Friday, 24 June 2011
02:32 | 
Posted by
༄༅།། ཨེ་མ་ཧོའི་རིག་མཛོད་། |
ན་མོ་གུ་རུ་ས་མ་ཡ་ས་ཏྭ་ཡེ། །
དྲུག་པ་རྡོ་རྗེ་འཆང་ཆེན་ཀུན་ཏུ་བཟང་། །
བདེ་སྟོང་རིག་པའི་ཕྱག་ཆེན་རིན་པོ་ཆེའི། །
གཞི་ལམ་འབྲས་བུའི་དོན་ལ་བྱང་ཆུབ་ནས། །
བཀའ་བརྒྱུད་སྒྲུབ་པའི་རྒྱལ་མཚན་བསྒྲེངས་གྱུར་ཅིག །
ཅེས་ཀུན་སློང་དང་སྨོན་འདུན་སྔོན་བསུས་ནས་དེ་ཡང་གླེང་སློང་དངོས་དེ་ནི་བཀའ་དག་སྡོམ་གཙང་ཞིག་ལ་འབོད་བསྐུལ་ཞུ་བ་དེ་ཡིན། འཇིག་རྟེན་མི་ནག་གི་ཁ་དཔེ་ལ་ཡང་།
ཕུ་ནུ་ནང་འཁྲུག་བྱུང་ན་གང་ངན་རྒྱལ་ཟེར་རྒྱུ་བོ་གོ་མྱོང་ངམ། ཕམ་རྒྱལ་དང་ཆགས་སྡང་བཤད་པའི་དུས་མ་རེད། དྲང་བདེན་དང་གཟུར་གནས། བྱམས་བརྩེ་དང་ཆིག་སྒྲིལ་བཤད་པའི་སྐབས་རེད། བཀའ་བརྒྱུད་ཀཾ་ཚང་པ་ཁྱིམ་ཚང་ཞིག་ལ་བསམ་ནས་བཤད་ན་ཕ་རྡོ་རྗེ་འཆང་ཆེན་དང་མ་ཕྱག་རྒྱ་ཆེན་པོ་ཁས་བླངས་ནས་བཟུང་། ཕུ་ནུ་ནང་མཐུན་དེ་གལ་ཆེན་པོ་རེད། སངས་རྒྱས་ཀྱི་བསྟན་པ་ལྟ་ཅི་འཇིག་རྟེན་པའི་ཁྱིམ་ཚང་ནང་མ་མཐུན་ན་ཆགས་སྡང་རྨོངས་ཚོགས་ག་རེ་ཡོད་མེད་ཤེས་གསལ་རེད། དེས་ན་གོང་གི་འབྲོང་བུ་སོག་ཚས་ཁྲ་འགུ་རིན་པོ་ཆེས་རྗེས་སུ་འབྲངས་ནས་ཀརྨ་པ་དམིགས་བསལ་སྤྲུལ་སྐུའི་ངོས་འཛིན་ཞིག་ཡོད་རབས་བཤད་འདུག་ཀྱང་། མདོ་རྒྱུད་བསྟན་བཅོས་དང་འགལ། བྱམས་བརྩེ་དྲང་བདེན་དང་ལས་འབྲས་ལ་རྒྱབ་འགལ་བྱུང་ན། དེས་ལུགས་སྲོལ་དེ་བླང་དོར་ཅི་བྱ་རང་ལག་རེད། གང་ལྟར་ཁ་བརྡ་དྲ་བ་ལ་དགོངས་གསོལ་སྔོན་དུ་བཏང་ནས་དྲི་མེད་ལྷག་བསམ་གྱི་ལུང་འཛིན་གྱི་གཏེར་ལུང་ཚོ་བཀོད་ན་གཟུར་གནས་ཚོ་ལ་ཕན་ས་རེད། ངས་ཀྱང་སྔོན་མ་གཏེར་ལུང་ཚོ་མཇལ་མྱོང་ཡང་ད་ནི་སྣང་ལ་མ་ངེས་པ་གྱུར་འདུག དེ་ཚོ་བཀོད་རོགས། དེ་ཚོ་ཁ་བརྡས་བསུབས་ཀྱིན་མ་རེད། ས་མཐའ་འདི་ནས་དཔེ་དཀོན་གྱི་ཡི་གེ་དག་ཤིན་ཏུ་དཀོན་པས་དེ་ལུགས་གནང་རོགས། ང་ཚོས་ལྷག་བསམ་རྣམ་དག་གིས་བགྲོ་གླེང་མདོར་བསྡུས་ཞིག་བྱ། ཁྱད་པར་དྲི་མེད་ལྷག་བསམ་འདི་རྣམ་དཔྱོད་ཤེས་ཡོན་མཐོང་ཐོས་ཀྱི་ཤེས་རྒྱ་ཤིན་ཏུ་ཆེན་པོ་ཞིག་ཏུ་མཇལ་བས་མུ་འཐུད་དུ་བསྟན་འགྲོའི་དོན་ལ་ཐུགས་ཁུར་གནང་བར་མཁྱེན། པདྨ་གེ་སར་སང་ཅུང་ཟད་ཐལ་མ་ཆེའམ།
ཆོས་བརྒྱད་འཆང་བའི་མདུད་པ་དབྱིངས་སུ་སངས། །
ཚད་མེད་རྣམ་བཞིའི་བྱང་སེམས་རྒྱུད་ལ་འབྱོར། །
ཐུགས་མཐུན་ཁྲིམས་གཙང་བསླབ་གསུམ་འདུས་སྡེ་རྣམས། །
བཤད་སྒྲུབ་ཕྲིན་ལས་ས་གསུམ་ཁྱབ་པར་ཤོག །
ཨེ་མ་ཧོས་ཕུལ། །
Subscribe to:
Post Comments (Atom)
0 comments:
Post a Comment