད་ན། །རང་མགོ་རང་སྐོར་གྱི་ཞི་ལས་ཆོས་བཤད། །དམུས་ལོང་བྱི་བ་ཡི་ཕྱག་རྒྱ་ཆེན་པོ། །དྲི་མེད་ལྷག་བསམ་གྱི་དཀར་པོ་ཆིག་ཐུབ། །བྱང་ཆུབ་སེམས་མཆོག་ལ་རྟག་ཏུ་འབད་ན། །ཕྱི་ནང་ཀུན་མཚུངས་ཀྱི་བོད་བརྒྱུད་ནང་བསྟན། །མདོ་སྔགས་དབྱེར་མེད་ཀྱི་ཉམས་ལེན་གཙང་མ། ། ཆོས་མཆེད་ནང་འཁྲུག་གི་དུག་ཁྲག་རིལ་མ། །གངས་དཀར་འོ་མཚོ་ལ་ཁྱབ་པར་མི་སྲིད། །ཕྱོགས་རེ་མཚོའུ་དག་ཆེ་སྣང་འཆར་ཡང་། །ཁྲོམ་བུ་རུས་སྦལ་རྣམས་རང་སྣང་ང་རྒྱལ། ། སྦལ་བ་རྨ་ཅན་ཡང་དེ་ག་ནང་བཞིན། །ལས་འབྲས་བསླུ་མེད་དེ་ཁྱད་ཆོས་ཆེ་བས། །དེ་འབྲེལ་དེ་དག་ཚོ་ཉམས་པ་ཙམ་ལས། །སྤྱི་མཐུན་འགྲོ་བ་ལ་ཅི་ཡང་མི་གནོད། །རྒྱལ་དང་རྒྱལ་སྲས་དག་དབྱིངས་ལས་བསྐུལ་ནས། །བསྟན་པའི་སྤྱི་དོན་ཞིག་སྒྲུབ་པའི་དམ་བཅའ། །ཇི་བཞིན་འགྲུབ་པ་ཡི་སྨོན་འདུན་གསོལ་འདེབས། །ཁ་མིན་སྙིང་དཀྱིལ་ནས་ཁྱེད་ལ་བྱས་ཡོད། ། བདག་ནི་རྨི་ལམ་གྱི་བདེ་སྐྱིད་རོལ་ནས། །གསེར་འདོག་ལྕང་ལོ་ཅན་འཁོར་གྱིས་བསྐོར་ཞིང་། །ཞིང་ཁམས་དམ་གཙང་གི་ཉེ་འཁོར་འདི་ལས། །ཁྱི་སྐྱག་དར་གཡོག་ཚོར་རེ་བ་མེད་ཐལ། །བསྟན་འཛིན་བསྟན་བཤིག་གི་ས་མཚམས་དག་མ། །ཐུགས་མཐུན་ཁྲིམས་གཙང་འདི་དམ་པའི་སྙིང་ནོར། །སྲས་བཅས་རྒྱལ་ཀུན་ལ་མཆོད་སྤྲིན་འབུལ་བ། །ཚོགས་གཉིས་ཡོངས་རྫོགས་ཀྱི་རྒྱུ་རུ་གྱུར་ཅིག །
ཅེས་པའང་དྲི་མེད་ལྷག་བསམ་གྱི་ཐུགས་བསྐྱེད་ཟབ་རྒྱས་ཀྱི་བསྐུལ་མ་ལ་བརྟེན་པ་ལྟ་བུས་རྐྱེན་ལས་གང་དྲན་ཐོལ་བྱུང་དུ་སྐད་ཅིག་དེ་ཉིད་ལ་ཤྲྰི་སྨྱོན་པས་བྲིས་པ་དགེའོ། །
ན་མོ་གུ་རུ་བུདྡྷ་ཛྙྰ་ན་ཡེ། །
ཨེ་མ་སྟོང་ཆེན་གྱི་ཕྱག་རྒྱ་ཡང་དག །འོད་གསལ་སྙིང་པོ་ཡི་སངས་རྒྱས་ཡེ་ཤེས། །རང་རིག་དབྱེར་མེད་ཀྱི་ཁབ་ཏུ་སོན་པས། །ཚངས་དབྱངས་མགུར་མ་ཞིག་ལེན་ན་འདོད་ཐལ། །དད་བརྩོན་ཤེས་རབ་ཀྱི་སྐལ་བ་ལྡན་ན། །མགོ་ནག་མགོ་སེར་ལ་ཁྱད་པར་མི་འདུག །དྲི་མེད་ལྷག་བསམ་གྱི་ཕྱག་རྒྱ་ཆེན་པོ། །མ་གཉིད་རྨི་ལམ་དེ་ཁྱེད་ལ་འཆར་འོང་། ། དྲི་མེད་མཁྱེན་རབ་ཀྱི་ལྷག་བསམ་རྣམ་དག །ཞི་བདེ་འཛམ་གླིང་གི་འཚོ་བའི་སྲོག་ཤིང་། ། བསྟན་སེལ་སྡེ་འཁྲུག་གི་ཞི་འཇམ་ཡོང་ཐབས། །བཀས་བསྐུལ་རོལ་དབྱངས་ཀྱི་བརྡ་གླུ་དཀྲོལ་ཡ། །ཡིད་བཞིན་ནོར་བུ་ཡི་དགོངས་བཞེད་དམ་པ། །ཀ་རྫོགས་དགོན་ཆེན་སོགས་ཐུགས་མཐུན་ཁྲིམས་གཙང་། །བཀའ་བརྒྱུད་ནང་འགལ་དག་དམ་ཚིག་ཉམས་གསོ། ། ས་སྐྱའི་རང་རྒྱལ་ལ་དག་ཐེར་ཚད་མ། ། དགེ་ལུགས་གསར་རྙིང་པས་དོལ་འདྲེ་རྒྱང་ཕུད། །བན་བོན་རིས་མེད་ལ་གཅིག་ཏུ་འདུན་ཀྱང་། །སྙིགས་ལྔའི་ལྗན་ལྗིན་གྱི་མི་གཙང་དྲི་མ། །དག་གཙང་དྭངས་མ་ལ་བསྒྱུར་ཐབས་དཀའ་སོང་། །བོད་བརྒྱུད་ནང་བསྟན་ལ་དྲི་མེད་ལྷག་བསམ། །ཟླ་བ་གཞོན་ནུ་ལ་གཟིམ་པ་མེད་པས། །སྤྱན་མེད་འབྱོར་ལྡན་འདྲ་རྟེན་འབྲེལ་འགྲིགས་ན། །མཁྱེན་རབ་མིག་ཟུང་དེ་ལྷུན་གྱིས་གྲུབ་ཡོང་། །ཤར་ཕྱོགས་དབང་ཕྱུག་གི་སྐར་མ་ལྔ་བ། ལྷོ་ཕྱོགས་རྟ་བདུན་གྱི་གྲོགས་སུ་ཁུག་ན། །བྱང་ཕྱོགས་མུན་ནག་གི་བསྟན་སེལ་གཡུལ་འཁྲུག ། ནུབ་ཕྱོགས་བདེ་ཆེན་དུ་འགྱུར་བ་ཆོས་ཉིད། །ཐབས་མཆོག་བདེ་ཆེན་གྱི་རིགས་སྔགས་ཟབ་མོ། །གསེར་རྩི་སྡེབ་སྦྱོར་ཀྱི་མན་ངག་མཁྱེན་ན། །ས་རྡོ་སོལ་བ་ལ་ཁྱད་པར་མི་འདུག །འདོད་ཡོན་ལམ་ཁྱེར་འདི་ཀུན་ལ་མཛའ་བ། །དམ་ཚིག་མདོ་རྒྱས་སོགས་ཞིབ་ཏུ་གཟིགས་དང་། །འཁོན་འཛིན་དམ་རལ་གྱི་རྒྱ་མཚོ་ཆེན་པོར། །བཅུ་ཕྲག་ལོ་འཁོར་ལ་རྦ་རླབས་དྲག་པོ། །གཡོ་འཁྲུགས་ལས་ངན་འདི་འཇམ་ཐབས་དཀའ་བ། །མིག་སེར་ཟུར་ཟ་ཡི་འཆལ་གཏམ་མིན་ཡང་། །དགོན་གྲོང་བཟང་ངན་གྱི་སྐྱག་ཤན་ཞུགས་ནས། །འཁོར་འཛིན་སྐྱེ་བོ་ལ་བཟང་ངན་ཁྱད་པར། །ལྟ་སྒོམ་སྤྱོད་འབྲས་ལ་དག་ཐེར་གནང་འཚལ། ། དུག་ལྔར་སྤྱོད་པ་དེ་སྔ་འགྱུར་མ་ཡིན། །བདེན་བཞི་འགལ་བ་ཚོ་གསར་འགྱུར་མ་ཡིན། །དུག་གསུམ་རང་མཚན་དེ་སྤང་བ་ཡོད་ན། །བདེན་གཉིས་ལམ་བཟང་ལ་ཁྱད་པར་མི་འདུག །ཀཿ་ཐོག་ཀཾ་ཚང་ལ་ཁྱད་པར་མེད་ཀྱང་། །དྲི་སི་བཀའ་རྙིང་ལ་ཞེན་ཆགས་ཆེ་བས། །དུང་དཀར་སེར་འཛིན་གྱི་དམ་མཁྲིས་ནད་ངན། །བཅོས་པའི་སྨན་མཆོག་དེ་བདག་ལ་དཀོན་ཐལ། ། རྨི་ལམ་ལུང་བསྟན་ཞིག་བདག་ལ་ཡོད་པ། །ཨོ་རྒྱན་པད་འབྱུང་ལ་བཅོས་མིན་དད་པ། །ལྟར་སྣང་ཆོས་པ་ཚོ་ཚར་གཅོད་ནུས་ན། །བསྟན་སེལ་སྡེ་འཁྲུག་དེ་ངང་གིས་ཞི་འགྲོ། ། སྨོན་ལམ་འདོན་ཚོགས་སོགས་བཟང་བར་ཡིན་མོད། །དམ་བཅའ་བགྲོ་གླེང་གི་བརྟག་དཔྱད་མེད་ན། །རང་མགོ་རང་སྐོར་གྱི་ཞི་ལས་ཆོས་བཤད། །དམུས་ལོང་བྱི་བ་ཡི་ཕྱག་རྒྱ་ཆེན་པོ། །དྲི་མེད་ལྷག་བསམ་གྱི་དཀར་པོ་ཆིག་ཐུབ། །བྱང་ཆུབ་སེམས་མཆོག་ལ་རྟག་ཏུ་འབད་ན། །ཕྱི་ནང་ཀུན་མཚུངས་ཀྱི་བོད་བརྒྱུད་ནང་བསྟན། །མདོ་སྔགས་དབྱེར་མེད་ཀྱི་ཉམས་ལེན་གཙང་མ། ། ཆོས་མཆེད་ནང་འཁྲུག་གི་དུག་ཁྲག་རིལ་མ། །གངས་དཀར་འོ་མཚོ་ལ་ཁྱབ་པར་མི་སྲིད། །ཕྱོགས་རེ་མཚོའུ་དག་ཆེ་སྣང་འཆར་ཡང་། །ཁྲོམ་བུ་རུས་སྦལ་རྣམས་རང་སྣང་ང་རྒྱལ། ། སྦལ་བ་རྨ་ཅན་ཡང་དེ་ག་ནང་བཞིན། །ལས་འབྲས་བསླུ་མེད་དེ་ཁྱད་ཆོས་ཆེ་བས། །དེ་འབྲེལ་དེ་དག་ཚོ་ཉམས་པ་ཙམ་ལས། །སྤྱི་མཐུན་འགྲོ་བ་ལ་ཅི་ཡང་མི་གནོད། །རྒྱལ་དང་རྒྱལ་སྲས་དག་དབྱིངས་ལས་བསྐུལ་ནས། །བསྟན་པའི་སྤྱི་དོན་ཞིག་སྒྲུབ་པའི་དམ་བཅའ། །ཇི་བཞིན་འགྲུབ་པ་ཡི་སྨོན་འདུན་གསོལ་འདེབས། །ཁ་མིན་སྙིང་དཀྱིལ་ནས་ཁྱེད་ལ་བྱས་ཡོད། ། བདག་ནི་རྨི་ལམ་གྱི་བདེ་སྐྱིད་རོལ་ནས། །གསེར་འདོག་ལྕང་ལོ་ཅན་འཁོར་གྱིས་བསྐོར་ཞིང་། །ཞིང་ཁམས་དམ་གཙང་གི་ཉེ་འཁོར་འདི་ལས། །ཁྱི་སྐྱག་དར་གཡོག་ཚོར་རེ་བ་མེད་ཐལ། །བསྟན་འཛིན་བསྟན་བཤིག་གི་ས་མཚམས་དག་མ། །ཐུགས་མཐུན་ཁྲིམས་གཙང་འདི་དམ་པའི་སྙིང་ནོར། །སྲས་བཅས་རྒྱལ་ཀུན་ལ་མཆོད་སྤྲིན་འབུལ་བ། །ཚོགས་གཉིས་ཡོངས་རྫོགས་ཀྱི་རྒྱུ་རུ་གྱུར་ཅིག །
ཅེས་པའང་དྲི་མེད་ལྷག་བསམ་གྱི་ཐུགས་བསྐྱེད་ཟབ་རྒྱས་ཀྱི་བསྐུལ་མ་ལ་བརྟེན་པ་ལྟ་བུས་རྐྱེན་ལས་གང་དྲན་ཐོལ་བྱུང་དུ་སྐད་ཅིག་དེ་ཉིད་ལ་ཤྲྰི་སྨྱོན་པས་བྲིས་པ་དགེའོ། །
Subscribe to:
Post Comments (Atom)
0 comments:
Post a Comment