Wednesday 24 October 2012
07:02 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །དད་གསུམ་ཀྱི་འཛུམ་ཟེར།
མཁན་ཆེན་ལགས། རིན་པོ་ཆེ། ཚུལ་ཁྲིམས་བློ་གྲོས། ཁྱེད་ནི་ང་ཚོ་བོད་མི་རིགས་ལ། ཤེས་རིགས་ཀྱི་སྒོ་འཕར་འབྱེད་པའི་ལྡེ་མིག་དང་། །བླང་དོར་གྱི་ལེགས་ཉེས་གསལ་བའི་སྒྲོན་མེ་ཞིག་ཡིན་པ་དང་། བདེ་སྐྱིད་ཀྱི་ཉི་གཞོན་འདྲེན་པའི་སྐྱ་རེངས་དཀར་པོ་དང་། །དགོས་འདོད་ཀྱི་རེ་བ་ སྐོང་པའི་ནོར་བུ་བསམ་འཕེལ་ཞིག་ཀྱང་ཡིན་སོང་། ད་དུང་མྱ་ངན་གྱི་རྨོངས་མུན་བསལ་བ་ལ་ སྟོན་ཁའི་ཟླ་བ་གཞོན་ནུ་དང་། མི་རིགས་ཀྱི་ཚེ་སྲོག་གསོ་བ་ལ་འཆི་མེད་ལྷ་ཡི་བདུད་རྩི་ཞིག་ཀྱང་ ཡིན་སོང་། མ་ཟད་ཡབ་མེས་ཀྱི་རིག་གཞུང་ལ་རླབས་ཆེན་གྱི་མཛད་པའི་རྡོ་རིང་ངོ་མཚར་བ་དུ་མ་ བསླངས་ཤིང་། རིགས་ཞེན་གྱི་སྙིང་སྟོབས་འགྲན་ཟླ་དང་བྲལ་བར་གྱུར། གཞན་ཡང་། དུས་རབས་འདིའི་འཛམ་གླིང་གི་སྐྱེ་འགྲོ་ཡོངས་ལ་མ་འོངས་པའི་མདུན་ལམ་གསལ་བའི་ལམ་སྟོན་ གྱི་སྒྲོན་མེ་ཆེས་ཆེ་བ་ཉིད་དུའང་བསྔགས་བཞིན་འདུག མཁན་ཆེན་ལགས། རིན་པོ་ཆེ། ཁྱེད་ཀྱིས་མཁྱེན་དཔྱོད་ཀྱི་ཧུབ་ཆེན་གཅིག་གིས་ང་ཚོ་བོད་མི་རིགས་ཀྱི་ཡབ་མེས་གཅེས་ནོར་དྭངས་མ་བཅུ་ཕྲག་རིག་གཞུང་རྒྱ་མཚོ་ལྷག་མེད་དུ་བཞེས་ཤིང་། རྨད་བྱུང་མཁས་བཙུན་གྱི་སློབ་ཚོགས་ ལྷ་ལམ་རྒྱུ་སྐར་གྱི་གྲངས་ལ་འགྲན་པ་ཙམ་བསྐྲུན་ནས་གསེར་ལྡན་སྒེག་མོའི་ཁྱོན་ཀུན་དོག་པོར་ གནང་བ་འདི་བསྟན་འགྲོ་ལ་སྨན་པའི་མཛད་རྗེས་འབུར་ཐོན་དུ་གྱུར། ད་དུང་། འཛམ་གླིང་ཤར་ནུབ་ ཀྱི་གནའ་དེང་གི་ཤེས་བྱ་མཐའ་དག་ལ་བློ་གྲོས་མཁའ་ལྟར་ཡངས་པས་འཛམ་གླིང་གི་རིག་པའི་དཔའ་བོ་ཞེས་པའི་མཚན་སྙན་ཞིག་ཀྱང་གསོལ་གྱིན་འདུག མཁན་ཆེན་ལགས། རིན་པོ་ཆེ། ཁྱེད་ཀྱིས་མི་ རིགས་དང་སྐད་ཡིག་མི་གཅིག་པའི་རྒྱལ་ཁབ་དུ་མ་ལའང་བདེན་གསུང་དམ་ཆོས་ཀྱི་གྲུ་ཆར་བཟང་ པོ་འཛད་མེད་དུ་ཕབ་པས། དེ་དག་ལའང་འདི་ཕྱི་ཀུན་ཏུ་འཚེ་མེད་ཞི་བདེའི་ལམ་བཟང་མཆོག་ཏུ་ བསྩལ་ནས་བདེ་ནས་བདེ་བར་ཁྲིད་པའི་ས་མཁན་དམ་པ་རུ་གྱུར། མ་ཟད་འཇིགས་རུང་ཤན་པའི་ ཁྲིམས་རྭ་ན། བཟོད་མེད་འཇིགས་སྐྲག་གིས་མནར་བའི་ཉམ་ཐག་མགོན་མེད་ཀྱི་དུད་འགྲོ་ཐེར་ འབུམ་མང་པོ་ལ། མི་འཇིགས་ཚེ་སྲོག་གི་སྦྱིན་པ་ཕྱོགས་མེད་དུ་བསྩལ་བས། ས་སྟེང་གི་སྐྱེ་རྒུ་ཡོངས་ ཀྱིས། ཉམ་ཐག་མགོན་མེད་ཀྱི་འགྲོ་བའི་དཔུང་གཉེན་ཁྱེད་ནི། ལུས་ཅན་དབུགས་ཐོགས་ཀུན་ཀྱང་ ཞི་བདེའི་ལམ་བཟང་ལ་དཀྲི་བའི་དེད་དཔོན་དམ་པར་བསྔགས་པའི་སྙན་ཚིག་གི་ཆོ་ལོ་ཞིག་ཀྱང་ འབུལ་གྱིན་གདའ། དེས་ན། ཕྲན་ནས་ཀྱང་དད་ལྡན་གྱི་མི་རིགས་དུ་མ་དང་། མོས་ལྡན་གྱི་སྐྱེ་ འགྲོ་མང་པོའི་བསམ་ཕྱོགས་དང་མཐུན་པར། མཁན་ཆེན་དམ་པ་ཁྱེད་ལ། འཛམ་གླིང་གི་ཞི་ བདེའི་དེད་དཔོན། གནའ་དེང་གི་རིགས་པའི་དཔའ་བོ། དུས་རབས་ཀྱི་སྒྲོན་མེ་རྐང་གཅིག མི་ ཡུལ་གྱི་བསམ་འཕེལ་ནོར་བུ་ཞེས་པའི་མཚན་གྱི་ཅོན་པན་དག་ཀྱང་དབང་མེད་དུ་ཕུལ་ཤོར་སོང་། འདི་འདྲ་བརྗོད་འདོད་ཀྱི་རྣམ་རྟོག་འབུར་ཐོན་ཞིག་སྙིང་ལ་ཡུན་རིང་དུ་ཉལ་ཡང་དེ་རིང་ཙམ་ མ་གཏོགས་བརྗོད་ཐབས་མ་བྱུང་། མཁན་ཆེན་ལགས། རིན་པོ་ཆེ། །ཁྱེད་ཀྱིས་ད་དུང་རླབས་ ཆེན་གྱི་མཛད་བཟང་ངོ་མཚར་བ་དག་བཏང་སྙོམས་སུ་མི་འཇོག་པ་དང་། སྤྱིར་འཛམ་གླིང་། སྒོས་གངས་ལྗོངས་། ཁྱད་པར་ཡབ་རྗེ་འཇིགས་མེད་བླ་མ་དང་བྲལ་བའི་དམར་སེར་མཆེད་ལྕམ་ གྱི་འདུས་སྡེ་འདི་བཀའ་དྲིན་བླ་མེད་ཀྱིས་སྐྱོང་བ་ལ་ཐུགས་བརྩེའི་འཇུག་པ་མི་ལྷོད་པའི་རེ་ཞུ་ཞིག་ ཀྱང་སྙིང་ཁོང་ནས་ཐོན་སོང་། མཁན་ཆེན་ལགས། རིན་པོ་ཆེ། བཀའ་དྲིན་རེ་ཞུ། སྐུ་ཚེ་ཡུན་རིང་དུ་བརྟན་ཅིང་ཐུགས་བཞེད་གེགས་མེད་དུ་འགྲུབ་པ་ལ་སྲས་བཅས་རྒྱལ་བ་ཡོངས་ ཀྱིས་མཐུན་འགྱུར་ཡང་ཡང་དུ་གནང་བར་སྨོན་ནོ། །ནང་ལོ༢༥༥༥ལ་བསྟན་ཉིས་དཔལ་བླ་རུང་ནས་གསོལ་བ་བཏབ་པ་དགེ། །།
མཁན་ཆེན་ལགས། རིན་པོ་ཆེ། ཚུལ་ཁྲིམས་བློ་གྲོས། ཁྱེད་ནི་ང་ཚོ་བོད་མི་རིགས་ལ། ཤེས་རིགས་ཀྱི་སྒོ་འཕར་འབྱེད་པའི་ལྡེ་མིག་དང་། །བླང་དོར་གྱི་ལེགས་ཉེས་གསལ་བའི་སྒྲོན་མེ་ཞིག་ཡིན་པ་དང་། བདེ་སྐྱིད་ཀྱི་ཉི་གཞོན་འདྲེན་པའི་སྐྱ་རེངས་དཀར་པོ་དང་། །དགོས་འདོད་ཀྱི་རེ་བ་ སྐོང་པའི་ནོར་བུ་བསམ་འཕེལ་ཞིག་ཀྱང་ཡིན་སོང་། ད་དུང་མྱ་ངན་གྱི་རྨོངས་མུན་བསལ་བ་ལ་ སྟོན་ཁའི་ཟླ་བ་གཞོན་ནུ་དང་། མི་རིགས་ཀྱི་ཚེ་སྲོག་གསོ་བ་ལ་འཆི་མེད་ལྷ་ཡི་བདུད་རྩི་ཞིག་ཀྱང་ ཡིན་སོང་། མ་ཟད་ཡབ་མེས་ཀྱི་རིག་གཞུང་ལ་རླབས་ཆེན་གྱི་མཛད་པའི་རྡོ་རིང་ངོ་མཚར་བ་དུ་མ་ བསླངས་ཤིང་། རིགས་ཞེན་གྱི་སྙིང་སྟོབས་འགྲན་ཟླ་དང་བྲལ་བར་གྱུར། གཞན་ཡང་། དུས་རབས་འདིའི་འཛམ་གླིང་གི་སྐྱེ་འགྲོ་ཡོངས་ལ་མ་འོངས་པའི་མདུན་ལམ་གསལ་བའི་ལམ་སྟོན་ གྱི་སྒྲོན་མེ་ཆེས་ཆེ་བ་ཉིད་དུའང་བསྔགས་བཞིན་འདུག མཁན་ཆེན་ལགས། རིན་པོ་ཆེ། ཁྱེད་ཀྱིས་མཁྱེན་དཔྱོད་ཀྱི་ཧུབ་ཆེན་གཅིག་གིས་ང་ཚོ་བོད་མི་རིགས་ཀྱི་ཡབ་མེས་གཅེས་ནོར་དྭངས་མ་བཅུ་ཕྲག་རིག་གཞུང་རྒྱ་མཚོ་ལྷག་མེད་དུ་བཞེས་ཤིང་། རྨད་བྱུང་མཁས་བཙུན་གྱི་སློབ་ཚོགས་ ལྷ་ལམ་རྒྱུ་སྐར་གྱི་གྲངས་ལ་འགྲན་པ་ཙམ་བསྐྲུན་ནས་གསེར་ལྡན་སྒེག་མོའི་ཁྱོན་ཀུན་དོག་པོར་ གནང་བ་འདི་བསྟན་འགྲོ་ལ་སྨན་པའི་མཛད་རྗེས་འབུར་ཐོན་དུ་གྱུར། ད་དུང་། འཛམ་གླིང་ཤར་ནུབ་ ཀྱི་གནའ་དེང་གི་ཤེས་བྱ་མཐའ་དག་ལ་བློ་གྲོས་མཁའ་ལྟར་ཡངས་པས་འཛམ་གླིང་གི་རིག་པའི་དཔའ་བོ་ཞེས་པའི་མཚན་སྙན་ཞིག་ཀྱང་གསོལ་གྱིན་འདུག མཁན་ཆེན་ལགས། རིན་པོ་ཆེ། ཁྱེད་ཀྱིས་མི་ རིགས་དང་སྐད་ཡིག་མི་གཅིག་པའི་རྒྱལ་ཁབ་དུ་མ་ལའང་བདེན་གསུང་དམ་ཆོས་ཀྱི་གྲུ་ཆར་བཟང་ པོ་འཛད་མེད་དུ་ཕབ་པས། དེ་དག་ལའང་འདི་ཕྱི་ཀུན་ཏུ་འཚེ་མེད་ཞི་བདེའི་ལམ་བཟང་མཆོག་ཏུ་ བསྩལ་ནས་བདེ་ནས་བདེ་བར་ཁྲིད་པའི་ས་མཁན་དམ་པ་རུ་གྱུར། མ་ཟད་འཇིགས་རུང་ཤན་པའི་ ཁྲིམས་རྭ་ན། བཟོད་མེད་འཇིགས་སྐྲག་གིས་མནར་བའི་ཉམ་ཐག་མགོན་མེད་ཀྱི་དུད་འགྲོ་ཐེར་ འབུམ་མང་པོ་ལ། མི་འཇིགས་ཚེ་སྲོག་གི་སྦྱིན་པ་ཕྱོགས་མེད་དུ་བསྩལ་བས། ས་སྟེང་གི་སྐྱེ་རྒུ་ཡོངས་ ཀྱིས། ཉམ་ཐག་མགོན་མེད་ཀྱི་འགྲོ་བའི་དཔུང་གཉེན་ཁྱེད་ནི། ལུས་ཅན་དབུགས་ཐོགས་ཀུན་ཀྱང་ ཞི་བདེའི་ལམ་བཟང་ལ་དཀྲི་བའི་དེད་དཔོན་དམ་པར་བསྔགས་པའི་སྙན་ཚིག་གི་ཆོ་ལོ་ཞིག་ཀྱང་ འབུལ་གྱིན་གདའ། དེས་ན། ཕྲན་ནས་ཀྱང་དད་ལྡན་གྱི་མི་རིགས་དུ་མ་དང་། མོས་ལྡན་གྱི་སྐྱེ་ འགྲོ་མང་པོའི་བསམ་ཕྱོགས་དང་མཐུན་པར། མཁན་ཆེན་དམ་པ་ཁྱེད་ལ། འཛམ་གླིང་གི་ཞི་ བདེའི་དེད་དཔོན། གནའ་དེང་གི་རིགས་པའི་དཔའ་བོ། དུས་རབས་ཀྱི་སྒྲོན་མེ་རྐང་གཅིག མི་ ཡུལ་གྱི་བསམ་འཕེལ་ནོར་བུ་ཞེས་པའི་མཚན་གྱི་ཅོན་པན་དག་ཀྱང་དབང་མེད་དུ་ཕུལ་ཤོར་སོང་། འདི་འདྲ་བརྗོད་འདོད་ཀྱི་རྣམ་རྟོག་འབུར་ཐོན་ཞིག་སྙིང་ལ་ཡུན་རིང་དུ་ཉལ་ཡང་དེ་རིང་ཙམ་ མ་གཏོགས་བརྗོད་ཐབས་མ་བྱུང་། མཁན་ཆེན་ལགས། རིན་པོ་ཆེ། །ཁྱེད་ཀྱིས་ད་དུང་རླབས་ ཆེན་གྱི་མཛད་བཟང་ངོ་མཚར་བ་དག་བཏང་སྙོམས་སུ་མི་འཇོག་པ་དང་། སྤྱིར་འཛམ་གླིང་། སྒོས་གངས་ལྗོངས་། ཁྱད་པར་ཡབ་རྗེ་འཇིགས་མེད་བླ་མ་དང་བྲལ་བའི་དམར་སེར་མཆེད་ལྕམ་ གྱི་འདུས་སྡེ་འདི་བཀའ་དྲིན་བླ་མེད་ཀྱིས་སྐྱོང་བ་ལ་ཐུགས་བརྩེའི་འཇུག་པ་མི་ལྷོད་པའི་རེ་ཞུ་ཞིག་ ཀྱང་སྙིང་ཁོང་ནས་ཐོན་སོང་། མཁན་ཆེན་ལགས། རིན་པོ་ཆེ། བཀའ་དྲིན་རེ་ཞུ། སྐུ་ཚེ་ཡུན་རིང་དུ་བརྟན་ཅིང་ཐུགས་བཞེད་གེགས་མེད་དུ་འགྲུབ་པ་ལ་སྲས་བཅས་རྒྱལ་བ་ཡོངས་ ཀྱིས་མཐུན་འགྱུར་ཡང་ཡང་དུ་གནང་བར་སྨོན་ནོ། །ནང་ལོ༢༥༥༥ལ་བསྟན་ཉིས་དཔལ་བླ་རུང་ནས་གསོལ་བ་བཏབ་པ་དགེ། །།
Subscribe to:
Post Comments (Atom)
0 comments:
Post a Comment