Monday, 9 May 2011
03:10 | 
Posted by
༄༅།། ཨེ་མ་ཧོའི་རིག་མཛོད་། |
༡ རྫོགས་ཆེན་རིན་པོ་ཆེ་པདྨ་རིག་འཛིན། །
༢ རྫོགས་ཆེན་རིན་པོ་ཆེ་འགྱུར་མེད་ཐེག་མཆོག་བསྟན་འཛིན། །
༣ རྫོགས་ཆེན་རིན་པོ་ཆེ་ངེས་དོན་བསྟན་བཟང་པོ། །
༤ རྫོགས་ཆེན་རིན་པོ་ཆེ་མི་འགྱུར་ནམ་མཁའི་རྡོ་རྗེ། །
༥ རྫོགས་ཆེན་རིན་པོ་ཆེ་ཐུབ་བསྟན་ཆོས་ཀྱི་རྡོ་རྗེ། །
༦ རྫོགས་ཆེན་རིན་པོ་ཆེ་འཇིགས་བྲལ་བྱང་ཆུབ་རྡོ་རྗེ། །
༨ རྫོགས་ཆེན་རིན་པོ་ཆེ་བསྟན་འཛིན་ལུང་རྟོགས་ཉི་མ། །
རྫོགས་ཆེན་དགོན་པ་ནི་བོད་ཤར་རྒྱུད་དཀར་མཛེས་བོད་རིགས་རང་སྐྱོང་ཁུལ་སྡེ་དགེ་རྫོང་གོངས་སུ་ཆགས། དེ་ཡང་ཐོག་མར་ཁམས་སྟོད་རི་བོ་ཆེར་སྐུ་འཁྲུངས་པའི་རྫོགས་ཆེན་པ་པདྨ་རིག་འཛིན་ཟེར་བ་མཁའ་གྲུབ་ཀརྨ་ཆགས་མེད་དང་རྒྱལ་དབང་ལྔ་པ་ཆེན་པོའི་སློབ་མ་ཡིན་པ་ཞིག་གིས་ཕྱག་བཏབ། དེ་ནས་བཟུང་རྫོགས་ཆེན་པདྨ་རིག་འཛིན་སྐུ་ཕྲེང་དྲུག་གི་བར་དུ་བྱོན་པ་རྣམས་ཀྱིས་གདན་ས་བསྐྱངས། རྫོགས་ཆེན་རིན་པོ་ཆེ་སྐུ་ཕྲེང་བདུན་པ་ད་ལྟ་འཚོ་ཞིང་གཞེས། དེ་ཡང་སྐུ་སྐྱེ་རིན་པོ་ཆེ་བོད་དུ་གཅིག་དང་རྒྱ་གར་དུ་གཅིག་བཅས་གཉིས་ཡོད། རྒྱ་གར་དུ་བཞུགས་ཡོད་པ་དེ་རྡོ་གྲུབ་ཆེན་རིན་པོ་ཆེས་ངོས་འཛིན་གནང་ཞིང་རྒྱ་གར་ལྷོ་ཕྱོགས་ཀར་ན་ཀྲ་ཀའི་ཁོངས་ཀོ་ལི་རྒལ་བོད་མིའི་གཞིས་སྒར་དུ་རྫོགས་ཆེན་པའི་དགོན་སྡེ་ཆེན་པོ་ཞིག་ཀྱང་གསར་བཞེངས་བྱས་ཡོད། བོད་དུ་བཞུགས་ཡོད་པ་དེ་སྤྲུལ་སྐུ་པདྨ་སྐལ་བཟང་གྱིས་ངོས་འཛིན་གནང་ཞིང་ད་ལྟ་རྫོགས་ཆེན་དགོན་དུ་བཞུགས་ཡོད།།
སྔ་འགྱུར་རྙིང་མའི་རྫོགས་ཆེན་དགོན་པ་སྟེ་དགོན་འདི་འདེབས་པ་པོ་རྫོགས་ཆེན་པ་པདྨ་རིག་འཛིན་གྱི་གསུངས་ཆོས་དང་གཏེར་སྟོན་ཉི་མ་གྲགས་པའི་གཏེར་ཆོས་ལ་གཙོ་བོར་ལག་ལེན་བྱེད་དོ། །
Subscribe to:
Post Comments (Atom)
0 comments:
Post a Comment