Thursday, 23 June 2011
01:01 | 
Posted by
༄༅།། ཨེ་མ་ཧོའི་རིག་མཛོད་། |
༢༡༽ དཔལ་དགྱེས་པ་རྡོ་རྗེ་ནས།
སྤྱི་ལོ་ ༢༠༡༡ ཟླ་ ༦ ཚེས་ ༢༣ གི་ཆུ་ཚོད་ ༦ སྐར་མ་ ༥༠
རྨི་ལམ་གྱི་རེ་བསྐུལ་ཡང་སྐྱར་མ།
![]()
ན་མོ་གུ་རུ་ས་མ་ཡེ། །
དམ་ཚིག་རྣམ་བཀོད་དང་། རྔམ་ཀློག མདོ་རྒྱས། སྙིང་པོ་རྒྱན། གླང་ཆེན་རབ་འབོག་སོགས་རྒྱུད་ཀྱི་དགོངས་དོན་མཁྱེན་པ་ཚོས་གཟིགས་དང་བླ་སློབ་ནང་འགལ་བྱུང་བའི་དམ་རལ་དེ་དག་བླ་སློབ་ཞལ་དངོས་སུ་བཞུགས་དུས་སུ་བཅོས་མ་ཐུབ་ན་བླ་སློབ་གང་རུང་ཚེ་ལས་འདས་པར་གྱུར་ན་གཏན་ནས་བཅོས་ཐབས་མེད་པ་ཞིག་གསུངས་ཡོད། ཇི་སྐད་དུ། རྣལ་འབྱོར་སྤྱི་ཁྲུས་འགྱོད་ཚངས་དོང་སྤྲུག་གི །བཤགས་པས་མི་འདག་མེད་ཕྱིར་ཉམས་སུ་བླངས། ཞེས་པའི་དོན་ལ་ཐུགས་བཞེས་གནང་བར་འཚལ། དམ་ཚིག་མ་བཅོས་པར་ཤི་ན་གཉིས་ཀས་རྡོ་རྗེ་དམྱལ་བའི་སྡུག་བསྔལ་མྱོང་དགོས་པ་ནི། ཇི་སྐད་དུ། མ་བཤགས་ཚེ་འདིར་ཡིད་མི་འོང་བས་མནར། །ཕྱི་མ་རྡོ་རྗེའི་དམྱལ་བ་ཞེས་བྱ་བ། །མནར་མེད་དོ་ཟླ་མེད་པའི་གནས་སུ་སྐྱེ། །ཞེས་རྒྱུད་ལས་དངོས་སུ་གསུངས་ཡོད། དེས་ན་ཞྭ་དམར་གྱིས་ཡང་ཡང་མཐུན་ལམ་དང་ཆིག་སྒྲིལ་ལ་བརྩོན་ཀྱང་སི་ཏུའི་ཕྱོགས་ལ་ཁ་ཕོ་རུས་ཅན་མང་པོ་དང་ང་ཡིན་ཁོ་ཡིན་བཤད་པ་མང་པོ་འདུག་པས་དངོས་ནས་མཚམས་འཇོག་གནང་རོགས་དང་། ང་ཚོས་གནས་ཁྱད་པར་ཅན་རྒྱ་གར་རྡོ་རྗེ་གདན་ལྟ་བུ་ལ་དགུ་བརྒྱའི་དུས་སྟོན་གྱི་ སྐབས་སུ་ཁ་མིན་དོན་ཞེ་མིན་གཏིང་ནས་ཀརྨ་པ་གཉིས་ཀ་ཁྲི་གཅིག་ཏུ་མངའ་གསོལ་གྱི་གསོལ་སྟོན་གྱི་སྨོན་ལམ་ཆེན་མོ་ཞིག་འཚོགས་རྒྱུ་བྱུང་ནས་ཆོས་མཆེད་གཉིས་དང་ཀརྨ་པ་གཉིས་ཀ་ཐོད་པ་རློན་སྟུག་གིས་གཉེན་པོ་སྟོབས་བཞི་ལྡན་པའི་སྒོ་ནས་བཤགས་པར་བྱས་ན། སྤྱིར་སྡིག་པ་ལ་ཡོན་ཏན་མེད་རུང་བཤགས་ན་འདགས་པ་ནི་སྡིག་པའི་ཡོན་ཏན་མ་ཡིན་ནམ། རྒྱལ་བསྟན་སྤྱི་དང་ཀ་བསྟན་གཞི་རྩ་ཟིན་པ་རེད། དེ་ལྟར་བྱས་ན། མ་ནམ་མཁའ་དང་མཉམ་པའི་སེམས་ཅན་ཐམས་ཅད་ཅེས་སེམས་བསྐྱེད་དང་སྣང་སྲིད་རྣམ་དག་ཅེས་པའི་ཁ་ཏོན་འདོན་པ་རྣམས་ལག་ཏུ་ལེན་པ་རེད། དེ་མིན་ཁ་ཁོག་མི་མཚུངས་པའི་བསྟན་པ་ལས་བསྟན་པ་ཡང་དག་མ་རེད། ནང་མཐུན་པའི་ཀརྨ་པ་རིས་མེད་གཅིག་བྱུང་ན་སྐྱེ་དགུ་བདེ་བའི་དགུ་བརྒྱའི་དུས་དྲན་རྣམ་དག་ཅིག་རེད། དེས་ན་བདག་གིས་ཀྱང་མགུར་གླུ་ཀརྨ་པ་དགྱེས་པའི་ཐབས་ཤེས་ལྡན་པའི་རོལ་ཆས་དང་བཅས་གླུ་བྲོ་ཞིག་འཐེན་ངེས་ཡིན། ། དེ་མིན་སྐུ་འདྲ་དང་ཁང་པ་ཆེན་པོ་ཡིས་ཀར་བསྟན་ཟིན་གྱི་མ་རེད། དེང་དུས་སྤྲུལ་སྐུའི་བསྟན་པའི་ས་མཚམས་གང་ལ་སླེབས་ཡོད་ཕལ་ཆེ་བས་ཧ་གོ་རྒྱུ་རེད། བསྟན་པའི་སྙིང་པོ་བཤད་སྒྲུབ་ཕྲིན་ལས་ནང་འཐུན་པར་འབད་པ་འདི་རེད། དེ་མེད་ན་བླ་གྲྭ་མཁན་སྤྲུལ་ཞེས་པའི་རྐང་འདྲེན་དང་བསྟན་པའི་ཞབས་འདྲེན་པ་ཡིན་པར་ཤེས་དགོས། མུ་འཐུད་དུ་དེ་འདྲ་དག་བྱས་ན་ནམ་ཞིག་ཀརྨ་པ་གཉིས་ཀ་མ་རེད་ཟེར་བ་ཡང་ཡོང་སྲིད་པ་རེད། མདོར་ན་སི་ཏུ་རིན་པོ་ཆེ་དང་ཞྭ་དམར་རིན་པོ་ཆེ་མཁྱེན་ཟེར་མཁན་དང་ཀརྨ་པ་མཁྱེན་ནོ་ཞེས་འབོད་མཁན་དག་གི་ངོ་ལ་བལྟས་ནས་ནང་མཆེད་མཐུན་ཐབས་སུ་རེ་འབོད་བྱེ་བའི་ངུ་ངག་དང་སྨོན་ལམ་ཤོར་ཐལ། དྲི་མེད་ལྷག་བསམ་གྱིས་བསྐུལ་བ་ལྟར་ཤྲྰི་ཨནནྟ་བཛྲས་གུས་ཕུལ། །
སྤྱི་ལོ་ ༢༠༡༡ ཟླ་ ༦ ཚེས་ ༢༣ གི་ཆུ་ཚོད་ ༦ སྐར་མ་ ༥༠
རྨི་ལམ་གྱི་རེ་བསྐུལ་ཡང་སྐྱར་མ།
དམ་ཚིག་རྣམ་བཀོད་དང་། རྔམ་ཀློག མདོ་རྒྱས། སྙིང་པོ་རྒྱན། གླང་ཆེན་རབ་འབོག་སོགས་རྒྱུད་ཀྱི་དགོངས་དོན་མཁྱེན་པ་ཚོས་གཟིགས་དང་བླ་སློབ་ནང་འགལ་བྱུང་བའི་དམ་རལ་དེ་དག་བླ་སློབ་ཞལ་དངོས་སུ་བཞུགས་དུས་སུ་བཅོས་མ་ཐུབ་ན་བླ་སློབ་གང་རུང་ཚེ་ལས་འདས་པར་གྱུར་ན་གཏན་ནས་བཅོས་ཐབས་མེད་པ་ཞིག་གསུངས་ཡོད། ཇི་སྐད་དུ། རྣལ་འབྱོར་སྤྱི་ཁྲུས་འགྱོད་ཚངས་དོང་སྤྲུག་གི །བཤགས་པས་མི་འདག་མེད་ཕྱིར་ཉམས་སུ་བླངས། ཞེས་པའི་དོན་ལ་ཐུགས་བཞེས་གནང་བར་འཚལ། དམ་ཚིག་མ་བཅོས་པར་ཤི་ན་གཉིས་ཀས་རྡོ་རྗེ་དམྱལ་བའི་སྡུག་བསྔལ་མྱོང་དགོས་པ་ནི། ཇི་སྐད་དུ། མ་བཤགས་ཚེ་འདིར་ཡིད་མི་འོང་བས་མནར། །ཕྱི་མ་རྡོ་རྗེའི་དམྱལ་བ་ཞེས་བྱ་བ། །མནར་མེད་དོ་ཟླ་མེད་པའི་གནས་སུ་སྐྱེ། །ཞེས་རྒྱུད་ལས་དངོས་སུ་གསུངས་ཡོད། དེས་ན་ཞྭ་དམར་གྱིས་ཡང་ཡང་མཐུན་ལམ་དང་ཆིག་སྒྲིལ་ལ་བརྩོན་ཀྱང་སི་ཏུའི་ཕྱོགས་ལ་ཁ་ཕོ་རུས་ཅན་མང་པོ་དང་ང་ཡིན་ཁོ་ཡིན་བཤད་པ་མང་པོ་འདུག་པས་དངོས་ནས་མཚམས་འཇོག་གནང་རོགས་དང་། ང་ཚོས་གནས་ཁྱད་པར་ཅན་རྒྱ་གར་རྡོ་རྗེ་གདན་ལྟ་བུ་ལ་དགུ་བརྒྱའི་དུས་སྟོན་གྱི་ སྐབས་སུ་ཁ་མིན་དོན་ཞེ་མིན་གཏིང་ནས་ཀརྨ་པ་གཉིས་ཀ་ཁྲི་གཅིག་ཏུ་མངའ་གསོལ་གྱི་གསོལ་སྟོན་གྱི་སྨོན་ལམ་ཆེན་མོ་ཞིག་འཚོགས་རྒྱུ་བྱུང་ནས་ཆོས་མཆེད་གཉིས་དང་ཀརྨ་པ་གཉིས་ཀ་ཐོད་པ་རློན་སྟུག་གིས་གཉེན་པོ་སྟོབས་བཞི་ལྡན་པའི་སྒོ་ནས་བཤགས་པར་བྱས་ན། སྤྱིར་སྡིག་པ་ལ་ཡོན་ཏན་མེད་རུང་བཤགས་ན་འདགས་པ་ནི་སྡིག་པའི་ཡོན་ཏན་མ་ཡིན་ནམ། རྒྱལ་བསྟན་སྤྱི་དང་ཀ་བསྟན་གཞི་རྩ་ཟིན་པ་རེད། དེ་ལྟར་བྱས་ན། མ་ནམ་མཁའ་དང་མཉམ་པའི་སེམས་ཅན་ཐམས་ཅད་ཅེས་སེམས་བསྐྱེད་དང་སྣང་སྲིད་རྣམ་དག་ཅེས་པའི་ཁ་ཏོན་འདོན་པ་རྣམས་ལག་ཏུ་ལེན་པ་རེད། དེ་མིན་ཁ་ཁོག་མི་མཚུངས་པའི་བསྟན་པ་ལས་བསྟན་པ་ཡང་དག་མ་རེད། ནང་མཐུན་པའི་ཀརྨ་པ་རིས་མེད་གཅིག་བྱུང་ན་སྐྱེ་དགུ་བདེ་བའི་དགུ་བརྒྱའི་དུས་དྲན་རྣམ་དག་ཅིག་རེད། དེས་ན་བདག་གིས་ཀྱང་མགུར་གླུ་ཀརྨ་པ་དགྱེས་པའི་ཐབས་ཤེས་ལྡན་པའི་རོལ་ཆས་དང་བཅས་གླུ་བྲོ་ཞིག་འཐེན་ངེས་ཡིན། ། དེ་མིན་སྐུ་འདྲ་དང་ཁང་པ་ཆེན་པོ་ཡིས་ཀར་བསྟན་ཟིན་གྱི་མ་རེད། དེང་དུས་སྤྲུལ་སྐུའི་བསྟན་པའི་ས་མཚམས་གང་ལ་སླེབས་ཡོད་ཕལ་ཆེ་བས་ཧ་གོ་རྒྱུ་རེད། བསྟན་པའི་སྙིང་པོ་བཤད་སྒྲུབ་ཕྲིན་ལས་ནང་འཐུན་པར་འབད་པ་འདི་རེད། དེ་མེད་ན་བླ་གྲྭ་མཁན་སྤྲུལ་ཞེས་པའི་རྐང་འདྲེན་དང་བསྟན་པའི་ཞབས་འདྲེན་པ་ཡིན་པར་ཤེས་དགོས། མུ་འཐུད་དུ་དེ་འདྲ་དག་བྱས་ན་ནམ་ཞིག་ཀརྨ་པ་གཉིས་ཀ་མ་རེད་ཟེར་བ་ཡང་ཡོང་སྲིད་པ་རེད། མདོར་ན་སི་ཏུ་རིན་པོ་ཆེ་དང་ཞྭ་དམར་རིན་པོ་ཆེ་མཁྱེན་ཟེར་མཁན་དང་ཀརྨ་པ་མཁྱེན་ནོ་ཞེས་འབོད་མཁན་དག་གི་ངོ་ལ་བལྟས་ནས་ནང་མཆེད་མཐུན་ཐབས་སུ་རེ་འབོད་བྱེ་བའི་ངུ་ངག་དང་སྨོན་ལམ་ཤོར་ཐལ། དྲི་མེད་ལྷག་བསམ་གྱིས་བསྐུལ་བ་ལྟར་ཤྲྰི་ཨནནྟ་བཛྲས་གུས་ཕུལ། །
Subscribe to:
Post Comments (Atom)
0 comments:
Post a Comment