Thursday, 7 February 2013
06:22 | 
Posted by
༄༅།། ཨེ་མ་ཧོའི་རིག་མཛོད་། |
ལོ་མ་སར་གངས་ཐན་འབྱུང་བར་རྨིས།
ན་མོ་གུ་རུ་ཡེ།
བོད་ཀྱི་ཆུ་སྦྲུལ་གནམ་ལོ་གསར་ཚེས་ལ། །
བཀྲ་ཤིས་བདེ་ལེགས་ཞུས་ན་བཟང་མོད་ཀྱང་།
།
ལོ་སར་རྒྱས་སྤྲོས་མ་གནང་རྟེན་འབྲེལ་རལ། །
གངས་ཐན་ངན་པའི་འཁྱག་ཀླུང་རྡོལ་བ་རྨིས།
།
སྐྱིད་པའི་ཉི་མ་མེད་པའི་མེ་འབར་ཀློང་། །
སྡུག་གི་མུན་པ་འཁྲིགས་པས་དུང་ཟླ་བཞུས།
།
གནམ་རྒན་གསར་ཚེས་སྐར་མ་རེ་གཅིག་པར། །
གངས་ཐན་སྐེག་བཟློག་འབད་ན་ཤིན་ཏུ་བཟང་། །
ཆུ་སྦྲུལ་དུག་རླུང་ནག་པོ་མཁའ་རུ་འཁྲིགས།
།
མཐོ་སྒང་མཛེས་པའི་མེ་ཏོག་སད་ཀྱིས་ཁྱེར། །
བརྟེན་པའི་མཁར་རྫོང་ཁྲག་གི་རུ་དར་བསྒྲེངས།
།
བདེན་པའི་རྗེ་འབངས་མགོ་སྐེ་གཅོད་ལ་བྲེལ། །
རྒྱ་ནག་སྐེག་བཟློག་བསྙེན་པ་དུང་ཚར་དང་།
།
པདྨ་བཀའ་ཐང་གསེར་བྲིས་བརྒྱ་རྩ་བརྒྱད། །
གུ་རུའི་ཚོགས་འབུམ་སིདྡྷི་དུང་ཕྱུར་བཅུ།
།
དེ་ཀུན་འགྲུབ་ན་ལོ་སར་བདེན་པར་འཆར། །
མཁའ་རླངས་གཙང་མ་ཛམ་གླིང་རྒྱན་ཏུ་འཇོ། །
ཞི་བདེའི་ཉི་ཟེར་ཤར་རི་རྩེ་ནས་འཕྲོས།
།
བདེན་པའི་དུང་ཟླ་སྒྲ་གཅན་ཁ་ནས་ཐར། །
ཐོ་རངས་སྐར་ཚོགས་འོད་སྣང་རྒྱན་ཏུ་འབར། །
དྲོ་གྲང་རེག་འཇམ་ལྡན་པའི་མཐོ་སྒང་སར། །
དཔག་བསམ་ལྗོན་པའི་རླུང་རྟ་དགུང་དུ་བསྟོད།
།
དོན་གྲུབ་ལྷ་མོས་ཕྱག་རྒྱའི་འཁོར་ལོ་བསྒྱུར། །
འགྲོ་ཁམས་སྨིན་པའི་ཕན་བདེ་འབྱུང་བར་རྨིས། །
འགྲོ་ཁམས་སྨིན་པའི་ཕན་བདེ་འབྱུང་བར་རྨིས། །
དྭངས་གཙང་གཡུ་མཚོ་ཨ་སྔོན་གནམ༵་དང་མཉམ། །
བཀྲ་ཤིས་བདེ་ལེགས་ལོ༵་སར་ཕུན་སུམ་ཚོགས།
།
ནོར་འཛིན་ཟླུམ་པོར་དྲང་སྲོང་ཉི་མའི་སྲས། །
ཕྲིན་ལས་མཁའ་ཁྱབ་འབྱུང་བའི་རྟེན་འབྲེལ་མཆིས།
།
དབྱངས་གསལ་སྙན་པའི་རོལ་མོ་ཁྲོལ་ལ་ཤོག །
རྣམ་རྒྱལ་ལྷ་ཡི་རྔ་ཆེན་ད་ལྟ་རྡུངས། །
ཡབ་མེས་དུར་ཁང་བདེ་ཆེན་དཔལ་དུ་དགྱེས།
།
གང་བསམ་ལྷུན་གྱིས་འགྲུབ་པའི་བཀྲ་ཤིས་ཤོག །
ཅེས་པ་འདི་ཡང་རབ་རྒྱན་ཆུ་འབྲུག་རྒྱལ་ཟླའི་དབང་ཕྱོགས་རྒྱལ་བ་གསུམ་པར་ལོ་སར་ཚེས་ཀྱི་སྐོར་ལ་བཤད་གླེང་དང་རྨི་ལམ་བཟང་ངན་དུ་མ་རྨིས་པའི་རྐྱེན་ལས་དགུ་ཆེན་སྐབས་སུ་ཤྲྰི་ཨེ་མ་ཧོས་གུས་ཕུལ།
།
Subscribe to:
Post Comments (Atom)
0 comments:
Post a Comment