Saturday 13 August 2011
16:00 | 
Posted by
༄༅།། ཨེ་མ་ཧོའི་རིག་མཛོད་། |
༄༅།།སྙིང་རྗེའི་རང་གཟུགས་ཀླུ་སྨྱོན་ཧེ་རུ་ཀའི་ཞབས་བརྟན་
གཡུང་དྲུང་རིན་ཆེན་ཞེས་བྱ་བ། །
ཨོཾ་སྭ་སྟི།
ཆོས་དབྱིངས་ཀུན་ཁྱབ་ནམ་མཁའི་ཀློང་ཡོངས་སུ། །
མཁྱེན་བརྩེ་ནུས་སྟོབས་སྤྲིན་ཆེན་རབ་འཁྲིགས་པས། །
གཞན་ཕན་སྙན་ཆར་འཇོ་བའི་དགེ་བའི་བཤེས། །
སྐུ་ཚེ་བརྟན་ཅིང་བཞེད་དོན་ལྷུན་འགྲུབ་ཤོག །
གཞན་སྣང་སྲིད་པའི་ཟློས་གར་སྒྱུ་མའི་འཕྲུལ། །
དད་བརྩོན་མཁྱེན་པའི་དྲི་བཟང་ལྷན་སྐྱེས་མངའ། །
གངས་ལྗོངས་སྰ་ལའི་སྨན་ཐང་ཡོངས་སྨིན་ནས། །
བསྟན་འགྲོའི་དོན་ཆེན་འགྲུབ་པར་ཞབས་བརྟན་ཤོག །
བྱམས་བརྩེའི་ཟླ་གྲོགས་གསེར་བཟང་ལང་ཚོ་ལ། །
དག་སྣང་དད་པའི་འོད་སྣང་འབུམ་འཇོ་བས། །
འཇིག་རྟེན་ཆོས་བརྒྱད་མུན་བྲལ་བྱ་བཏང་བ། །
ཀླུ་སྨྱོན་ཧེ་རུ་ཀ་དཔལ་ཞབས་བརྟན་ཤོག །
ཅེས་པ་འདི་ཡང་རབ་རྒྱན་ཆུ་སྟོད་ཟླ་བའི་ཉ་ལ་དྲ་སྟེང་གི་དབྱེན་སྦྱོར་དང་རྨི་ལམ་ཞིག་གིས་རྐྱེན་ལས་བདེན་དཔུང་ར་སྤྲོད་དང་སྙིང་རྗེའི་རང་གཟུགས་དག་སྣང་ཅན་ལ་ཞབས་པད་བརྟན་བཞེད་དོན་འགྲུབ་པའི་ཆེད་དུ་ཡོ་རོབ་ཀུན་བཟང་ཆོས་གླིང་ནས་ཤྲྰི་སྨྱོན་པས་གསོལ་བ་འདེབས་པ་དགེའོ།། །།
Subscribe to:
Post Comments (Atom)
0 comments:
Post a Comment