Thursday 20 October 2011
02:33 | 
Posted by
༄༅།། ཨེ་མ་ཧོའི་རིག་མཛོད་། |
ཀླུ་སྨྱོན་དང་ཚེ་རིང་སྐྱིད་ཀྱི་དམ་ཚིག །
ཨེ་མ་ཧོ། །
འོད་གསལ་སྣང་ཆ་མ་འགགས་རྒྱལ་བའི་ཞིང་། །
བདེ་གསལ་རང་སྣང་རོལ་བ་སྲིད་པའི་གྲོང་། །
ཟུང་འཇུག་རྨི་ལམ་སྒྱུ་འཕྲུལ་ཟློས་གར་ལས། །
འོག་མིན་སྨིན་གྲོལ་མཇལ་བ་ཨེ་མ་ཧོ། །
ཡེ་ཤེས་ཧེ་རུ་ཀ་པའི་རྣལ་འབྱོར་པས། །
པུནྱེ་མ་ཧྰ་སུ་ཁའི་རྣལ་འབྱོར་མའི། །
བདེ་ཆེན་ཕྱག་རྒྱའི་རོལ་གར་དགའ་སྟོན་ཆེ། །
མཉམ་ཉིད་རིག་པའི་རྡོ་རྗེ་མཇལ་བར་རྨིས། །
གསང་གསུམ་དགྱེས་པའི་དགའ་སྟོན་ཚེས་པ་ལ། །
ཞི་ཁྲོ་ན་རཀ་དོང་སྤྲུགས་ཚོགས་འཁོར་དང་། །
རྣལ་འབྱོར་མཆེད་ལྕམ་དམ་གཙང་རྡོ་རྗེའི་གླུ། །
སྙན་འཇེབས་སྒྲ་དབྱངས་ངོམ་མེད་ཐོས་པར་རྨིས། །
མདོར་ན་བདེ་སྐྱིད་བསམ་ཡུལ་འདས་པར་བྱུང་། །
བསྟན་དང་འགྲོ་བའི་དོན་ཆེན་སྒྲུབ་པ་ལ། །
མཚན་ལྡན་རིག་མའི་ཕྱག་རྒྱ་མ་རལ་ན། །
ཀླུ་སྤྲུལ་འགྲོ་དོན་མཐར་ཕྱིན་ཡོང་བར་རྨིས། །
རྣམ་སྨིན་རིག་འཛིན་སྤྲུལ་པའི་སྐུ་མཆོག་ཉིད། །
ཚེ་དབང་རིག་འཛིན་གྲུབ་པའི་འོད་སྐུ་གཤེགས །
ཕྱག་ཆེན་རིག་འཛིན་གསང་ཆེན་དག་མཉམ་རོལ། །
ལྷུན་གྲུབ་རིག་འཛིན་རྒྱལ་བའི་སྐུ་ཐོབ་ཤོག །
ཅེས་པ་དད་དམ་བརྟན་པའི་བདག་རྐྱེན་དང་རང་སྣང་དག་པའི་རྨི་ལམ་ཉིད་གསང་རྒྱ་མ་བྱས་པར་ཀླུ་སྤྲུལ་ཉིད་ལ་གང་ཤར་དུ་ཤྲྰི་བཛྲས་སྨྲས་པ་དོན་དང་ལྡན་པར་གྱུར་ཅིག་གུ། །
Subscribe to:
Post Comments (Atom)
0 comments:
Post a Comment