Wednesday 29 February 2012
01:52 | 
Posted by
༄༅།། ཨེ་མ་ཧོའི་རིག་མཛོད་། |
ཁྲྭ་ཁོག་མཚོའུ་དཀར་འཁྱིལ། །
ཨེ་མ།
ཁྲྭ་ཁོག་གཡུ་ཐང་དཀྱིལ་ན། །
གཞུ་སྙིང་མཚོའུ་དཀར་འཁྱིལ། །
ཀླུ་རྒྱལ་གཙུག་ནའི་སྐར་ཁང་། །
དབྱར་དགུན་གསལ་སྒྲིབ་མི་འདུག །
ཁྲྭ་མཁར་དབང་རིའི་རྩེ་ན། །
མེས་པོའི་དུར་སྲུང་སོ་མཚམས། །
དར་ལྕོག་ལ་རྩེའི་རླུང་རྟ། །
ནམ་ཡང་ཉམས་པ་མི་འདུག །
ཁྲྭ་གཞུང་བཀའ་གཞིའི་ཕྱོགས་ན། །
རྫ་མདོག་གླང་ཆེན་འགྱིང་རི་། །
ཡུལ་ལྷ་གཉན་པོའི་བཞུགས་གནས། །
གཉུག་མའི་གདན་ས་ཡིན་འདུག །
ཁྲྭ་སྐེད་གཡང་འཁྱིལ་ཞིང་ན། །
བརྒྱུད་གསུམ་བླ་མའི་རབ་གནས། །
སྣོད་བཅུད་དགེ་བའི་ཇོ་དར། །
གངས་དཀར་རྒྱན་དུ་མཛེས་འདུག །
ཁྲྭ་སྟོད་གནམ་རྫོང་ཕྱུག་མོ། །
འཛམ་གླིང་གངས་རིའི་རྒྱལ་པོ། །
སྣང་ཆུང་གཡུ་རྟགས་གདུང་འབུམ། །
སྐྱེ་དགུའི་དཔལ་དུ་ཤར་འདུག །
ཅེས་པ་ཡང་རབ་རྒྱན་ཆུ་འབྲུག་ཡར་ཚེས་རྒྱལ་བ་གཉིས་པར་རྨི་ལམ་དང་སྔོན་སྙིང་གྲོགས་བློ་གྲོས་རབ་གསལ་གྱིས་བསྐུལ་ངོར་ཤྲྰི་སྨྱོན་པས་ཐོལ་བྱུང་དུ་བྲིས་པ་དགེའོ། ། །།
Subscribe to:
Post Comments (Atom)
0 comments:
Post a Comment