Friday 7 December 2012
23:28 | 
Posted by
༄༅།། ཨེ་མ་ཧོའི་རིག་མཛོད་། |
ཞི་བདེ་གླིང་པའི་སྒྲུབ་ཐབས་ཡིད་བཞིན་ནོར་བུ་ཞེས་བྱ་བ།
ཨེ་མ་ཧོ།
།
ཀ་དག་ཁྲེགས་ཆོད་རིག་པ་གཉུག་མའི་ངང་།
།
ལྷུན་གྲུབ་ཐོད་རྒལ་ཡེ་ཤེས་འོད་གསལ་ཀློང་།
།
དབྱེར་མེད་ངེས་དོན་ཆོས་ཀྱི་རྒྱལ་པོ་ཆེ།
།
ཡིད་བཞིན་ནོར་བུ་སྙིང་གི་རྒྱན་ཏུ་གསལ།
།
ཆོས་སྐུ་དྲི་མེད་རིག་པའི་ངང་དུ་གནས།
།
ལོངས་སྐུ་རྒྱལ་བའི་བདེ་ཆེན་ཞིང་ཁམས་སུ།
།
སྤྲུལ་སྐུ་རྒྱལ་དབང་པདྨ་ཀ་ར་ཉིད།
།
ཞི་བདེ་གླིང་པའི་གསང་གསུམ་ལྷམ་མེར་གསལ།
།
དཔལ་ལྡན་བླ་མའི་ཐུགས་ཀའི་འོད་དཀར་ལས།
།
མ་རིག་མུན་བསལ་ཐབས་ཤེས་རིག་པའི་དོན།
།
མ་ལུས་སེམས་ཅན་ཀུན་གྱི་མཐོང་བ་དང་།
།
མཆོག་ཐུན་བྱིན་རླབས་དངོས་གྲུབ་ཐོབ་པར་གྱུར།
།
ཅེས་བརྗོད་ཅིང་བསམས་ལ།
གསོལ་བ་གདབ་པ་ནི།
ཨེ་མ་ཧོ།
།
ཨེ་ཝྃ་རིག་པའི་རྟེན་འབྱུང་རྒྱལ་བའི་ལམ།
།
ཇི་བཞིན་མངོན་གཟིགས་འགྲོ་ལ་སྟོན་མཁས་པ།
།
འགྲོ་ཀུན་ཞི་བདེའི་འདྲེན་པ་རྒྱལ་བའི་སྲས།
།
བསྟན་འཛིན་རྒྱ་མཚོའི་བཞེད་དོན་ལྷུན་གྲུབ་ཤོག
།
ཅེས་དང་།
རྩ་སྔགས།
ཨོཾ་མ་ཎི་པདྨེ་ཧྰུྃ་ཧྲྰིཿ ལས་སྔགས།
ཨོཾ་ཨྰཿཧྰུྃ་བཛྲ་དྷ་ར་ཝྰ་གིནདྲ་སུ་མ་ཏི་ཤྰ་ས་ན་དྷ་ར་ས་མུ་དྲ་ཤྲྰི་བྷ་དྲ་སརྦ་སིདྡྷི་ཧྰུྃ་ཧྰུྃ།
།
གངས་རིའི་ར་བའི་བསྐོར་བའི་ཞིང་ཁམས་སུ།
།
ཕན་དང་བདེ་བ་མ་ལུས་འབྱུང་བའི་གནས།
།
སྤྱན་རས་གཟིགས་དབང་ཞི་བདེ་གླིང་པ་ཡི།
།
ཐུགས་བཞེད་མཐའ་དག་འབད་མེད་ལྷུན་གྲུབ་ཤོག
།
ཅི་ནུས་བསགས།
མཐར་ནི་རང་གཞན་སེམས་ཅན་ཐམས་ཅད་ཀུན།
།
ཀུན་བཟང་ཆོས་སྐུའི་ཐུགས་དང་དབྱེར་མེད་གྱུར།
།
བསྟན་འགྲོའི་དོན་ཀུན་ཡིད་བཞིན་ནོར་བུའི་དཔལ།
།
བཟང་པོ་སྤྱོད་པའི་ངང་དུ་མཉམ་པར་བཞག
།
དེ་འདྲའི་དུས་དང་རྣམ་པ་ཀུན་ཏུ་སྣང་སྲིད་དཔལ་ལྡན་བླ་མའི་ངོ་བོར་བལྟས་ཏེ་ནམ་རྒྱུན་གྱི་སྤྱོད་ལམ་ལ་འཇུག་པར་བྱའོ།
།
ཞེས་པ་འདི་ཡང་རབ་བྱུང་བཅུ་བདུན་པའི་ཆུ་འབྲུག་མགོ་ཟླའི་མཁའ་འགྲོ་འདུ་བའི་དུས་ཆེན་ཉིན་ནམ་དགའ་ལྡན་ལྔ་མཆོད་ཆེན་པོར་མཁའ་འགྲོ་དཔལ་ལྡན་ལྷ་མོས་སང་ཉིན་༧གོང་ས་མཆོག་གི་ཞི་བདེའི་གཟེངས་རྟགས་ཐོབ་པའི་དུས་ཆེན་རེད་མཆོག་གིས་ང་དང་སློབ་ཚོགས་ཡོངས་ལ་ཕན་པའི་ཕྱིར་དུ་སྒྲུབ་ཐབས་མདོར་བསྡུས་ཁྱེར་བདེ་ཞིག་གསུངས་རོགས་དགོས་ཞེས་སྐུལ་མ་ཡང་ཡང་མཛད་པས་གང་དྲན་དུ་འོག་མིན་ཀུན་བཟང་ཆོས་གླིང་གི་ཚོགས་གྲལ་ནས་བྲིས་པས་ཀུན་གྱིས་བླ་མའི་རྣལ་འབྱོར་འདི་ལ་བརྩོན་ནས་རྒྱལ་བ་མཆོག་གི་ཐུགས་དགོངས་ཟག་མེད་ཆོས་ཀྱི་དབྱིངས་དང་རང་གཞན་སེམས་ཅན་ཀུན་གྱི་རིག་པའི་ཡེ་ཤེས་ཀྱི་གནས་ལུགས་དང་གཉིས་སུ་མེད་པར་སངས་རྒྱས་པའི་རྒྱུ་རུ་གྱུར་ཅིག
ཤྲྰི་སརྦ་བི་ཛ་ཡནྟུ།།
།།
Subscribe to:
Post Comments (Atom)
0 comments:
Post a Comment