Sunday, 25 March 2012
15:09 | 
Posted by
༄༅།། ཨེ་མ་ཧོའི་རིག་མཛོད་། |
༁ྃ༔ འོད་དཔག་མེད་ཀྱི་སྒྲུབ་ཐབས་བདེ་ཆེན་མྱུར་ལམ་བཞུགས་སོ། །
༸༁ཨཱ༴༆༔༔
འོད་དཔག་མེད་ལ་ཕྱག་འཚལ་ལོ༔ འོད་དཔག་མེད་ཀྱི་སྒྲུབ་ཐབས་ནི༔ དང་པོ་སྐྱབས་འགྲོ་སེམས་བསྐྱེད་བྱ༔ དེ་ནས་བསྒོམ་བཟླས་འདི་ལ་འཇུག༔
ཆོས་རྣམས་ཐམས་ཅད་སྟོང་པའི་ངང་༔ ཀུན་ཁྱབ་བརྩེ་བའི་སྙིང་རྗེ་བསྒོམ༔ སྟོང་ཉིད་སྙིང་རྗེ་དེ་ཡི་ངང་༔ སྣང་སྲིད་བདེ་ཆེན་ཞིང་གི་དབུས༔ པད་ཟླའི་གདན་ལ་རང་རིག་ཧྲྰི༔ དེ་ལས་འོད་འཕྲོས་དོན་གཉིས་སྒྲུབ༔ ཡོངས་གྱུར་བདག་ཉིད་བཅོམ་ལྡན་འདས༔ སྣང་བ་མཐའ་ཡས་སྐུ་མདོག་དམར༔ ཞལ་གཅིག་ཕྱག་གཉིས་མཉམ་བཞག་སྟེང་༔ ལྷུང་བཟེད་བདུད་རྩིས་གང་བ་བསྣམས༔ ཞབས་གཉིས་མི་འགྱུར་སྐྱིལ་ཀྲུང་བཞུགས༔ ཆོས་གོས་རྣམ་གསུམ་སྐུ་ལ་མཛེས༔ མཚན་དང་དཔེ་བྱད་ཡོངས་སུ་རྫོགས༔ སངས་རྒྱས་སྐུ་ལྔའི་བདག་ཉིད་མཆོག༔ སྣང་ལ་རང་བཞིན་མེད་པ་ཡི༔ ཐུགས་ཀར་ཟླ་སྟེང་ཧྲྰིཿདམར་པོར༔ སྔགས་ཀྱི་གཡས་སུ་བསྐོར་བ་ལས༔ འོད་འཕྲོས་བདེ་གཤེགས་ཐམས་ཅད་ཀྱང༔ བསྒོམ་པ་ལྟ་བུར་སྤྱན་དྲངས་བསྟིམ༔ ཛཿཧྰུྃཿབྃཿཧོ༔ སྔགས་ལས་འོད་འཕྲོས་དོན་གཉིས་བྱས༔ གཟུགས་སྣང་དག་པ་འོད་དཔག་མེད༔ སྒྲ་སྒྲགས་སྙིང་པོ་སྔགས་ཀྱི་སྒྲ༔ རྟོག་ཚོགས་དག་པ་ཡེ་ཤེས་ལྔ༔ བདེ་བ་ཆེན་པོའི་ངང་ནས་བཟླ༔ ཨོཾ་ཨ་མི་དྷེ་ཝ་ཨ་ཡུ་སིདྡྷི་ཧྰུྃ་ཧྲྰི༔
ཡི་གེ་བཅུ་གཅིག་རྩ་བའི་སྔགས༔ འབུམ་ཕྲག་གསུམ་གྱིས་དངོས་གྲུབ་ཐོབ༔ དེ་ནས་ལྷ་སྣང་མི་དམིགས་བཞག༔ རྗེས་སུ་བསྔོ་བ་སྨོན་ལམ་བྱ༔ ཚེ་འདིར་དུས་མིན་འཆི་བ་ཞི༔ ཕྱི་མ་བདེ་ཆེན་ཐར་ལམ་ཟིན༔ དེ་ཕྱིར་སྐལ་ལྡན་ཉམས་སུ་ལོངས༔ ས་མ་ཡ༔ ལས་རབ་གླིང་པའི་གཏེར་མ་ཤོག་སེར་ལས་རྒྱལ་དབང་ཐུབ་བསྟན་རྒྱ་མཚོས་ཕབ་པའོ༔
Subscribe to:
Post Comments (Atom)
0 comments:
Post a Comment