Tuesday 30 October 2012
23:01 | 
Posted by
༄༅།། ཨེ་མ་ཧོའི་རིག་མཛོད་། |
སེང་ཆེན་ནོར་བུ་དགྲ་འདུལ་གྱི་བསང་མཆོད་ནི།
མཆོག་གྱུར་བདེ་ཆེན་གླིང་བ།
རྃ་ཡྃ་ཁྃ་གིས་སྦྱངས། ཨོཾ་ཨཱཿཧཱུྃ་གིས་བྱིན་གྱིས་བརླབས་ལ། ཀྱཻ། པདྨ་འབྱུང་གནས་ཐུགས་ལས་སྤྲུལ། སེང་ཆེན་ནོར་བུ་དགྲ་འདུལ་དང༌། ཝེར་མ་བཅུ་གསུམ་ཕུ་ནུའི་ཚོགས། འདིར་བྱོན་བསང་གི་མཆོད་པ་བཞེས། །ཁ་འཛིན་སྡོང་གྲོགས་མ་གཡེལ་ཅིག །ཅི་བསམ་དོན་རྣམས་བསྒྲུབ་དུ་གསོལ། ཞེས་པ་མཆོག་གྱུར་གླིང་པས་འཕྲལ་དུ་བྲིས།། ༈ ཀྱཻ། འཛམ་གླིང་གངས་ཅན་བོད་ཀྱི་ལྗོངས། ཡུལ་ལ་གཡང་ཆགས་ཤར་ཟླ་སྒང༌༑།སྐྱི་སོས་ཡག་པའི་སུམ་མདོ་ལ།དགྲ་ལྷ་སྐུ་གཅིག་སྐྱེས་པ་ནི། གེ་སར་སྐྱེས་བུ་དོན་འགྲུབ་ཞེས།མཚན་དཀར་བ་དན་སྲིད་རྩེར་བསྒྲིང༌།དབུ་ནག་བོད་ཀྱི་རྒྱལ་པོར་བསྐོས། །ཀུན་ལ་མཚར་བའི་འབྲུག་མོ་སྨན། །བཙུན་མོར་འོས་པས་ཁབ་ཏུ་བཞེས། །མཆོད་གཅིག་རྒྱ་ཚ་ཞལ་དཀར་དེ། །དགྲ་ལྷ་དེ་ཡི་དཔུང་གྲོགས་མཛད། །དཔའ་རྒོད་འདན་མ་བྱང་ཁྲ་ནི༑ །རྒྱལ་པོ་དེ་ཡི་བློན་པོར་བསྐོས། ཀྱཻ། ཚོ་དྲུག་གླིང་གི་དཔོན་པོ་ལ། གསེར་བའི་ཉི་འབུམ་དར་ཡག་དང༌། འོམ་བུའི་ཨ་ནུ་དཔལ་སེང་དང༌། མུ་རྐྱང་རིན་ཆེན་དར་ལུ་རྣམས༑ །སྟོད་སྨད་བར་གསུམ་གཙོ་བོར་བརྗིད། རྒ་བདེའི་ཆོས་སྐྱོང་བེར་ནག་ཅན། མཐུ་སྟོབས་རྩལ་ལྡན་སྐུ་སྲུང་མཛད། ནུ་བོ་རོང་ཚ་དམར་ལེབ་སོགས། ཕུ་ནུ་སུམ་ཅུ་འདུན་མ་གཅིག །འདུན་མའི་གཙོ་བོ་སྤྱི་དཔོན་རྗེ༑ གཡས་གཡོན་དབུས་གསུམ་དམག་གི་རུ། འདྲེན་པའི་དར་འཕེན་ལ་སོགས་པའི། །དམག་དཔོན་གསུམ་ནི་དགྲ་ལ་རྔམས། །བཟང་ངན་ལས་ཀྱི་སྣ་འདྲེན་པ། །ཨ་ཁུ་ཁྲོ་ཐུང་ཁྲ་སྤྱང་དང༌། །ཧོ་གྱི་ཤན་པ་མེ་རུ་སོགས། །ལས་བྱེད་དཔའ་ཐུལ་སུམ་ཅུ་དང༌། །གླིང་གི་ལྷ་དམག་བྱེ་བའི་ཚོགས། །ཧོར་དམག་བདུད་དམག་བྲན་དུ་བསྐོལ། །ཀུན་ཀྱང་བསྟན་པ་སྲུང་བ་དང༌། སྐྱེ་བོ་ཡོངས་ཀྱི་དགྲ་ལྷ་མཛད། །རྒྱབ་བརྟེན་བླ་མ་ཡི་དམ་དང༌། །དཔའ་བོ་མཁའ་འགྲོ་ཆོས་སྐྱོང་དང༌། །བསྡོང་ཟླ་དགྲ་ལྷ་ཝེར་མའི་ཚོགས༑ །ཀུན་ཀྱང་རྩལ་ཆེ་ཕྲིན་ལས་མྱུར།།ཡེ་ཤེས་གྲུབ་ཀྱང་ལས་ཀྱི་ཚུལ། །སྐྱེ་བོའི་ཟོར་དོར་ཡིན་པའི་ཕྱིར། །འདོད་ཡོན་གཏོར་མའི་མཆོད་པ་འབུལ། །སྐྱེ་བོ་ཡོངས་ལ་མགོན་སྐྱོབས་མཛོད། །བསྟན་པའི་དགྲ་བོ་བསྒྲལ་བའི་ཕྱིར། །རཀྟ་དམར་གྱི་མཆོད་པ་འབུལ། །དགྲ་བགེགས་མྱུར་དུ་སོད་ལ་ཤོག །གསང་སྔགས་སྲུང་མ་ཡིན་པའི་ཕྱིར༑ །དམ་རྫས་སྨན་གྱི་མཆོད་པ་འབུལ། །གསང་སྔགས་བསྟན་པ་རྒྱས་པར་མཛོད། །གུ་རུ་པདྨ་འབྱུང་གནས་ཀྱི། །ཡང་སྤྲུལ་གྲུབ་ཐོབ་ཡིན་པའི་ཕྱིར། །གསང་བའི་མཆོད་པ་སྣ་ཚོགས་འབུལ། །བྲང་གཏེར་བསྟན་པ་རྒྱས་པར་མཛོད། །བདུད་རྩི་བསང་གི་མཆོད་པ་འབུལ། །མི་ནད་ཕྱུགས་ནད་ཞི་བར་མཛོད། །དག་བྱེད་ཁྲུས་ཀྱི་མཆོད་པ་འབུལ། །མི་གཙང་ཉམས་གྲིབ་ཞི་བར་མཛོད། །བདུད་རྩི་ཆང་གི་མཆོད་པ་འབུལ། །ལོ་ཏོག་འབྲས་དྲུག་ལེགས་པར་མཛོད། །བདུད་རྩི་དཀར་གསུམ་མཆོད་པ་འབུལ། །མར་ཐུད་ཟས་བཅུད་འཕེལ་བར་མཛོད། །གསེར་དངུལ་དར་ཟབ་མཆོད་པ་འབུལ། །གོས་དང་རྒྱན་གྱིས་ཕྱུག་པར་མཛོད༑ །གོ་ཆ་མཚོན་ཆ་སྣ་ཚོགས་འབུལ། །མི་མཐུན་གཡུལ་ལས་རྒྱལ་པར་མཛོད༑ །རི་དྭགས་གཡུང་དྭགས་སྣ་ཚོགས་འབུལ། །རྟ་ཕྱུག་རྐང་འགྲོ་འཕེལ་བར་མཛོད༑ །བ་དན་རྒྱལ་མཚན་དཀར་པོ་འབུལ། །སྙན་གྲགས་ཕྱོགས་བཅུར་ཁྱབ་པར་མཛོད༑ །རྒྱལ་སྲིད་སྣ་བདུན་མཆོད་པ་འབུལ། །ཆོས་སྲིད་དཔལ་འབྱོར་མཐོ་བའི་མཛོད༑ །བཀྲ་ཤིས་རྫས་བརྒྱད་མཆོད་པར་འབུལ། །ཚེ་རིང་ཆོས་འཕེལ་མཛད་དུ་གསོལ༑ །བཀྲ་ཤིས་རྟགས་བརྒྱད་མཆོད་པ་འབུལ། །འདོད་པའི་འདོན་རྣམས་མྱུར་དུ་སྒྲུབས༑ །རོལ་མོ་གླུ་དབྱངས་མཆོད་པ་འབུལ། །གཏམ་སྙན་སྣ་ཚོགས་དངོས་གྲུབ་སྩོལ། །ཀྱཻ། མེ་ཏོག་སིལ་མའི་ཆར་གྱིས་བར་སྣང་ཁེངས། །ཉི་ཟླ་སྣང་གསལ་འོད་ཀྱིས་ཀུན་ཏུ་ཁྱབ། །སྤྱན་གཟིགས་སྣ་ཚོགས་འབྱོར་བས་ས་གཞི་གང༌། །འདི་དག་འབུལ་གྱིས་བཀྲ་ཤིས་བདེ་ལེགས་སྩོལ། །
ཞེས་པར་འུ་སྒྲུང་མཁན་ཨ་རྨེ་གཞོན་ནུའི་རིང་མོ་ནས་བསྐུལ་བའི་ངོར། མཆོག་གྱུར་གླིང་པས་མདོ་ཁམས་བྱང་རྒྱུད་ཤར་ཟླ་དལ་གྱིས་འབབ་པའི་འགྲམ་སྐྱེས་བུ་ཆེན་པོ་སྐུ་འཁྲུངས་པའི་ཡུལ། ཕུ་ནུ་སུམ་ཅུའི་གསས་མཁར་གྱི་ཞོལ། འདུ་ར་སྟག་ཐང་ཁྲ་མོར་རབ་བྱུང་བཅོ་ལྔ་པའི་མགོ་བོ་ཡོས་ལོ་སྤྲེལ་ཟླ་བའི་དམར་ཕྱོགས་ཀྱི་མཁའ་འགྲོ་འདུ་བའི་དུས་ཆེན་ལ་བྲིས་པ་དགེ།
མཆོག་གྱུར་བདེ་ཆེན་གླིང་བ།
རྃ་ཡྃ་ཁྃ་གིས་སྦྱངས། ཨོཾ་ཨཱཿཧཱུྃ་གིས་བྱིན་གྱིས་བརླབས་ལ། ཀྱཻ། པདྨ་འབྱུང་གནས་ཐུགས་ལས་སྤྲུལ། སེང་ཆེན་ནོར་བུ་དགྲ་འདུལ་དང༌། ཝེར་མ་བཅུ་གསུམ་ཕུ་ནུའི་ཚོགས། འདིར་བྱོན་བསང་གི་མཆོད་པ་བཞེས། །ཁ་འཛིན་སྡོང་གྲོགས་མ་གཡེལ་ཅིག །ཅི་བསམ་དོན་རྣམས་བསྒྲུབ་དུ་གསོལ། ཞེས་པ་མཆོག་གྱུར་གླིང་པས་འཕྲལ་དུ་བྲིས།། ༈ ཀྱཻ། འཛམ་གླིང་གངས་ཅན་བོད་ཀྱི་ལྗོངས། ཡུལ་ལ་གཡང་ཆགས་ཤར་ཟླ་སྒང༌༑།སྐྱི་སོས་ཡག་པའི་སུམ་མདོ་ལ།དགྲ་ལྷ་སྐུ་གཅིག་སྐྱེས་པ་ནི། གེ་སར་སྐྱེས་བུ་དོན་འགྲུབ་ཞེས།མཚན་དཀར་བ་དན་སྲིད་རྩེར་བསྒྲིང༌།དབུ་ནག་བོད་ཀྱི་རྒྱལ་པོར་བསྐོས། །ཀུན་ལ་མཚར་བའི་འབྲུག་མོ་སྨན། །བཙུན་མོར་འོས་པས་ཁབ་ཏུ་བཞེས། །མཆོད་གཅིག་རྒྱ་ཚ་ཞལ་དཀར་དེ། །དགྲ་ལྷ་དེ་ཡི་དཔུང་གྲོགས་མཛད། །དཔའ་རྒོད་འདན་མ་བྱང་ཁྲ་ནི༑ །རྒྱལ་པོ་དེ་ཡི་བློན་པོར་བསྐོས། ཀྱཻ། ཚོ་དྲུག་གླིང་གི་དཔོན་པོ་ལ། གསེར་བའི་ཉི་འབུམ་དར་ཡག་དང༌། འོམ་བུའི་ཨ་ནུ་དཔལ་སེང་དང༌། མུ་རྐྱང་རིན་ཆེན་དར་ལུ་རྣམས༑ །སྟོད་སྨད་བར་གསུམ་གཙོ་བོར་བརྗིད། རྒ་བདེའི་ཆོས་སྐྱོང་བེར་ནག་ཅན། མཐུ་སྟོབས་རྩལ་ལྡན་སྐུ་སྲུང་མཛད། ནུ་བོ་རོང་ཚ་དམར་ལེབ་སོགས། ཕུ་ནུ་སུམ་ཅུ་འདུན་མ་གཅིག །འདུན་མའི་གཙོ་བོ་སྤྱི་དཔོན་རྗེ༑ གཡས་གཡོན་དབུས་གསུམ་དམག་གི་རུ། འདྲེན་པའི་དར་འཕེན་ལ་སོགས་པའི། །དམག་དཔོན་གསུམ་ནི་དགྲ་ལ་རྔམས། །བཟང་ངན་ལས་ཀྱི་སྣ་འདྲེན་པ། །ཨ་ཁུ་ཁྲོ་ཐུང་ཁྲ་སྤྱང་དང༌། །ཧོ་གྱི་ཤན་པ་མེ་རུ་སོགས། །ལས་བྱེད་དཔའ་ཐུལ་སུམ་ཅུ་དང༌། །གླིང་གི་ལྷ་དམག་བྱེ་བའི་ཚོགས། །ཧོར་དམག་བདུད་དམག་བྲན་དུ་བསྐོལ། །ཀུན་ཀྱང་བསྟན་པ་སྲུང་བ་དང༌། སྐྱེ་བོ་ཡོངས་ཀྱི་དགྲ་ལྷ་མཛད། །རྒྱབ་བརྟེན་བླ་མ་ཡི་དམ་དང༌། །དཔའ་བོ་མཁའ་འགྲོ་ཆོས་སྐྱོང་དང༌། །བསྡོང་ཟླ་དགྲ་ལྷ་ཝེར་མའི་ཚོགས༑ །ཀུན་ཀྱང་རྩལ་ཆེ་ཕྲིན་ལས་མྱུར།།ཡེ་ཤེས་གྲུབ་ཀྱང་ལས་ཀྱི་ཚུལ། །སྐྱེ་བོའི་ཟོར་དོར་ཡིན་པའི་ཕྱིར། །འདོད་ཡོན་གཏོར་མའི་མཆོད་པ་འབུལ། །སྐྱེ་བོ་ཡོངས་ལ་མགོན་སྐྱོབས་མཛོད། །བསྟན་པའི་དགྲ་བོ་བསྒྲལ་བའི་ཕྱིར། །རཀྟ་དམར་གྱི་མཆོད་པ་འབུལ། །དགྲ་བགེགས་མྱུར་དུ་སོད་ལ་ཤོག །གསང་སྔགས་སྲུང་མ་ཡིན་པའི་ཕྱིར༑ །དམ་རྫས་སྨན་གྱི་མཆོད་པ་འབུལ། །གསང་སྔགས་བསྟན་པ་རྒྱས་པར་མཛོད། །གུ་རུ་པདྨ་འབྱུང་གནས་ཀྱི། །ཡང་སྤྲུལ་གྲུབ་ཐོབ་ཡིན་པའི་ཕྱིར། །གསང་བའི་མཆོད་པ་སྣ་ཚོགས་འབུལ། །བྲང་གཏེར་བསྟན་པ་རྒྱས་པར་མཛོད། །བདུད་རྩི་བསང་གི་མཆོད་པ་འབུལ། །མི་ནད་ཕྱུགས་ནད་ཞི་བར་མཛོད། །དག་བྱེད་ཁྲུས་ཀྱི་མཆོད་པ་འབུལ། །མི་གཙང་ཉམས་གྲིབ་ཞི་བར་མཛོད། །བདུད་རྩི་ཆང་གི་མཆོད་པ་འབུལ། །ལོ་ཏོག་འབྲས་དྲུག་ལེགས་པར་མཛོད། །བདུད་རྩི་དཀར་གསུམ་མཆོད་པ་འབུལ། །མར་ཐུད་ཟས་བཅུད་འཕེལ་བར་མཛོད། །གསེར་དངུལ་དར་ཟབ་མཆོད་པ་འབུལ། །གོས་དང་རྒྱན་གྱིས་ཕྱུག་པར་མཛོད༑ །གོ་ཆ་མཚོན་ཆ་སྣ་ཚོགས་འབུལ། །མི་མཐུན་གཡུལ་ལས་རྒྱལ་པར་མཛོད༑ །རི་དྭགས་གཡུང་དྭགས་སྣ་ཚོགས་འབུལ། །རྟ་ཕྱུག་རྐང་འགྲོ་འཕེལ་བར་མཛོད༑ །བ་དན་རྒྱལ་མཚན་དཀར་པོ་འབུལ། །སྙན་གྲགས་ཕྱོགས་བཅུར་ཁྱབ་པར་མཛོད༑ །རྒྱལ་སྲིད་སྣ་བདུན་མཆོད་པ་འབུལ། །ཆོས་སྲིད་དཔལ་འབྱོར་མཐོ་བའི་མཛོད༑ །བཀྲ་ཤིས་རྫས་བརྒྱད་མཆོད་པར་འབུལ། །ཚེ་རིང་ཆོས་འཕེལ་མཛད་དུ་གསོལ༑ །བཀྲ་ཤིས་རྟགས་བརྒྱད་མཆོད་པ་འབུལ། །འདོད་པའི་འདོན་རྣམས་མྱུར་དུ་སྒྲུབས༑ །རོལ་མོ་གླུ་དབྱངས་མཆོད་པ་འབུལ། །གཏམ་སྙན་སྣ་ཚོགས་དངོས་གྲུབ་སྩོལ། །ཀྱཻ། མེ་ཏོག་སིལ་མའི་ཆར་གྱིས་བར་སྣང་ཁེངས། །ཉི་ཟླ་སྣང་གསལ་འོད་ཀྱིས་ཀུན་ཏུ་ཁྱབ། །སྤྱན་གཟིགས་སྣ་ཚོགས་འབྱོར་བས་ས་གཞི་གང༌། །འདི་དག་འབུལ་གྱིས་བཀྲ་ཤིས་བདེ་ལེགས་སྩོལ། །
ཞེས་པར་འུ་སྒྲུང་མཁན་ཨ་རྨེ་གཞོན་ནུའི་རིང་མོ་ནས་བསྐུལ་བའི་ངོར། མཆོག་གྱུར་གླིང་པས་མདོ་ཁམས་བྱང་རྒྱུད་ཤར་ཟླ་དལ་གྱིས་འབབ་པའི་འགྲམ་སྐྱེས་བུ་ཆེན་པོ་སྐུ་འཁྲུངས་པའི་ཡུལ། ཕུ་ནུ་སུམ་ཅུའི་གསས་མཁར་གྱི་ཞོལ། འདུ་ར་སྟག་ཐང་ཁྲ་མོར་རབ་བྱུང་བཅོ་ལྔ་པའི་མགོ་བོ་ཡོས་ལོ་སྤྲེལ་ཟླ་བའི་དམར་ཕྱོགས་ཀྱི་མཁའ་འགྲོ་འདུ་བའི་དུས་ཆེན་ལ་བྲིས་པ་དགེ།
Subscribe to:
Post Comments (Atom)
0 comments:
Post a Comment