༄༅།། ཨེ་མ་ཧོའི་རིག་མཛོད།

འཇུ་བསྟན་སྐྱོང་ནི། ཕྱི་ལོ་༡༩༧༣ ལོར་མགོ་ལོག་ཨ་སྐྱོང་ཁང་སར་གྱི་འབྲོག་ཁྱིམ་དཀྱུས་མ་ཞིག་ཏུ་སྐྱེས། འབྲོག་ལས་ཀྱི་ཞོར་དུ་རང་ཁྱིམ་ནས་ཡི་གེ་སྦྱོར་ཀློག་ལ་སྦྱངས། རང་ལོ་བཅུ་བདུན་སྟེང་སྔ་འགྱུར་གྱི་ཆོས་སྡེ་ཆེན་པོ་གསེར་ལྗོངས་བླ་མ་རུང་ནས་དགེ་བའི་བཤེས་གཉེན་དུ་མ་ལས་མདོ་སྔགས་གཞུང་ལུགས་ལ་སློབ་གཉེར་གྱི་སྐལ་བ་ཐོབ། སྐབས་དེ་དུས་གསེར་རྟ་ལྔ་རིག་ནང་བསྟན་སློབ་གླིང་དུ་རིག་གནས་སོགས་སློབ་ཁྲིད་ཀྱི་འགན་ཡང་ཁུར། ༢༠༠༡ ལོར་རྒྱ་གར་དུ་བཙན་བྱོལ་ལ་ཡོང་ཞིང་། བོད་ཀྱི་དཔེ་མཛོད་ཁང་དུ་བོད་ཀྱི་རྒྱལ་རབས་དང་ཆོས་འབྱུང་སྐོར་ལ་ལོ་ཤས་རིང་ལ་ཉམས་ཞིབ་ཀྱི་ལས་ཀ་བྱས། ད་ཆ་འདི་ག་སྨོན་ལམ་བོད་ཀྱི་བརྡ་ཕྲིན་ཞིབ་འཇུག་ཁང་དུ་ཚིག་མཛོད་རྩོམ་སྒྲིག་འགན་འཛིན་གྱི་ལས་ཀ་བྱེད་མུས།