Monday 26 November 2012
04:58 | 
Posted by
༄༅།། ཨེ་མ་ཧོའི་རིག་མཛོད་། |
༄༅། །གསང་སྔགས་བསྟན་འཛིན་ལ་ཕུལ་བའི་རཀྵི་ཕྲེང་བ་ཞེས་བྱ་བ།
།
ན་མོ་གུ་རུ་བིརྱ་དྷྰ་ར་ཡེ།
ཀ་དག་སྤྲོས་མཐའ་བྲལ་བའི་པདྨ་འོད་ན། །
ཁ་དོག་སྣ་ཚོགས་བཀྲ་བའི་དཀྱིལ་འཁོར་དབུས་ན།
།
ག་བུར་དྲི་ཞིམ་བརྡལ་བའི་རིག་འཛིན་ཀློང་ན།
།
ང་ཚོའི་འདྲེན་པའི་དེད་དཔོན་མཚོ་སྐྱེས་རྡོ་རྗེ།
།
ཅ་དག་མ་བཅོས་གཉུག་མའི་ཟུར་ཕུད་རྒྱན་ཅིང་།
།
ཆ་ལུགས་སྔགས་འཆང་རྒྱལ་པོའི་རྟུལ་ཞུགས་སྤྱོད་པ།
།
ཇ་ཆང་འདོད་ཡོན་ལོངས་སྤྱོད་ཅི་དགའ་རོལ་དང་།
།
ཉ་གང་ཟླ་བཞིན་སྤངས་རྟོགས་ཀུན་ཏུ་བཟང་ངོ་།
།
ཏ་ཐྰ་ག་ཏའི་བསྟན་པའི་སྙིང་པོ་དམ་པ། །
ཐ་དག་སྨིན་གྲོལ་ལམ་དུ་བདེ་མྱུར་ཕྱིན་ཐབས།
།
ད་ལྟའི་སྙིགས་དུས་སྨན་མཆོག་བདུད་རྩིའི་རྒྱལ་པོ།
།
ན་མ་ཟུང་འཇུག་སྤེལ་བའི་ཀུན་ཏུ་བཟང་ངོ་།
།
པ་ཊུ་གྲུབ་པའི་ཁྱུ་མཆོག་སྔགས་འཆང་མཛད་པ།
།
ཕ་རོལ་ཕྱིན་པའི་ཐབས་མཁས་གཞི་ལམ་འབྲས་བུར།
།
བཛྲ་ཐེག་པའི་སྨིན་གྲོལ་ཡེ་ཤེས་ཐོབ་པས། །
མ་ལུས་འགྲོ་ཀུན་འདྲེན་མཆོག་གསང་ཆེན་རྒྱལ་ལོ།
།
ཙྭ་རིར་དབེན་གནས་སྒོམ་པའི་སྙིང་པོ་འདི་ཡིན།
།
ཚ་གྲང་དཀའ་སྤྱོད་མཛད་པའི་གྲུབ་འབྲས་འདི་ཡིན།
།
ཛ་ཡའི་བསྟན་པའི་གསང་སྙིང་རྣལ་འབྱོར་སྒྲུབ་པ།
།
ཝ་ལེར་འཆར་བའི་བསྐལ་བཟང་འབད་པར་རེམ་འདུག
།
ཞྭ་ནག་སྔགས་འཆང་རྡོ་རྗེ་འཛིན་པ་ཚོགས་དང་།
།
ཟ་མ་མོ་ཡང་ཤེས་རབ་རིག་མར་བསྔགས་པའི། །
འ་ཅག་གསང་སྔགས་དོན་སྙིང་མཁྱེན་པ་ཡིན་ན།
།
ཡ་རབས་བསྟན་སྲིད་སྤེལ་བ་འདིས་ལྷག་མི་འདུག
།
ར་ལོ་ཙྰ་དང་མར་མི་སྔགས་གསར་དང་། །
ལ་རྒྱའི་བདག་པོ་མེས་དབོན་ཆོས་རྒྱལ་དང་བཅས།
།
ཤ་ཁྲག་གཅིག་པའི་བྲག་སྲིན་རྒྱུད་པ་ཀུན་པོ།
།
ས་ཐོབ་བྱང་སེམས་སྔགས་འཆང་དཔལ་ལས་འཁྲུངས་སོ།
།
ཧ་ཤང་རྒྱལ་སྲས་འཕགས་པའི་ཉམས་ལེན་མཐར་ཐུག
།
ཨ་མ་ཡུམ་ཆེན་སྒྲོལ་མའི་ཐུགས་དམ་རྩ་བ། །
ཧ་གོ་དོན་རྟོགས་མཛོད་དང་རིགས་མཐུན་སྤྲུལ་དགའ།
།
ཨ་ཏིའི་ཡང་ཟབ་མཁྱེན་པའི་འོག་འདོན་ཡང་དག
།
ཅེས་པ་རབ་རྒྱན་ཆུ་འབྲུག་སྨིན་དྲུག་ཟླ་བའི་ཡར་ངོའི་ཚེས་པ་བཅུའི་ཉིན་སྤྲུལ་སྐུ་གསང་སྔགས་བསྟན་འཛིན་གྱི་ཞལ་པར་དང་ངོ་དེབ་མཇལ་བའི་རྐྱེན་ལས་གང་ཤར་བྲིས་པ་དོན་དང་ལྡན་པར་གྱུར་ཅིག་གུ།
།
Subscribe to:
Post Comments (Atom)
0 comments:
Post a Comment