དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།

དྲ་ངོས་བཀླགས་གྲངས

ཡིག་ཚགས

སྒེར་གྱི་རྒྱུ་ཆ

མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །

ངེད་ཀྱི་སྐོར

༄༅།། ཨེ་མ་ཧོའི་རིག་མཛོད་།
མཚན་ཉིད་ཀུན་ལྡན་དམ་ཆོས་བླ་མར་མི་ཕྱེད་དད་གུས་ངེས་པར་ཤེས། ། རིགས་དྲུག་འགྲོ་བར་བཅོས་མིན་སྙིང་རྗེས་བདག་ལས་གཞན་གཅེས་སེམས་པར་ཞེན། ། གཡོ་སྒྱུའི་དཔུང་ལ་ངོ་བསྟོད་མི་བྱར་རང་གཤིས་དྲང་བདེན་ཕྲག་ཏུ་བཞེས། སད་རྨིར་དྲང་སྲོང་རྟུལ་ཞུགས་དཔལ་ལྡན་ཐབས་ཤེས་དགྱེས་པའི་གྲུབ་མཐའ་སྐྱོང་། །
View my complete profile
Powered by Blogger.
Friday 25 January 2013

ཨེ་མ་ཧོའི་མིང་དོན་དངོས་གྲུབ་རོལ་བའི་རྒྱ་མཚོ་ཞེས་བྱ་བ་བཞུགས་སོ། །

ན་མོ་གུ་རུ་བུདྡྷ་ཛྙྰ་ན་ཨེ་མ་ཧོ། །

ཨེ་ཝྃ་རིག་པའི་དེ་ཉིད་གཉུག་མའི་གཤིས། །

མ་ལུས་འགྲོ་ཀུན་འདྲེན་པའི་ཐུགས་རྗེ་ཅན། །

ཨ་ཧོ་ངེས་དོན་རྫོགས་པའི་སངས་རྒྱས་ལ། །

སྒོ་གསུམ་མི་ཕྱེད་དད་པས་ཕྱག་འཚལ་ལོ། །

 

ཨེ་མ་བལྟས་བཟང་བལྟམས་པའི་རྒྱལ་བའི་སྲས། །

མ་ལུས་འགྲོ་བའི་མགོན་དུ་བྱོན་པའི་རྟགས། །

ཨ་ཧོ་སྐྱེས་རབས་ཕྲེང་བ་རིན་པོ་ཆེ། །

རྟེན་འབྲེལ་བཟང་པོ་འཛིན་མའི་རྒྱན་ཏུ་མཛེས། །

 

ཨེ་ཀ་ཛ་ཏིས་ཉིན་མཚན་མེལ་ཚེ་མཛད། །

མ་གཟའ་དམ་ཅན་ཆོས་སྐྱོང་གེ་སར་བཅས། །

ཧོ་སྒྲའི་ཀི་བསྭོ་རྒྱལ་བའི་དཔའ་གླུའི་གསུང་། །

མངོན་སུམ་ཐོས་འཛིན་དད་དགུའི་དཔལ་དུ་བཞགས། །

 

ཨེ་མ་བུ་ཆུང་ཡིད་འོང་མཐུན་པའི་དཔལ། །

མ་ཧྰ་བྷོ་དྷི་རྣམ་སྤྲུལ་དགྱེས་པའི་སྐུ། །

ཨ་ཧོ་གསང་ཆེན་བསྟན་འཛིན་རྡོ་རྗེ་འཆང་། །

ཐེག་གསུམ་བསྟན་པའི་སྒྲོན་མེ་ཨེ་མ་ཧོ། །

 

ཨེ་ཤར་གླིང་གི་བདེན་པ་རིན་པོ་ཆེ། །

མ་ག་དྷ་ནས་མངོན་སངས་རྒྱས་པའི་སྲས། །

ཨ་ལ་ལ་ཧོ་ཕན་བདེའི་ཕྲིན་ལས་ཅན། །

བརྒྱུད་གསུམ་བླ་མའི་ཐུགས་སྲས་ཨེ་མ་ཧོ། །

 

ཨེ་མ་འཇམ་དཔལ་དགྱེས་པའི་རིགས་བདག་རྗེ། །

མ་ལོས་བྱམས་བརྩེའི་ཡིད་བཞིན་ནོར་བུའི་སྐུ། །

ཨ་ཧོ་རྡོ་རྗེ་སེམས་དཔའི་ཟབ་གསང་མཆོག །

བདེ་ཆེན་རིག་འཛིན་རྒྱལ་པོ་ཨེ་མ་ཧོ། །

ཨེ་རིག་མཁྱེན་པའི་ཡེ་ཤེས་མཁའ་ལྟར་ཡངས། །

མ་ལུས་བརྩེ་བའི་བྱང་ཆུབ་སེམས་དཔའ་མཆོག །

ཨ་ཧོ་ཟབ་གསང་བསྟན་འཛིན་རིན་པོ་ཆེ། །

མཁྱེན་བརྩེ་ནུས་ལྡན་གུ་རུ་ཨེ་མ་ཧོ། །

 

དད་བརྩོན་དབང་པོ་གསལ་བའི་ཞི་དུལ་མཁན། །

ཕུན་ཚོགས་དགེ་ལེགས་སྒྲུབ་པའི་ལྷག་བསམ་ཅན། །

ཤེས་རབ་དག་རྫོགས་སྨིན་གྲོལ་ཡེ་ཤེས་པ། །

རང་བྱུང་རིག་པའི་དཔའ་ཆེན་ཨེ་མ་ཧོ། །

 

ཆུང་ནས་བྱིས་པའི་མིང་ལ་ཨེ་མ་ཧོ། །

ཆེ་དུས་སྨྱུ་གུའི་མིང་ལ་ཨེ་མ་ཧོ། །

དེང་དུས་དྲྭ་ཚིགས་མིང་ལ་ཨེ་མ་ཧོ། །

དཔལ་དགྱེས་རྡོ་རྗེའི་མིང་དོན་ཨེ་མ་ཧོ། །

 

ལོ་ཟླའི་ཆུ་བོ་ཟད་པའི་ལམ་ཁ་ནས། །

སྐྱིད་པའི་ནམ་ཟླ་སྡུག་གིས་གཙེས་པའི་ཚེ། །

ཨེ་མ་ཧོ་ཡང་རི་མོའི་མར་མེ་བཞིན། །

བདེན་པའི་དྲང་སྲོང་ཀུན་བཟང་གླིང་དུ་མཆིས། །

 

འགྲོ་ཁམས་བདེ་ཞིང་སྐྱིད་པའི་བཀྲ་ཤིས་ཤོག །

ཉན་རང་དགྲ་བཅོམ་ཐོབ་པའི་བདེ་ལེགས་ཤོག །

བྱང་ཆུབ་སེམས་མཆོག་རིན་ཆེན་ཕུན་ཚོགས་ཤོག །

གསང་སྔགས་བཤད་སྒྲུབ་བསྟན་པ་དར་རྒྱས་ཤོག །

ཅེས་པ་འདི་ཡང་རབ་རྒྱན་ཆུ་འབྲུག་རྒྱལ་ཟླའི་ཡར་ངོའི་ཟླ་བ་ཉ་ཡོངས་གང་བའི་དུས་སུ་གྲོགས་མཆེད་དམ་པས་བསྐུལ་ངོར་ཤྲྰི་སྨྱོན་ཨེ་མ་ཧོས་ཀུན་བཟང་ཆོས་གླིང་ནས་བྲིས་པས་ཤྲྰི་སརྦ་བི་ཛ་ཡནྟུ། ། ། །

0 comments:

ཟིན་བྲིས་འཚོལ་ཡུལ