Monday 9 July 2012
15:33 | 
Posted by
༄༅།། ཨེ་མ་ཧོའི་རིག་མཛོད་། |
༡༽
ཀྱེ་མ་ཧོ། །
ཀ་དག་བསམ་པ་དག་ཀྱང་། །
ཁ་བའི་ལ་རྒྱ་ཡིན་ཡང་། །
ག་ས་གང་ནས་འབར་ཀྱང་། །
ང་ཚོས་འཚེ་བ་སྤོང་དགོས། །
ཅ་ཅོའི་འབོད་པ་བཟང་ཡང་། །
ཆ་ལུགས་མུ་སྟེགས་སྤྱོད་པ། །
ཇ་རྩམ་རོལ་བའི་བོད་པས། །
ཉ་ཉོག་ལས་ཀ་མ་བྱེད། །
ཏ་ཐྰ་ག་ཏའི་སྙིང་པོ། །
ཐ་དག་ཞི་བདེ་འདོད་ན། །
ད་ལྟའི་མེ་མཆོད་འདི་ཚོ། །
ན་ཚའི་སྡུག་བསྔལ་ཁོ་ན། །
པ་ར་མི་ཏའི་ལྟ་སྤྱོད། །
ཕ་མའི་རྒྱུད་སྡེའི་དགོངས་པ། །
བ་གླང་དམར་མཆོད་ནང་བཞིན། །
མ་བྱེད་བོད་རིགས་སྤུན་ཟླ། །
ཙ་ར་ལེགས་པོ་གཅོད་དང་། །
ཚ་གྲང་དམྱལ་བ་མངོན་སུམ། །
ཛ་དྲག་རང་གིས་བཟོས་པ། །
ཝ་མོས་རྟུལ་ཞུགས་མིན་ནམ། །
ཞ་ལོང་བོན་པ་མིན་ན། །
ཟ་དགའ་འཐུང་སྐྱིད་མེད་པར། །
འ་ཅག་གངས་ཅན་ཚང་མས། །
ཡ་རབས་གནས་ལ་བརྩོན་ཅིག །
ར་བ་གངས་དཀར་ལྗོངས་སུ། །
ལ་རྒྱ་མེད་པ་མིན་ཀྱང་། །
ཤ་ཚ་སྙིང་རྗེ་འདི་འདྲ། །
ས་འདིར་མཐོང་འདོད་མི་འདུག །
ཧ་ཅང་ཐབས་ཤེས་བཟང་པོས། །
ཨ་རིག་བསྟན་སྲིད་གནས་ལ། །
གཞི་བྱེས་ཀུན་པོས་འབད་ནས། །
རང་ཆོས་བདག་ཏུ་ཟུངས་ཤིག །
ཨ་རིག་ཤྲྰིས་གང་དྲན་བཅོས་བསྒྱུར་མེད་པར་ཕུལ། །
Subscribe to:
Post Comments (Atom)
0 comments:
Post a Comment