Thursday, 17 May 2012
07:56 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །མཁན་པོ་མུན་སེལ་གྱི་གསོལ་འདེབས་རིག་པའི་གསལ་འདེབས་ཞེས་བྱ་བ།
།
ན་མོ་གུ་རུ་སུརྱ་རཏྣ་ཡེ།
།
ཕྱོགས་དུས་རྒྱལ་ཀུན་རང་གཟུགས་ཀུན་ཏུ་བཟང་།
།
རྣམ་སྣང་ལོངས་སྤྱོད་རྫོགས་སྐུ་རྡོ་རྗེ་ཆོས།
།
ཞིང་འདིར་བསྟན་པའི་བདག་པོ་བཅོམ་ལྡན་འདས།
།
ཀུན་འདུས་པདྨ་འབྱུང་གནས་རྒྱལ་གྱུར་ཅིག
།
ངེས་འབྱུང་རྣལ་མའི་ཚུལ་ཁྲིམས་སྡོམ་པ་གཙང་།
།
བྱང་ཆུབ་སེམས་ཀྱི་ཏིང་འཛིན་སྒོམ་པ་མཆོག
།
མདོ་སྔགས་བསྟན་པའི་ཤེས་རབ་ལྡན་པའི་དཔལ། །
རྫོགས་ཆེན་གྲུབ་པའི་དབང་ཕྱུག་གུས་པས་འདུད།
།
མ་རིག་མུན་པ་འཇོམས་པའི་གཉེན་གཅིག་པུ།
།
མི་ཤེས་རྨོངས་པ་སེལ་བའི་དགེ་བའི་བཤེས། །
ངེས་དོན་ཆོས་ཀྱི་རྒྱལ་པོ་རིན་པོ་ཆེ། །
མི་མངོན་དབྱིངས་སུ་བཞུད་པ་ཅུང་བདེན་ནམ། །
ཁྱད་པར་རྫོགས་ཆེན་བསྟན་པའི་གསལ་བྱེད་མཆོག
།
བརྒྱུད་གསུམ་རིག་འཛིན་བླ་མ་དམ་ཚིག་ཅན། །
སྙིགས་ལྔའི་མུན་པ་སེལ་བའི་ཐུགས་རྗེ་ཅན། །
སྐྱབས་མགོན་དེད་དཔོན་དམ་པར་གསོལ་བ་འདེབས།
།
བདེ་གཤེགས་བསྟན་པའི་རང་ལུགས་འཛིན་སྐྱོང་སྤེལ།
།
ཡོངས་འཛིན་མ་རིག་མུན་སེལ་ཆོས་ཀྱི་རྒྱལ། །
མཁྱེན་བརྩེ་ནུས་པའི་ཡོན་ཏན་མཚུངས་མེད་པས།
།
ཀུན་མཁྱེན་དམ་པའི་གདུང་སྲས་མཆོག་ཏུ་མཛད། །
དམ་པའི་ཕ་ཁྱིམ་དབེན་པའི་རི་སུལ་འགྲིམས།
།
འཆད་ཉན་བཤད་པའི་གྲྭ་སར་ལེགས་པར་བཞེངས། །
སྒྲུབ་པའི་རྒྱལ་མཚན་སྒྲེང་པའི་མཁན་པོ་ཡིས། །
འཇའ་ལུས་རིག་འཛིན་འགྲུབ་པའི་ཐེམས་སྐས་བཙུགས༎
མཁྱེན་བརྩེ་ནུས་པའི་གདུགས་དཀར་གཅིག་གི་འོག
།
བཤད་སྒྲུབ་ཕྲིན་ལས་སྙིང་པོ་སྐྱོབ་པའི་སླད། །
བཀའ་གཏེར་གདམས་པའི་བརྒྱུད་འཛིན་གོང་དུ་སྤེལ། །
བསྟན་འགྲོར་ཕན་བདེའི་མཛད་བཟང་བདག་གིར་བཞེས། །
སྙིང་ཐིག་སྙིང་པོའི་བསྟན་པ་ཡིད་བཞིན་ནོར །
ཐབས་ཤེས་གདམས་པའི་གསུང་གིས་ལེགས་གནང་བའི། །
མཁས་བཙུན་བཟང་པོའི་རྣམ་ཐར་མ་སྨད་པས། །
སྔ་འགྱུར་བསྟན་པའི་ཆེ་བ་ཁྱེད་ཀྱིས་བསྟན། །
རྣམ་སྨིན་རིག་འཛིན་སྤྲུལ་སྐུས་མུན་པ་སེལ།
།
ཚེ་དབང་རིག་འཛིན་རང་སྣང་དག་པར་སྦྱང་། །
ཕྱག་ཆེན་རིག་འཛིན་བདེ་སྟོང་མངོན་གྱུར་པའི།
།
ལྷུན་གྲུབ་རིག་འཛིན་རྒྱལ་པོ་གསོལ་བ་འདེབས། །
རྨི་ལམ་སྒྱུ་འཕྲུལ་ལམ་ནས་མངོན་སུམ་མཇལ།
།
སྣང་སྲིད་རྣམ་དག་འོད་སྣང་དྲ་བ་ལས། །
དད་གུས་མཆི་མའི་སྒོམ་ཕྱག་འཚལ་བའི་སྟོབས། །
སླར་ཡང་ཐུབ་བསྟན་པ་གསལ་བའི་རྒྱན་དུ་བཞུགས། །
མི་གནས་མྱ་ངན་འདས་པའི་སར་གཤེགས་ཤིང་།
།
གང་འདུལ་སྤྲུལ་བ་རྟག་ཁྱབ་ལྷུན་གྲུབ་གྱིས། །
ནམ་མཁའ་སྲིད་དུ་གང་གི་འཕྲིན་ལས་ཀྱིས། །
འཁོར་བ་དོང་སྤྲུགས་ཐར་པར་འདྲེན་དུ་གསོལ། །
བདག་ཀྱང་འདི་ནས་བྱང་ཆུབ་མ་ཐོབ་པར།
།
རྗེ་བཙུན་བླ་མ་དམ་པའི་ཕྲིན་ལས་ཀུན།
།
ཀུན་བཟང་རྒྱལ་སྲིད་ཆེན་པོར་དབང་འབྱོར་ནས། །
མ་ལུས་འགྲོ་ལ་ཕན་བདེའི་དཔལ་དུ་སྨོན།
།
ཞེས་པ་འདི་ཡང་རབ་རྒྱན་ཆུ་འབྲུག་ས་ག་ཟླ་བའི་དབང་ཕྱོགས་དགའ་བ་གསུམ་པར་ཞལ་ཐང་མཐོང་གྲོལ་ཆེན་པོ་འདི་ཉིད་བདག་གི་སྙིང་གྲོགས་ཞིག་གིས་གནང་བའི་རྐྱེན་ལས་གང་དྲན་དུ་ཤྲྰི་སྨྱོན་ནས་ཨེ་ཝྃ་རྫོགས་ཆེན་ཆོས་ཚོགས་ཁང་ནས་བྲིས་པ་དགེའོ།
།
Subscribe to:
Post Comments (Atom)
0 comments:
Post a Comment