༄༅།། ཨེ་མ་ཧོའི་རིག་མཛོད།

རྒྱ་བླའི་ཟིལ་ཤུགས་དང་བོད་བླའི་དག་སྣང་།

ཀ་ཐར་ཚེ་རིང་།
ལོ་ མང་ཞིག་ནས་བཟུང་ཨ་རིར་གནས་སྡོད་རྒྱ་མི་ཞིག་གིས་རང་ཉིད་སངས་རྒྱས་གསུམ་པ་༼ རྡོ་རྗེ་འཆང་སྐུ་ཕྲེང་གསུམ་པ་༽ཡིན་པར་བརྗོད་ནས་བོད་ཀྱི་བླ་མ་ཆེ་ཁག་ཐམས་ཅད་ ཀྱི་ཕྱག་ཡིག་རེག་ཐབས་བྱས་ཡོད་པ་དང་། དེ་རྗེས་དེབ་ཧ་ཅང་མང་པོ་བཟོས་ཤིང་། དེའི་ནང་དུ་དུས་འཁོར་དང་འཇིགས་བྱེད། དམ་ཅན་ཆོས་རྒྱལ། རྡོ་རྗེ་ཕུར་བ་དང་རྟ་མགྲིན་སོགས་གསར་མ་རྙིང་མ་གཉིས་ཀྱི་ཡི་དམ་རྣམས་དང་། རྒྱ་བོད་ཀྱི་པཎ་གྲུབ་ཐམས་ཅད་ཁོ་རང་གི་བཀའ་སྡོད་དང་སྤྲུལ་པའམ། ཡང་ན་བྱིན་གྱིས་བརླབས་པ་ཡིན་མདོག་གིས་ཁོ་རང་གི་པར་གྱི་འོག་ན་བསྒྲིགས་ཡོད་པ་ རྒྱལ་ཕྱི་ནང་གང་སར་བཀྲམས་ཡོད་པ་རེད།
འདི་ དག་རྒྱ་མི་དེ་གཅིག་པོས་ལས་ཀ་རེད་དམ་ཟེར་ན་མ་ཡིན་པར། བོད་བླ་མང་པོ་ཞིག་གིས་ཀྱང་རྒྱ་མི་དེ་སངས་རྒྱས་གསུམ་པ་ཡིན་ལུགས་ཡིན་ཚུལ་གྱི་ ཡི་གེ་མང་པོ་གནང་འདུག དེའི་ཁྲོད་ན་འབུར་དུ་ཐོན་པ་ཞིག་ནི་ཀརྨ་པ་ཨོ་རྒྱན་ཕྲིན་ལས་རྡོ་རྗེའི་ཆེས་ ཐོག་མའི་ཡོངས་འཛིན་བདུད་མོ་ཆོས་རྗེ་༼མིང་གི་དག་ཆ་མ་ཤེས། གོ་ཚོད་ལ་བདུད་མོ་ཆོས་རྗེ་འདྲ་ཞིག་ཟེར་བཞིན་འདུག་པས་སྒྲ་གདངས་ལས་ཚོད་དཔག་ བྱས་ཏེ་བྲིས་པ་ཡིན།༽ཟེར་བ་དེ་རེད།
བདུད་ མོ་ཆོས་རྗེས་རྒྱ་མི་སངས་རྒྱས་གསུམ་པ་ཟེར་བ་དེ་རྡོ་རྗེ་འཆང་ཡིན་པར་མ་ཟད། ཀརྨ་པ་ལ་བྱིན་གྱིས་བརླབས་པ་ཁོ་རང་གི་དག་སྣང་གིས་དངོས་སུ་མཇལ་ཚུལ་གྱི་ཡི་གེ་ བྲིས་ཤིང་། ད་དུང་བདེན་དཔང་སྟོབས་ཆེན་གྱི་ཆེད་དུ་ཡི་གེ་དེ་ལག་པས་བཟུང་ནས་པར་ཡང་བརྒྱབ་ འདུག ཡི་གེ་དེར། ངའི་སྐྱེ་བ་འདིས་ཀརྨ་པ་སྐུ་ཕྲེང་བཅུ་བདུན་པ་ཨོ་རྒྱན་ཕྲིན་ལས་རྡོ་རྗེ་ལ་ཐོག་ མར་ན་བཟའ་གོན་མཁན་དང་ཡི་དམ་གྱི་དབང་བསྐུར་མཁན་ཡང་ཡིན།
ཉིན་ ཤས་སྔོན་དག་སྣང་དུ་ཀརྨ་པའི་དབུའི་ཐད་དུ་རྡོ་རྗེ་འཆང་གསལ་ནས་འོད་ཟེར་འཕྲོས་ པས་འོད་ཟེར་གྱིས་ཀརྨ་པར་བྱིན་གྱིས་བརླབས་པར་མཇལ་བ་དང་། མི་རིང་བར་རྡོ་རྗེ་འཆང་ཆེན་གོས་སེར་པོ་དང་། དབུ་སྐྲ་སྟོད་ཁེབས་པ་གཟི་བརྗིད་ཅན་བཞུགས་ཚུལ་གྱི་རྒྱབ་ཏུ་བྲག་རི་དང་། རྫིང་བུ་དང་། ཁང་བཟང་དང་། གུར་གུམ་མེ་ཏོག་དང་། ཤུག་པའི་སྡོང་པོ་སོགས་ཡོད་པར་སྣང་། སོགས་ནས་ཉེ་ཆར་རྡོ་རྗེ་འཆང་སྐུ་ཕྲེང་གསུམ་པའི་ཕྱག་དཔེ་ཐོབ་རྗེས་དེའི་ཤོག་ གྲངས་21 པའི་ནང་གི་རྨད་བྱུང་གི་སྣང་བརྙན་མཇལ་བ་སྔོན་གྱི་དག་སྣང་དང་གཅིག་པ་ཡིན་ཚུལ་ སོགས་བྲིས་འདུག་པ་པར་རིས་ལྟར་ཡིན་པས་ཀུན་གྱིས་གཟིགས་མཛོད། མཉམ་དུ་རིན་ཐང་ཅན་གྱི་འདྲ་པར་དགུ་ཡོད་པ་ལ་རེ་རེ་བཞིན་པར་གྱི་འོག་ཏུ་འགྲེལ་ བཤད་བྱས་ཡོད།

Posted by ཁ་བརྡ་ on September 11th, 2013 in སྣ་ཚོགས། |

12 Comments to “ རྒྱ་བླའི་ཟིལ་ཤུགས་དང་བོད་བླའི་དག་སྣང་། ”

1. # 1 ལུང་རྟོགས། Says:
   September 11th, 2013 at 10:17 AM འདི་ནི་འདས་ཟིན་པའི་གནས་ཚུལ་ཞིག་རེད། རྟ་རྒྱུག་ཚར་ཐལ་ཚུབས་ཡལ་ཚར་བ་ཞིག་འདིར་བསྐྱར་བཀོད་བྱེད་དགོས་པའི་དགོས་དམིགས་ཅི་ཞིག་ཡིན་ནམ།
   
2. # 2 བདེན་པ།། Says:
   September 11th, 2013 at 10:42 AM ས་སྐྱ་གོང་མའི་ཀྱང་རྟགས་ཡིག་གནང་ཡོད་པ་མ་ཟད་བོད་ཀྱི་བླ་མ་ཕལ་ཆེར་གནང་ཡོད་རེད།།
   
3. # 3 ནམ་མཁའ Says:
   September 11th, 2013 at 11:04 AM དེང་སང་བླ་མ་ཚོར་སུས་དངུལ་མང་པོ་སྤྲད་ན་བདེན་དཔང་ཡི་གེ་རེག་སླ་བོ་ རེད། ཡིན་ཡང་ཁོང་ཚོའི་དག་སྣང་ནི་དངུལ་ལས་བྱུང་བའི་དག་སྣང་ཞིག་ལས་སྡིག་པ་སྦྱངས་ ཏེ་དག་པའི་སྣང་བ་ཞིག་མིན། འདིའི་རིགས་ནི་ཤིན་ཏུ་མང་པོ་ཡོད་པ་རེད་དེང་སང་། ཁོང་ཚོ་ལོང་བས་ལོང་པ་ལ་ལམ་ཁྲིད་དེ་གཡང་ལ་མཆོངས་ཀི་འགྲོ་གི་ཡོད་པ་གཅིག་ མཚུངས་ཡིན།
   
4. # 4 ཨ་ཕྱི་ཆོས་སྒྲོན Says:
   September 11th, 2013 at 11:12 AM བདུད་མོ་ཆོས་རྗེ་ཡིན་ན་འདྲེ་མོ་ཆོས་རྗེས་སི་ཀར་ནག་རིལ་བདུད་ཀྱིས་བརླམས་པའི་སྐོར་དེ་དྲ་ཐག་འདི་ན་འདུག
   https://www.facebook.com/photo.php?fbid=516808521746921&set=pcb.516808761746897&type=1&theater
   
5. # 5 ཨ་ཕྱི་ཆོས་སྒྲོན Says:
   September 11th, 2013 at 11:28 AM ཀརྨ་ནག་རིལ་འདི་ལས་སྐྱེ་བ་ཡིན་པ་གསལ་བོ་བཤད་འདུག་གདའ། ཨ་ཁ་ཁ་ཡིན་ས་ཡ་རེད་ཡ། ཧ ཧ རྗེས་སུ་ས་སྐྱ་༧གོང་མས་ང་མ་རེད་བདག་མོ་རེད་བཤད་པ་རེད་ཟེར། བདག་མོས་ང་མ་རེད་གྲྭ་བ་རེད་ཟེར། མཐར་གྲྭ་བས་ཡུ་ཊུབ་ལས་སྡུག་སྐད་རྒྱག་གི་འདུག ཧ ཧ
   
6. # 6 བན་དེ་བ། Says:
   September 11th, 2013 at 12:03 PM ད་ལྟད་མོ་རེད།
   
7. # 7 ལུང་རྟོགས། Says:
   September 11th, 2013 at 12:29 PM ད་བཤད་ན་བཤད་ན་ཀརྨ་ནག་རིལ་ཐུབ་ས་མ་རེད་དོ། ཁ་སང་རྒྱལ་སྤྱིའི་ནང་པའི་ལྷན་ཚོགས་ཐོག་གསུང་བཤད་གནང་བ་མ་ཟད། སྐུ་འགྲོན་གཙོ་བོའི་གྲལ་རེད་འདུག འབྲི་གུང་ཨ་ཕྱི་སྙིང་གས་ན་ཡང་སྡུག་གྱོང་ཡིན་ས་རེད། ཧཧ
   
8. # 8 ཨ་ཕྱི་ཆོས་སྒྲོན Says:
   September 11th, 2013 at 1:02 PM སྤྲུལ་རྐུ་ལུང་རྟོག་ལགས། སྤྲུལ་རྫུན་ནག་རིལ་དེ་མོས་ཟིག་རེད། ཧ ཧ ལོ་རྒྱུས་ནག་པོ་ཅན་ཚོས་ནང་བསྟན་འདི་འདྲས་བཤིག་ནས་ངོ་ཚ་མེད་པ་ཚོས་ལབ་ལབ་རེད། ༧རྒྱལ་བ་རིན་པོ་ཆེ་དབུ་བསྐོར་བརྫུན་ཞུས་ཚར་ན་ལུང་རྟོག་ཁྱེད་དགའ་ནས་ཤི་ན་ཡང་ སེམས་ཅན་མོས་པ་རེད་མོ། དེ་བས་རྒྱལ་བ་འབྲི་གུང་བཀའ་བརྒྱུད་པ་ལ་མཁས་གྲུབ་མང་ནི་རེད་ཀོ །
   
9. # 9 དབུས་ལྗོངས་དགའ་བ། Says:
   September 11th, 2013 at 2:13 PM ཨ་ཕྱི་ལགས། རྒྱ་བ་ཀརྨ་པ་ནག་རིལ་ཡིན་ནའང་འདྲ་སྐྱ་རིལ་ཡིན་ནའང་འདྲ་གང་ལྟར་ཕྲག་དོག་མེ་ ལྟར་འབར་བའི་དྲ་འབུ་ཁྱེད་རང་ལྟ་བུས་ཁོང་གི་སྐུའི་བ་སྤུ་གཅིག་ལའང་དོ་བའི་རེ་ བ་མེད། ཁོང་གི་མཛད་འཕྲིན་ནམ་མཁའ་ལྟར་རྒྱས་ཤིང་དད་ལྡན་འཁྲི་སྟོང་མང་པོས་དགའ་བའི་ཐལ་ མོ་བརྡབ། དད་པའི་མིག་ཆུ་ཞུར། དུང་བའི་བསྟོད་བསྔགས་བྱེད་བཞིན་པར་ཁྱེད་རང་མ་དགའ་ནས་ཕྲག་དོག་གི་ཤི་སོང་ནའང་ སྡུག་གྱོང་རེད། རྒྱལ་བ་རིན་པོ་ཆེར་དབུ་བསྐོར་བརྫུན་ཞུས་ཟེར་ན་ག་རེ་རེད། རྒྱལ་བ་རིན་པོ་ཆེ་དབུ་འཁོར་ཆོག་ཆོག་མ་གཏོགས་ཁོང་རང་རང་ལ་ཐག་དཔྱོད་གནང་བའི་ ནུས་པའམ་གནམ་དཔྱོད་མེད་པ་རེད་གསུང་གི་ཡོད་དམ། འབྲི་གུང་བཀའ་བརྒྱུད་པ་ལ་གྲུབ་ཐོབ་མང་པོ་ཡོད་ན་དགའ་བའི་རྗེས་སུ་ཡི་རང་ཞུ་བ་ ལས་ཕྲག་དོག་འགྲན་སེམས་ནམ་ཡང་མེད། ཀརྨ་པ་མཁྱེན་ནོ།
   
10. # 10 བན་དེ་བ། Says:
    September 11th, 2013 at 2:22 PM བོད་ཀྱི་སྤྲུལ་སྐུ་ང་ཡིན་ཁོང་ཡིན་ཟེར་མཁན་མང་དུ་ཡོད་ཀྱང་གནའ་ནས་ད་ བར་དུ་བོད་གངས་ཅན་ལྗོངས་སུ་ས་གྲགས་གནམ་གྲགས་ཀྱི་སྤྲུལ་སྐུ་ནི། ཏ་ལི་བླ་མ་རིམ་བྱོན་དང། པཎ་ཆེན་རིམ་བྱོན་དང། ཀརྨ་པ་རིམ་བྱོན་ལས་སྐད་གྲགས་ཆེ་བ་ཞིག་བྱུང་ཚོད་མི་འདུག གང་ལྟར་ཀརྨ་པ་མཆོག་གི་མཛད་འཕྲིན་རྒྱས་བཞིན་པའི་མཛད་བཟང་ལ་མི་བཟོད་པའི་ཕྲག་ དོག་ཅན་གྱི་མིག་རིལ་ཐང་ལ་ལྷུང་ཀྱང་སྡུག་གྱོང་རང་རེད།
    
11. # 11 བཀྲ་ཤིས་དོན་འགྲུབ། Says:
    September 11th, 2013 at 2:36 PM ཀརྨ་པ་ཞྭ་དམར་པ་དེ་ཚོར་ཇུས་གཏོགས་མང་པོ་བྱེད་ཁོམ་མི་འདུག་ཀྱང་། བདེན་དོན་ཞིག་ཤེས་འདོད་ཀྱིས་རྐྱེན་བྱས་ཏེ་སྟོབས་དགའ་གཡུལ་རྒྱལ་གྱིས་བརྩམས་ པའི་(གཏམ་སྣ་ཚོགས་ཀུན་རྟོག་གི་རི་མོ།)ཞེས་པའི་དེབ་དེ་ཐེངས་འགའ་ཀློག་དགོས་ ཐུག་བྱུང་བས། ཨྱོན་ཕྲིན་ལས་རྡོ་རྗེ་ཟེར་བ་དེ་དོན་ངོ་མ་ཅི་ཞིག་གི་སྐྱེ་བ་ཡིན་མིན་དེ་ཡག་ པོ་བྱས་ནས་ཤེས་བྱུང་བ་མ་ཟད། སྟོབས་དགའ་གཡུལ་རྒྱལ་ཁོ་རང་ཡང་ར་བ་གང་ཞིག་ལས་ཐར་ཐུབ་མེད་པའི་རང་མཚང་དེ་གསལ་ པོར་རིག་བྱུང་།
    
12. # 12 ཨ་ཕྱི་ཆོས་སྒྲོན Says:
    September 11th, 2013 at 4:50 PM ཨ་ཕྱི་ང་ཡང་ཐོག་མར་རྒྱལ་དབང་ཀརྨ་པ་ཟེར་དུས་དད་པ་འདྲ་ཞིག་ཡོད། དེར་མ་ཟད་སྐུ་གོང་མའི་ཞལ་ཆེམས་ལྟར་༧གོང་ས་རྒྱལ་བ་རིན་པོ་ཆེས་ངོས་འཛིན་གནང་ བ་རེད་ཟེར་བ་ཞིག་གོ་སོང་བས་དད་པ་ལྷག་ཏུ་སྐྱེས་སོང་། འོན་ཀྱང་རྗེས་ནས་སྟོབས་དགའི་དེབ་དེ་བཀླགས་པས་ཞེན་པ་རྒྱུ་མའི་མཐིལ་ནས་ལོག་ སོང་། ཇི་ལྟར་བྱས་ནས་ཀརྨ་པ་སྐུ་ཕྲེང་བཅུ་བདུན་པའི་མིང་དེ་བཟོས་པ་ཡིན་མིན་ས་རིས་ ཐང་གསལ་ཆགས་སོང་། དེར་བརྟེན་འཛམ་གླིང་འདིར་སྤྲུལ་རྫུན་ཟེར་རྒྱུ་ཡོད་ན་སྤྲུལ་རྫུན་ནང་གི་ སྤྲུལ་རྫུན་ཟེར་བ་དེ་ཡིན་ས་རེད་བསམ་སོང་། དེར་མ་ཟད་བླ་མ་ཆུང་ཆུང་ཞིག་གི་སྤྲུལ་སྐུ་ཡིན་ན་རྫུན་མ་ཡིན་ན་ཡིན། བླ་ཆེན་དེ་འདྲ་ཞིག་ལ་སྤྲུལ་སྐུ་རྫུན་མ་བཟོ་དགོས་ན་ད་དངོས་གནས་བོད་སྤྱིའི་ བསྟན་སྲིད་ཀྱི་མགོ་ལ་ཆུ་བླུགས་པ་མ་རེད་དམ།
    སྐྱེས་ཙམ་ཉིད་ནས་འགྲོ་མགོན་བཀའ་བརྒྱུད་པ༎
    དུམ་བུ་གཉིས་སུ་བཏང་བས་མ་ཆོག་པར༎
    བྱང་ཆུབ་ཤིང་དྲུང་དགེ་སློང་སེར་བོ་ལ།།
    སྐུ་འགྱེད་བཅད་ནས་དགེ་འདུན་དབྱེན་དཀྲུག་བསླང་༎
    ཞལ་ཆེམ་ཡི་གེ་རྫུན་མ་རེད་འདུག་ཅེས༎
    རྒྱ་གར་གཞུང་གིས་གསར་འགོད་གསར་བསྒྲགས་བྱས༎
    བདུད་ཀྱིས་དངོས་སུ་བྱིན་གྱིས་བརླབས་སོང་ཞེས༎
    བདུད་མོ་ཆོས་རྗེས་ཡིག་ཐོག་བདེན་དཔང་གནང་༎
    འབུམ་དམག་གཅིག་ལས་ཐུ་བར་གྲགས་པ་ཡི༎
    སྟོབ་དགའི་ཀུན་རྟོགས་རི་མོའི་སྡུག་ཡུས་ཀྱིས༎
    རྡོ་རྗེ་གདན་དུ་སྔགས་པ་ཉམས་ཆུང་རྣམས༎
    དབྱུག་པས་བརྡུང་ནས་ར་སྐོར་ཕྱི་ལ་ཕུད༎
    འཁོར་གྱི་ལག་ནས་རྒྱ་ནག་ཁྲུན་ཏུའུ་ཡི༎
    བདེ་སྲུང་དཔོན་པོའི་ཁ་པར་ཡང་ཡང་ཐོན༎
    ནག་ཚོང་བརྒྱབ་ནས་རྒྱ་གར་དབུས་གཞུང་གིས༎
    སྒོར་མོ་ས་ཡ་བརྒྱད་ཅུ་གཞུང་བཞེས་བཏང་༎
    ཞྭ་མོའི་ཆེད་དུ་མཚུར་ཕུའི་དགོན་ནས་བྲོས༎
    བཙན་བྱོལ་གཞུང་གིས་ཆབ་སྲིད་ལག་ཆ་བྱས༎
    ལས་ཀ་གཞན་དག་གང་ཡང་མ་འཇོན་ནས༎
    རྡོ་རྗེ་གདན་དུ་བསོད་སྙོམས་འཁྲབ་སྟོན་བཙུགས༎
    ཅི་འདྲའི་སྔོན་མེད་སྤྲུལ་སྐུ་ཡ་མཚན་ཞིག།
    ཅི་འདྲའི་སྔོན་མེད་སྤྲུལ་སྐུ་སྨོན་ལོག་ཞིག།
    ཅི་འདྲའི་སྔོན་མེད་སྤྲུལ་སྐུ་བླུན་པོ་ཞིག།
    ཅི་འདྲའི་སྔོན་མེད་སྤྲུལ་སྐུ་གཏུམ་པོ་ཞིག།